يا اخوان ابي دبة غاز3 رطل .....وش تشورون عليه ؟

[البدراني11]

السلام عليكم

ابي دبة غاز 3 رطل من النوع الطامن وليس الواقف ...
هل تقترحون علي نوع معين ؟واين القاه ؟ وبكم سعره ؟

وما هو الافضل راس فوق الدبة والا لي مع راس ارضي ؟ ترا يهمني السعر والعملي

[ابو سيـف]

مرحبا اخوي البدراني نصيحت اخ لا اكثر :
بالنسبة للدبة والرأس مافي افضل من الإيطالي .

معلومه :: اليوم الإيطالي تلقاه بالسووووق بكره ما اتوق تحصله تدري ليه لان السوق انترس من الدبات الهنديه والباكستانيه
وإن شاء الله اني اكون لك من الناصحين .

[لاتكب البيالة]

3 رطل حجم ممتاز وخفيف لكن اذا تبيه للطبخ انصحك ب5 او 7 لانه اعرض ويثبت فوقه الشي
اما النوع اشوف الدبة الايطالية افضل شي جربته لكن اعتقد ما فيه 3 رطل لذا خذ هنديه
اما الراس الارضي صراحة الى الان ما مر علي شي اعجبن يا صغير او مفاصله واجد الا شفت مع واحد راس دافور عادي مرهم له رجلين يثبت بالارض صراحة ممتاز لكن يبي شغل

[ابوفهيدان]

تبي الصدق 3 رطل حلوة وعندي هندية ماعليها كلام ماشاء الله تبارك الله
وطبخت عليها مرة خمس كبسات وغير الشاهي ورجعت للبيت وفيها ربع

بس اذا تبي للطبخ عليك بالبريموس السويدي 5 رطل تراها منية الطباخ طامنة وتكفيك وماتخلص

[النوبل]

السلام عليكم ورحمة الله وبركاته



أخوي أنصحك بـ ماكس سفرت سويديه
هي منقطعه مو بالسوق وبتلاقيها مستعمله


الرأس يختلف عن الصناعات الأخرى
موجود صناعه ايطالي منه


حلوه ف الإستخدام وأقتصاديه وشعلتها على كيفك


http://dc03.arabsh.com/i/00880/rhhu1offit59.jpg (http://arabsh.com/)


من واقع تجربه



ولولا إختلاف الآراء لبارت السلع



مع كل الإحترام

[icom1969]

السلام عليكم والله اخوى عليك فى السويدى الاصلى لانه على وشك انقراض لك وللزمن

وتقبل مرورى

[سرهيد]

السلام عليكم

ثلاث رطل لا يتوفر الا النوع الهندي

وهو لا بأس به مع نصحي بان تغير البلف الى بلف ايطالي

لكني اؤيد ما قاله الاخ الكريم لا تكتب البيالة فالخمسة عملية وتنفع للطبخ والشاي والقهوة

تقبل احترامي

[البدراني11]

مرحبا اخوي البدراني نصيحت اخ لا اكثر :
بالنسبة للدبة والرأس مافي افضل من الإيطالي .

معلومه :: اليوم الإيطالي تلقاه بالسووووق بكره ما اتوق تحصله تدري ليه لان السوق انترس من الدبات الهنديه والباكستانيه
وإن شاء الله اني اكون لك من الناصحين .
جزاك الله خير ...اخوي هروش بس وين القاها فيه وهل هي فارشه وبكم ؟

3 رطل حجم ممتاز وخفيف لكن اذا تبيه للطبخ انصحك ب5 او 7 لانه اعرض ويثبت فوقه الشي
اما النوع اشوف الدبة الايطالية افضل شي جربته لكن اعتقد ما فيه 3 رطل لذا خذ هنديه
اما الراس الارضي صراحة الى الان ما مر علي شي اعجبن يا صغير او مفاصله واجد الا شفت مع واحد راس دافور عادي مرهم له رجلين يثبت بالارض صراحة ممتاز لكن يبي شغل
اخوي (لاتكب البيالة) انا حاجتي خفيفة لذلك ادور على 3 رطل بس هل فيه فارشة مثل الخمسة ؟
وين القا الهندية فيه بشرط تكون فارشه اركد للقدر ؟
انتظر ردك مع الشكر

تبي الصدق 3 رطل حلوة وعندي هندية ماعليها كلام ماشاء الله تبارك الله
وطبخت عليها مرة خمس كبسات وغير الشاهي ورجعت للبيت وفيها ربع

بس اذا تبي للطبخ عليك بالبريموس السويدي 5 رطل تراها منية الطباخ طامنة وتكفيك وماتخلص
عز الله ان هذي منوتي يا ابو فهيدان 5 - 7 طبخات كافيه لانها تدخل في العزبه بسهوله بس مثل ما قلت للربع هل فيه طامنة والا لا ؟

[B A R E K]

فيه دبه جديدة نازله بالسوق هندية لاكن مو بريموس .. هندية من شركة ثانية ..

طاامنة واتوقع هي اللي تبيها .. انا شفتها عند المرباع بعنيزة ..

[العراب الاول]

السلام عليكم
اخي البدراني 11
الرجاء النظر في الموضوع التالي
http://www.mekshat.com/vb/showthread.php?t=257648

تحياتي لك

[البدراني11]

السلام عليكم ورحمة الله وبركاته




أخوي أنصحك بـ ماكس سفرت سويديه
هي منقطعه مو بالسوق وبتلاقيها مستعمله


الرأس يختلف عن الصناعات الأخرى
موجود صناعه ايطالي منه


حلوه ف الإستخدام وأقتصاديه وشعلتها على كيفك





اشكرك على النصيحة
بس هذي يبيلها تدوير في الحراج وغيره وانا مالي خلق .
يليت تحط صورة او رابط



السلام عليكم والله اخوى عليك فى السويدى الاصلى لانه على وشك انقراض لك وللزمن

وتقبل مرورى
تخبر محل يبيعها ...اروح له

السلام عليكم

ثلاث رطل لا يتوفر الا النوع الهندي

وهو لا بأس به مع نصحي بان تغير البلف الى بلف ايطالي

لكني اؤيد ما قاله الاخ الكريم لا تكتب البيالة فالخمسة عملية وتنفع للطبخ والشاي والقهوة

تقبل احترامي
هلا براعي الدوافير ابو عبدالله
طيب هل الهندية 3 فارشة والا واقفة ؟ وكيف عملية تغيير البلف (رابط لو سمحت )

[خشم العرمة]

انصحك بال 5 رطل الايطالي واذا انت مصر على 3 لاتاخذ الا ايطالي اذا وجد وركب عليه راس بريموس اصلي وراح تدعيلي ان شاء الله

من مواقع تجربة مع دبات وروس كثير افضل توليفة لقيتها ولا يعلى عليها بالنسبة لي دبة ايطالية 12 رطل مع راس بريموس اصلي كلام كبير بصراحة قوة نار عجيبة آمنة بأذن الله

[البدراني11]

انصحك بال 5 رطل الايطالي واذا انت مصر على 3 لاتاخذ الا ايطالي اذا وجد وركب عليه راس بريموس اصلي وراح تدعيلي ان شاء الله

من مواقع تجربة مع دبات وروس كثير افضل توليفة لقيتها ولا يعلى عليها بالنسبة لي دبة ايطالية 12 رطل مع راس بريموس اصلي كلام كبير بصراحة قوة نار عجيبة آمنة بأذن الله

طيب وين القا الايطالي الثلاث رطل او حتى الهندي ثلاث رطل بس اهم شي فارشة

ليت تدلن وشكرا على النصيحة

[شمالات نجد]

ما قد شفت 3 رطل إلا السويديه والهندية الواقفه

وفيه 3 رطل صيني أنحش عنه

أنصحك بـ 5 رطل أو أكبر منها شوي سويديه أو إيطاليه وركب عليها راس بريموس الهندي لأن عينه كبيره وفصل له قاعدة مع مركاب وخله في شطنه خاصه فيه لحاله

الله يوفقك

سلام

[خشم العرمة]

طيب وين القا الايطالي الثلاث رطل او حتى الهندي ثلاث رطل بس اهم شي فارشة

ليت تدلن وشكرا على النصيحة

والله ماقدر افيدك لكن مثل ماقلت لك ومثل ماقلك اخونا شمالات نجد خمسة رطل ايطالي
لان اغلب اللي شفتها 3 رطل صينة

واذا انت مصر على الحجم الصغير ممكن لان عزبتك صغيرة خذ الاستخدام الواحد من كوفيا مع عين عنكبوت دواء للكاتم ولكلشي واذا فضت ارمها واشتر غيرها