رنج روفر كلاسيك 1994 وعداد البنزين خربان ساعدوني بالحل

[alsanad2008]

شباب وش رأيكم في سيارة رنج روفر كلاسيك 1994 8 سلندر من حيث القوه والتحمل وقطع الغيار هذا واحد بريطاني معه من وكالته وبيبيعه وفيه مشكله واحده عداد البنزين نازل تحت ومتوقف ومولعه لمبة البنزين علماً ان البنزين مليان ما هي مشكلة العداد اللي على الطبلون واصلاحها .
مع الشكر والتقدير لك ..

[Rapture]

ما انصحك ابدا, انحش من السيارات القديمة والنادرة مثل الرنج هذه حالاتها توقفها في متحف


وصدقني بتتعب من سالفة قطع الغيار ما راح تحصلها ابدا ولا حتى بالوكالة


واذا تبي تتاكد روح الوكالة ما في الا طلبية هذه اذا ما قال لك وقفوا تصنيع قطع هالسيارة

[alsanad2008]

شكرا حبيبي على مشاركتك السياره قطع غيارها متوفره وبكثره في مدينة الرياض وبأسعار معقوله جداً افضل من السيارات الحديثه .. لكن عطوني حل من ايش عداد البنزين

[alsanad2008]

وش السالفه يا شباب ما فيه رد ؟؟

[AL_3NZI]

العوامه مكسوره داخل التنك يعني بدل عوامه كامله والله اعلم قيمتها مو اقل من 500 اذا قطع غياره رخيصه مثل ما تقول ويمكن 1000

[A L T A M I M I]

افحصه قبل تشتريه ( مكينة - قير - دفرنسات - كهرباء عامة ) ، اذا نظيف خذه وانت مغمض ، واللي يقولك مايصلح هذا انسان ماجرب هالمواتر .

بالنسبة لخراب الموتر فمثل ماتفضل أحد الإخوان شيك على العوامة ، وانت بالخيار عندك السيف نار نار وعندك القاضي قطع انقليزية ببلاش تلقاه على مخرج 17 واذا مخابي ثوبك طالعة من الطفرة رح للحاير فيه تشليح كامل كله لاند ورانج ، أنا آخذ منهم عوامة لاند روفر ديفندر 91 بخمسين ريال .

[alsanad2008]

يعطيكم العافيه وهذا من طيبتكم وتعاونكم داخل هذا المنتدي واشكر الاخ التميمي وانا فحصت السياره بالكامل لا يوجد الا هذا العيب ولله الحمد .
ومشورتك وهداية الله .. ولا يهون الاخوان يعطيهم العافيه .

[رويشم]

اخوي السلام عليكم
اذابتبيع تراني شراي وذا تبي اي استفسار عن الرنج تراني حاظر وشتغل فيها الرجاء الرد انا من المنطقة الشرقية