شارك اخي بابيات عن الطيور ووصفها

[ابشر بسعدك]

وش رايكم ياصقاقير نجيب شي يحرك منتدانا الطيب بطيب اهله ورواده ونخلي الدعوه لكل من لديه وصف وابيات عن الطيور ووصفها وعن المقانيص

وابي ابدى انا واولآ

يقول الشاعر :

واطيري يالي مايتاوق ايلا شاف ...........ويلا سمر بالطلع تل وعطيه
ول مكوبر الحفال ماهوب خواف ........... والطايره ماقط عنها دعيته


اتمنى اني وفقة بالنقل وماغلطت بالبيوت بس اللي يعرف منهي له يعلمنا تكفون

[صقار 502]

يامحلا شوف الحباري ,,, وطير بتكايه من يمينا

ولين علقها طيري الوكري ,,, وانا انزل من سياره عجلينا
وشكرا على موضوع . هاذي قصيدتي:)

[سعودي و افتخر]

متى على الله نبتدي هدت الطير ... و نشوف جنح الي بحبه بلينا
الي على شانه قطعـنا مشينا مشاوير ... و الا لغيره بالخــلا ما مشيـنا

[الفياض***]

جثل اللحم كنه من الريش محرووم
,,,,,,,,,,,,,,,,,,,,عدل المناكب باديات الثنادي
ما يختلف فيه الصقاقير معلوم
,,,,,,,,,,,,,,,جنسه اصيل الطير طرح الحمادي
ساموا و قمنا نفرق السوم بالسوم
,,,,,,,,,,,,,,,,,يوم ان بعض الناس زاد المزادي

[مبارك 1]

ماشاءالله

انا عجبتني ابيات صقار 502

[طراش]

يقول الشاعر

يابو هلا الطير غنث البال ******والطير نز والحباري قليله

[ابو شعيله 1]

الفرخ لا يغويك في صفت الريش

طير الحباري ياريش العين قرناس

الفرخ لامنه ظرب ينتف الريش

اما القرناس لامنه ضرب يشلع الراس

[SNGAAR]

هذي القصيده من ابياتي قلتها في شاهين عندي


ياهل الطيور الي تروم البراقيع / امبرقعاتن لين يضهر قمرها
فرخن شجيعن والحباري مفاقيع / وانتو ضلمتو فرخها مع وحشها
انتو تجارتكم مصادر وتصنيع / وحنا اتجارتنا تقفاي ثرهاااا
اليا خذيت الي نضرها تقاطيع / شهانتي دم الحبارا هبلها
اليا اطلبت تشفي عليل المواجيع / والي معك من سبقها ماسبرها
ريشن دقيقن والظهر فيه تلميع / هذا دوا عيني وهاذا طربها
وعينن زهاها كحلها بلمداميع / خرشن شجيعن تعجبك لطلبتها
مسكين ياقلبن يحب المطاليع / وحال البحر بينه وبين اثمرتهاا

اخوكم :سنجاار

[قرناس شماالي]

وطيري يلي زودو فيك الاثن اشعل ضهر وصدري يجهم شعاعه

الى ركز بمجلسي طير حوران تجمعو عندي كثير الجماعه
تقبل تحيات\صيادسكاكا

[ابشر بسعدك]

كنه ايلا فرع وشاف امتفاجي..
العاشق الهايم ايلا شاف معشوق
تشوف وجهه فاتنن بنبلاجي..
ولو لاج والله مايغضي على الموق
وان كان مالك في هداده خراجي
وتلك يبي الملاحاق والسبق ماثوق
عقد حجاجه عقب ماهوب راجي
مثل الحشيم اللي على الوجه مصفوق
وتبادلة بينك وبينه مناجي
عذرا ولوم دار من غير منطوق
تقول خفت من الوعر والعجاجي
وان ضعت عقبك همي الطاق مطبوق

[سٌِِّيَآفْ]

الله من قــلـب هـجــوسه تــمـلــه0000مـل الـغــضا لمـبـهـرات الــمباهيــر

شـوف الـبراري والـفـضا ولـعت لـه0000لا شفت بالمنــشا مـزون مـزابـيـــر

يامـوتــري ريـحتـك الـقيــض كــلــه0000أبــيك لاقامـت تطـول الــمشــاويــر

لابـد لـك لابـرّد الــــــوقــت تـــلـــه0000يحن ماطـورك علي ساقة الــطيــر

في ماقـعِِ بعــض الـعرب مايــدلــه0000مدهل لـفتـخان الرجال الـمـناعيــر

نـبـي لـنا مـعـهـم وناسـه وفـلـــه0000مع درب مسهاج الوسوم المباكيــر

ليا أصبحت روس النــوازي مـطـلـه0000عقب الجليد نكّسـر الثلج تـكسيــر

ثم أصبح القرناس من عـقب طلـه0000يوجس بجلده مثل دق المساميــر

واستطلعوا خطو أشقــر عادة لــه0000حرش الكفوف يمـزّر الخرب تمـزيــر

والبارحه حل المساء قد حصل له000عشاءخفيف من ابرق الريش تنسير

لافــرعـوه وشافـهـن وادرجن لــه0000وأدلج وراع الجمس كفه علي القير

وتضايقن عقب الفضا وأحـضرن له0000وسلط علي وحده وذلّـك مـخامـيـر

وليا المشبـب عندهم مزهب لــه0000بالي ندبهـا طيّــر الريــش تــطيـــير

والخرب طـقه ماتــعــدى مـــحلــه0000والـثــالــثــة فـرّت ولاعــيـنـت خيــر

بــطيارهــا شفـنا غـباره وخــلــــه0000زمّــت وحــوّلـها ولي الـمــقــاديـــر

أعلق بها اللي عوقهن سهمة له0000شيـهان عوق ملوعات المـعـاشـيـر

ملمــوم مثل الصول طولــه بجـلــه0000أجـرد يصـخّر شرد الـبـرق تـصخـيـر

وكـل ركـض لـلـي بوجـهه يشلـــه0000تــزارقـوهـن بالــحدود الـبــــواتــيــر

أكبودهـــم عقــب القـــرايا مغـلـــه0000تسع الشهور نــقزر الوقت تـقـزيــر

وركــبـوا وقــالــوا تبّع الجمس ظلـه0000لاما نقول أوقــف كفيـت العـواثـيـر

نــبــى لنا خـد مـــهامـل امــزلــــه0000مادوجت فيها الغنـم والمـظاهـيــر

تلـــقى بــهـا زرق المعارف محلـــه000بـيـض الدواغـر مـتـعـبات المـداويـــر

هذا هــوى اللي قزّر القيـض كـلــه000ماشاف غيـر القوبـعـة والعـصـافــيـر

[خأإألد]

معـي أشقرن جثل المناكب أغلاظي..
أفحج أمسرول والمناخر وسيعه ...
والبـوز وافي والثنادي أعــراضي...
حرشن اكفوفه مثل شوك النقيعه...
صيروم ضربه بالهداد انقضاضي...
مضرب اكفوفه بالحباري شنيعه...

أخوكم : خأإألد

[A.B.A]

هذا قلتة بطير الأول وأسم الطير فواز

يزين شوف فواز بوسط السفاري ... عاجبتني يالربع نظرة عيونة

وفية واحد امن الربع طلبني شقيلة وحب أنة يمازحني لأنة يعرف بغلا الطير عندي

فقال
تسلم وأنا أسلم ويسلم راس فواز ... يالله عسى فواز مايلحقة عوق


أخوكم أبو نواف

[تـقوى الهجـر]

يعطيك العافيه على الموضوع

قصيدتي

الي قنص ومامعه فرخ شاهين**يحسب على التفريط في كل حزه

[333]

استلم

يــا مـــن لـــقـــلــبٍ فـــي هـــوا الــطــيـــر مـــلـــتـــاع
والــطــيـــر فــجــر بــه مـن الـحــب يــنــبـــــــــــــــوع

اشــتـــاق لـــه و أقـــــــزي عــن الـــنــوم لا ضـــــــاع
و أنـــوح نــــوح و تـــــزعــــج الـــعـــيــن بــدمـــــوع

لامـــونـــي بــحــبـــه و لانـــــي بــــــســـــمــــــــــــاع
و مــــــن لامــنــــي بـــالــطـــيــر مــا هــو بــــمسموع

شــــفــي مـــن الــبـــحـــري غــــريــــبٍ بــالأنـــــواع
شـــيـــهـــانــــةٍ بــحــــريـــةٍ طــيـــبــة نـــــــــــــــوع

جــثــلٍ نـــحـــرهـــا بــــأشــــعـــل الـريــش شـعــاع
بـكــر تــقـول بــكــفــهـــــا الــمــــوت مـــــــــزروع

مــــاهـــيـــب لا تـــــشـــــرا ولا هـــيـــــب تــنـــبـــاع
يــــومــــن ســـــواهـــا بـــأول الـــســـوم مـــبـــيــوع

عـــوق الـــطـــيـــار لـــيـــا فــــرد ريـــشــــه وفـــاع
خــربٍ نــهــض روحــه مـــن الــخــوف والــــــروع

تـــهـــوي بـــمـــخـــلابٍ لــلأرواح نــــــــــــــــــــــزاع
مـــن قـــو ضـــربـــه يــــودع الـــعـــنــــق مـــقــطـوع

تـــــورد عـــلــــيــــه بـــكـــفـــهــــا كـــــل قـــطـــــــاع
وتـــســـقــيـه مــن كــاس أحــمــر الـمــوت قــــــرطوع

مــن ضــربــةٍ مـــن كــفــهــا ريــــشـــه أمــــــــــــزاع
و لامـــن ثــنـتـــهـــا لــه غـــدا الــخــرب مــصـــــروع

تــطــفــي لـــهـــيــــب مولـــعٍ صـــابــــــــــــه اولاع
عــلــى الــقــنـــاصــه والـــهـــدد هـــده الـلــــــــــوع

[عساف @]

انا هواي ومطلبي وشف بالي
وعيدي وسعدي يوم نفسي هنيه
فوق جيبن ماطراله طرالي
شوف الفياض وفيدي صيرميه
شيهان نادر ماكره بالجبالي
مهوب تهجينن عزومه رديه

[غريم الحباري]

يا عيد وصيتك علـى فـرخ شاهيـن***يا ظن من هقـوى وصابـت ظنونـه
تراك راعي صنـف في الطيـر وذهين***صقـار والصقـار مــا يغلبـونـه
شافوه في الدوحة على ذمـة حسيـن***والناس في حـي النصـر يذكرونـه
ما صار له في السوق يا عيد يوميـن***مره يا بـو محمـد ولا لـك مهونـه
وكانه مثل بارود يـا حـي ذا العيـن***لي شافـه الصقـار طـارت جنونـه
وحده من الثنتيـن مـا فـي ثنتيـن***هاتـه وعطهـم فيـه مـا يطلبونـه
وعينك عليه يسار يـا عيـد ويميـن***وتـراك راعيـه مكانـي وعـونـه
من قبل لا تصدفه عيون الحسوديـن***شلـه قبـل يـا عيـد لا ينقلـونـه
ودارك عليه اشـوي ببزيـن وببزيـن****وتكفى يا بومحمد من الكفـخ صونـه
هذا شبيه اللـي غـدا قبـل عاميـن***اللي عقـب فرقـاه كثـرت طعونـه
بارود عقبـه مـا نقلـت الشواهيـن***ابطيت من جنسـه وجرمـه ولونـه
طرح الشبك يا عيد ما هـو بتهجيـن***خلطة نمونـه مـن فصيلـة نمونـه
شبك العمودة في اخر الفيـن واثنيـن***جـدام عينـي اليـوم هـم يمهدونـه
له من طلوع سهيل في الجـو ستيـن***ليلة وريشـه بيـن شمـس ولدونـه
وعلى كفوفه من صبخ فارس الطيـن***وفيها من حيـوده وضلعـه خشونـه
ومن يوم شفته قلت ما فيـه راييـن***انـا زبونـه يـا مــدور زبـونـه
ما هي خسارة فيه لا سقـت خمسيـن***الف على اللي لـي عبـر يشبكونـه
غالـي ولا يستاهـل الكـود غالييـن***علينـا بالرشلـي بالـلـي تبـونـه
لو كان يلحقنـي ورى سعـره الديـن***صيـده يسـدد فـي عيونـي ديونـه
وافي وعاري ريش والعرض شبريـن***وطوله مثل عرضـه ولا هـو دونـه
طويل عاتـق مفرعـه حـد سكيـن***دابا على الصيـد يشخـص عيونـه
اسود ذرير الكحل في محجـر العيـن***سـواد ليـلا لـي تضافـت ردونـه
ذيله قصيـر لـي تلاقـى الجناحيـن***ومتفهقـات لـي نطحـتـه متـونـه
ولي قفيتـه كانهـا قـوس رمحيـن***وملامسـه جبـره ولا بـه ليـونـه
معقـل السيقـان سـاقـه بساقـيـن***وساقه جبر ما فيه صخـف ومرونـه
استغفـر الله مـا يكفيـه وكـريـن***واشلـون لـي شافـوه بوصفـونـه
لي فرعـوه وبـرزوا وكـره يزيـن**** برقعـوه يـزيـن ويفرعـونـه
وان برقعوه ودبـروا عنـه مقفيـن***مـا كنهـم فـي البرقـع يبرقعونـه
منيـن مـا حافـوه ومنيـن ومنيـن***زيـد زينـه كـل مـا يدرجـونـه
وصيده في مقنـاص الحنيـة ثلاثيـن***واقصر عددهـا خـوف لا ينضلونـه
كنـه يقـول طيروهـا علـى ويـن***يردهـا والـروض مـا يقطعـونـه
والخرب لاقفى لي السما عقب طيرين***ويشوفهـا الـشـواف ويضيعـونـه
وقاموا هل الجيات واهـل النياسيـن***باسمـه وفعلـه كلـهـم يزهمـونـه
غلوه والعـداد مـن فـوق تسعيـن***ولا عـاد عقبـه طيـر بيلقفـونـه
يرقى يا لين يغـط ويضيـع ويبيـن***واللي يشوفـه فـي السمـا يتبعونـه
واذا استوى يرهي على اللحق يا معين***يلحق يـا بـو محمـد ولا يلحقونـه
راعيه في المقناص طلـق الحجاجيـن***مـا هـو بجرنـاس يربـط بغـونـه
حرا على وكره تقول خيشـة طحيـن***لكنهـم فـي اللحـق مـا يمدحونـه
تلاب للمقفيـن فـي الطلـع نعميـن***ولي صادها في القـاع مـا يعزلونـه
ولي عزمـت ياخـذ معاهـا مرديـن***وعينـه علـى الملـواح لا يحذفونـه
والطير لو ياخذ مـع سنينـه سنيـن***احسب على يوم يجـي فيـه خونـه
اما يموت وساعتـه مـا لهـا حيـن***والا يجـي لـه وقـت ويضيعـونـه

[ابوناهض]

غرامي نقلة القرناس ومرافق زحول رجال(شرواكم)***مناعير تسد البال وتحمي القاله
معاهم لذةالدنيا مزوح ودله وفنجال***على نارعليل الروح منها ينشرح باله
وعلى كفي عديم مخلبه مايرحم الحفال***عطيب مثل الحد مصقل بيدين قتاله
تلوفوقه صقاقير وراه يدورون ريال***وحش فرخ مواكيره هظاب ايران وجباله
نحره ابيض وراسه كاشف وصافي وريشه خال***معرى جسمه وزين وصوفه باقي افعاله
عريض الصدر مفهوق جناحه والعظام جلال***وطول وعرض والنادر من النادرتسلساله
قصير كراعه وساقه عليه مظفي السروال***احليبه على رردون الملوك بطون سرواله
(وارجو ان القصيد حازت على رضاكم ..وصح لسانك يبو مدعث)

[راعي ملموم]

قالوا شمالي قلت انا جايزلي...&*&...لكن فعله مافعلنه مغاتير
.................................................. ...................
ياكثر ناسن تعاندني على الفاضي...&*&...يقول طيري وطيري وياكثر هرجه
وملموم لامن طلع خلاه يعتاضي...&*&...برقع طيوره وقال الصيد في خرجه
قالوا شمالي وقلت دعووجه اعراضي...&*&...لكن ماهو ينتش صيدته حرجه
وان عودة للفعل ملموم فراضي...&*&...جوايز امسابقات العام في درجه
ضبط امورك وانا بزهب اغراضي...&*&...خابرك مثلي شجاع وتقطع الفرجه

[صقار شياهين]

وش رايكم ياصقاقير نجيب شي يحرك منتدانا الطيب بطيب اهله ورواده ونخلي الدعوه لكل من لديه وصف وابيات عن الطيور ووصفها وعن المقانيص

وابي ابدى انا واولآ

يقول الشاعر :

واطيري يالي مايتاوق ايلا شاف ...........ويلا سمر بالطلع تل وعطيه
ول مكوبر الحفال ماهوب خواف ........... والطايره ماقط عنها دعيته


اتمنى اني وفقة بالنقل وماغلطت بالبيوت بس اللي يعرف منهي له يعلمنا تكفون
اخوي هذي الأبيات للشاعر/عبدالرحمن العطاوي والنقل جيد بس آخر الشطر الاول (عطيته) أما مشاركتي قصيدة للشاعر عبدالله بن عون /
ياطيرماحدك نصيبك على خير ..................وراك مسجوناً بوسط الغمارة
حسبي على اللي عزرو فيك تعزير.................. تكفخ ويصلاك الحديد بحرارة
ألى آخر القصيدة وسلامتكم

[ابشر بسعدك]

اخي صقار الشياهين الله يطول عمرك تعرف العجله الله يكفي شرها وشكرا على التوضيح والله شاعر هوازن عملاق وفحل في الشعر والشاعر الكبير عبدالله بن عون شاعر عملاق وكبير وعلى فكرة كثير من الناس مايعرف ان افضل من يكتب قصايد الوصف في الطير هم شاعرا عتيبة العطاوي وابن عون ولهم مساجلات كثيره من احلى ماكتبو من الشعر في الفترة الذهبيه لهم بداية السبعينات والثمانينات

[عين النداوي]

الله الله الله


صح السانكم جميعا بصراحه استمتعت بقرائة القصائد والابيات وبصراحه عجبتني ابيات الطير فو1ز

عسى الخرب فاله

[أإبوشمر]

---------------------------------------------------------------------
قمره شهر عشره وبراق جبلي
لاشفتهن مالي مع الناس مقعاد
ياكثر ماقالولي الناس مبلي
وراعي الولع ماهو عن الناس نشاد

[ghazyy]

اخوي ابشر بسعدك --اهلا وسهلا

القصيده اللي ذكرت هي للشاعر-عبدالرحمن العطاوي وهو شاعر غني عن التعريف

واذكر منها البيت الاخير --
غدت به اللي غرفها غرف مجداف--من يوم شفت طيارها مارجيته

[برقى الجناح]

قصيدة الشاعر / شبيب بن عرار النعيمي في المقناص








ياهل الطيـور مبعديـن المراويـح

ياللـي لكـم فالبـر والصيـد راده

سهيـل بيّـن وأرزمـن المراويـح

والنود عقب القيض ذعـذع بـراده

والجو زان وزان وقـت المساريـح

وكل (ن) يجهـز يانشامـا عتـاده

من فوق مايدنـي بعيـد المشاويـح

طرزه جديد ومركب أهـل السيـاده

من مصنعه صمم لبوج الصحاصيح

ومن مصدره صدر ومعه اعتمـاده

شفي اليـا انحـن النجـوم المدابيـح

اليـا اهتنـى للنـوم راس الربـاده

تله على خط (ن) تعاوى به الريـح

مسراه طول الليـل مامـن هـواده

ينصى الفياض اللي بها زايف الشيح

قفر (ن) عليها الوسم هـل القـلاده

فيها الزهر يلعب معا الريح ويريـح

والورق تسجع فوق غصـن الكـداده

والربد فيهـا ممسيـات ومصابيـح

تـدارجـن بشعابـهـا والحـمـاده

ومعنا الحرار الصارمات المشافيـح

اللي لهن صيـد المخاريـش عـاده

كل اشقر (ن) بالفعل كنـه شلويـح

عوق العنيـد اللـي تزايـد عنـاده

أشقر نحر ماخذ مـن الثلـج تلميـح

كن البياض بقحف راسـه ضمـاده

صافي ظهر وموضح الريش توضيح

لون البرد لونـه ويكشـف زيـاده

طوله بعرضه والمناكـب مشابيـح

متقلـط الثنـداه كنـهـا الـوسـاده

ومنسر جليل (ن) والمناسم مطافيـح

وعين (ن) بها جمر (ن) تزايد وقاده

كنه الى اطلع وانتهض عقب تمريـح

عنق الحنيش اللـي يهـاوز جـراده

كن وفقته رجلن على الجمـه يميـح

ضافي شليل وجـل ساقـه سنـاده

هو السنـد يـوم الهـدد والتماديـح

طير السعد يـوم اللـزز والجـلاده

لاجا نهار (ن) فيه للفعـل ترجيـح

ياهل الطيور القـول يبغـي وكـاده

الخرب قـدم عيونكـم يالزحازيـح

روح يضف الريش جـل اجتهـاده

تسعة طيور (ن) عندكم روّحت ميح

مافيهـن اللـي يستحـق الاشــاده

من عقبها قالوا معـاك التصاريـح

قلت ألزمو والخرب جالـه صمـاده

ظهر ومتنـه يلفـح الريـش تلفيـح

يرمع بمتـن (ن) ماتجيـه البـراده

اللي يشوف الخرب قـال التفاريـح

واللي يشوف الطيـر هـل الشهـاده

الطير وصل الخرب مافيـه تبريـح

شكـه براسـه وابشـرو بالسعـاده

من فوق متن الغيم جابه على الضيح

( كنه مضلي في حـروب الابـاده

أنا أشهد انه يشـرح البـال ويريـح

يوم الهـدد والقـول يبغـى وكـاده