الشمعات بلاستيك مرمله وشلون تنظيفها

[سالم11]

الشمعات بلاستيك مرمله وشلون تنظيفها ومريت على الغرابي لقيت هاليمنى ولا تقضب منهم جاده نصابين ولعابين هل فيه طريقه يا الربع تنظيف الشمعه من الترميل

[سالم11]

سبق وان قريت موضوع لاحد الاعضاء جايب صنفره رقم 200 وبعض المواد وملمع الشمعه وطالع ممتازه ما تشوفون لنا الموضوع

[محمدالمسلماني]

قطن وملمع كارواكس في محلات الزينة
وغط القطنه بالملمع واحلى تفريكه

[هاوي خلا]

السلام عليكم ورحمة الله وبركاته :
اخوي العزيز/ سالم 11 تحيه طيبه لك ولاخواننا اعضاء مكشات .
تصدق منقطع عن كتابة مكشات لي مده والبركة فيك رجعتن غصب للكتابة .
المهم بالنسبة للترميل فيكفيه التلميع مع مكينة التلميع اسألني انا ، سبق ان رملن الشمعات البلاستيك حقات الموتر وقمت بتلميعها عند محل التلميع بالمعجون السايل حق التلميع يدهن البلاستيك بالمعجون ويلمعها بالمكينة اللي زي الصاروخ لها قماش يلمع البدي ويلمع الشمعات بعد ، يكرر العملية ثلاث اربع مرات ويصبحن مثل الجدد بس اهم شي انه قبل يلمعهن ويحط المعجون يغسل الشمعات زين و يصنفرهن بالصنفرة الورق الناعمة شوي لين يشيل الطبقة المرمله مره .
وراح تدعي لي .
ان كنت بالرياض فيه محطة بالسلي مخرج 16 وانت متجه للحرس بعد العثيم واتجاهك شرق بعد اشارة العثيم تمشي فيه اشارة ثانية قبلها شف المحطه يسار يلمع لك الشمعتين 40 - 50 ريال شغل حلو ان شاء الله يعجبك بس خلك واقف بجنبه علشان يشتغل صح .
واسف على الآطالة تعرف مشتاق للكتابة ههههههههه وزمان ما كتبت هنا .
دمت واعضاء مكشات بصحة وعافية ،،،،،،،،،
والسلام عليكم ورحمة الله وبركاته .
اخوك/ هاوي خلا .

[توتاري]

خذلك ملمع الدرع تلقاه عند زينة السيارات يـــالمنصور ولا خليجي//عند مقبرة النسيم

سعره 10 ريال وخذه واشترلك قطعة قماش بــ2 ريال

وابد فرك لين يعجبك شكل الشمعات وتبدا تلق