مشكله عويصه بالدتسن ارجوا الافاده

[أغرب إنسان]

بسم الله الرحمن الرحيم

السلام عليكم ورحمة الله وبركاته وبعد ،،

عندي مشكله في الدتسن موديل 2001 الا وهي

كفرات قدام مفحجات

تقولي كيف مفحجات ؟؟ مايلات بنسبه طفيفه بحيث ان الكفرات على طول تمسح من جوا

طبعاً غيرت الركب اللي فوق واللي تحت والمساعدات والمقصات واذرعة الدركسون وعمود التوازن

طبعاً رفعته طبيعيه يعني مو مرتفعه ولا نازله ارفع من الوكاله بـ 5 سم تقريباً

وكل شي

وهي هي

فأفتوني مأجورين

مع العلم انه دججتن بالحيل

واذا كنتم تعرفون ان به احد متخصص به ويعرف له زين

انتظر حلولكم

[_دربيل_999]

اخوي..
غريبة انك مغير كل ذالأشياء ولا تزال نفس المشكلة..لان بالعادة يوزن الفني كل شيء
اخوي يمكن اللي غير لك كل ذالأشياء غير متخصص..وأغفل الشيء الجوهري..

هناك مايعرف بالتقويم للعجلات وتوزن بالميزان المائي للتأكد من استقامتها..
وهذا التقويم عادتاً عن طريق المقصات لأن المقصات هي المسؤلة عن التفحيج للكفر,,

الأذرعة توزن اذا كان هناك ميول لأحد الإطارات ليس تفحيج مما يسبب رجة وحذفة يمين او يسار
والركب تغير للأمان من انكسارها اثناء السير..

اخوي سيارتك بحاجة اللى تقويم للإطارات وهذا عن طريق المقصات اعتقد المقص العلوي هو من يعدل الكفر وهذا في الامريكي وعتقد الداتسون نفس الأمريكي..

وفقك الله

اخوك
الروقي

[أغرب إنسان]

الله يعطيك العافيه ما قصرت وبيض الله وجهك

وننتظر الرد من بقية الاخوان

[FJ 40]

اخي العزيز
هل انت متأكد من الشاسيه الخاص بالسيارة هل هو سليم من الحوادث او الانعواجات فمثلا البعض ياتي بسرعه كبيرة ويرتطم في رصيف مثلا او حجر او شيء كهذا مما يسبب تغيير في مقرات المقصات او الاذرعه

لكن فيه محل كبير وله فروع كثير وهو شركة القحطاني ماري تايم وكيل اطارات كوبر موجود في الرياض بس ما ادري وين بالضبط هذولا ناس مختصين في الوزن والترصيص والاذرعه مختصيين من جد عندهم شغل غير طبيعي وانشاء الله يلاقون حل لسيارتك ..

واذا انعدمت الحلول روح بالسياره لوكيل نيسان وقل هذي السياره انتوا اللي صنعتوها صلحوها ...
مع امنياتي لك بالسلامه ولجميع المشاركين ...

[العاذر]

يبغالها وزن اذرعه عند العضيب ورقد بعدين نصيحه خل السياره شد بلد بمعنى لاترفع ولا تعبث

[العاذر]

يااخوني يقول لكم انها ارفع من الوكاله بخمسه سنتي يعني الرجال محورف في السياره شكله مرفعها وطبيعي مع الترفيع تفحج

[أغرب إنسان]

هو الخلل حتى من قبل الترفيع

وبالنسبه للشاصي سليم مافيه لا ميلان ولا انعواجات والسياره ما جاها صدوم ولله الحمد

وما فيه ورش عندنا بالقصيم متميزه بهالعلل ؟.؟؟

شكراً لكم على ردودكم

[ابوفهيدان]

يمكن كفراتك كبار
والتجليس هو الحل

[أبوعسكر]

السلام عليكم
اخوى كان معي ددسن 2000 وفيه وحده من الكفرات الاماميه فيه ميلان على برا المهم وديتها اكثر من ورش بس ماقتنعت بكلامهم واخر شي وديتها العضيب في الريااض وغير الركب فوق وتتحت وجلب الركب وكذا شغله ناااسيها االمهم الموتر طلع كنه اسد مايحتاج اتمنا اني افتك علماً كلفتني حول 850

[تاج1426]

حياك الله اخوي
اخوي سيارتك ممكن تحتاج كبس شاصي واذا تقدر تروح لعنيزه يوجد ميزان الحريص عند اشارة مصلى العيد الشرقي والقريب من الصناعيه عمالتهم فلبينيه وشفت عندهم سياره داتسون يسوون فيها نفس مشكلتك بطريقه غريبه
وحتى شفت عندهم جيب شاصي قلت غريبه هذا دفرنس ليش فيه المشكله قالوا ان جرم الدفرنس معووج وعدلوه بدقه الكترونيه .
ودمت بود

[قرم العيال]

مر ميزان العساف الي بالرس

او بطاح الخزي الي قبل اشاره الحمياني ؛؛ المحفل ؛؛