مشاهدة النسخة كاملة : طلب المشوره في الدعامه
aziz2727
18/12/2004, 01:21 PM
اخوان الكرام
السلام عليكم ورحمة الله وبركاته
ودي اشاروكم في تركيب الدعامه على جيب GX-R يوجد عليه دعامه من شد البلد نص الصدام ودي اركب دعامه عليها .
شورو علي افضل الاماكن الي تركيب الدعامه . وكذلك يكون وزنها خفيف وقويه في نفس الوقت . واذا احد عنده صور للدعامه بعد التركيب فلا يبخل علي .
بارك الله في الجميع وجزاكم الف اخير .....
:)
aziz2727
19/12/2004, 08:10 AM
يعني ما فيه رد يا الربع :confused: وش العلم ؟؟ محد ركب دعامه ؟؟
:) :)
ابي رد ولو جبر خاطر :type:
الدبل الثقيل
19/12/2004, 08:54 AM
فيه دعامة بها معلاق ذبيحة وفاس ومسحاة .. تفصيل وتركب على الشاصية.... وان شاء الله الأخوان يفيدونك أكثر.. وجزاك الله خير...
الجيب الربع
19/12/2004, 10:37 AM
أخي aziz2727
اذا كنت بالرياض فعليك بورشة المميز وفصل على كيفك أو فيه محل متخصص بمعدات سيارات الدفع الرباعي في محطة بنزين مقابل الفيصليه من جنوب
لك تحية طيبة
aziz2727
انا معي GX-R وودي أركب دعامة وان كان حصلت شيء زين بلغنا
عموما أنا مريت قبل فترة محل في الصناعية القديمة بالرياض اسمه جاز
محصلها بـ 350 بدون عده وبعده بـ 400
اللي عنده علم عن أسعارها يفيدنا يا أخوان ..
الجيب الربع :
وين مكان المميز يا طويل العمر , وكيف أسعاره ؟
رعد الجنوب
19/12/2004, 11:15 PM
السلام عليكم
اخوي عزيز
كما اشار عليك الاخ KIKOورشة جاز ورشة جديده شغله جيد وارخص الورش
وكذلك المميز شغله ممتاز وله خبره طويلة ولكن قارن سعره مع جاز
جوال جاز0555223390 راعي الورشة شاب سعودي
جوال المميز 0504457189 راعي الورشة شاب عربي
وانت قارن واختار الذي يناسبك
اجمل تحية
aziz2727
20/12/2004, 08:01 AM
اشكر للاخوان ردودهم وتجاوبهم .. وهذا والله علمنا بربع مكشات . تبادل خبارات ومعارف ..
جزالله الجميع الف خير وبارك الله فيكم ...
قرناس الكنوود
22/12/2004, 11:12 PM
أخوي عزيز يوجد محل بالصناعية اسمه جاز
عنده أنواع متعددة من الدعامات والشبوك وشغله نظيف ورخيص بإدارة أبو عبد الله كما ظهر رقمه فوق
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir