استفسار عن خيمة التميمي

[mmo]

السلام عليكم
قريت اكثر من موضوع عن خيمة التميمي في هذا المنتدى واخذت لفه على المحلات واعجبتني الصراحه انها مناسبه لي وتوفي بالغرض وزيادة.
ورحت للغرابي على كلام الاخوان ولقيت فيه اثنين تميمي :)
واحد اسمه عبدالمحسن التميمي وعنده فرع في الغرابي وايضا لهم موقع كبير في على طريق القصيم جمب الهلال الأحمر
وهذا عنده الخيمه تتكون من طبقتين مخيوطه و ميزتها ان العمود الأوسط عريض واعتقد هذا اقوى للخيمة لكن وزن العمدان
والثاني محل برضو في الغرابي وما عنده فرع ثاني اسمه التميمي بس وعنده الخيمة تتكون من ثلاث طبقات مكبوسه موب خياط مثل الاول والعمود الأوسط مثل العمدان اللي بالوسط يعني موب عريض.

بالنسبه للاخوان اللي لهم خبره او اللي جربو وش رايكم اي المحلين افضل اخذ طبعا كلهم نفس السعر.

شاكر لكم تعاونكم مسبقا
:)

[لاتكب البيالة]

الثاني هو اللي عليه العلم

[-MOHAMMAD-]

اللي عندي ام ثلاث طبقات الطبقة الاولى القماش والطبقة الثانيه للحماية من المطر الثالثه بطانة

على ما اعتقد اخذت 3*3 بـ 650 اذا ماني غلطان

ممتاز جدا جدا جدا وانصحك تاخذ 4*4 اذا فيه
وفيه مشكلة بسيطة جدا جدا جانا امطار اذا كان متوسط ما يدخل المطر اذا كان قوي يدخل مع بعض اماكن الخياطة فقط قطلاات بسيطة لا تذكر وحاولت ادور حل حطيت شطرطون يمشي الحال او على كلام الاخوان شمع ما جربتها

[mmo]

مشكورين يا شباب
اخوي محمد هذي اللي اقصده اللي فيها الطبقه الثانيه " سوداء " للحمايه من المطر وعلشان تظلم الخيمة. بس العمود الاوسط حقه احس انه ما يشيل الخيمه ( نص بوصه ) والا عادي. مع ان فيه ميزه انه اخف.
وانا ابي اللي 3*3 طبعاً، وسعرها مثل ما تفضلت عند الاثنين 650

[خيال النعام]

أخي الكريم
عندي ثنتين من خيام التميمي الأوله طبقتين حلوه ورائعة ولكن مع المطر ما تجمل
اما الثانية الظاهر انها ثلاث طبقات او انها طبقتين ولكن نوع القماش الخارجي يختلف ما يتشرب الماء اي ضد المطر وهي التي صورتها لك


وجربتها مع المطر رائعة .... ما شاء الله


تم شراء اللي ما هي ضد المطر بواسطة الهاتف ثم شحنها الى الدمام بواسطتهم
وطالبها ضد المطرو لكن ويبدوا ان الباكستاني ما فهم كلامي !سعرها 600 قبل 5 سنوات


تكفى إذا مريت عليهم صورالخيام وبذات بطائنها و جيب لنا ارقام تلفوناتهم ( ولا عليك امر )



http://www.mekshat.com/pix/upload03/images143/mk113467_hg.jpg

[mmo]

اخي خيال النعام
رقم اللي عنده طبقتين 4065684 واللي ثلاث طبقات ضد المطر حسب كلامه 4011470 . وكلهم عندهم الوان تختلف عن اللي في الصوره وحسب كلامهم ان كل مره تجي دفعه حسب ما يسويها المصنع.
ووانا ما زلت انتظر الجواب بخصوص العمود الاوسط لاني كنت ابي اخذ الثلاث طبقات ما ردني غير العمود الي في الوسط احس انه ما يشيل الخيمه!! اتمنى الافاده من الاخوان اللي جربو

[عصاقيل الدخله]

هلا بك يالغالي
الخيمه تم شراءها قبل سنتين بسعر 650 وهي حلوه مره خاصه اذا حطين رواق من عند الجهه اللي فيها المضله تطلع خيال
بس فيها عيب واحد وهي على قولتك العمدان حقتها .. تتحمل بس لو تغيرها بشي اقوى يكون افضل ،،،