فرضة الجبيل الصناعية أقفلت يوم السبت

[( ابو تركي )]

أقفل يوم السبت 16/1/2010 فرضة الجبيل الصناعية ولا أحد يعلم السبب علماً بأن مارينا الغانم بجانب الفرضة المذكوره تحت الإنشاء ولم تكتمل ويحتاج إلى عامين بسبب ضخامة المشروع والخدمات المميزة التي سوف أتكلم عنها بموضوع لاحق إنشاء الله

هل هذا معقول يا شباب يعني إذا أردت النزول على شاطئ الجبيل الصناعية أو إذا كنت مشترك بمرسا نادي الغوص( البوعينين سابقاً ) يجب عليك النزول من مركزالجبيل البلد أو مركز الفريع , تخيل مدينة كاملة سمعتها تهز العالم بالصناعة والتطور والعمران والخدمات المميزة لايوجد بها مكان لنزول الطراد لماذا لا يكون هناك بديل أو مؤقت حيث يوجد بمارينا الغانم مكان للنزول جاهزة للإستخدام يكفي لإنزال عدد 2 يخت في وقت واحد

على جميع الشباب المتضررين أن يقدمون شكوى إلى الهيئة الملكية بالجبيل الصناعية هاتف 3413000 او إرسال برقية لأحد المسؤلين عن طريق 969

صورة توضيحية
http://www.mekshat.com/pix/upload03/images144/mk47441_marena 2.jpg

تحياتي للجميع

[DIVE STAR]

الله يكون بعونكم

والله وضع محزن بصراحه

ان شا الله تجدون بديل او يرجعون يفتحون لكم الفرضه

تحياتي لك

هادر

[jasim7]

هلا اخوي منيفه

كلامك سليم اخوي انا نزلت موضوع تقريبا في مطلع هذا الاسبوع
لكن للأسف لم اجده هنا ؟؟؟
:( :( :( :(
اتمنى من المشرفين الحل ؟؟
-----------
طبعا للمعلوميه

اللي يمتلك طراد صيد يتوجه لفريع

ومن يمتلك طراد نزهه يتجه لنادي البحري

طبعا ذهبنا لنادي البحري ولكن قالوا لنا المكان مزحوم جدا ؟؟؟

طيب وش الحل ؟؟

قالوا قدموا خطاب للهئه الملكيه..
على فكره اجتمع اكثر من 15 شخص تقريبا وقدموا خطابا فيه
تضررهم بالقرار...

بس تدري سعر النادي البحري جدا غالي بقيمة بــ4000 ريال لمدة سنه

وبدون اي خدمات تذكر لا صيانه ولا محطة وقود

فقط لديهم ماء حلو لتنظيف الطراد ؟؟؟

انا يوم السبت اتصلت ع حرس الحدود فرع الجنوبيه (بجوار النادي البحري)

قلت ابي الحل ؟؟

قالي مالك الا انك تقدم خطاب وتروح حرس الحدود (داخل الميناء التجاري )
وتطلب منهم تمديد فترة الازاله ..

وللمعلوميه ايضا ممنوع منعا باتا وضع الطراد اما المنزل طبعا هذا بالنسبه لسكان داخل احياء الجبيل الصناعيه

---------

طيب واللي سكان بالدمام مثل حالتي وين يحط الطراد ؟؟؟

-----------------

شي يقهر :( :( :( :(

--------------
مشكور اخوي منيفه ع الطرح

واسف جدا طولت عليكم :( :(

من القهر والظلم لابارك الله فيهم

[A B D U L L A H]

يعطيك آلف عآفيهـ آخوي منيفهـ

والله يكون بعونكم يا آهل الطرادات

--

" وشلك بالبحر وآهواله وآرزاق الله على السيف "

المرسى الجديد اللي بالصوره كنت آصيد فيه والله حلو وحق جلسه ( لآنه بآقي ما آشتغل )

واللسان الممتد من جهه اليسآر آيضآ ممتاز وطلع معنا كم هامور ودويلميات وبلآوي تضرب مانعرف وشهي

المهم اخوي ... معقوله بعد سنتين بيشتغل المرسى الجديد ... ؟؟

قبل آسافر كل شي جاهز فيه من ناحيه ( الشكل والديزاين ) ليش كل هـ التآخير ؟؟

والغانم هل هو التاجر المعروف ؟؟

ماشاء الله كل مرسى ماسكه واحد ... البوعينين والغانم - الله يرزقنا واياهم

[jasim7]

لتصحيح اخوي منيفه

سوف يتم اغلاق المرسى يوم السبت

بتاريخ

08/02/1431هـ

الموافق

23/01/2010م

طبعا المعلومه ادري فيها من الاسبوع الماضي يوم الجمعه كنت بالمرسى

---------

وقلت عشان اتأكد اكثر اتصلت عليهم الان وقالوا نفس الكلام

سوف يتم اقفال المرسى الاسبوع المقبل

----------

للتأكد اتصل ع الارقام

رقم مرسى الفناتير الشماليه

033462148

رقم مرسى الفناتير الجنوبيه


033467527

[White_Shark]

يوجد مركز لحرس الحدود في الدفي ( بجانب البلكونات أو السطحات ) قبل المخيمات , ألا يمكن استخدامها لإنزال القوارب ؟ أم أنه مجرد مبنى ؟

[alsafwany]

يا جماعة الموضوع ما ينسكت عنه الناس وين تروح لا بر ولا بحر يعني ما نقدر نستفيد من المرافق الحكومية الا غصب يدفعونا 4000 الاف ريال لمدة سنه في المراسي الخاصة ولا فيه اي خدمات
يا جماعة الخير و الله انه في البحرين المراسي على 200 ريال في السنه و اذا بغيت كراج للاغراض تعب الطراد 200 زياده = 400 يابلاش هذا مع توفر الماء للتنضيف و الباركن للسيارة + في البحرين المراسي الحكومية مجانا و لافيها اي تعقيد مثل جماعتنا " تصدقوا انه مرة طلب مني المفتش وانا طالع من البحر اني افتح ليه كفرات (الغطاء) للمكاين !!!!!!
لازم - ان نقوم بحمله واسعة للذهاب الى قيادة حرس الحدود و نشكوا اليهم حالنا - لعل هناك من يسمع شكوانا و يرفق بحالنا

[كنعد]

سؤااااااال


هل الطرادات الي على الرمل في فرضة الجبيل الصناعية يسحبونها ولا وش السالفة؟؟؟

انا طرادي هناك وخوفي اسحبوة

[كنعد]

وهل معقولة بيفتح بعد 2 سنة


اكدلي الله يخليك

[A B D U L L A H]

وهل معقولة بيفتح بعد 2 سنة


اكدلي الله يخليك


هو يقصد المرسى الجديد ( الغانم ) اللي بيفتح بعد سنتين

اما الفرضه يقول بيقفلونها واكيد اللي عـ الرمله بيشيلونها لآنها كلها فوق الرمل

[( ابو تركي )]

حياكم الله جميعاً ومشكور على المشاركة
الغانم هو صاحب المشروع وراح يخلص مشروعة خلال سنتين تقريباً
من يملك طراد عند فرضة الجبيل الصناعية لازم يزيلة حالاً
والحل الوحيد والسريع يا شباب هو الإتصال على 969 وإرسال برقية للأمير سعود بن ثنيان حفظة الله وأرجو من الأخوان عدم تضييع اوقاتهم بالشكاوي للهيئة وحرس الحدود
تحياتي للجميع

[دابوي]

الله يكون بالعون ويكفينا طلبات حرس الحدود الي ما تنتهي ابد

[شاهين2007]

هم متى افتحوه عشان يسكرونه!!!
كل مامريت عليه والا هو نفس الحال المنزال مليان رمل والنادي البحري توهم يبنونه بدو بالشوارع قبل المباني
وليش كل هالخساير على التصميم على انه يكون مرسى وفالاخير يلغون القكره !!!
هذي مشكلتنا الازليه من ناحية الاداره عدم وجود تخطيط والتخبط في اتخاذ القرارات!

تخيل تبي تنزل طرادك بالدمام وتتفاجأ بالمنظر !!


http://up4.m5zn.com/9bjndthcm6y53q1w0kvpz47xgs82rf/2010/1/18/04/8zq7e3808.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2010/1/18/04/4d747s8ya.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2010/1/18/04/vz6nhfs8v.jpg (http://www.tobikat.com)

[كنعد]

هم متى افتحوه عشان يسكرونه!!!
كل مامريت عليه والا هو نفس الحال المنزال مليان رمل والنادي البحري توهم يبنونه بدو بالشوارع قبل المباني
وليش كل هالخساير على التصميم على انه يكون مرسى وفالاخير يلغون القكره !!!
هذي مشكلتنا الازليه من ناحية الاداره عدم وجود تخطيط والتخبط في اتخاذ القرارات!

تخيل تبي تنزل طرادك بالدمام وتتفاجأ بالمنظر !!


http://up4.m5zn.com/9bjndthcm6y53q1w0kvpz47xgs82rf/2010/1/18/04/8zq7e3808.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2010/1/18/04/4d747s8ya.jpg (http://www.tobikat.com)

http://up4.m5zn.com/9bjndthcm6y53q1w0kvpz47xgs82rf/2010/1/18/04/vz6nhfs8v.jpg (http://www.tobikat.com)




ياخوي شاهين اذا سوو لك منزل زي الناس معناتة عربانتك ما راح تخرب

لازم كل سنة تغير عربانة
:D

[riyadhali]

الله يعز القاعدة البحرية بالجبيل
السنة بــ 300 ريال
وش على مستوى وورشة صيانة وغسيل

والمشكلة ماعندي طراد :) كان عند خويي وباعة

من يبيني ادخل الطرد حقة ويطلعني معاة كل مايجي يطلع ههههههههههههههههههه

[A B D U L L A H]

الله يعز القاعدة البحرية بالجبيل
السنة بــ 300 ريال
وش على مستوى وورشة صيانة وغسيل

والمشكلة ماعندي طراد :) كان عند خويي وباعة

من يبيني ادخل الطرد حقة ويطلعني معاة كل مايجي يطلع ههههههههههههههههههه

شي طبيعي اخوي لآن آهل الطرادات شغالين بالبحريه فالسعر بيكون رمزي

[كنعد]

اتصلت اتاكد من الفناتير الشمالية لاني لحد الحين مو مستوعب

بس زي ما قلتو بيقفلونة

المشكلة الي زيي راتبة ظعيف صعبة يدفع 4000 ريال في السنة

شكلي بسحب طرادي بودية منيفة ولا الجعيمة

هذا انسب حل

[jasim7]

اخوي كنعد

انا كنت هناك يوم الخميس
بتاريخ 6/2/1431هـ
الموافق
21/1/2010م
قال لنا العسكري من الافضل ازلته هذه الايام

ربما يتم اخذ كل القوارب ..

وبعدها ردد يالليل مطولك

روح وتعال عليهم :D
----------
انا يمكن اودي طرادي الخبر

بس المشكله هناك كل شي ممنوع :(

--------
اقول يا اخ كنعد

وش رايك بس نروح نحدق بالفلبين
:D :D :D :D

قول تم

هههههههههههههه

[كنعد]

اخوي كنعد



انا كنت هناك يوم الخميس
بتاريخ 6/2/1431هـ
الموافق
21/1/2010م
قال لنا العسكري من الافضل ازلته هذه الايام


ربما يتم اخذ كل القوارب ..


وبعدها ردد يالليل مطولك


روح وتعال عليهم :D
----------
انا يمكن اودي طرادي الخبر


بس المشكله هناك كل شي ممنوع :(


--------
اقول يا اخ كنعد


وش رايك بس نروح نحدق بالفلبين
:D :D :D :D


قول تم



هههههههههههههه




مشكور على الافادة بانهم بيزيلون القوارب

عموما لا تودي طرادك الخبر
نصييييييييييحة

ما فيها صيد

روح الدمام احسن لك

[accentkool]

http://www.samysoft.net/forumim/shokr/3/76868.gif

[ftsssfaa]

يالربع ما فيه اخبار جديده حول موضوع منع النزول

[كنعد]

يا شباب انا طرادي هناك و انا بالدمام ما اقدر اروح الجبيل بسبب اوضاعي ابي اعرف هل ازالو القوارب

مدري عن طرادي وش صار فية

[jasim7]

اخر خبر سمعته

في للجنه بتطلع على المكان وبتقرر المصير

ان شاء الله يكون خير يارب

:D

:D :r

[( ابو تركي )]

حياكم الله جميعاً
ما زالت الطرادات واقفه بالفرضة لكن الأفضل مراجعة حرس الحدود
بالتوفيق

[FAB2008]

السلام عليكم ورحمه الله وبركاته

اخواني الافاضل
بعد ما سمعت بالقرار بإيقاف نزول القوارب بالجبيل الصناعية تأكدت بنفسي من الخبر وبالفعل تم الايقاف
والبديل هو مركز الفريع ومثل ما انتوا عارفين ان المركز بعيد عن الجبيل والمنطقة ضحلة والنزول فيها خطر جدا خصوصا اننا لا نعرف المنطقة وتضاريسها البحرية.
فعلى ذلك قمت بالاتصال على مدير مكتب مدير الهيئة الملكية3414500 وشرحت له الموضوع كاملا وقال لي بأن ارسل خطاب على البريد الالكتروني

DHFEERIF@RCJUBAIL.GOV.SA

طلبا منهم بالنظر في موضوع المنع وإيجاد بدائل مناسبة لسكان الجبيل الصناعية


يا اخوان من هم تضرروا من هذا القرار أن لا يترددوا بالاتصال على الرقم اعلاه وارسال رسالة للأخ فيصل الظفيري ولكم مني جزيل ا لشكر
http://www.mekshat.com/vb/images/misc/progress.gif

[a1Ruwais]

يعطيك العافية

[ابو نوف 200029]

الله يعوضكم بمكان افضل منة

[( ابو تركي )]

ابشركم يا شباب فتحو فرضة جديده خلف مركز جزيرة ابوعلي عند ابوابه للمتنزهن فقط تللقيت اتصال شخصياً من فيصل الظفيري الله يجزاه خير مسؤل كبير من الهيئة الملكية والله
كان له دور كبير بإنها الازمهة وشكر خاص لأخونا FAB2008 الذي ساعدنا على طريقة الشكوى وألف مبروك للجميع
تحياتي

[فيصل بن محمد]

الله يصلح الحال ان شاء الله
صدقني ياخوي منيفه تبي تزين
دام انك في الجبيل الصناعيه اعرف ان الامور
مدروسه والبدائل متوفره وجاهزه دائما وتبي تزين باذن الله

[ناجل سمار]

الله يكون بعونك ---ويعوضكم خير

[ناجل سمار]

الله يعوضكم خير والصبر زين الله في عونكم

[النوخذه الاول]

الله يعينكم ويعينه انا عندي طراد كبير مقاس 28 قدم الدوسري وعاني من فرضة الدفي وزيدكم من الشعر بيت لازم ترجع الساعه 7 مسا هههههههههههه ايضحكون الي ميضحك ويقهرون الواحد اشوي ويبكي الله لا يوفقهم دامهم اقطعو رزقنا بمان طرادي امصرحله 7 ايام متواصله داخل البحر و15 يوم من نقطه الى نقطه من الامير نايف بن عبد العزيز ولاينفذون القرارات لا وقاعدين لنا داخل البحر من مخالفات

[الصياد 7000C]

يا جماعة الموضوع ما ينسكت عنه الناس وين تروح لا بر ولا بحر يعني ما نقدر نستفيد من المرافق الحكومية الا غصب يدفعونا 4000 الاف ريال لمدة سنه في المراسي الخاصة ولا فيه اي خدمات
يا جماعة الخير و الله انه في البحرين المراسي على 200 ريال في السنه و اذا بغيت كراج للاغراض تعب الطراد 200 زياده = 400 يابلاش هذا مع توفر الماء للتنضيف و الباركن للسيارة + في البحرين المراسي الحكومية مجانا و لافيها اي تعقيد مثل جماعتنا " تصدقوا انه مرة طلب مني المفتش وانا طالع من البحر اني افتح ليه كفرات (الغطاء) للمكاين !!!!!!
لازم - ان نقوم بحمله واسعة للذهاب الى قيادة حرس الحدود و نشكوا اليهم حالنا - لعل هناك من يسمع شكوانا و يرفق بحالنا



اخوي لو سمحت احنا بالجبيل ومحد جاب طاري البحرين لا تسوي فتن بيننا لو سمحت..