الى (( شقران - الخبير - الرحال - راعي عنيزة ))

[فتى الدهناء]

السلام عليكم

أنا ممن اطلع على موضوع أخونا ( الخبير ) و( الرحال 2003) بخصوص مراسلة راعي عنيزة وهم بالثمامة ( متحركين )..........

حاولت توفير مايلزم .... من المتطلبات حتى يكون ارسالي مقارب لإرسال الإخوة ........ لكنّي لم أنجح للأسف ....... فأرجوا من الإخوة ...... توجيهي وتقويمي ... بخصوص تقوية الارسال والاستقبال ...

الأمور التي وفرتها :

- ايكوم 8000ياباني ..اختبرة ارسال 75 واط
- كيبل rg8بلدن ..من سترا ... المتر بــ (10ريال )
- انتل ( لارسن الأسود ) وأظنه أصلي .... سعره بــ 60 ريال

الأمور التي سأوفرها بإذن الله :
- تأريض للأنتل
- تأريض للجهاز


أما بخصوص ( الأمبلي فاير ) فلاأستطيع توفيره

# كما أنني أفكر في وضع ( كويل - ملف ) حول الأنتل ... وسأوّفر برنامج يعطيني كم عدد اللفات المطلوبة وكم قطر الكويل وطوله ...



أخي ( الخبير ) أذكر أنك قلت أنك راسلت الغالي ( راعي عنيزة ) وكلكم متحركين وتراسلتوا على (pussy) والصوت واضح ... وذلك من غير أمبي ........... أنا أريد أن أصل الى هذه المرحلة فقط ......

بارك الله فيكم .......


انتظر .......... التوجيهات .......

[الخبير]

السلام عليكم
اخوي مثل ما تعرف انا راسلت من الثمامة وعلى طعس مرتفع يعني ما حولك شئ يردك.
إذا كنت تقيس ارسالك وتلقى الراجع ما يتعدى 1.5 فهذا شئ ممتاز ولكن!!!!
الأنتل الارسن يجي معه ورقة - تجي مع اغلب الأناتل - تقول لك كم يبغالك تقصه عشان يراسل على موجه محددة صح.
الشئ الثاني لازم تركب انتل ثاني موازي للأنتل الأول، وانا انصحك انك تركب قسام بينهم لأنه من الممكن إن الأنتل اليمين يستقبل أكثر من اليسار احياناً وفي احيان ثانية اليسار يستقبل أكثر من اليمين.

بالتوفيق

[فتى الدهناء]

حيّاك الله يالغالي ....

أخوي الخبير ... فعلا الأرتفاع يمثل ربما 70% من الإتصال الجيد القوي ..... لكن أخي الحبيب .... أخونا ( الرحال2003) أذكر انه قال وهو في نفود الثمامة .. يراسل أهل الرياض ( دبل ) وأهل الخرج برجين ( ان كنت ماني واهم ) وكل هذا من غير ( الأمبي ) !!
جيت أنا وماينقصني عنه ( غير التأريض ) وإذا وصلت الثمامة ( ماأستقبل اهل الرياض إلا بزي وغير واضح ) ...

ومرّة من المرارير :looney: كنت فوق النفد على قبال ( مفرق الطوقي ) على اليسار .. وكان الجو فاتح :bounce: المهم راسلت واحد من البديعة لكن ( برضو بزي ) :( .....

هذي تجربتي .. وانتظر مساعدتك ...

- أما بخصوص ( swr ) ماعندي جهاز لقياسه :( ... ولأدري وين أحصّل اللي يشوفه لي ..

_ وبخصوص ( ورقة الأنتل ) الأنتل له سنتين على ماأظن .... ولاأدري وين الورقة (( وطريقة القصّ )) ماأعرف عنها شيء ..... لكن أقرأ عن استاذنا شقران أنها مفيدة ... لكن أجهل فيها بصراحة ... يعني لو بغيت اراسل على 146صافي .. كم سم أشيل ؟ وهكذا

_ أما الأنتل الثاني ....... ماأقدر أحطه نظرا للضروف الإقتصاديّة والسياسيّة والإعلاميّة :D ( هل أقدر أقوي الإرسال من غير الأنتل الثاني )؟


وأشكر لك جهودك أخوي ( الخبير ) وتوجيهك ..... وأنتظر منك الرد ..... والله يوقفك

أخوك :

فتى الدهناء
:type:

[الخبير]

السلام عليكم
يبدو يا اخوي عندك مشكلة في جهازك!
هل هو فعلاً يرسل 75 واط؟ هل انتلك مضبوط؟ هل كيبلك مضبوط؟ هل تلحيمه مضبوط؟

انا وانا في حي الصحافة استقبل اهل الخرج واسولف معهم وبدون امبي.
انصحك بشراء جهاز SWR لأنه يبي يفيدك بالحيل منه تبي تعرف جهازك فعلاً كم يرسل وكم هو الراجع( ولا تأخذ ماركة دايموند لأنه ما يقيس اكثر من 200 واط- يعني لو ركبت امبي ما يقيس لك الواطات صح).

[فتى الدهناء]

هلابك ..

والله انك يالخبير .. جعلتني في حيرة من أمري :(

- أنا مختبر جهازي ... وقوته 75واط .... وعند أكثر من واحد
- الأنتل أقولك له سنه ونص ... وهو لارسن الأسود ..
- والكيبل جديد ( من سترا ) بلدن 8 ملم المتر بعشرة
- والتلحيم تمام وزينته عند محل من أفضل محلات الإلكترونيات ..( لكن التلحيم حق قاعدة الأنتل ..أشك في جودته .. ولا أدري كيف أعرف انه صح أو خطأ )
- وجهاز SWR كم سعره .. ؟؟ وهل أقدر استغني عن شراءه باختباره عن أحد المحلات ..؟؟

والله يجزاك خير يالخبير .... ويوفقك ...

فتى الدهناء

[المتلطم]

السلام عليكم ورحمة الله وبركاته

كل اغراضك تمام ما عدا الانتل لي عليه تحفظ لان الاريل اصلا كسبه قليل 3 ديبي وسعره يؤكد ايضا انه تجاري وليس اصلي

انصحك تجرب استيشن سيار المطور من دايموند اقوى بكثير لان كسبه 6.5 ديبي ويتحمل 280 واط وهذي مهمه لو رزقك الله واشتريت امبي يكون الاريل يتحمل وسعره 200 ريال

بس فيه عيب الاريل طويل يعني ما ينفع تراسل فيه والسياره تمشي لازم تكون واقف بس ارساله يطربك وما يختلف في القوه عن الاستيشنات في البيوت


وفيه نقطه ثانيه ترا ما كل نفود ينفع للمراسله
لازم يكون النفود مرتفع عن جميع ما يحيطه من كل الجهات
عشان ما تحجب النفد المجاوره له الاشاره وتضعف بدون ما تستفيد من ارتفاعك

وفيه نقطه ثالثه عليك بفتح التشويش والصبر ثم الصبر
لان مب كل يوم يساعد الجو وتسمع ناس بعيدين ولا كل يوم تصدف معك وتكون على الجهاز والبعيدين اصحاب الارسالات القويه موجودين بعد
خصوصا ان الاهتمام بقوة الارسال قل كثيررررر ومن النادر تجد شخص الحين مستعد لدفع مبالغ كبيره لشراء مقويات وارايل قويه وايضا المراسلين كثير منهم انصرفوا عن الاجهزه وتوجهوا للانترنت


وفيه نقطه رابعه عليك بمعرفة مكاتب بعيده عنك دائما يكون فيها متراسلين معروف ارسالهم جيد عشان تقيس ارسالك معهم كل ما اجريت تطوير لاغراضك
لان مثل تجربتك مع راعي البديعه ما تدري يمكن المشكله منه اريله تعبان
لذلك لا تجرب الا مع واحد يكون دائما موجود ومعروف ارساله وتقيس معاه عدة مرات

وانصحك بمكتب الخاز باز بعشيره تقريبا كل ليله موجودين وارسالاتهم جيده خصوصا ابو عزيز وتجدهم على 146175
وفيه مكتب 146100 فيه شباب من الدوادمي خصوصا عشق دبل واطلع جبل ( يا زين نداه :D

وبالله توفيق

[ذيب البر]

هلااااااااااااااااااااااا فيكم

أنا الامور الفنية ما رايح اتكلم فيها بوجود الخبير

والي اشوفه ان كل تجهيزاتك تمام لكن فيه نقطه مهمه ومهمه جداً ذكرها اخونا المتلطم وهي انك

لازم تعرف مكاتب مشهوره بقوة الارسال ويكون لك علاقه معهم لانك احياناً تراسل واحد جنبك وارساله

ضعيفه ورايح تشك في جهازك او تمديداتك وهذا خطا رايح تحوس عمرك بالعربي أحياناُ كثيرة البلا من

الشخص الي يراسلك والنقطة الثانية جرب الارتفاع وتأكد ان الجو يختلف ومن افضل المكاتب الي

146:175 زي ما قال المتلطم وخصوصاً ابو عزيز موقعه القصب الي أنا اعرفه


تحيااااااااااااااااااااااااااااااااتي

[الخبير]

السلام عليكم
انا مع المتلطم وذيب البر ولانيب معهم! تدرون ليش؟

انا معهم إذا بغيت تجرب إرسالك لازم تجرب مع واحد بعيد لكن إلي تكلمون عنهم موجاتهم مزحومة بالحيل مثلا الخاز باز صحيح إرسالة قوي والسبب يرجع لأجهزته، انا اعرف واحد إذا راسل من شقراء غطى على عامة الرياض ( ما شاء الله ).
إذا كنت تبي تشوف إرسالك راسل واحد تعرفه وتعرف إنه يبعد مسافة كذا ، لأن بعض الناس يقول إنه في المحل الفلاني وهو يكذب للأسف.

احيانا تراسل واحد بعيد ويجي واحد قريب منك وما يسمع خويك ويدخل يخرب، اذكر واحد قعد يضحك علي يقول انت مهبول تحاكي نفسك؟؟؟؟؟
يعني يبيلك تتصبر وانت تراسل والله يعينك على التقطيع!.