المساعد الشخصي الرقمي

مشاهدة النسخة كاملة : ارجو المساعده يا الصقاقير


D.R.A
12/01/2010, 07:19 PM
اسلام عيكم ورحمة الله وبركاته
اخواني عندي شيهانه ماترغب شي ابد
قصرت عيها باعلف وفكيتلها حمامه ومارغبتها
ربطة الحمامه بالوكر ولا رغبتها ولا تناظر فيها اصلا
وش الحل ياجماعه للعلم الشيهانه صايده معي قبل شهر كراوين
بعيد الهقاوي1
12/01/2010, 07:23 PM
لو ماقلت انها قبل شهر صايده كراوين كان قلت لك الشيهانه وحش

طيب الفتره الماضيه وين كانت تمسي هل هي موحشه وماتنقل والا كيف

وضح لنا اكثر عشان نقدر نفيدك يالغالي ومتى آخر مره دعيتها وش عمر الشيهانه

وش مقاساتها عطنا ادق التفاصيل لاهنت .. ياليت بسرعه
ربع خالي
12/01/2010, 07:23 PM
مرحبا أخوي :: طيرك اعتقد والله اعلم بأن فيه التهاب فرسه والعلاج هو الفلاجين ,, والحاله هذي مرت علي والحمدلله تشافى الطير بعد اربعة ايام ,,,

تقبل مروري
تحياتي
D.R.A
12/01/2010, 07:31 PM
مشكور الغالي على التفاعل السريع معي
عمرها بكر مقاسها 13 ونص
اخر مره دعيتها يمكن قبل 3 اسابيع بس كانت تنقل خلال الفتره الماضيه
الحين ماتجي على ادعو ابد
وتعلف على الدس
وكنها تهدل جناحها
D.R.A
12/01/2010, 07:32 PM
الربع الخاي مشكور الغالي وما قصرت
بس ياليت لو تعطيني تفاصيل اكثر طال عمرك عن العلاج وشكرا جزيلا
بعيد الهقاوي1
12/01/2010, 07:38 PM
طيب الشيهانه شلون كفختها

كفختها سليمه ؟

واذا كفختها سليمه ياطويل العمر ومافيها شي وصنعتها زينه

اخذ لها سمّانه وشف تهد عليها والا لا

يمكن الشيهانه متعوّره وماتقدر تعافر الحمامه لان مافيها نشاط

شف انت هالطرق وان شفتها مره ماتجي ابد

اخذها للمستشفى بأسرع وقت .
ربع خالي
12/01/2010, 07:38 PM
الربع الخاي مشكور الغالي وما قصرت
بس ياليت لو تعطيني تفاصيل اكثر طال عمرك عن العلاج وشكرا جزيلا


أبشر ونا خوك : الطير يوم تصيبه التهاب الفرسه تكون عليه علامات وهي ::

اولا يكف عن العلف , وإن علف تشوفه يقطع اللحم ويرميه ويوقف عن الاكل ,,
ثانيا تشوفه يدري (يدرج) كأن في فرسته أكل ,,

والعلاج هو الفلاجين : عباره عن حبه بيضاء تقسم لأربع أقسام وكل يوم تعطيه قسم مع لحم ,,,

اتمنى اني وضحتلك الداء والدواء

تقبل مروري
تحياتي
صقرالحروب
12/01/2010, 07:53 PM
اذا كان هذي سواته مع كل انواع العلف اللي يعلفها فالطير منغث او انه مصاب بالتهابات في الفرسة او قلاع وركز على القلاع لانه مايخلى الطير يعلف زين بسبب الالم اللي يسببه له ومن اعراضة الطير مايروبج مع ظهور روائح كريهة من فم الطير ولازم تعالجه بسرعه وعلاج القلاع هو حبوب افلاجيل 250 مل اول يوم حبه كامله وبعدين كل يوم نص حبه لمدة 5ايام قبل العلف وتجدها فالصيدلية البشرية تراها ان مانفعت الطير ماتضره بعون الله
حر سدير
12/01/2010, 09:22 PM
الله يجزاكم الخير
((السنياري))
12/01/2010, 09:56 PM
قلاع وقوي ومن قوه مافيها حيل تاكل وتهدل جنحانها

لاتدعيها ريحها وشتغل عليها كورس سبارتكس

افحص منضار عشان يبين كل شي

والله يستر عليها ويشفيها لك
صقار مبتدئ
12/01/2010, 10:01 PM
هذا و الله اعلم يا قلاع او التهاب الفرسه