بخصوص خيمة البيع والشراء

[s3od_797]

بسم الله الرحمن الرحيم
كنت اتوقع من بعض الاعضاء الاتزام بسوماتهم التي كتبوها في موضوعي ولكني تفاجئت بان الاعضاء الذين سامو الطير ساموة من اجل اكثار مشاركاتهم في هذا المنتدى العريق واخض بالذكر راس عيطا معسف العاصي الذي سام الطير بمبلغ وقدرة 6000 ريال مع العلم بانني قد قمت بالاتصال به اكثر من مرة وارسلت له رساله عن طريق الجوال بالاتصال بر ولكن لاحياة لمن تنادى مع العلم بانني تركت المزاد مفتوح الى يوم الاربعاء الموافق 27/2/1431 للجميع ولكن اتمني من المشرفين الاكارم ان يضعو حلا للذين يشاركون في مواضيع البيع والشراء ان يلتزموا بسوماتهم او يعاقبون من قبل ادارة المنتدى الشامخ لكي لايعرضون سلع الاعضاء بتصرفاتهم التي لاتنتمي لهذا المنتدى الراقى على اسلوبهم
ملحوضة
لقد سحبت البيع حتى لو سيم برقم خيال
مع تحيات اخوكم سعود

[alkreze]

ياخوي ماهوب أنت وبس كثير من الاخوان اللي يعرضون طيورهم للبيع
ويجونك بزرآن يرفعون بالسوم واذا قلتله نصيبك سحب عليك
والله مشكله هذي دامك مانت بقد السوم لا تسوم
لا وزيدك من الشعر بيت بعضهم يرجع للمواضيع القديمة
المفروض اي موضوع يتم فيه البيع المشرفين يغلقونه على طول

[صاحب نوماس]

عز الله صدقت ياسعود بس وانا اخوك الصامل غير ,,,,,

[صقار مبتدئ]

هذي سلبيه واضحه في منتدى البيع و الشراء وهناك سلبيه اخر من بعض الاعضاء يكون طيره ما يتعدى 2000 ريال و يطلب 3500 ؟؟؟؟

[مقناص_111]

كثثييييير

وانا ما ازود على كلام الاخوان ..

قل 20% الي يسوم وهو صامل ..

والله يعيننا ..

[الهداد2010]

اخ سعود وسع صدرك

[هواي داورد]

كل شي قديما نتندم عليه

ونتمنى أن يعود

حتى مكشات

أعضاء فقدناهم

راعي غضبان & عوق الخريش & ملاعب الطير & بن ختروش & اعقاب ......... إلخ

جت ........... وحاست المنتدى حوس ...

[قرناس شماالي]

كلامك صحيح والله ناس فاضيه

انا عارض طيري وحاط

رقمي يدقون ناس يستهبلو

وكلام اخوي\هواي دوادمي

صحيح ارجال وين راحو

الي ذكرهم

[ذيب العرمه5]

[quote=هواي داورد;3801808]كل شي قديما نتندم عليه

ونتمنى أن يعود

حتى مكشات

أعضاء فقدناهم

راعي غضبان & عوق الخريش & ملاعب الطير & بن ختروش & اعقاب ......... إلخ

جت ........... وحاست المنتدى حوس ...
كلامك سليم
والله لهم وحشه
ما أقول غير
يا الله عساهم بخير
تبي الصراحه اشتقنا لهم

[escape_man]

قانون البيع والشراء بخيمة الصقور يحتاج لاضافات هامة اشوفها مذكورة ببعض الخايم الأخرى مثل بيع وشراء السيارات وان شاء الله ابورداد وبقية الاخوة المشرفين ينتبهون لها .. من الشروط المقترحة :

اذا تم البيع اخبار المشرف بذلك لكي يتم حذف الموضوع .

بداية السومه مع بداية الموضوع في القسم ويرجى عدم ذكر ان مبلغها وقد وصل على حد كذا في موقع اخر.

عدم وضع الردود الاستفزازيه او التي يتم بها المقارنه بعروض اخرى من المنتدى او من خارج المنتدى والاكتفاء فقط بالسؤال عن السلعة المعروضة فقط .

في حالة تم المساومة على السلعة , يجب قراءة آخر سعر وصلت له السلعة قبل طرح سعرك .

اذا كان هناك اي ملاحظة على السلعة لا يتم طرحها بالموضوع وانما مراسلة البائع عن طريق الرسائل الخاصة.

.
عدم طرح بيع سلعة ويكون البائع غير حريص علي المشتري وهذا يسبب مشاكل واتهامات للبائع في غنى عنها.

وبالنسبة للي صار معك وانا اخوك يصير مع اي شخص يعرض سلعته بالشبكة العنكبوتية في موقع غير متخصص بالبيع والشراء مثل epay او امازون والي تضمن البائع على الاقل ..

انا بمكشات عرضت سلعة ورفع سعرها واحد من الاعضاء رفع مو طبيعي وبالاخير سحب علي وخرب البيعة ..

ومرة ثانية شريت كنود وطلع مضروب ويراسل فقط بمنطقة نص قطرها 10 امتار .. يعني بتسوي ذكي وتقول باختبره مع كنود سيارتك ماعنده مشكلة يراسل .. بس تبعد تلاقي الجهاز مضروب ..

[خأإألد]

والله كلامكم عين الصواب الصراحه يجيك واحد متفضي يسوم سومه ماهوقدها
واخر شي يسحب عليك وقصده اصلا رفع مشاركاته
واتمنى من اخواني المشرفين انهم يشوفون صرفه معهم

[ابو jgjc]

المطلوب تنظيم اكثر في خيمة البيع والشراء

[صقار صغير]

قانون البيع والشراء بخيمة الصقور يحتاج لاضافات هامة اشوفها مذكورة ببعض الخايم الأخرى مثل بيع وشراء السيارات وان شاء الله ابورداد وبقية الاخوة المشرفين ينتبهون لها .. من الشروط المقترحة :

اذا تم البيع اخبار المشرف بذلك لكي يتم حذف الموضوع .

بداية السومه مع بداية الموضوع في القسم ويرجى عدم ذكر ان مبلغها وقد وصل على حد كذا في موقع اخر.

عدم وضع الردود الاستفزازيه او التي يتم بها المقارنه بعروض اخرى من المنتدى او من خارج المنتدى والاكتفاء فقط بالسؤال عن السلعة المعروضة فقط .

في حالة تم المساومة على السلعة , يجب قراءة آخر سعر وصلت له السلعة قبل طرح سعرك .

اذا كان هناك اي ملاحظة على السلعة لا يتم طرحها بالموضوع وانما مراسلة البائع عن طريق الرسائل الخاصة.

.
عدم طرح بيع سلعة ويكون البائع غير حريص علي المشتري وهذا يسبب مشاكل واتهامات للبائع في غنى عنها.

وبالنسبة للي صار معك وانا اخوك يصير مع اي شخص يعرض سلعته بالشبكة العنكبوتية في موقع غير متخصص بالبيع والشراء مثل epay او امازون والي تضمن البائع على الاقل ..

انا بمكشات عرضت سلعة ورفع سعرها واحد من الاعضاء رفع مو طبيعي وبالاخير سحب علي وخرب البيعة ..

ومرة ثانية شريت كنود وطلع مضروب ويراسل فقط بمنطقة نص قطرها 10 امتار .. يعني بتسوي ذكي وتقول باختبره مع كنود سيارتك ماعنده مشكلة يراسل .. بس تبعد تلاقي الجهاز مضروب ..

أتوقع يجب معالجة الامر..:f:f:lr:f:f:l:f:f:lr:f:f

[عبرود الشمال]

خيمة البيع والشراء خلاص عزلت
لا حسيب ولا رقيب
انا خلاص ما ابيع ولا اشتري اي شي عن طريق خيمة البيع والشراء طبعاً وجهة نظري ولا لحد دخل فيها
وانا انصحك يا سعود انك تخلي طيرك عندك الين يجي الي يقدر الطير ويكون عند سومتة
والله يعينك يارب

[البرنس511]

ولله انك صادق بعضهم يعطيك سعر خيالي حتى انك تشك في سلعتك انها تجيب السعر هاذا
واغلبهم كذابين

[صقار 502]

عاد وش نسوي ب ها بزرآن يسوم ويسحب اذا مو قد سومه لا تسوم ياخوي يقهرون
مايصلح:no2::mad:

[راس عيطا]

http://www.mekshat.com/vb/images/statusicon/post_old.gif يوم أمس, 03:05 PM
راس عيطا (http://www.mekshat.com/vb/member.php?u=65725) http://www.mekshat.com/vb/images/statusicon/user_online.gif
مكشاتي متواصل
تاريخ التسجيل: Nov 2007
المشاركات: 89
http://www.mekshat.com/vb/images/reputation/reputation_pos.gif


رد: للبيع فرخ جير حر اسود ميونك فالكن
اخوي سعود اول شيء جمعه مباركه......
ثاني شيء انا سمت بخمس الاف وصاااااامل ولاني من اللي داخل يزيد مشاركات ع قولتك الله يصلحك...... وترى الدعوى ميب ادعاء وهياط ونفخ ريش الله يبارك فيك
اذا ع السومه كنت صامل ع الطير لاكن ياليت لما تنزل الموضوع تقول زي ماقلت لي بالتلفون انك مريح الطير ومايدعى
ياخوي حنا بشهر1 والناس لها ثلاث شهور تدعي وتجرد وتقولي الطير يفح لاوصل عشرين على الملوح....على العموم الله يبارك للك بحلالك وكانك زعل ابشر بالرضاوه....وتراني والله راعي حلال ومراعي ربي قبل لا اراعي خاطرك لاكن ماقول الا اللي يجهلك مايثمنك...ارجع واقول الله يرزقك على قد نيتك ويوفقك
اخوك بوابراهيم....دمت بحفظ الله
.................................................. .................................................. ..............................................
.................................................. .................................................. ...............................................


<<<<<<<<نفس الرد الي كتبته للك بموضوعك انقله لك هنا.........
واذكرك اذا بغيت تثمن الرجال ثمن نفسك اول واظهر عيوب سلعتك قبل ,,,,موب اذا لزينك بالهرج قلت الطير به ومابه
ولو مايجيك من هالبيعه الا اني ذكرتك بهالحديث ذا تراك كسبان...
قال النبي صلى عليه وسلم " المسلم أخو المسلم ولا يحل لمسلم باع من أخيه بيعا فيه عيب إلا بينه له "
وانا بان لي عيب طيرك اللي ماذكرتها بالموضوع وانا بالخيار اقبل ولا ارفض وماني ملزوم بسومه اختلف علي فيها شي بالطير و انت بالاساس ماذكرته
وكما قال صلى الله عليه وسلم " البيعان بالخيار ما لم يتفرقا فإن صدقا(وبينا)بورك لهما في بيعهما وإن كذبا وكتما محقت بركة بيعهما

واشكرك انك نزلت موضوع ثاني عشان ارد وازيد مشاركاتي<<<على جوك ولاتزعل
ع العموم الله ينور بصيرك ويهديك ويبارك لك بحلالك....دمت بحفظ الله
اخوكــ\ابوابراهيم

[s3od_797]

بسم الله الرحمن الرحيم
اخوي راس عيطا(ابو ابراهيم)
اول حاجة الهياط ماهو من طبعي ولا طبع اهلي ونفخ الريش ماهو اسلوبي على حد قولك
ثاني حاجة انا مثمن نفسي بحترامي لسلع الاخرين وليس مثل بعض الناس
ثالث حاجة ماعاش ولاكان الي يلزني على حد قولك انك لزيتني يالصقار
رابع حاجة كيف تقل اك تحسب مقاس الطير17 وهذا اكبر دليل انك ماقريت المعلومات الي وضحتها بالموضوع
خامس حاجة الطير رامك عندي وانا اموضح الشي بردي قبل سومتك ورح راجع الموضوع لكي تتأكد بنفسك ولكي يطلع عليها الاعضاء بأني لم اخفي شي ومعروف عند الصقاقير ان الطير اذا كان رامك يفح حتى من المكافخ وسئل الصقاقير الي عندك او اذا رحت للمقناص معهم بخصوص الطير اذا كان رامك هل يفح او يلحق السلم وبخصوص الدود الطيور بالعادة يجيها دود وذالك من كثرة الحم وتنوعة والدود امرة سهل اقصد دود المصران كلها ابرة وتنتهي المسئلة
ولابد لك من الاطلاع مثل ماذكرتلك
سادس حاجة الطير مابه من العيوب الشرعية اي حاجة وانا ادرى بطيري وانا قايلك افحص الطير
سابع حاجة قال النبي صلى عليه وسلم " المسلم أخو المسلم ولا يحل لمسلم باع من أخيه بيعا فيه عيب إلا بينه له
الحمد لله اني متبع الحديث واني اخاف الله في جميع اعمالي
ثامن حاجة امل منك الاطلاع على بعض الامور التي تخص الصقارة لكي تستفيد منها وتثري معلوماتك
تاسع حاجة اثبت انك تود تكثير مشاركاتك بنائاً على ردك الاخير
عاشرحاجة واخيراً اتمن من الاخوان الصقاقير يجاوبون على سئوالي
س/هل اذا كان الطير رامك لمدة من الزمن يعتبر عذروب شرعي يمنع الطير من الشراء؟
واشكر جميع الاعضاء الذين شاركوني في الموضوع
واتمنا لي ولك ولجميع القراء الخير والسداد ودمتم بخير ومحبة

[فالح العرجي]

السلام عليكم
اخوي سعود ولا يهونون الاخوان
انا مره عرضت جير شاهين بكر اسود من مزرعة فالكون سنتر
ومزرعة فالكون سنتر تعتبر من اقوى المزارع والطير صايد وسبوق فارط سبق
وجيد على الهدد
وعرضته في قسم البيع والشراء ونشدوا الاخوان جزاهم الله خير عن اعلومه كلها
(وباقي ينشدوني من امه وابوه ) واقول في خاطري انهم بيعطونه حقه وازود
والطير واصل عندي 16000 الف ولا ذكرتها
واول سومه لهم 2500 وواحد مرسل على الخاص 3500 وصامل يعني وش تبغوني
اسوي هي صحيح سومات ولا احد يزعل من السوم لاكن لو اني عارض طير مجهول قرناس 14
كان ساموه 2500 فما بالك ببكر جير شاهين ومن ثم ذكرت السومه والحد في الطير وكلمني
واحد من الاعضاء وقلت له اعلوم الطير كلها وقال لي كم سيم الطير قلت له سيم في المنتدي
ب 3500 والطير مسيوم مني في خارج المنتدى 16000 الف وقال لي ماعليك من المنتدى
يكسرون الطير ولا يشترون وفرق السومه ب2000 ووصلت السومه الى 18000 الف
وجزاه الله خير عطا الطير حقه
والرجال ماهم سوى والصامل غير اللعاب
واسف على الاطاله
وتقبلوا مروري

[راعي مطروح]

الله يعين واجد كذا يظلمون السلعه بالسومه ولا فيه صمله احد يشتري

[بدر التميمي]

اي بالله واجد كذا عشنا وشفنا من هالاشكال

ونتمنى من مشرفين المنتدى يدققون على اقسام البيع والشراء