يالربع ابي فزعتكم

[الانكاوي مسرق]

السلام عليكم ورحمته الله وبركاته



انا عندي موتر جمس 2005 قطع 1500سييرا بك اب دبل وطلعت ريحتي الكارونه
غيرت دفرنس كامل ومع ذلك انكسرت وغيرة كارونه وانكسرت ماخليت احد الا وكلمته
قالي واحد لو تغير من هنا الى بكرا تبي تنكسر مالك الا تركب دفرنس حق 2500 الكبير يجي منه 6 مسامير للعكس وقالي واحد ركب كارونه رياضية الحين لو ركبت الدفرنس الكبير هل بيضر الكارونه اللي قدام يعني بيكسرها مع انها نفس المقاس 10/41 ابي فزعتكم موتري موقف له اسبوع وانا مختار مع اني لقيت الدفرنس 4000 تقريبا والكارونه الرياضية قالي اطلب ثنتين ركب وحده قدام والثانية ورا لان احتمال تنكسر اللي قدام والدفرنس يقولي احتمال مايركب وناس تقول يركب عادي بدون اي مشاكل ولا ترهيم ولا خرابيط اللي عنده معلومه تكفون يفيدنا

[الانكاوي مسرق]

افا ولا رد يعني ولا واحد يفهم في ها الشغلة مو معقوله

[الانكاوي مسرق]

لا حياة لمن تنادي

[الانكاوي مسرق]

وين بدوي جنوبي تكفى ولا يهونون باقي الأعضاء

[escape_man]

المشكلة موترك دبل ..

يعني لازم كروناته نفس المقاس ..

وعلى العموم ياخالي .. لا يضيق صدرك

رح يم تشليح الحاير ..

ادخل مع المدخل الرئيسي

ثم يسار ثم يمين وشق الشارع من شرق للغرب

ينتهي بحرف T خش يمين

في تشليح بيجيك عقب تقريباً 200 متر غالبيته جموس

والي بالتشليح شايب سعودي يقاله السالم

شفت هالجموس الي عنده .. كلها توضيب وتغيير دفرنسات

بيكلفك الشغل من 5000 وفيها لانه بيركب لك كرونات 2500

لكن على الضمان .. افجره فجر وباذن الله معاد يخالف

[تاج1426]

لا تزعل علينا لانك حيرتنا مثلك لكن ما قصر معك ابن غييثان
ودمتم بود

[بدوي جنوبي]

مثل ما ذكر الاخ بن غبيثات
لازم كرونات نفس المقاس

وحتى لو ركبت كرونة 2500 بيخرب عليك الاماميه واحتمال الدبل والقير يتأثر
وترا دفرنس ال 2500 كبير جدااااا على مقاس 1500
ويختلف كليا عنه ،، والنوع هذا تقدر تطلع العكس برا لحاله بدون ما تفك الكرونه

فقط المسامير اللى بوسط الهوب عددها 8اذا انفكت تقدر تطلع العكس برا
انظر الصوره
http://www.askjeffwilliams.com/uploads/Image/GM%20install%20axle.JPG
ويكفيك ان هوب ال 2500 اكبر وتكون صوف العكوس بنفس الهوب
شف الصوره :
http://www.askjeffwilliams.com/uploads/Image/GM%20Rear%20seal.JPG


الحل لازم تركب كرونات نفس مواصفات السياره
يعنى ابحث عن كرونه لسيارد دبل مقاس 1500
ممكن اللى ركبتها فى السابق لسياره عاديه
حتى لو فرق سنه واحد فى عدد السنون بتوسى مشكله

لان السيارات اللى بدون دبل تكون عدد اسنان تروس الكرونا اكثر
من اسنان السياره اللى بدبل
اتجه للورشه اللى وصفها بن غبيثات وصلحها عندهم وريح راسك من الخساير
ولا تنسى تاخذ ضمان منهم

اخيرا ادخل الرابط هذا نا شاء الله تستفيد
طريقة تغيير ترس التاج الوبنيون لمزيد من القوه وتلاحظ ان عدد الاسنان للتروس
الجديده اقل من القديمه
http://www.dieselpowermag.com/tech/general/0808dp_2004_gmc_2500_rear_axle_swap/photo_03.html
بالتوفيق

[سوبر VTC]

عيب كوراين ال1500
انهن اكثر عطال و عدم تحمل
مع احد الربع غمارة ونص 1500
جر دينا و انعدمت الكارونة ونة
و هن عموما توافيق الموتر
لكن عطالاتهن واجد بحكم صغر الكارونة
لكن المكينة و القير اقوى من الكارونة
بعكس
كوراين ال2500 :good2: تحمل ضغط عالي :good:

[الانكاوي مسرق]

يالربع انتم مافهمتي قصدي فيه نوع يجي من مقاس 2500 6 مسامير للعكس مو 8 مسامير مثل اللي يقصد بدوي جنوبي والكارونه تركب مامنها خلاف
الله بعطيكم العافية على الردود

[بدوي جنوبي]

يالربع انتم مافهمتي قصدي فيه نوع يجي من مقاس 2500 6 مسامير للعكس مو 8 مسامير مثل اللي يقصد بدوي جنوبي والكارونه تركب مامنها خلاف
الله بعطيكم العافية على الردود


لا يهمك اذا تركب او لا
المهم هو هل تناسب سيارتك

والكرونات الخاصه بالامريكي ما تتغير او ما تنفك من الجرم
لان الجرم يعتبر كتله حديد صامته فقط ،،،، تستيطع تغيير التروس الداخليه فقط

عكس اليابانى تقدر تفك جرم الكرونا بالكامل خارج الدفرنس .

للتوضيح فقط


يعنى يبقى عليك اما انك توفر ترس تاج وبنيون للدفرنس الامامى والخلفى بمقاس واحد
او تبحث عن ترس تاج وبينون يناسب الدفرنس االخلفى (مثل القديم اللى كان راكب شد بلد )

بالتوفيق

[_دربيل_999]

أخوي
مالك ومال الكارونات الرياضية..
تاكد من الاشياء التالية..
اولا ركب قطع السيارة نفسها..
ثانيا..تأكد من ان قوة دفع الماكينة مطابقة للقير والدفرنس..
ترى عدم تطابق ذالاشياء يسبب الكسر وغيره من المشاكل..
وانتبه من الترهيم..
وفقك الله..

الروقي