كرونة الجيب لها صوت وِش الحل

[الفارس919]

السلام عليكم
ياجماعة الخير
عندي صوت مزعج بالكرونه كل فتره يزيد بالجيب موديل92 في اكس ار
ولالقيت بالتشليح عندنا بالشرقيه اغيرها والصراحه اذا هي غاليه مانيب شاريها الحين بصبر عليها شوي
لكن فيه كذ واحد قال لي شغله عشان يختفي صوت الكرونه لفتره ماهي طويله بس القصد ارتاح من صوتها لفتره لين اشتري لها كرونه واغيرها يقولون لي حط بالكرونه شحم بدل الزيت ويختفي صوت الكرونه وازعاجها ؟هل الشي هذا صحيح او كلام بس اخاف اسويها واجيب العيد وتخرب مره وحده ,وسؤالي الثاني الكرونه تسبب مشاكل بالسياره يعني تظر القير او المكينه لو خربت او تأثريها عليها هي بس تتعطل اتمنا الي عنده خبره يفيدني فيها ولاعليكم امر,والي له معرفه بتشاليح بالرياض وعنده كرونات للبيع يعطيني رقمه الله لايهينه لاني اجي الرياض مرات ان ناسبني السعر بجي اركبها هناك بالرياض...
اتمنا الرد ولكم مني جزيل الشكر التقدير

[الطا مس]

اخوي الي عطاك المعلومه مافهمها زين الشحم تحطه مع الزيت وليس بدال الزيت ولا تكثر الشحم طقتين ولاثلاث طقات وليس شرط يختفى الصوت يمكن يخف الصوت وبرجع بعد فتره انت متاكد ان الصوت صوت كرونه يمكن صوت رمانات هل الصوت مستمر اواذا دعست بنزين يطلع صوت الكرونه ويختفي اذا رفعت عن البنزين حدد الصوت متى يطلع لكي نفيدك ....تقبل تحياتي

[الفارس919]

مشكور اخوي على الرد
الصوت مع دعسة البنزين صدقت واذا رفعت رجلي عن البنزين راح ولكن ماادري هو صوت الكرونه الي ورا او الي قدام وكيف اعرف واحدد المشكله ,والرمانات اذا هو منها كيف اعرف

[الطا مس]

هذا صوت كرونه اقرب حل لتحديد الكرونه العطلانه انك تفك عمود الدبل وطريقة فكه سهله اذا اختفاء الصوت بعد ما تفك عمود الدبل فهاذي الكرونه الاماميه واذا استمر الصوت فهاذي الكرونه الخلفيه ....وكيف تعرف انه رمانات غالبا الرمانات اذا خربت يكون الصوت مستمر ...وشيك على زيوت الدفرنسات..تقبل تحياتي

[الفارس919]

يعطيك العافيه اخوي مشكور وماقصرت على المعلومه والرد السريع
لكن بغيت اسألك عندي ازعاج بالعمود ونين بالخط يروح ويجي وقالي مره الميكانيكي انه العمود
ولافيني افكه لاني مااعرف كيف فكه وحتى لوعرفت افكه شغلته شغله لو بغيت البر لازم اركبه كل مره
لكن يمدحون الفرارت الاماميه الفصالات ولاادري كيف ووين يركبونها ووش النوع الزين فيها ووين تباع الفرارات عشان لابغيت البر اشبكه من قدام واريح من تغيير العمود وبنفس الوقت يخف الجيب سواقته بالبلد حسب قول الناس لاصار مفصول عمود الدبل من الفرارات..
الموقع بالدمام الشرقيه..

[ابو رشيد]

طريقه مجربه مع الجيوب القديمه
اذا كرونة الدفرنس الامامي مقاسها نفس الخلفي بدلهن وركب فرارات للدفرنس الامامي حتى يبطل الصوت
طبعا هذي الطريقة تنفع على الجيوب القديمه 89 وتحت لان دفرنساتها وحده وما ادري هل تنفع مع الموديلات فوق 90 شوف ورد علينا

[راعي البل 77]

وعليكم السلام ورحمة الله0
اخي الكريم0 فيه واحد سعودي في تشليح الحائر متخصص في اصلاح فك وتركيب ووزن الكرونات له تقريبا 40 سنه وهو يعمل في هذا التخصص 0 اسمه ابوسالم ج/ 0558786088

[سوبر VTC]

بعض الورش يحطون شحم
و البعض الاخر يحطون برادة خشب
و البعض يحطون اكرم الله النعمة قشر موز
و كله تخفف الصوت
انت متاكد انه ونة كارونة ؟
الصوت قد يكون حرة عمود مطعوج او به ميول
تاكد من صليبات العمدان الكردان و الدبل
ثم
فك العمود الخلفي و امش على الدبل الخفيف على سرعة 140
على السرعة اللي يطلع به الصوت
ثم
ركب العمود الخلفي و فك عمود الدبل و امش على نفس السرعة
و لاحظ هل يطلع الصوت ام لا ؟
قد يكون الصوت
من رمان العكوس
او
من رمان الكارونة
او من بنيون الكارونة الموصل بين العمود و طار الكارونة
او الكارونة تحتاج وزن
و تاكد لايكون الزيت ناقص سابقا
او اثر على الكارونة

على فكرة
الجيب الجيسكار م98 و طالع
احيانا ينتفض الموتر حرة شديدة
و يكون السبب من عمود الدبل و سعره ب800ريال
بدليل اللي ركبوا جديد راح الصوت

اهم شي تاكد هل ونة كارونة ام حرة عمود ام من الصليبات
اما
اذا كان من رمان العكوس فالصوت يكون مستمر صوت جرش
لان رمان العكس او الكارونة مايستحي صوتة مستمر

[ابو راكانm]

نفس المشكــله لكن معي فكس ار 2001
للرفـــــع افيدوني انا موضوعه قديم