ممكن تجاوبوني اذا عليكم امر...

[bo7a]

السلام عليكم....وبعد
انا عضو جديد وانشاء الله افيدكم وتفيدوني
انا اهوى صيد السمك بس ماعرف شي>> غشيم <<
انا شريت خيط مقاس 60 وانا بحدق على السيف هل ينفع ولا لا؟
عطوني مكان حداق بالخبر او العزيزيه ؟؟
وكيف طريقة رمي الخيط <<هذي عقدتي مع الخيط:( ما اعرف ارمي:mad: وياليت بالصور ؟؟
واذا عندكم معلومات تفيدوني افيدوني ياشباب ؟

سوف اكووووووووون شاكر لكم يا احبتي...:good2:

[A B D U L L A H]

آخوي حيآك الله بالمنتدى آولآ :)

--

إذآ قصدك خيط ( جلب ) فقط بدون مكينه وقصبه

تقدر تلفها على ( قبه ) تجي آلوان وآحجام وشكلها دائري

وإذآ تبغى ترميها طبعآ بعد تركيب الثقل والطعم المناسب للمكان والسمك الموجود

توجه القبه بإتجاه البحر بيدك اليمنى مثلآ وترمي بيدك اليسرى

وبالنسبه لآماكن الحدآق بالخبر في مكان بالواجهه البحريه ( امام مطعم شرنبي ) < يالبيه يالشورما حقته بس ههههـ

وعندك شاطئ العزيزيه بعد << اخوي العزيزيه مو بالخبر والا شلون ؟؟

وروح الدمام امام ( الفن تايم )

والجبيل آماكنها كثيره عد واغلط

--

وكلنا ترى غشمان بدايتنا <<< ولازلت غشيم ههههـ

اهم شي الصبر والتوكل على الله ولاتعتمد على فلان وعلان يقعد يعلمك

لازم تمارس الهوايه بإستمرار وتتعلم بنفسك آفضل

والله يوفقك يآرب

وننتضر تقاريرك القآدمهـ ( مع السبيطيات ) لاتنسى

تحيآتي لك :)

[DIVE STAR]

ما شا الله

ما قصر ابو عابد

وهو يعرف الديره

وحنا اذا لك خدمه في الغربيه الله يحييك

تحياتي لك

هادر

[A B D U L L A H]

وهذه صوره لآحد شروحاتي السآبقهـ


تبين شكل ( القبه )- إذآ ماتعرفها


http://www.mekshat.com/pix/upload03/images139/mk43765_2.jpg




--


وفي طريقه للرمي علشان توصلها آبعد نقطه داخل البحر " تقدر لها "


آفرد الجلب على الآرض مثلآ 50 متر


وآمسك من جهه الطعم والثقآل ولفها بيدك زي " المروحه " وتوكل على الله وارميها


بس آنتبه وشد على الثقال لايفقع رآس آحد جنبك ههههـ :D


والا تروح القبه عليك كامله داخل البحر :p

[bo7a]

ههههههههههههههههههه
يسلمو يسلمو يسلمو

يعطيكم الف عافيه

[accentkool]

تمسك الجلب بيدك اليسار وتلف الخيط اكثر من مرة وانت ترمي مد يدك اللي بها الجلب
هذا اذا كان جلبك كويتي اللي يجيك جهه سيدة وجهة مشطوفة اما اذا كان جلب الجلب العايدي
افرد الخيط بالارض على قد المسافة اللي ناوي ترمي لها ودور الخيط ولرمي

[شوار القلوب]

ماشاء الله افادوك الشباب

وفي الشرقية عندك الخبير عبدالله شوفه ماقصر معاك

[alrahl]

أنصحك بخيط 40 أو 50 أزرق

وربيان قطعه صغار وشكه في ميدار صغير

وفالك الشعوم .

[bo7a]

يسلموووووو جميعا وماقصرتوا

[bo7a]

بس انا شريت خيط مقاس 60 ولونه اخضر غامق شوي ...هل ينفع ولا لا ؟؟؟؟

جاوبوني بنعم او لا
ههههههه

[A B D U L L A H]

بس انا شريت خيط مقاس 60 ولونه اخضر غامق شوي ...هل ينفع ولا لا ؟؟؟؟

جاوبوني بنعم او لا
ههههههه

الآخضر من آفضل الآلوان ويختفي مع المويه وماتشوفه الآسماك

بس مو الغآمق - اللي يجيك مايل للزيتي