طير عن واحد من عيال عمي ادخل وشوف العله

[ابو شعيله 1]

مساكم الله بالخير اخواني وجميع الاعضاء المشاركين وغير مشاركين

فيه طير عند ولد عمي مدري هو مريض وابي اقول لكم قصته

الطير طوله 17ونص وعرضه 17 الطير شمالي الون احمر وزنه1100 عمره قرناس رابع

الطير يا أخوان يطير له 10 امتار وبعدها مايطير اذا طار 10 امتار

والطير مايطير واجد ولا يهد والطير مدري ويش فيه هل هو مرض او زيادة وزن وديناه

يم اكثر الصقاقير ومافادونا بشي وراعي الطير منعمس وحالته حاله وضايق خلقه

وشايل هم الطير ولايدري ويش يسوي فيه واتمناء تفيدنا واذا هدينا له حمامه مايهد ومايلحقها

والله انها مصيبه ودي انزل لكم الصور بس والله ماعرف لها والصور بجوالي ومادري شلون

انزلها في الجهاز وبعدين انزلها لكم وانا قلت اشور اخواني اعضاء مكشات

انتظركم على احر من الجمر

[((السنياري))]

خف الطير

وريحه اسبوع وعطه صبر او شب وموميا

وان شاء الله يزين فاله

وان ماهد بعدها افحص الطير واذا طلع سليم من المراض تحل عليه الشناذره

[هماش]

السلام عليكم

اطلع بطير صوب البيطري وسوله فحص شامل

وبعدها ان شاء الله راح تعرف ايش السوات بطير

[سعودي و افتخر]

انا اقول وده عند البيطري وسو له فحص كامل زي ماقال و اخونا واذا مافيه شي الطير مالك الا الشنذره وان شاءالله تشوف الفرق

[صقر قحطان505]

الحق البيطري هو يفيدك يعرف احسن ويعطيك علاج اذا كان الطير مرضان لا سمح الله اخوك صقر قحطان

[صقار الهواشم]

هذا والله العالم انه التهاب الرئه \التنفس\
انا كان عندي جير وفي نفس المشكله حتا اذا هديته طياره قريب ولايرتفع عن الارض ويوم وديته للبيطري قالي فيه التهااب الرئه

[صقار مبتدئ]

السلام عليكم
هلا و الله بابو شعيله 1 شف بارك الله فيك اول شي لمعرفة مرض الطير هو (تغير نمطه الغذائي)كيف

يفقد الشهيه للاكل هذا اول عرض
اثنين ذبول عين الطير
ثلاثه النشاط و الحيويه
اربعه مرش الطير اعزك الله (تتغير ريحته ، يتغير لونه ....الخ
اذا حصل امر من هذي الامور اعرف ان طيرك مريض غير كذا طيرك ما به الا العافيه

بالنسبه للحاله اللي تقول و الله اعلم هذا التهاب .... اذا الطير يتعب بعد الهدد وتعب من اقل مجهود فالطير فيه بلا
الله يشفي طيرك و طيور جميع المسلمين و السلام ختام

[البراء آل عثمان]

على حد وصفك إلتهاب في الرئه

إذا مسك الطير وخلاه يكفخ هل يفح؟
إذا تحرك قليلاً هل يفح الطير
ورائحة الفم هل هي كريهه

ولكن أرجوا مراسلتي على الخاص عند ردك

[ابو شعيله 1]

هلا اخووي البراء آل عثما (http://www.mekshat.com/vb/member.php?u=61621)ن اخبارك والله فيه صقار قال فيه دود في الرئه ولا ادري

ويش اسم الدود سماه لي بس ضيعته ابعدكم الله عن الشر طيب عندك خبره عن مرض الرئه

[البراء آل عثمان]

قد يكون دود
وقد يكون التهاب بالرئه

[ابوهند]

السلام عليكم ورحمة الله وبركاته
شوف يمكن زياده في الوزن اوشبيكه في داخل الطير

[ريش النعام]

هذي مايبيله بيطري ولا شي
طيرك يالحبيب حدى ثنتين
اما دود رئه اذا كان يكير عشر امتار وينزل وهو فاتح افمه هذا دود رئه
اما اذا كان مايفتح افمه يطير 10 امتار وينزل ولا كأنه طار هذا الله يسلمك كوكسيديا رح للمستشفى وقل ابي حبوب كوكسيديا او حبوب رئه لا تكشف عليه ولا شي واذا ما نفعن هذولن كلهن عليك(( بحبه الاأخلاق)) اللي هي الشناذر
تحياتي / ابو عمــــــــــــر

[ريش النعام]

السلام عليكم
هذي وانا اخوك مايبيله مايختلف عليه ثنين
اذا كان طيرك يطير 10 امتار وينزل وهو فاتح افمه هذي الله يسلمك دود رئه تحصل الحبوب عند المستشفى يصرفونهن لك بدون فحص..
اما اذا كان يطير 10 امتار وينزل ولا فتح افمه ولا كأنه طار هذا معناه كوكسيديا برضه تحصله عند المستشفى وانا اتوقع انه كوكسيديا ...
اما اذا ما حصلت بطيرك هالحالات اللي اقولك اذن يلزمه (( حبــــه أخلاق )) هذي حبه تزين اخلاق الطير ههههههههههه يمكن بعضكم تهول مايدري وشي حبه الاخلاق هذي شنــــــــــــــــــــــــاذر
الله يجعله مايشوف شر
تقبل تحيات اخوك / ابو عمــــــــــــــــــر

[ابو شعيله 1]

جزاك الله خير وماقصرتو وانا ابي اقول له يمكن الله ينفع به

[حامد الحنيني]

ماقصرو الاخوان لاكن وانا اخوك لاتعطي الطير شناذر الى وانت متاكد انه سليم من الامراض لان الطير اذا عطيته الشناذر وهو به عله تذبح الطير على طول وانشاء الله مايشوف شر...

[قناص حباري]

الشباب كلهم ماقصروا الله يعطيهم العافيه
بس لا تنسى شي مهم جدا جدا المدهنه هي اهم شي اذاكانت ملتهبه الطير ما يطير
اذا كنت قريب من الرياض مر ابوعبدالله العويدي

[..@القناص@..]

والله يابعدي .. مالكم الا تفحصون الطير وتتكدون اذ1 هو سليم او لآ.

[نواف بن ناصر]

هذا والله العالم انه التهاب الرئه \التنفس\
انا كان عندي جير وفي نفس المشكله حتا اذا هديته طياره قريب ولايرتفع عن الارض ويوم وديته للبيطري قالي فيه التهااب الرئه
أنا مع أخوي وفعلا مثل ما قال
إذا موقعك بالشرقية مر على د.فارس التميمي
ويفيدك إن شاء الله
وربي يشافي طيرك.

[عاشق الفتك 20]

مااقصرو الاخوااان افادووك

[ناصربوخليفه]

وعليكم السلام ورحمة الله وبركاته..
اخوي عجل به على البيطري لأنه حسب معرفتي يمكن يكون يه تسمم بالدم...
تقبل مروري..

[دروب العنا]

حياك يالغالي

انا طيري صار له زي كذا

وصار فيه تسمم بالدم وتضخم بالكبد

زي ما افادوك الاخوان

بس عجل عليه با العلاج

ياحبذا توديه ل ابو عبدالله العويدي

واذا كانك تبغا توديه للمستشفى حذاري ثم حذاري من الفحص الكامل انتبه لانه يذبحونه با البنج

انا قبل فتره تسببو في موت طيري

بالمختصر لا تفحصه فحص كامل وانما عطه علاج حبوب

وموفق يالغالي -والله يشفي طيرك

تحياتي000000

[صاحب نوماس]

الله يشفية هذة الحالية صارت لطير معي والغالب انة سكون اقلاع داخلي بس رح للبيطري ولاتهملة لانك اذا اهملتة مثل اخوك احتمال يصير لك مثل ماصار لخوك يموت الطير

[طرح الشبك]

اخوي الغالي خذ العلم مني
افحص نضر الطير يشوف مسافه قريبه فقط لاغير

[ديوان العرب]

ياخوي بارك الله فيك اذ منت خبير بطيور وفي معرفة علة الطيور وده اقرب بيطيري او مستشفى صقور لاتترك الطير كذ يموت الطير بين فيه عله وانصحك لاتنشنذر يموت الطير الشناذره تفقع كبود الطيور السليمعه تنزل الشبيكه ومعها دم وطيرك مريض تذبحه على طول

[omar 1974]

السلام عليكم شلونكم عساكم بخير اريد اسألكم على طير الجير اذا كان فرخ السنة كم سعارهم ومشكورين يا الكناصين

[فيصل الذيب]

كان عندي طير نفس الحاله تقريبن شريته وهو مربوط سنتين ماتحرك عطيته حبوب كوكسيديا و شب لينه اذا جا على التلواح يتملع وادعيته اسبوع من قريب وكل ماله ويزين لما سلم وقام يلحق الدحول مشاء الله عليه