تانكي من مصنع خزانات الوطني؟؟؟؟؟

[fof6666]

اليوم كنت عند برق الحيا وحصلت تانكي للسيارة سعته 70 لتر
بولي اثيلين بلاستك( وارد مصنع الوطني) مسدوح
سعره 350 ريال
هل فيه أحد جرب هالتانكي وهل هو عملي

لأن سعر تانكي الالومنيوم ب600 ريال والفرق كبير
وشكرا

[ابو نايف التميمي]

ليتك صورته

وسعره معقول

[fof6666]

والله راحت علي
لكنه موجود ببرق الحيا
وشكله أثقل من خزان الوادي

[حر سدير]

صور للافادة لو سمحة

[fof6666]

والله ماحصل اصوره
مافيه أحد جربه أو يعرف شي عنه؟؟؟؟

[فيصل التميمي]

ليت انك صورته

[fof6666]

طيب اللي جرب خزان الوادي
هل يتغير فيه طعم الماء وهل ينكسر بسرعة؟؟؟؟

[ترهيم]

السلام عليكم

اخي الكريم التانكي انا اشتريته قبل 4 اشهر من برق الحياء بسعر 350 ريال سعة 90 لتر الواقف خلف المرتبه ..
بيني وبينك كنت متخوف منه لان المحل قالي ماعليه ضمان المهم قلت ياولد خلنا نجرب لان سعر خزان الوادي يجيب اثنين منه قلت نجربه ونشوف والحمد الله تم تجربت التانكي ممتاز جداُ والمفترض ان اسعار البولي اثيلين اقل من ذالك ولا تكلف إلا قيمة القالب الاولى لصنع التانكي ..

التانكي الان فيه ماء له اكثر من اسبوعين الماء ممتاز نفس ماكان لاطعم ولا ريحه ..
بعد الاتكال على الله خذه وانت مطمئن ... تراني ماخذ الواقف المنسدح اكيد بيكون مثله مع اني انصحك بالواقف لضغط الماء .

[االامبرااطور]

صور الله يعطيك العافيه

[fof6666]

الله يعفيك يا ترهيم
بإذن الله ما أنام الليلة إلا والتانكي بسيارتي

[fof6666]

تم شراء التانكي
والله يطعمن خيره ويكفين شره

[هاوي البر]

الاخ fof6666
ياليت تعطينا صوره له وانطباعك عنه
وهل يتحمل الاوزان الثقيله فوقه

[هاوي البر]

الاخ ابوو مازن
جزاك الله خير على الايضاح
لكن هل الشراء من مصنعهم ارخص من الموزعين ولا نفس السعر
واين يقع المصنع الي في الرياض

[fof6666]

الله يعافيك يابو مازن
كفيت ووفيت

[هاوي البر]

الاخ fof6666
ياليت تعطينا انطباعك عنه
وهل يتحمل الاوزان الثقيله فوقه

واي واحد منهم في الصورة
http://www5.0zz0.com/2010/01/19/08/519941640.jpg

[wafian]

شكلها احلى واقوى من النوع الاخر

[هاوي ددسن]

هل عليه ضمان على الرائحه والطعم ؟

[fof6666]

الصورة الأولى
والخزان عليه ضمان بس مادري على ايش

[راشد الجريبة]

بالتوفيق بالفعل سعره مناسب لكن ممكن صور حقيقة للخزان
إن أمكن

[هاوي ددسن]

اتمني الافاده من اهل الخبره لخزان الوطني

[فهد بن مشبب العاصمي]

أخوي الموتر اللي ركبته عليه وشو

وهل تشوف ارتفاعه مناسب وعرضه وطوله زين . ؟ ؟

لأني مااخفيك نويت افصل لربع باترول عند عروق الشمال عطيته المقاسات وهي اصغر من الموجود تقريبا وسعره 650

طبعا طول 100 وعرض 45 وارتفاع 17 .. وطبعا الومنيوم 3 ملم وطلعت اللترات 76.500 لتر

وهذا فيما يبدو ان حجمه اكبر بكثير من الالومنيوم ..

لأني حسبت القياسات الموجوده وهي 23 * 38.5 * 110 وطلعت الاصل تكون 97.405 لتر

طبعا الفرق ماهو بسيط 20 لتر تقريبا .. وهذا يدل انه سميك ويتحمل لكن يعيبه كبر الحجم او الارتفاع بالضبط ولكن الصورة بالسياره هي الحكم

ومثلا الربع الباترول مافيه مكان ابد يعني السانتي يفرق فيه

لكن اظنه يتحمل وبقوة

تحياتي لك والله يهنيك فيه

اخوك فهد العاصمي

[قصر سيف]

ياإخوان احد الزملاء اشترى الشكل المكعب منه لكن للاسف طلع في الماء طعم غريب قال يمكن من اللي لانه جديد وغيره ( بلي) شكل ونوع آخر طلع نفس الطعم الاول وكلك غير الماء وطلع نفس الطعم .
وانا تذوقت الماء شخصيا وطعم الماء غريب .
أخبرنا العامل اللي يبيع في محل ذيب الصحراء اللي في سواق العويس قال العملية بسيطه حط باكنج بودر ويزين طعم الخزان ، رفيقنا قال انه حط الباكنج بودر والى الآن ماقال لي وش صار على خزانه .
( تساؤل : هل الباكنج بودر يقطع الطعم اللي في حزانات الماء ؟)

[شمالات نجد]

التانكي المسدوح شكله حليو ويشيل لترات معقوله كأني قريتها 115 لتر

هل يتحمل العفش اللي فوقه ننتظر الإجابة

سلام

[بدر ساري]

فيه شي من هل التوانك يركب على الباث

[هاوي ددسن]

الى الحين مارد علينا احد بخصوص الخزان من ناحيه مقارنته بخزان الوادي

[برق بن رعد]

والله السعر مناسب لكن ننتظر من يخبرنا عن الطعم عن تجربة

[برق بن رعد]

ننظر الاجابة من الاخوان

[f 16]

انا عندي خزان الوطني سعة 85لتر من حوالي 8شهور ممتاز وخفيف ولابوه طعم اوريحة

[fj44]

انا شريت قبل 3 اسابيع
من النايف لرحلات في الخرج
95 لتر الموجود في الصوره الثالث واقف
للاف جي ممتاز وجاي على المقاس بجانب الديكور 100 %
وسعره 360 ريال

[fof6666]

السلام عليكم
عذرا على التأخير
التانكي من أحلى مايكون
مافيه طعم ويتحمل
وشكله يشيل أكثر من 70 لتر
علما ان برق الحيا نزلو التانكي ابو 85 لتر بسعر 350 ريال لايفوتكم
وانا مركبه على فورتشنر وتوي شاري ابو 85 لجمس الوالد الله يحفظه

[عاشق الفرعه]

شكله زي الوادي موب بعيد عنه

[رفيع المقآم]

مشكوور وتانكي حلو وممتاز

[مهل البحار]

مشكو ر اخوك مهل البحار

[ساقان]

تجربة 7 شهور ممتاز ولايوجد أي ملاحظه ..

[نبض البوسنة]

ما فيه معلوم

[زعيم الصيادين]

مشكوووووووووووووووووووووووووووووووور ما قصرت سلمت اياديك

[مرقاب الشرق]

وين فرع الوطني بالدمام

[daimond]

السلام عليكم
اطيب تحيه للجميع ..


تجربه شخصيه من ثلاث اشهر ومالاحظت عليه شي من ناحيه المتانه او الطعم او الرائحه شريته بـ 340 واقف خلف المرتبه 90لتر
:good2:

[almanse]

حسب كلام احد الثقات اللي جربوه يقول
ممتاز ولكن يغير طعم الماء اثناء الحر الشديد (طباخ اللون)( المرزم) لذلك يجب تنزيله من الموتر بعد افراغ الماء وتجفيفه ووضعه في مكان معتدل الحراره
تحياتي

[مرقاب الشرق]

ماشاء الله سعره زين .

[سعود محمد]

سعره مناسب وتلقاه عند نفس المصنع بارخص

[تناهيت]

سعره مناسب وتلقاه عند نفس المصنع بارخص

صحيح تحصله ارخص لو رحت لمقرهم الرئيسي في ظهره لبن

http://store2.up-00.com/Sep10/28Y54655.jpg

[الهرم]

خزان الوادي


له شهر معي


الماء متغير طعمه !! مدري من اللي والا التانكي ؟


وفيه تهريب من عند البزبوز الداخلي اذا مليت الخزان يهرب

الخزان 140 لتر


ومع اني مركب اللي مظبوط ورابطه بقفيز الا انه اشغلني ينقط


اخاف اشد على الخزان بالربط ينكسر

[سيف الظفير]

مر على الزامل محلات الزامل لخزانات المياه هم من يصنعون خزان الوادي عندهم بـ 200 ريال فقط

[سيف الظفير]

مر على الزامل ترا خزان الوادي عندهم بحدود 200 ريال

[العاذر]

ما شاء الله تبارك الله
شكلي باخذ واحد منهم
شكرا لصاحب الموضوع

[العاذر]

الحمد لله
اشتريت اليوم من الوطني في حي لبن
85 لتر
ارتفاع 31سم
عرض33.50سم
طول102 سم
بسعر 190 ريال


ومدير المبيعات الأستاذ / محمد عبدالعزيز
قمة في التعامل مع العملاء
وياخذ ويعطي معك بصراااااحة رجل مناسب في المكان المناسب

[سعود محمد]

انتبهوا من خزان الوادي اشتروه من الزامل ارخص

[راعي اللبرق]

ياليتك ماشريته ياخي عند المصنع حقه بـــ 190 ريال
نفس اللي انت تقول عنه
على العموم الله يباركلك به

[على رمشي تمشي]

والله يبي لنا من هالخزان
سلمت ولاهنت

[tlk_2003]

ياشباب هذا رقم مندوب مبيعات اسمه محمد تبع شركة الزامل اتصل عليه ويجيبلك الخزان الي تبيه ,,
انا والله شريت منه واحد 90لتر نايم ارتفاعه مايتعدى 12 سم ..

مندوب الزامل 0597088478

[ابو فرح1]

اتصل على مندوب الزامل ،
يقول البيع متوقف الآن ، ولا يدري متى تنحل المشكلة .

[العاذر]

الاسعار بتنزل الى وضعها الطبيعي ان شاء الله

[ابومازن 25]

السلام عليكم

من تجربه شخصيه خزان الوطني 95 لتر واقف خلف المرتبه فتره التجربه 6 شهور عملي ولايتغير طعم الماء
اخذته من موزع ارخص من المصنع بفارق بسيط.

[مزاجي فوق]

طيب يا ابو مازن علمنا منهو الموزع ووين مكانه ولا عطنا رقمه خلنا نشتري منه يرحم والديك

دمتم بود

[ابومازن 25]

السلام عليكم ورحمه الله وبركاته


مزاجي فوق
المعذره علي التأخير دخولي للشبكه قليل
اشتريته من المرباع لادوات الرحلات بعنيزه.

[برق بن رعد]

والله كلام الشباب حلو عن الخزان وخصوصا من عند المصنع