المساعد الشخصي الرقمي

مشاهدة النسخة كاملة : عيون غاز ممتازه ومجربه


عاشق الPATROL
20/12/2004, 01:31 PM
السلام عليكم ورحمه الله وبركاته اولا" أحب اهنيكم على هذا الموقع الممتاز وارجو ان تتقبلوني بينكم وانا بصراحه من زمان وانا اتابع الموقع وهاذي اول مشاركه لي, شكلي طولت عليكم المهم لفت انتباهي السؤال عن بريموس واغلب المشاركات قالو عن العين الصغيره انها الافضل وانا اشوف ان العين الصغيره ماتصلح الا للشاهي والقهوه واستغربت ان ما أحد تكلم عن النوع الافضل لدى بريموس وهي تجي على شكل صندوق ينفتح ويصير الغطا ذرا يغطي ثلاث جهات وفيها عينين مع القداحه مع محول يركب في الدبات العاديه مع العلم ان المسافه بين العينين ممتازه يعني تشبل قدرين بالراحه وعن قوة العيون لا تشيل هم انا مجربه تفوح البريق بأقل من ثلاث دقايق وفيها قوه ممممممممتازه وسعره يختلفون في بيعه المحلات لانه تقريبا" منقطع ولاهو موجود عند الوكيل بادحمان يعني مابين 300ريال الى 350ريال وصدقوني اللي بيجربه مهو متحسف أبد ومعروف بريموس لك ولزمن .
أيمن
20/12/2004, 02:35 PM
الله يحييك يا عاشق الـPATROL ..

وصدقت أخوي العزيز ..
البريموس اللي ذكرته فوق ما يتصور في أدائه لولا سعره وأحببت تقريب الصورة للقراء بهذه الصورة :
http://www.mekshat.com/pix/upload/images6/mk5_premus.jpg

تحيتي
برق نجد
20/12/2004, 03:07 PM
انا اشهد انه دافور يبرد الكبد
غير البريموس لا تدور وعندي واحد له اكثر من 25سنه
ماخذه من ابوي الله يحفظه زي الحلاوة ما ضره شي ولا يفكر انه يخرب...
منيصف
20/12/2004, 07:59 PM
اخواني الاعزا هل هوصنا عة سويدية واين اجدة :hot:
برق نجد
20/12/2004, 08:25 PM
بريموس صناعة هندية
تجده في محلات ادوات الرحلات...
slamah
20/12/2004, 11:52 PM
ارجو من الاخوة اللذين يعرفون المحلات التي تبيعه ان يضع اسم المحل والمكان ورقم الهاتف او الجوال لأني شاهدت مع أحد الاصدقاء عندما كنا في الاردن قبل أكثر من سنه ونصف وسألت صديقي من أين إشتراه لكنه جاه هديه علما بأن المحلات اللتي عندنا مايبيعونه
عاشق الPATROL
21/12/2004, 11:21 AM
حياك الله اخوي أيمن وشكرا" على مرورك الجميل وما اقول غير ماشاءالله عليك فعلا" هذا هو اللي عندي (اخوه) وفعلا" مافيه مثله حتى لو انه غالي...





أخوي عاشق الدخل حياك الله وفعلا" كلامك صحيح انا أعرف واحد شاري بريموس قديم مستعمل لا وبعد فيه شوي خراب شاريه بـ300ريال ...





حياك الله أخوي slamah انا بصراحه واحد من اخوياي يدوره وتعب وهو يدوره ولقيناه عند محل ذيب الصحراء بالعليا بس انه أغلاه شوي ودورناه في محلات الاواني المنزليه الكبيره اللي بالربوه عند مخرج 14 ولقينا واحد وشراه بـ290ريال ...



وحياكم الله ............
محبوب الجميع
21/12/2004, 08:17 PM
كان بريموس يجي صناعة سويسرية واشوف في الاونة الاخيرة صار اكثرة هندي عموما وكيلة هو با دحمان في السبالة
أيمن
21/12/2004, 09:49 PM
صدقت يا أبو عبد العزيز ..

واللي عندي سويسري وليس هندي وهو بالسعر المذكور ..

تحيتي
تبراق
22/12/2004, 12:19 AM
الا وش ؤايكم بالكوفيا انا جربتو ممتاز وسعرة معقول وبذات بعد ما صار البريمس هندي

:hot: :alarm: :no2: :no2: :burnout2:
الفردوس
22/12/2004, 07:01 AM
الحين اخلصوا علينا
بريموس والا الكوفيا اللي عند السنيدي
البريموس سعره تقريبا 300 والكوفيا مدري وهل له عينين ؟
الجمس
22/12/2004, 08:20 AM
اخواني الاعزاء
السلام عليكم ورحمة الله وبركاته
جميع ماقلوه الاخوان صحيح , ولكن هناك عيبان فيه
1 . صعب وغثيث التنظيف وخاصة للارفل اللي ماينبسط الا اذا طفرت القهوه والشاهي (نصيحه لاتخلي الارفل يقرب معاميلك).
2 . ضيق ولا ياخذ القدر الكبير, وفي معضم الاوقات لاتستطيع استخدام العينين في وقت واحد .
هذه وجهة نظر من واقع تجربه.
وتحياتي للجميع.