الحنيذ بالمرخ

[غيمار]

اخواني الاحبة اعضاء وزوار منتدى مكشات ......... السلام عليكم ورحمة الله وبركاته

اولا ابارك للجميع هالامطار والخير عسى الله ان يعم بها البلاد ويسقي بها العباد

واكيد مع هالامطار والجو الزين يحتاج الكشات الى طبخه { تمخمخ } في الراس :looney:

ويغير من الروتين الدائم في طبخات البر اللي هي الكبسة او المضغوط .....

المرة هذي حبيت اشارككم في طبخة جميلة اتمنى انها ترتقي الى ذوقكم.....

في البداية يتم تقطيع اللحم قطع صغير على مقاس الكف

http://saggar111.jeeran.com/IMG_0294.jpg

ثم يوضع اللحم في صحن كبير عشان التمليح ويفضل انه يكون الملح زايد شوي

http://saggar111.jeeran.com/IMG_0295.jpg

طبعا من الظروري انه يطبخ على جمر زين وكثير

http://saggar111.jeeran.com/IMG_0298.jpg

ثم يوضع على الجمر المرخ يعني يفرش فرش { المرخ نبات ليس له اوراق غالبا يوجد في الشعبان قرب المدن}

ويضع عليه اللحم طبعا يراعى مقاس القدر في كمية الجمر والمرخ كما سيأتي

http://saggar111.jeeran.com/IMG_0301.jpg
http://saggar111.jeeran.com/IMG_0303.jpg

بعد ما يوضع اللحم على طبقة المرخ يغطى بطبقة اخرى من المرخ و لامانع من وضع فوقها قطع اللحم

اذا كان محيط الجمر صغير
http://saggar111.jeeran.com/IMG_0304.jpg
http://saggar111.jeeran.com/IMG_0305.jpg

بعدما يرص اللحم جيدا تجيب الله لا يهينك قدر كبير على حسب قطر الجمر ثم تكبس القدر على اللحم والمرخ

والافضل انك تستعرض بطولك وتوقف عليه على شان ينكتم اكثر ولا يطلع دخان المرخ
http://saggar111.jeeran.com/IMG_0309.jpg

بعدين تكون انت مجهز خياش فاضية مبللة مويه بس مو تبليل بالحيل وترصها حول القدر
http://saggar111.jeeran.com/IMG_0313.jpg
http://saggar111.jeeran.com/IMG_0315.jpg

وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخياش والاماكن اللي يطلع

منها دخان , ويبيلك تحط فوق القدر بلكه او حصاه وتحط حولها جمر افضل
http://saggar111.jeeran.com/IMG_0317.jpg
http://saggar111.jeeran.com/IMG_0321.jpg

بعد كذا ريح ودق سواليف مع ربعك واظرب من الشاهي لمدة ساعة ونصف الى ساعتين الا ربع

يكون باذن الله اللحم نجح وجاهز لكن انتبه لازم تنظف التراب اللي حطيته والخياش تنشال

او تخليها مطرفة بعيد عن اللحم

http://saggar111.jeeran.com/IMG_0331.jpg

ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة ويفضل

انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه

http://saggar111.jeeran.com/IMG_0334.jpg
http://saggar111.jeeran.com/IMG_0335.jpg

http://saggar111.jeeran.com/IMG_0337.jpg

الآن حياكم الله على عشاكم

http://saggar111.jeeran.com/IMG_0338.jpg
وان شاء الله انها تعجبكم ...وعلى فكرة مو شرط انك تحط مرخ لو وجدت بشام تراه افضل واطعم خاصة اذا كان

اخضر وجديد .... واتمنى انها جازت لكم .. وجزاكم الله خير على تحملكم لي

[أيمن]

الله الله ..
والله يا ريحة كسرت الشاشة ..
الله يهنيكم ومطرح ما يسري يمري ..
الحقيقة ما بعد هالوصف وصف، لكن بلا أبوك وي نجيب منه المرخ ولا "البشام!!!" وحنا بنجد ..
هل ينفع السعف كما قيل؟!

أكرر شكري لك ولك خالص
تحيتي

[معمرها]

......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



(((( غيمار ))))


على الطبخه


شـــكـــراُ

[غيمار]

مشرفنا الغالي ايمن حته وحده والله اسفرت وانورت

والله وانا اخوك جرب السعف يمكن تطلع طبخة زينة بس بشرط تعزمني :D

بالنسبة لمكان المرخ والبشام في الرياض ابشر بسعدك ممكن اسألك احد الاخوان واردلك[line]

اخوي الحبيب معمرها نورت الموضوع بتعليقك وتسلم

[غيمار]

اخوي الغالي ايمن ........

بالنسبة لمكان المرخ تراه موجود مثل ما قالي احد الاخوان انه خذاه من منطقة اسمها الجدية او الاوسط

المعذرة لاني من سكان مكة

[صقر]

شوقتنا يا غيمار

الصور ما تطلع عندي ... وزرت الموضوع أكثر من مرة اقول يمكن انهن طلعن .. وترست لهن ما فيه فايدة :j

[أيمن]

لا هنت ويعلك تسلم على الاهتمام أخوي العزيز غيمار ..

خالي صقر :) : الصور عندي هالحين محفوظة في الجهاز لكن كم تدفع؟ والا أقول جب لي حزمة "مرخ" وأعطيك صورة الطبخة وهي جاهزة بس :D ..

تحيتي

[رفيع الشان]

ماطلعت الصور لكن مانيب رايح الين تطلع الصور <= شب ناره :)

[غيمار]

والله يالربع سامحوني لان الصور عندي طالعة لكن لعلي باذن الله اشوف الاخوان المشرفين

واحاول فيها باسرع وقت :( :(

[حد السيف]

غيمار
السلام عليكم ورحمة الله وبركاته
مدري كن اللحم حري يحبة قلبك او سواكني لباني مربرب من الي يستاهل عافيتك
جعلة عافية يالغالي على قلبك

محبك اخيك حد السيف

[ابوفزعه]

يعطيك الف عافيه على التفصيل

وترى السعف مجرب ويمشي الحال بس ما اظمنه زي المرخ

اشكرك اخوي غيمار

[غيمار]

اخوي الغالي حد السيف ......

مشكور على مرورك والذبيحة حري صغير يحبه قلبك

=====================================

اخوي الحبيب ابو فزعه .......

اقدر لك على التعقيب ولعلي باذن الله اجرب السعف

[صقر]

اخوي غيمار

الحين طلعن الصور واثاريك طباخ وفنان طبخ مبلد :j

وخذ اسألتي:

1- لماذا نبات المرخ بالذات ( مع العلم اني لا أعرفه)؟
2- ساعتين ما ترى انها كثيرة شوي ( يعني لو كثرنا الجمر ما نختصر الى ساعة واحدة) ؟
3- مثل ما قال ابو فزعة وش رايك بسعف النخل الرطب.؟

تحملني لأني انتظرت ايام علشان اشوف (الحنيذ بالمرخ).

وأخيرا صورك رائعة وشغلكم مما يبدو لي مضبوط وشغل عدل.

وبارك الله فيك.

[رفيع الشان]

أخوي غيمار بيض الله وجهك وجزاك الله خير .....

اسمع يالحبيب بالنسبه للحنيذ فيه ناس قالوا انه يضر لأنه ينكتم بأول اكسيد الكربون الخارج من النار ... وهذا مبدأ عمل الحنيذ هو ان الدخان يطبخه الين تدخل ريحته داخل اللحم ....

والاصح انه يكون بحفره يعني تكون في البر تحفر نص متر والافضل يكون معك برميل وتضبط الشغل وبعدين تحط صاج وتدفن بالتراب علشان يكون مكتوم بشكل كامل ....


كذلك لاننسى ان هالاكله من افضل الاكلات عندي لاني غالبا ماافضل قدور الكاتم او الضغط

ولاننسى كذلك ذكر الحنيذ في القران الكريم (( بعجل حنيذ .... الايه ))



ودمتم برعاية خالقك يالغالي ...

[غيمار]

اخوي الغالي رفيع الشان ......

اشكرك على ردك ووجهك ابيض

وكلامك صحيح في انه الافضل يحفر له حفره ويطبخ في برميل لكن للعجل واللي ماعنده برميل هذي الطريقة اسهل

ويمكن سبب حلاوة الطعم اول اكسيد الكربون :) الله يكافينا الشر


لكن اكرر شكري لك على الرد والايضاح

[بن نويشر]

ما شاء الله .. تبارك الله ..

شغل تمام التمام ولا غبار عليه ويعطيك ألف عافية أخوي غيمار ولا يهون الأخوة .

في الحقيقة أحب أولاً بأن أسمي هذه الطريقة على أسم أخينا غيمار يعني تكون هذه الطريقة طريقة غيمار .
وثانياً هل لو أستخدمنا أعواد البقدونس الكبيرة بديلة للمرخ أو الكزبرة الخضراء مع العلم بأن لها راحة زكية . هل تعطي نفس النتائج ؟
أما ما يتعلق بأول أكسيد الكربون !! فهذا موجود في المشاوي والمضبي والمندي كذلك وأي شيئ له علاقة بالفحم مباشرة ، ويمكن التخلص منه بل من المفروض وجود السلطة الخضراء مع الطعام والأكثار من الخيار والفلفل البارد والخس والجرجير وبأذن الله يكون أول أكسيد الكربون لا ضرر منه والحمد لله رب العالمين .

[السمح]

هذا الشغل المتعوب عليه أخوي غيمار

أراد السميع العليم إني أطلع على هالموضوع قبيل الغداء :hot:

مما زهدني في غداء أم العيال ، وهات يا أسئلة : ليش ما جاز لك غدانا ؟

وش أنت آكل ؟؟ :director:

وكل هذا بسبب هالصور الحلوة والطبخة الأحلى من عضونا الرائع غيمار

سلمت وسلمت الآيادي

[غيمار]

اخوي سنيدي

اشكرك اخوي على المرور وتكفى يا اخوي لاتمدح زود تراني اصدق بعدين اروح فيها :dance: :hot:

وبالنسبة للكزبرة والبقدونس ما قد سمعت احد يستخدمها واتوقع انها تختلف عن نكهة المرخ

لكن لو تستخدم مساويك البشام تراها اطعم كثييير من المرخ خصوصا اذا كان خضر باوراقه

=========================
اخوي الغالي ابوتركي

والله يا اخي نسيت احط بالاعلان اللي وراه غدا اوعشا لايدخل :j

لكن لا تدري ام العيال ان السبب هي اكلتي ثمن تدعي علي :director: واروح فيها

لكن اشكرك اخوي على مرورك وتعليقك واسأل الله ان يزيدكما الفة ومحبة

[غيمار]

نزولا عند رغبة اخوي الغالي صقر ساقوم بسرد بعض التساؤلات اللتي كتبها وكنت قد اجبت عليها على الخاصة

لكن جزاه الله خير استحسن وضعها هنا ....... وهي بالنسبة للاستفسارات اللي كتبتها :

1- لماذا نبات المرخ بالذات ( مع العلم اني لا أعرفه)؟
المرخ لانه له طعم جميل في الطبخ واذا تعذر المرخ ممكن تستخدم البشام
اللي هو المساويك وتراه اطعم من المرخ لانه اكثر رائحة وماء

2- ساعتين ما ترى انها كثيرة شوي ( يعني لو كثرنا الجمر ما نختصر الى ساعة واحدة) ؟
انا قصدي ساعتين بالكثير والاهو ساعة وخمسة واربعين دقيقة ممتاز
وبالنسبة لكثر الجمر ما اقدر ااكد لك فيها

3- مثل ما قال ابو فزعة وش رايك بسعف النخل الرطب.؟
وايضا سعف النخل ما قد جربته وسمعت ناس كثير جربوه ويمدحونه
لكن يقولون مهوب مثل المرخ والبشام

[كايد]

لاهنت
والله يحرم وجهك ووجيه القراء من النار

[ابوهاجوس]

بعد التحيه:
مشكور أخوي غيمار على هذا الجهد
لكن عندي سؤال لوثقلت عليك أين أجد المرخ في مدينة الرياض قصدي في اي محل

ولك جزيل الشكر

[الربذي]

الاخ غيمار تسلم ماقصرت يابعدي والله انك طباخ مايحتاج واهل الجنوب مشهورين بالحنيذ
وماخليت ماشاء الله عليك لاحد سوال كفيت ووفيت

[قصيمي دب سريع]

ضبطته بس طلعت لونه اسود اللحمه
مو اسود اسود بس انصبغت من دخان المرخ
حتى واحد يقول طعم اللحمه تتن
عاد انا مادري وش السبب بس اقول احتمال ان المرخ يابس مو رطب رغم اي رطبته بالماء قبل احطه على النار

[ابوهاجوس]

الاخ غيمار ما رديت علي
أين أجد المرخ في مدينة الرياض (هل يباع في محل ) عنوان المحل وأسمه لوتكرمت.

[شاهي منعنش]

شكرا. هذادليل :heart: انك شقردي وماهر ..... سؤالي هل نارك حطب السمر ولا فحم

[المطلق]

تسلم يديك

والله يعطيك العافية

[الشامخ!!]

مشكووووووووووووور غيمار
على هالوصفه
بس!!!!!!!
الله يهديك
لعابي ساااااااااااااااااااال
نبي حنييييييييييييييذ!!!!!!

تحياتي!!

[عاشق النفود]

جميع الاخوه الاعظاء
السلام عليكم ورحمة اله وبركاته
انا جربت الطريقه لكن بدل المرخ استخدمت عبل الغضاء وكانت النتيجه شي خيالي جربتها باللحم والدجاج

[محب البر]

بسم الله الرحمن الرحيم
السلام عليكم ورحمة الله وبركاته

الغالي غيمار

مشكور على هذا الطبخة التي مع مضي الزمن لا تزال تسيل اللعاب

وجزاك الله خير

أبو مروان

[ابن طيبة]

طبخبة لذيذة باين من الصورة
سوية نفس البخة ولاكن بدل القدر قصدير

[adam06]

يعطيك العافيه على الموضوع ,سؤال يا اخوان هل المرخ هو نبتة العضو

"ساق بدون اوراق"؟


وشكراً

[rsarsa]

والله شي مممبدع و الى الامام

[خالد940]

قسم بالله انكم زاحفين ان كان الطعم مثل الشكل وش خليت جعلة عافية 0

[الجندي2005]

يم يم يم والله انك رهيب

[ع العمرو]

مشكوراخوي غيمار وهل جربت عسيب النخل ولكم تحياتي

[ع العمرو]

مشكور اخي غيمار

[دغــ أبومحمد ــيم]

ماشاء الله
و
يملى العافيه

[الزعيم 15]

يعطيك الف عافية

[نسناس ليل]

يعطيك العافيه اخوي غيمار بس عندي سوال يالغالي .. انا سبق شفت هالصور يمكن في مكشات او غيره ماني فاكر بالظبط مادري الموضوع منقول ؟؟ او خاص فيك ومني لك اطيب تحيه

[أبوسليم]

يعطيك العافيه اخوي غيمار بس عندي سوال يالغالي .. انا سبق شفت هالصور يمكن في مكشات او غيره ماني فاكر بالظبط مادري الموضوع منقول ؟؟ او خاص فيك ومني لك اطيب تحيه
http://www.mekshat.com/vb/showthread.php?t=169182&highlight=%C7%E1%D8%D1%ED%DE%C9+%C7%E1%C2%D4%E6%D1 %ED%C9