الحويمه او الحوامه ( منافعها واضرارها للطير ) وطريقة الهدد عليها

[بعيد الهقاوي1]

بسم الله الرحمن الرحيم

حبيت اشارك في موضوع مهم بالنسبه للصقاقير

وهو عن الحويمه او الحوامه وهي نوع من انواع البوم يجي مهاجر اوقات عبور الحبارى

ويتواجد دايم في ظلال الرمث والعاذر وفيه بعض الصقاقير يهدون عليها طيورهم وماتتعدا مكانها ابد

لما تلقاها الساعه سبع الصباح وترجع لها العصر تلقاها بنفس شجرتها وماتطير الا بالليل ..

منافع الحويمه هي :

1_ انها تعلم الطير للارتفاع .

2_تبيّن الطير الشجاع

3_ تعرف ان طيرك يهد على الحبارى والا لا اذا هي مقفيه بالذات وطلبها هذا دليل انه يعرف الحبارى

لكن اضرارها :

1_انها تتماسك مع الطير وفيها مخالب ولما يعلقها الطير تحاول انها تدخل مخالبها في قنيصا الطير

والطير الغشيم تذبحه على طول

2_ بعض الطيور لما يسلم من الحويمه ماتقتله وتصوبه صواب من بعدها مايهد على الحبارى ولا الحويمه.



وطريقة الهدد عليها : تخلي واحد من خوياك يطيرها ويخليها ناطحه الهوا على بعد كيلو واقل شي نص كيلو

وتكون انت في مكان مرتفع او موازي لها عشان الطير يقدر يآخذ مجال بالارتفاع

ولما يطقها الطير تصير هي اللي تلحقه والطير يروح عنها ويشر ذنيباه ويرجع لها ويطقها وبعدين هي اللي

تلحقه ويتحاوم هو وياها يعني مايحتاج تطرد وراهن هن اللي يتطاردن فوق ماعليك سوا التثبيت

اذا راحت مع الطير بأرتفاع بعيد واذا صادها الطير اول مايطب هو وياها الارض لازم تجيها وتقطع راسها

وبعض الطيور الذكي مايعلقها لين يذبحها بالطق ..

وانصح اخواني اللي عندهم جيرات فروخ لايهدون عليها ابد ابد لان الجير مايعرفها وان جاها بيمسكها على

طول وان مسكها بدفاشه خلاص اعتبره ميّت ..

اتمنى ان الموضوع يفيد لو نسبة قليله من الاخوان بالذات الجدد على الصقاره .. كان ودي اجيب لها

صوره بس مالقيت اتمنى أي واحد عنده صوره لها يحطها بالموضوع ..

وتقبلو تحيات بعيد الهقاوي ..

[تـقوى الهجـر]

السلا عليكم

يعطيك العافيه وماقصرت يالذيب

[راعي شوق]

يعطيك العافية اخوي على الموضوع
ولكن عندي استفسار هل هي الكندرة والا غيرها

[النمر الأشهب]

السلام عليكم ورحمة الله وبركاته وبعد:-
بالنسبة لهدد الطير على الحويمة أعتقد من وجهة نظري إنه خطأ كبير يقع فيه كثير من الصقاقير والسبب كما ذكرت يا أخي إحتمالية موت الطير بسبب البوم وهذا من تعذيب الطيور.
أعتقد لو تفك طيرك على نورس أو بط أو أي طائر غير جارح أفضل.
أما بالنسبة للأرتفاع يا أخي ما فيه أحسن من حمام الزاجل وحمام الدحل والنورس

[بعيد الهقاوي1]

الله يعافيك ياقاهر الحراره ومشكووور على المروررر

[بعيد الهقاوي1]

الله يعافيك ياراعي شوق

والحويمه ماهي الكندره

الكندره تجي بالغيران وماتهاجر واذا تبغا تمسكها ترا مسكتها بسيطه فيه طريقه لها تطردها بالموتر

يمكن اربعه كيلو بس تخليها ماتوقع ولما توقع انزل عليها وامسكها بيدك ماعاد تطير

لكن الحويمه مهاجره ولياقتها فل وتختلف بالشكل عن الكندره اصغر شوي

[بعيد الهقاوي1]

يامرحبا يالنمر الاشهب

بالنسبه للزاجل اذا الارض وعر ماتهد عليه ابد يضيّع طيرك

لكن الحويمه وانت واقف مايحتاج طرد

بعدين الحويمه لاصار طيرك شاطر تستانس بالذات آخر النهار تهد عليها مايحتاج دعو

ولا تشتري نورس ولا تفك حمامه ..

[الحزم الأسود]

يعطيك العافيه

[ابوسعد 3]

يعطيك العافيه ...

[طير الزلفي]

الله يعطيكم العافية على المعلومات القيمة
أخوكم ابو فارس

[صقر قحطان505]

مشكور وما قصرت وهي مامنها فايده توذي الطير واحيانا تذبحه ومشكور تقبل تحياتي اخوك صقر قحطان

[مشبر البران]

اللهيعطيك العافية

[بعيد الهقاوي1]

الحزم الاسود الله يعافيك وشكرا على المرور

[بعيد الهقاوي1]

ابوسعد الغاط الله يعافيك يالغالي

[بعيد الهقاوي1]

طير الزلفي الف شكر على المرور

[بعيد الهقاوي1]

شكرا يا صقر قحطان على المرور

اللي طيره شاطر بيهد وماعليه والا الشرود اللي طيره شرود بيسدح من الاعذار

[بعيد الهقاوي1]

مشبر البران

الله يعافيك وشكرا على المرور

[هواي داورد]

جزاك الله ألف خير ...

موضوع رائع جدا ...

موضوع يفيد الناس عامه وليس الصقاقير خاصة ....

أنا ماقد شفتها .... عندنا بوم أقرب مالها سوداء وتجي تحت الرمث

ومن وصفك أن لونها لون الحبارى ...

فيه البوم الكباااااااااااااااااااااار يشبه الحبارى ( بس مافيه امل نهد عليه )

أما الصغار ماقد شفتها وإن شفتها ماأعرتها ذاك الأهمية

وهدد الطير على شي لايمكن أكله هذا منافي لديننا الكريم ( إلى إذا كنت تبي تعشيه )

وشكرا

أخوك : هواي داورد

[al_sanea]

الله يعطيك العافية ومشكور على المعلومات الطيبه

[راعي منصور]

السلام عليكم اخوي بعيد الهقاوي هديت على الحويمه اكثر من شعر راسك وفيه فرق بين الحويمه الكندره الكندره ماتحوم وسهله للطير لاكن افزع اول مايصيد واذا اصله قرناس هوى ثرى ماعليه شر والحويمه عسره ومب كل طير يصيدها واكثر الطيور الي تصيدها من خلال تجربه قرانيس الهوى اكثرها جيده فيه واتمنى اني تفعت شوي

[رأعي الخرشه]

السلام عليكم ورحمة الله وبركاته
الله يعطيك العافيه موضوع رائع جداً بصراحه
نعم ياراعي منصور كلام صحيح الخلوي وبس
وبصراحه الهدد على الحويمه شي عجيب بس يكون عندك
( شاهين خلويه او حر خلوي )
الطير الخلوي يعرف شلون يمسك الحويمه ماهو غشيم
اقول ياسلام على الطير اذا صار مع الحويمه في ارتفع وتشوف الطير كيف يضربها اخ اخ على شاهين خلويه في هدد على حويمه ياسلام
تقبل مروري

[صارو1]

ينطيك العافيه خيو

[نمر الصحراء]

مشكور اخوي
انا اشوف ماتهد طيرك لانه تاذيه
اوصارت معي نفس السالفه http://www.up-00.com/s2files/rpp43636.gif

[ALAMIR]

يعطيك العافيه
حصلت الموسم اللى طاف
ولا اهتميت لها
الصراحه راحه تخوف
ما تسووي عليك تأذئ طيركـ

[البراء آل عثمان]

يعطيك العافيه معلومه جميله لكن خطيره

[بعيد الهقاوي1]

يامرحبا ياهاوي داورد

هي تصلح عشا للطير ...

وان كان ماعندك ملواح تقدر تآخذ جنحانها ملاويح

يعني هي كل شي فيها زين ههههههههههههههههههههههههه

الا الاكل وعلى فكره نسيت اقول شي ترا القرانيس الخلويه تهد عليها يوم كانت وحوش في ديارها

يعني اللي عنده خلوي او خلويه شيهانه تهد عليها بالراحه

[بعيد الهقاوي1]

al_sanea

الف شكر على المرور يالغالي

[بعيد الهقاوي1]

ياراعي منصور

اول شي مسيك بالخير

الكندره اصلا ماتسوا تهد طيرك عليها لانها ماتطير اصلا ولا هي سريعه بس تعور الطير على الفاضي

الحويمه تآخذ الطير معها للنجووووووم مرات تدخل هي وياه بالسحاب اذا صمل الطير معها والا كانت شيهانه

والله انها بالدربيل يادوووب تبين فوق السحاب وانا هاد عليها كثر شعر راسك ورجليك ويديك وشنبك ولحيتك هههههههههههههههههههههههههههههههههههههههههههههههههه ههههه وخابرها وخابر الكندره

[بعيد الهقاوي1]

يامرحبا والله ياراعي الخرشه والله بصراحه الهدد عليها شي خياااااالي

وحرام والله نشيل طيورنا سنتين وثلاث مايحصل هدد على طير برّي الا مرتين والا ثلاث

كل هدده نشتريه بط وحمام وخساير وتعب خله على الاقل يهد على شي وحشي مثل الحويمات

وان مات الله يرحمه الطير بداله طير ..

[بعيد الهقاوي1]

صارو 1 الف شكر على المرور

[بعيد الهقاوي1]

نمر الصحراء مشكور على المرور يالغالي

وطير عن طيرك يفرق

[بعيد الهقاوي1]

الامير الله يعافيك

ومشكور على المرور

افا يالامير تخاف من حويمه ؟ ؟ ؟ ماهي الهقوه فيك ههههههههههههههههه

[بعيد الهقاوي1]

البراء آل عثمان شاكر لك مرورك يالغالي

[قرناس شماالي]

الله يعطيك العافيه على النصاح وجزاك الله خير

[ALAMIR]

الامير الله يعافيك

ومشكور على المرور

افا يالامير تخاف من حويمه ؟ ؟ ؟ ماهي الهقوه فيك ههههههههههههههههه

من خاف سلم ههههههههههه
خاصه ان كانت طيورك غاليه عليك :)

[الفياض***]

الله يعطيك العافية ومشكور على المعلومات الطيبه

[خأإألد]

الله يجزاك خير ماقصرت لو فيه صور بعد يا سلام بس
اله يعطيك العافيه على العموم

[راعي غنام]

السلام عليكم


بالنسبه لي اختلطت الاسماء واول مره اسمع عن الحويمه


انا عندي طير اهده على الكندره ويلحقها بترابيع النجوم


ماشالله عليه بس وهي بالارض انصحكم لحد يهد عليها لانها


تاخذ وضع بحيث تجعل اكفوفها امناطحه الطير والله انها


اتصير اعلوم اما بالنسبه للنوع الثاني من البوم وهي القطره


وتكون اكبر من الكندره ولونها ابيض وما ترتفع هذي اطردها


بالسياره لين تخر على وجهها وكتفها والزق اكفوفها بلزاق


(تيب ) وهد عايها وهي طايره كنها احباره وتمتع بالهدد


اسف عالاطاله

[عاشق التوام]

أخوي الله يعطيك العافية أحترم رأيك ورأي غيرك ولكن تعليم الطير على طير جارح و يأذيه هذا بحد ذاته غلط وشرعاً مايجوز ولاتنسى يمكن الطير تتغير علوم هدده ويصير يذل من أي شي أكبر منه حجم. فلنفترض مانجح الطير بهداده وأصيب وش الفايده ؟؟؟

[بعيد الهقاوي1]

صياد سكاكا الله يعافيك وشكرا على المرور

[بعيد الهقاوي1]

الفياض شاكر لك مرورك يالغالي

[بعيد الهقاوي1]

خالد شكرا على المرور والله دورت صور لها بس مالقيت ان شاء الله القا وحده واصورها انا بنفسي وانزلها ..

[بعيد الهقاوي1]

راعي غنام انت مارحت بعيد عن كلامنا

والحويمه اغلب الصقاقير تعرفها وفرق بينها وبين القطره

والهدد يا اخي العزيز قلنا طايره طايره طايره ووضحت الامر هذا بالموضوع والردود والقصد من الهدد عليها

انها ترفع الطير

تآخذه معها للنجوم هذا القصد من الهدد عليها ..

[بعيد الهقاوي1]

ياعاشق التوأم صباح الخير

اصلا الصقور تهد عليها وهي بديارها وحوش قبل لانصقر فيها

وانا موضح للشباب ان الجير التفريخ وطيور التفريخ ماتنهد عليها لانها تعتبر مجازفه

اما اللي عنده خلوي والا خلويه ماعنده مشكله وحنا مانعلم الطيور عليها اصلا الطيور هي اللي تهد عليها

وقد صادتها بالفطره وامهات الطيور علمّن فروخهن عليها يعني ماجبنا شي جديد يالغالي

وان ماصادها الطير ماهو حسوفه اهم شي تآخذه معاها وترتفع فيه فوق ..

[عاشق التوام]

أخوي بعيد الهقاوي ممكن الخلوي مثل ماقلت لكن ماهو بأي خلوي ومهو بكل خلوي تعلم على الحويمات وماتدري سبحان الله لاصار اللي مايبيه أي صقار يصيرلطيره من أذى ومثل ماقلت أنت وان مات الله يرحمه الطير بداله طير ..هذا معقول؟؟؟ إذا إنك ماتبي تشتريله حمام أو نورس وتعلمه عليه تبي تضحي بطير قيمته أغلى من قيمة الحمام والنورس؟ وإن شاء الله إختلاف الرأي لايفسد للود قضية

[داااحم]

انا اتوقع ياجماعة الخير اتعلم اطير على الشراسه والقوة وكيفية صيد الطيور الاخرى بمرونه

[قناص ابن غنام]

ال مروري حويمه مو الكندره من قال انها تتعب لا طرتها4 كيلو هذيك الكبير ولا الحويمه تخفيها فالسماء لا هديت الطير عليها والطير الي يعرفها بصراحه يطربك فالهدد وتعلمها الرقيان وتشد عظلاته وتهقويه حتى على الحمام القوي امس هادين على خمس بس كان حر تعبن الطيور والصنعه له دور هي توجع الطير الغشيم بس خلك معه لا علك الطير واقطع راسه بسرعه ويعرف طردها بعدين وتقبل

[7or 100]

يعطيك العافيه

[@قرناص@]

معلومات مفيده ومهمه ,,

الله يعطيك العافيه ,,

وانا رئيي اذا الطير قرناس يستاهل من يعلمه ,,

ولا الفرخ غشيم وماتسوى يتأذى ,,

والسلام

[ابوعبدالله273]

عزالله ان هالحويمه سببت لنا بعض المشاكل
هي كانت كثرتها على ماظن قبل شهر ونص
ويجنك اجوال تحت الرمث
ومعنا طير خلوي يطلع عليها ويطلبها لعب فيناوقطعنا يوم يتل عليها

[حامد الحنيني]

صح لسانك...

[قرناس شماالي]

مشكور اخوي وجزاك الله خير

[~ V T A C ~]

تسلمـ يمناااكـ يالغالي ومااقصررت ~

تحيااتي لكـ ~

[Lance-501]

مشكور ماقصرت

[عاشق المقناص3]

مشكـــــــووووور

على هالموضوع

[صاحب نوماس]

السلام عليكم ورحمة الله وبركاته وبعد:-
بالنسبة لهدد الطير على الحويمة أعتقد من وجهة نظري إنه خطأ كبير يقع فيه كثير من الصقاقير والسبب كما ذكرت يا أخي إحتمالية موت الطير بسبب البوم وهذا من تعذيب الطيور.
أعتقد لو تفك طيرك على نورس أو بط أو أي طائر غير جارح أفضل.
أما بالنسبة للأرتفاع يا أخي ما فيه أحسن من حمام الزاجل وحمام الدحل والنورس
:good: :good: :good: :good: :good: :good: :good: :good:

[راعى شاهين]

والله الحويمه الهدد عليها ممتاز ويونس ام الكندره ام اذان مافيه طير يذبحها لانها مخالبها تقل مخالب عقاب تذبح الطير ام الحوامه لا عادى هالسنه هاد على ثلاث ويذبح الطير بس زين تفزعله للانها تشبص الطير بس يذبحها ولا هى خطره عليه بس ام اذان خطره بالحيل انتبهوا لاتهدون عليها بس بعض الطيور ياصاره طايره يلحقها ويطقها ويتنكس تركها

[القطاوي 2008]

يعطيك العافيه وماقصرت

[بعيد الهقاوي1]

شاكر مروووور جميع الاخوان ونورتم الموضوع

[ولد مساكن]

السلام عليكم و رحمة الله تعالى و بركاته
ألف شكر
و الله موضوع مميز

[a1Ruwais]

يعطيك الف عافية على الموضوع

[فهد الدقباسي]

يعطيك العافيه