عندي مشكلة تشويش بالايكوم

[zohir]

السلام عليكم

اريد حل لجهاز الايكوم موديل 8000

عندي ايكم يشوش عند اشتغال ثلاجة السيارة علما بأن : -

1 - الايكوم غير مثبت بالسيارة .
2 - بعيد عن الثلاجة بحيث ان الثلاجة بالخلف .
3 - السيارة باترول 2009 جديدة
4 - علما بان المشكلة تظهر سواء كانت السيارة تشتغل او طافية
اريد الحل عن اسباب التشويش اذا اشتغلت الثلاجة

[ابوناصر426]

السلام عليكم
اول شي هل جربت تركب الايكوم بسيارة ثانية غير سيارتك، وشف هل فيه تشويش والا لا، اذا مافيه تشويش فالمشكلة من السيارة، واذا فيه تشويش فالمشكلة من الانتل او من الجهاز.

[zohir]

اولا شكرا لك اخي ابو ناصر على ردك . اخي ابو ناصر والكلام للجميع .. الجهاز والاريل ما فيه خلاف بدليل انه اذا طفأت الثلاجة يصفي الجهاز وتذهب مشكلة التشويش واذا شغلت الثلاجة تظهر مشكلة التشويش حتى لو السيارة طافية .. وهذا يدل على انه الجهاز والاريل سليمين مبدئين ,, ولكن يوجد تعارض بين الايكوم وثلاجة السيارة كيف احل هذا التعارض وشكرا

[وادي الريمة]

مرحبا بك يااخي العزيز
هل سلك الكهرب حق الايكوم في الولاعه او الي البطاريه دايركت...

[ابوناصر426]

اولا شكرا لك اخي ابو ناصر على ردك . اخي ابو ناصر والكلام للجميع .. الجهاز والاريل ما فيه خلاف بدليل انه اذا طفأت الثلاجة يصفي الجهاز وتذهب مشكلة التشويش واذا شغلت الثلاجة تظهر مشكلة التشويش حتى لو السيارة طافية .. وهذا يدل على انه الجهاز والاريل سليمين مبدئين ,, ولكن يوجد تعارض بين الايكوم وثلاجة السيارة كيف احل هذا التعارض وشكرا

مرحبا
انا مركب بالسيارة ايكوم 2200 ومركب ثلاجة شابكها على الولاعة الخلفية وما عندي هالمشكلة، علما بان الايكوم مشبوك على البطارية دايركت.

[wafian]

ممكن ترانس الاستقبال فيه مشكله ؟

[ابو نواف المطرفي]

اخوي اتوقع ان الجهاز والثلاجه .. مشبوكات سوا ..

خل الجهاز على البطارية دايركت .. واهم شي يكون السلك فيه فيوز
خل الثلاجة على الولاعة

[أمير الكشته]

السلام عليكم
أنا معي باترول ونفس مشكلتك إذا طفيت السيارة راح التشويش .. والحقيقة ان التشويش أثر على الإستقبال بشكل كبير ... واول كان إرسالي ممتاز وقوي جداً ماشاء الله لكن بعد ماأضفت أسلاك لأصابع البطارية حصلت لي المشكلــــــة علماً أنني شابك على أصابع البطارية مجموعة كثيرة من الأسلاك وهي : كشافات للدعامـة
مراوح خلف الشبك . لمبة كبوت , لمبة طبق . ونش . قارمن . محول كهرب . عدد 2 . وغيرها من الاسلاك للتجهيز وبصـــــــــراحة ماقدرت أحـــــــدد السلك اللي سبب لي المشكلة واعتقد ان الحل هو اني افك الاسلاك واحد واحد عشان احدد السلك اللي مسوي وشوشــــــــــة .. لان أول كان جـــهازي سليم جداً من الوشوشـــــــــــة !!!!!!
وجربت جهـــــــــــــــاز ثاني ونفس المشكلة وشـــوش مع الأسف .. واصابــــع الاتهــــــام توجه للاسلاك اللي مشبوكـــــه في اصابع البطارررررية ... والبحث جاري ورجاء اللي عنده حل لايبخل علينا انا وصاحب الموضوع جزاه الله خير
وان شاء الله ربي يدلنا على السبب ..

[wafian]

السلام عليكم
علماً أنني شابك على أصابع البطارية مجموعة كثيرة من الأسلاك وهي : كشافات للدعامـة
مراوح خلف الشبك . لمبة كبوت , لمبة طبق . ونش . قارمن . محول كهرب . عدد 2 . وغيرها من الاسلاك للتجهيز



غلطان يا خوي
خطر عليك و على السيارة
عموما بعد تضبيط الاسلاك تاكد من ترانس الاستقبال

[ابوغلاب]

القارمن يمكن له سبب وايضا لو تحط تأريض راح ينفعك ان شاء الله كثير وترتاح

[راعي المستوي]

السلام عليكم ورحمة الله و بركاته
نفس الشي حاصل لدي مع العلم ان الايكوم على البطارية الاساسية و الثلاجة على البطارية الاضافية

سألرفع الموضوع لعل الاخوة يجدو لنا حل

[القطاوي490]

انا معاي بعد نفس المشكلة

كان جهازي ايكوم 2200 وغيرت الجهاز من ايكوم الى ياسو وحتى سلك الاريل والكهرب غيرته والى الان المشكلة موجوده وعجزت القى لها حل !!!!

باقي اغير الثلاجه !!!