ما هو السر في البر

[ابو مساعد]

السلام عليكم ورحمة الله وبركاته

حبت اشارك في هذا الموضوع المتواضع وكل شخص له راى .

عندما نخرج الى البر سوى كان رحلات صيد أو كشتة عاديه عائلية أو شبابية :

نلاحظ : أنه تنفتحه الشهيه للاكل يعن الواحد ياكل دبل ماياكله في البيت :

أليكم هذه القصه الطريفه ........ خرج رجل مع عائلتة المكونه من ثمان اولاد وبنتين وزوجته ومعهم كرتونين دجاج مجمد وكل كرتون فيه عشرة دجاجات وكان خروجهم وقت الربيع وعند نزولهم الموقع أشترو هرفي من صاحب أغنام كان متواجد في ذلك الموقع الطريف في هذه القصه انهم بعد ماصلو العصر كانو قد اكلو الهرفي وكرتونين الدجاج الذي معهم وكان كل الاكل شوي فقط هذا على ذمة من ذكر لي القصة . :

السؤال المحير ما هو السبب في انفتاح الشهية في البر والأكل دبل ؟؟؟؟؟؟؟؟؟؟؟

ارجو من الاخوه المشاركة با بداء الرى في هذا الشيء ::

تحياتي للجميع .

[راعي الكيف]

ابو مساعد ؟؟؟؟؟؟؟


يخوك هذولا هوام مهمب انس ....!!! كرتونين دجاج وهرفي ؟؟ ياساتر يارب ..!! ماشاء الله تبارك الله

اعتقد ان السالفة فيها شوية مبالغة .... بس على طاري ان الشخص تنفتح شهيته للأكل فهذي صحيحة لأن الانسان إذا كان بوضعية نفسية ممتازة والمقصود به هنا أنه مستانس ومبسوط وماشال هم كل الطاقة اللي فيه تتجة نحو الاكل ... طبعا النفسية الزينة ما تجي إلا بطلعات البر والوناسة وخصوصا بالشتاء + أن مع البرد الواحد يجوع بسرعة عشان يتدفى .... وعلى طاري ان الشخص إذا زانت حالته النفسية أو استانس شف هالعزوبية تلقا الواحدج منهم رجلية تقول شابورة طواليات وشكله تقول مسواك مستهلك .... ومن يوم يتزوج يبدا يتتفخ يديه يغدن تقل خبز صالمولي وشكله يزين ويحلو والسبب الحالة النفسية الطارئة عليه وهذا كمثال فقط وعلى هذا فقس ....



ولك من اجمل تحية

واسف على الاطالة

[الربذي]

الاخ الحبيب بو مساعد
السلام عليكم
اخي ماهو سر البر
على بركة الله تصدق لما قرات عنوانك عن سر البر افتكرت انك ستتكلم عن نكهة الاكل الخاصة في البر وطعم الشاهي الذي لاياتي الا بالبر ورائحة الاكل المختلفة عن رائحة طبخ البيت
نقول السبب لايختلف علية اثنان هو النار اعاذنا الله سبحانه واياكم منها لان درجة حرارتها تختلف عن نار الغاز التي سببت الكثير من الامراض
اما سر الاكل الكثير في البر
فاقول وعلى بركة الله السر باكل الكثير في البر هو الحركه وانظباط حالتك المزاجية وانعدام او قلة وجود البدائل لانك احيانا عندما تحس في الجوع في البيت عندك المطبخ فيهاشكال وانواع الماكولات والعصيرات او تهزع!!!!! لاقرب سوبر ماركت
ولكن السبب الرئسي هو كثرت ال**** المشي مع شرب السوائل هذى تجعلك تجوع بسرعة وتاكل بعير
وانا مجربها بنفسي
عندما اجد ان الاكل ثقيل او نفسي مسدوده اشرب الماء بكثره وامشي او اهرول لمدة 15 د وسترى النتيجة

[السويبع]

واستقبل ذا السالفه
حنا كنا في الدهنا نتقنص
معنا رجال مهوب يحب القناصه
قعدناه عند العزبه ورحنا المهم الرجال جاء الضهر وبدا يضبط الغداء(هريفي كامل)لانا واجد
المهم خلاه بمرقته وعلا نار هاديه مايبي يحط الرز ويتوهق
المراد انا طولنا لقينا لنا جره ولهينا عنه
وماكان فيه اجهزه
ماجيناه الا المغرب اوبعد
جينا مالقينا الا عضام الهريفي
وقال ابشرو با العوض وداج كل ليله لين لقاله بدوي وشرا له هريفي بست ميه
يستاهل
هاذي على الطاري

[خلف]

سلام

اثاريكم فيذا تسولوفون ،، وبعد بالاكل :bounce:

انا اذكر فيه مدرسين طالعين للبر وقت الدخل والقميري ،، وهم يصيدون تركوا الطباخ بلحاله يطبخ الدخل والقميري ،، الرجال كل شوي فاتحن القدر وساحب دخلة ،، يوم رجعو لقو القدر فاضي ما فيه الا قميري بس وبعدين سئلوه وين الدخل ،، :confused: قال هذولي الصفوف الاولية طلعوا الدرس الخامس :D

وسلامتكم

[ابوفزعه]

اخوي ابو مساعد

الهواء النقي في البر والحركه والمشي وتغيير المكان المعتاد والبعد عن البيوت والفكه من الجدران

كلها عوامل تساعد على انفتاح الشهيه

[الضاري]

يارجال لو تطبخ رضم بالبر يطلع طعمة بالدماغ

.. تبقى الميزة هذة خاصة بالبر