عداد الزيت في اللاندكروزر

[غربي هواوي]

السلام عليكم

عندي لانكروزر 2002 ملاحظ له كم اسبوع عداد ساعة الزيت يطيح عن مستواه الطبيعي وهي واقفة ولا دعست بنزيم ارتفع طبيعي

طبعا ما كان كذا فهل هو عادي
او ان الطرمبة بدت تضعف

[_دربيل_999]

أخوي يمكن زي ماقلت أنت طرمبة الزيت ضعيفة
ولكن من اسباب ضعفها تراكم الرواسب عن فوهتها في الكرتير..

طرملة الزيت في الجيب اعتقد آلية ماهي كهربائية..

اعمل تنظيف للمكينة واذا تحسنت الحالة قم بفكها وتنظيفها او غيرها,,

الله يوفقك

الروقي

[new boy]

اخوي كان معي جيب نفس الموديل قبل 3سنوات ونفس المشكلة وجلس سنة الى مين بعته طبيعي مالها اي تأثير

[الكونترولCONTROL]

أكيد من يوم دخل البرد ؟؟! شيء طبيعي !

[بارق تميم1]

أحتياط شيك على الطرمبه ممكن تكون زي ماقلت ضعفت

انا عندي Vx_r على الربع وإذا دعست البنزين ترتفع لنصف وماتتعداه
وديته ورشه وقالي إن اغلب الفكسارات كذا
لأن المشكله بأسلاك الكهرب حقة الساعه وماعرفولها حل (على كلام المكانيكي)
والحين الموتر له عندي اكثر من 3 سنوات وماشي زي العسل اللهم لك الحمد

[a2005bdullah]

اخوي اذا فوق الربع انشالله ما في مشكلة لاكن اذا تحت اكيد في وسخ متراكم على صفايت الزيت .
و طرمبة الزيت يجي لها تروس هي اللي تحتاج تغيير اذا وقفت الطمبه لا كن بدايتا حاول تفك الكرتير و تنضف الصفايه.
انشالله اكون افدتك

[VXR.2007]

شف يا اخوي اذا كان الامبير على الربع وانت مشغل السيارة بدون ماتدوس بنزين واذا دعسة البنزين يرتفع لين النص وفوق بشوي هذا طبيعي مره اما اذا كان على كلامك طايح مره يعني تحت الربع بدون تدوس بنزين هذا فيه مشكلة

[غربي هواوي]

أكيد من يوم دخل البرد ؟؟! شيء طبيعي !


فعلا هالشيء صار من بعد ما دخل البرد

اشكر الجميع وما قصرتوا

جزاكم الله الف خير

[ن م ر]

انا موتري نفس الموديل Gxr والموتر واقف عداد الزيت على الربع

واذا مسكت خط والسرعه فوق 120 العداد ينزل تحت النص ويوصل فوق الربع والوضع عادي جداً

واعرف ناس كثير معهم لاندكروزر موديلات مختلفه ونفس الوضع

بس واحد من الشباب صار موتره مع الخط ينزل الامبير حق الزيت إلى اقل من الربع بكثير لين الخط السفلي وراح فحص موتره وقالوا له هذا من حساس الزيت او شي زي كذا

[قمري قيال]

اخوي الضغط اذا يزود فوق النصف مع الدوس ماعندك مشكله
ولكن للفائده وغيرك معلم ان المهم هو لمبة الزيت اذا اشتغلت معناه ان الطرمبه خربت وهذا يؤدي
الى تخبيط المكينه

[سوبر VTC]

اخوي الضغط اذا يزود فوق النصف مع الدوس ماعندك مشكله :good2:

ولكن للفائده وغيرك معلم ان المهم هو لمبة الزيت اذا اشتغلت معناه ان الطرمبه خربت وهذا يؤدي
الى تخبيط المكينه



سلمت :good:
الخراب قد يكون انسداد فلتر الزيت
او من ساعة او حساس الزيت بالسلندر
او من دينمو الانبير
لكن
لو كان عندك مشكلة بموترك
كان تولع لمبة المكينة لدلالة على ضعف طرمبة الزيت
او
تولع اللمبة بسبب ان الطرمبة عضت مبوشة
و الاهم من هذا كله
لو كانت الطرمبة عندك خربانه

كان اذا وقفت تسمع صوت طقطقة للمكينة
و بعده
راح تخبط المكينة و تدور السبايك
بسبب ان الزيت ما يلحق على المكينة
بسبب ضعف الطرمبة

موفق

[حبو 1]

هذا ضعف في طرمبة الزيت او عطل في الحساس عادي جدا بس انتبة خل عينك على العداد لا يصير الضغط دايم نازل ولا تجيم وانت ماشي ا


الله يحفظك

[رفيع المقآم]

يالربع انا معي فورد ينزل لين السي مره واشيك على الزيت تمام ماهو زايد ولاهوناقص مادري وش السبب مع العلم اني اول ما اشغل الموتر اسمع صوت طقطقه خفيييفه ما تذكر ثم ترووح ما ادري وش السالفه

[سوبر VTC]

يالربع انا معي فورد ينزل لين السي مره واشيك على الزيت تمام ماهو زايد ولاهوناقص مادري وش السبب مع العلم اني اول ما اشغل الموتر اسمع صوت طقطقه خفيييفه ما تذكر ثم ترووح ما ادري وش السالفه


صوت الطقطقة خصوصا في الصباح طبيعي جدا
لان كل الزيت نازل في الكرتير
و هالصوت موجود عندي في الجمس عند التشغيل لمدة 5 او 7 ثواني
فقط
طبعا لو ضعفت الطرمبة عندك
راح تولع عندك لمبة الزيت :good:+ صوت طقطقة مستمرة بالمكينة
بدليل لو دست بنزين و انت واقف
يختفي الصوت مباشرة لان الزيت يرقا بسرعه بسبب
سرعة دروان المكينة من خلال الدوس
للمزيد
ادخل الرابط التالي و تحصل ردي بخصوص مشكلة موتري :good:

صوت طقطقة اول ماتشتغل السيارة - منتديات مكشات (http://www.mekshat.com/vb/showthread.php?p=3872577)


موفق

[قطب 999]

ممكن السيفون تقليد بقوه

[السومر]

الموضوع لرفع