تكفون ابغى مشورتكم

[a-s-i3]

أنا شريت محول كهرباء على الولاعه والبطاريه تايوان 300 وات لكن ماشغل لمبة نجفه والاب توب يشتغل لاكن المواس مايمشي بسرعه تتعب علشان تحرك الماوس والتلفزيون مايشتغل 14 بوصه . شاريه ب 175 ريال ورجعته في نفس اليوم للمحل ولاخذت منه اي نوع ثاني خفت يلعب علي يقول خذ 500 وات اقوى وش رايكم ابي افضل محول واصلي ويشغل الاشياء هذي تكففففففففففون:l

[سطام vip]

بسم الله الرحمن الرحيم

السلام عليكم ورحمة الله وبركاته

اخوي الله يسهل أمرك

اولا لازم تعرف قدرة المحول لانها تختلف من جهاز لجهاز

مثل اليوكوهاما الياباني يعطي طاقه مستمره 300وات

وطاقه قصوى لبدايه التشغيل 600 وات لفتره بسيطه

ثانيا لا بد تعرف هل الجهاز الي بتشبكه على المحول مناسب للاستعمال

مع المحول والا لا (لازم تعرف الوات حق كل جهاز)

وهالرابط بيفيدك ان شاء الله موضوع قديم لي

http://www.mekshat.com/vb/showthread.php?t=175961

واخوي النجف المنزلي الكبير 40 وات

والصغير تقريبا20 وات يعني يشتغل بالراحه

والابتوب تقريبا 90 وات هذا 120 وات

والتلفزيون تأكد منه وتعرف ان شاء الله انها تشتغل او لا

وبعدين نصيحه صغيره اولا شغل التلفزيون بعد كذا الاجهزه الاصغر

لان التلفزيون يحتاج لطاقه كبيره علشان يبدا في العمل

والمحول عندك على الولاعه افضل من على اصابع البطاريه

وهذا رابط بيفيدك لتحويل المحول من الولاعه للبطاريه

لان البطاريه افضل واقوى

http://www.mekshat.com/vb/showthread.php?t=175865


المحولات اشكال وانواع واهي على حسب حاجتك

اذا اشياء خفيفه مثال - لمبات و لابتوب او تلفزيون صغير عليك باليوكوهاما

سعره 145 ريال وضمان سنه تلاقيه في برق الحيا والسنيدي (بعد التأكد من الاجهزه الي عندك)

وفيه هالنوع افكر اشتريه ولقد تم طرح موضوع لاخوي سامي العنزي على هالرابط

http://www.mekshat.com/vb/showthread.php?t=209043

وبتلاقيه في نفس المحلات المذكوره سابقاً

وبالتوفيق للجميع

واي استفسار انا بالخدمه

[a-s-i3]

مشكور اخوي سطام والله يرضى عليك على الشرح الاكثر من وافي وانا نصحوني باليوكوهاما ولكن حبيت أخذ رايكم لعلمكم أكثر مني بهذي المواضيع والله يعطيك العافيه كفيت ووفيت والنجفه والله ما أشتغلت الا عند المحل كبيره .