upma طبق هندي لذيذ جدا من أخت مبارك

[أخت مبارك]

http://www.mekshat.com/pix/upload03/images122/mk17809_besmallah.gif


اليوم جبت لكم طبق هندي وايد عجيب مشهور بالهند ويقدم في البوفيهات في وجبة الافطار
ويقدم بطريقتين بالشعيرية ( البلاليط) وبالسميد
اليوم انا بسويه بالسميد لان وايد عجيب وممكن تناوله في وجبة العشاء ايضا او بالرحلات
ويقدم للضيوف حزة العصاري والمغربية
ووووو

هذي صورة المقادير
كزبرة مفرومة شوية ورق كاري ست اوراق وفلفل اخضر حبتين نشقهم من النص وفلفل احمر
يابس ملعقة صغيرة ثوم وزنجبيل مطحونين وملعقة صغيرة حبوب الخردل بصلة صغيره مقطعة
جوانح فلفل احمر نص ملعقة صغيرة واللي مايحب الحار يستعمل الفلفل الاحمر الكشميري هو مب حار
ابدا ورشة بسيطة جدا من الكركم

http://www.mekshat.com/pix/upload03/images143/mk106353_111.jpg

نحمص كوب سميد عالنار شوي لين يتغير لونه شوي نحاسب لايحترق


http://www.mekshat.com/pix/upload03/images143/mk106353_666.jpg


نقلي حبوب الخردل اول مايسخن الزيت ونغطي الجدر عشان مايتطشر علينا
وريحته قوية جدا عفكرة
نخليه شوي عالنار ينقلي زين نص دقيقه وبعدين نضيف البصل وثوم الزنجبيل وورق الكاري
والفلفل الممجفف والاخضر
ونغطي الجدر ونخليهم شوي يتقلون مدة نص دقيقة

http://www.mekshat.com/pix/upload03/images143/mk106353_222.jpg

نضيف الفلفل الاحمر والكركم ونقلب شوي وعقب نضيف كوب ونصف فقط ماء ساخن والكزبرة والملح
نسيت اصور هالخطوة بس معليش تخيلوا اني صورتها

http://www.mekshat.com/pix/upload03/images143/mk106353_333.jpg


اول مايبتدي يغلي المرق نرفع الجدر عن النار ونصب السميد بالتدريج ونحرك
بسلك البيض بسرعه عشان مايتكتل
ونرجع الجدر على نار خفيفة جدا مدة ربع ساعة

http://www.mekshat.com/pix/upload03/images143/mk106353_444.jpg

وهذا شكله وهالطبق لمحبين الاطباق الهندية فقط والباقي يروح بعيد منااااااك

http://www.mekshat.com/pix/upload03/images143/mk106353_555.jpg

وهذا شكل الشعيرية اللي بنفس هالطريقة بس مو من تصويري لقيتها بقوقل لاختي الغالية انا مسلمة
عشان تشوفين شكلها لاني عطيتج المقادير وماوريتج صورتها وبالعافية

http://www.mekshat.com/pix/upload03/images143/mk106353_saveupma.jpg

[ياعين ابوي]

وعليكـــــــم السلآم ,,,


هههههه .. اي والله هالمره جبت قوووول :burnout2:


تسلم ادياتك على هالطبق الحلو ,, بسألك عيوني هذا الطبق شسمه في الهندي


علشان اذا رحت كوبرشندني طلبته وذقته :D


ماشفتك حطيتي ملح والا مافيه أصلآ ...


ومتى يتاكل أي حزه .. وشنو يقدم معه من أطباق مرافقه ,,


كثرت أسئله عليج << أدري:D


بس شاسوي هاذي أنا اذا عجبني شي كثرت أسئلتي :director:


والله يرزقك بالي تتمنين ومشكوره ياقلبي وننتظر جديدكـ ..

[زمن ماجد]

الف الف شكرررررررررررررررررررر أخت الرجااااااااااااااال

[أخت مبارك]

هلاااااااااااااااااااااااا الف مليون اختي ياعين ابوي نووورتي
قووول وجبتي الهدف هالمرة الحمدللة

تسلم اخوي فهد نورت مرحبتين

[مقناص 20]

ماشاء الله عليك اخت مبارك
دائما متنوعه ومواضيعك ممتازه وشيقه للمتابعه والتطبيق
الله يبارك فيك
وتسلم يدينك انشاء الله

http://img98.imageshack.us/img98/412/no27.gif

http://img694.imageshack.us/img694/2540/sign3b.jpg

[راايق تميم]

وعليكم السلام ورحمة الله


ماشاءالله تبااارك الله
شكله طبق شهي وحااااار :f

ودائماً اكلات الهند مذاقها طيب

مبدعه كعادتك في اختيار الاكلات

وننتظر المزيد من الاطباق التي لانعرفها

عافاك الله

[رعد الصحراء]

ماشاء الله ,, ماشاء الله

الله يعطيك العافيه اختي الكريمه اخت مبارك

إبداع بالتقديم وبالإعداد وبالنتيجه

بيض الله وجهك وماقصرتي

تم الحفظ وجاري التطبيق لهذه الوجبه اللذيذه

عليكم بالعافيه

تقبلي مروري

[أخت مبارك]

ايه ياخوي رعد جربها ترا امي تحب هالاكله وايد وايد وانا وياها واحين قامت الشغاله بعد تحبها معانا
وووووو صدقني ان شالله بتعجبك بس اهم شي تتبع نفس الخطوات
وشكرا للجميع لزيارتكم صفحتي منورين

[mzarkash2000]

الله يعطيك العافيه اختي الكريمه اخت مبارك

[أخت مبارك]

والله ياعين ابوي هذا الطبق ممكن يقدم بس مو بكل المطاعم بس لو تبين تاكلينه صج
تعالي مطعم اسمه فندرافند يوجد في المنامه ممكن تحصلينه هناك هو مطعم نباتي
انا كاتبه اسمه حبيبتي تقدرين تشوفينه بالعنوان اسمه upma ينلفض كذا اوبما
ومايقدم معاه شي ينوكل كذا لحاله يعني لاصلصلة ولاحاجه يتيم الابوين
ويقدم خاصة بوجبة الافطار
بس مطعم فندرافن اكلاته كلها تقدم في كل وقت بالافطار والعشا والغدا
نفس الاكلات يقدمها بكل الاوقات
وجنبه في مطعم اسمه سنترال هو نفس المطعم نباتي
واذا انتي ماتقدرين تجين البحرين
دوريه بمطاعمكم بالسعوديه
واذا ماحصلتيه ههههههه اجلسي بالبيت وسويه احسن لج عيوني

[سنـــــــــام]

لاوالله ماني رايح بعيد << من عشاق الأكل الهندي :)

ماشاء الله تبارك الله صور رائعه طريقة سهله بسيطة بس الطعم مدري عنه !! ؟؟

إلي أعرفه أن السميد للحلويات صح يأختي العزيزه ؟؟ !!

على العموم مشكورة وننتظر الجديد بفارق الصبر .

[أخت مبارك]

لاء يا خوي سنام بالهند خاصة السميد مو للحلويات يستهلكونه لاغراض متعددة
وجربها صدقني بتعجبك
نورت مرحبتين

[ابوعبدالعزيز2220]

ماشاء الله

تسلم الايادي

اختي الكريمه اخت مبارك

[االمغترب]

ما شاء الله تبارك الله صراحه تسلم الايادي

[سلطان عويد]

اخت مبارك ...
السلام عليكم
انا من اشد المعجبين بالمطبخ الهندي
واحبه كثير ..وهذا الموضوع جاي عل الجرح...

[واحد حساس]

يعطيك العافيه

[الناب]

أبدعتي أختي أخت مبارك
هذه الأكلات تعمل لدينا بشكل شبه دائم(ؤوبْ مى)


وهي لذيذه منكه بطعم ورق الكاري


وممكن تضيفين لها كاجو مع الحمسه يعطي طعم غير
وحبة طماط بعد الحمسه
جربي هذه الطريقه وإدعيلي
يعطي طعم وشكل




http://www.mekshat.com/pix/upload03/images143/mk106353_555.jpg



والبلاليط تسمى بالهنديseviya


لا تعليق اليوم بطلب من الوالده الله يطول بعمرها تسويها


أختي أكلاتك لها ذكريات عندي


موفقه خير
أخوك
بن فهد

[انا مسلمة]

ماشاء الله
طبخاتك مميزة ورائعة اختي
لي سؤال فيها ملح ولا لا
ربي يعطيك العافية

[الغزال الشارد]

مشكورة اخت مبارك الله يعطيك العافية وبيض الله وجهك على ترتيب الطيب...تحياتي لك

[ابوفهيدان]

دايما مبدعه
والتميز عنوانك
واحلي تصوبر

[أخت مبارك]

الناب صح كلامك تسمى بالهندي بالشعيرية savey upma
وممكن اضافة الكاجو وحبوب الماش الصفراء المقشرة في السميد اوبما
وشكرا لك على مرورك نورت

[أخت مبارك]

حبيبتي انا مسلمة الملح اكيد تحطينه فيها هي اكله مالحه وانا كاتبة
الملح من البداية بس مدري ليش انتي وياعين ابوي ماركزتوا ومالاحظتوا غريبه
ارجعي للمقادير من جديد بتشوفين الملح مكتوب اكيد فوق الصورة الرابعة

[أخت مبارك]

اخوي الغزال الشارد شفيك ماحطيت لي نجوم هالمره اشدعوه ماعجبتك الاكله
ومشكور ماقصرت على هالزيارة الطيبه
شكرا لك اخوي ابوفهيدان منور مرحبتين ويعطيك الف عافيه على مرورك الكريم

[انا مسلمة]

حبيبتي انا مسلمة الملح اكيد تحطينه فيها هي اكله مالحه وانا كاتبة
الملح من البداية بس مدري ليش انتي وياعين ابوي ماركزتوا ومالاحظتوا غريبه
ارجعي للمقادير من جديد بتشوفين الملح مكتوب اكيد فوق الصورة الرابعة


صادقة اختي رجعت للمقادير ولقيته
العتب على النظر اعذريني
الله يسعد قلبك
ويعطيك ماتتمنين

[دوسريه كول]

ماشاءالله
ابدعتي والاكلات الهنديه
احبها بس مو كلها لي اختيارات فيها وطبقك شكله
جونان
صحتين ع قلبك وعساك ع القوة
http://www.althkra.net/pic/ep/Bow13.gif

ودمتي بود

[العتين]

بسم الله ماشاء الله
الله يعطيك العافية
ابداااااااااااع

[فتى البر]

تسلم يمينج
وهذي الاكله
تسمى بالهند(اوبما )
ولذيذه وحاره وتسلم يمينج

[دهران]

الأخت الكريمة / اخت مبارك


:good: :good: :good: :good: :good:


http://www.mekshat.com/pix/upload02/images79/mk17809_taslamalaiady.gif


موضوع يستحق أعلى تقييم


وننتظر المزيد من هذه الطبخات الجميلة .


وتقبلي أعذب تحية .

[rahal-vip]

لا اله الا الله

[ابو عنقا]

دائما مبدعة يا اخت مبارك

بارك الله فيك

تحياتي