خشم الحصان
25/12/2004, 09:10 PM
الاخوه الغالين
السلام عليكم
اخواني في الله لشك ان كل شخص له طموح في هالمنتدي المبارك ان شاء الله وهو ان يكون مميز او طموحه يتعدا ذالك لي مرحلة الاشراف أي انه يصبح مشرف وهو حق مشروع ومنا من هو لايريد ذلك وهذا شي من حق العضو ان يحتفظ به لنفسه
لكن الاشخاص لي لهم طموح الي مرحلة الاشراف هم يدرون او مايدرون عن امر المعانات التي تحصل للمشرف
قدر الله اني قابلت احد المشرفين وجلست انوياه نسولف ونتناقش عن المنتدي وقلت له انه في فتره من الفترات كثر الحسي علي المشرفين وعن عملية الترشيح وشلون الواحد يصير مثلكم مشرف وهذا الحسي ديم يحصل في الصيف وقت الحر تزيد الحراره ولاندفاع نحو الامام لكي يصبح الواحد مشرف
يعني يامشرفنا ابي اعرف عنكم الكثير وشنتم فيه من نعمه لئني متخيل انه مصروف لكم سيارات من المنتدي مع كروت (بنزين و زيت) مشرفنا الحبيب تبسم الله يغفر لنا وله وتعدل في الجلسه الله يبارك فيه وقال تصدق انكم اخير منا قلت ايه هين حط لي فيري
يبي يزحلقني لكن محاسيك قطو وراقي له نخله ياكود ترجمه ويطيح قلت هذي سايده ودي اصدق
قال ياخشم الحصان صدقني ان حنا في معنات ليش عسا ماشر وش هالمعنات
قال الا ابنشدك انت قبل الحين منتاب حر تطامر في أي خيمه سنك عصفور في سدره قلت الا
قال اذا لقيت موضوع لك الخيار انك ترد او ماترد قلت الا
قال هذي اقل الحريه عندكم يالاعضاء ولا نبي نتكلم عن السبيره بس تعال يمنا فلت عطنا لي عندكم
قال خذ قلت هات
المشرف طول وقته مغير يتقل الموضيع ويرسل رساله الي العضو انه تم نقل موضوعك الي المكان الثاني او انه يدمجها او انه يرد علي العضو او يلغي الموضوع وبعد االشطب يرسل رساله الي العضو وبعد الشطب خذ هجوم وعلي المشرف وصياح ليش حذفت موضوعي وليش وليش
او يجي واحد توه جديد ويرسل اشياء مالها علاقه بالمنتدي اما موضوع او صوره ودنا ان حنا نشعره بلي سوه خطا بطريقه ما تنقره وتبعده عن المنتدي يعني (يراعون شعوره)
واشياء اخري من اجتماعات و نقاش دائم بين المشرفين ور**** خاصه وغيرها الكثير لو اقعد اذكرها لك اذن الفجر ماقضت قلت انحسب انكم مثل .......... ياولد جب شاهي ياولد جب زنجبيل ياولد دوك مفتاح السياره خلهم يغيرون الزيت ويعبون بنزين
ضحك الغالي قال ودنا بس الواقع شي اخر
قلت اثر حنا مبسوطين ندخل ونطلع ونكتب للي نبي ونطامر من خيمه لي خيمه وارقام مشاركتنا مرتفعه سنها اسهم (سااااابك)
اثركم سز في معنات وتذكرت هالبيت لي يقول
يالليل خبرني عن امر المعنات..........
عاد انا اقول
يامشرفين ورا ماعلمتونا عن امر المعنات..............هي من صميم المنتدي ولا ..............
اخوكم
خشم الحصان
السلام عليكم
اخواني في الله لشك ان كل شخص له طموح في هالمنتدي المبارك ان شاء الله وهو ان يكون مميز او طموحه يتعدا ذالك لي مرحلة الاشراف أي انه يصبح مشرف وهو حق مشروع ومنا من هو لايريد ذلك وهذا شي من حق العضو ان يحتفظ به لنفسه
لكن الاشخاص لي لهم طموح الي مرحلة الاشراف هم يدرون او مايدرون عن امر المعانات التي تحصل للمشرف
قدر الله اني قابلت احد المشرفين وجلست انوياه نسولف ونتناقش عن المنتدي وقلت له انه في فتره من الفترات كثر الحسي علي المشرفين وعن عملية الترشيح وشلون الواحد يصير مثلكم مشرف وهذا الحسي ديم يحصل في الصيف وقت الحر تزيد الحراره ولاندفاع نحو الامام لكي يصبح الواحد مشرف
يعني يامشرفنا ابي اعرف عنكم الكثير وشنتم فيه من نعمه لئني متخيل انه مصروف لكم سيارات من المنتدي مع كروت (بنزين و زيت) مشرفنا الحبيب تبسم الله يغفر لنا وله وتعدل في الجلسه الله يبارك فيه وقال تصدق انكم اخير منا قلت ايه هين حط لي فيري
يبي يزحلقني لكن محاسيك قطو وراقي له نخله ياكود ترجمه ويطيح قلت هذي سايده ودي اصدق
قال ياخشم الحصان صدقني ان حنا في معنات ليش عسا ماشر وش هالمعنات
قال الا ابنشدك انت قبل الحين منتاب حر تطامر في أي خيمه سنك عصفور في سدره قلت الا
قال اذا لقيت موضوع لك الخيار انك ترد او ماترد قلت الا
قال هذي اقل الحريه عندكم يالاعضاء ولا نبي نتكلم عن السبيره بس تعال يمنا فلت عطنا لي عندكم
قال خذ قلت هات
المشرف طول وقته مغير يتقل الموضيع ويرسل رساله الي العضو انه تم نقل موضوعك الي المكان الثاني او انه يدمجها او انه يرد علي العضو او يلغي الموضوع وبعد االشطب يرسل رساله الي العضو وبعد الشطب خذ هجوم وعلي المشرف وصياح ليش حذفت موضوعي وليش وليش
او يجي واحد توه جديد ويرسل اشياء مالها علاقه بالمنتدي اما موضوع او صوره ودنا ان حنا نشعره بلي سوه خطا بطريقه ما تنقره وتبعده عن المنتدي يعني (يراعون شعوره)
واشياء اخري من اجتماعات و نقاش دائم بين المشرفين ور**** خاصه وغيرها الكثير لو اقعد اذكرها لك اذن الفجر ماقضت قلت انحسب انكم مثل .......... ياولد جب شاهي ياولد جب زنجبيل ياولد دوك مفتاح السياره خلهم يغيرون الزيت ويعبون بنزين
ضحك الغالي قال ودنا بس الواقع شي اخر
قلت اثر حنا مبسوطين ندخل ونطلع ونكتب للي نبي ونطامر من خيمه لي خيمه وارقام مشاركتنا مرتفعه سنها اسهم (سااااابك)
اثركم سز في معنات وتذكرت هالبيت لي يقول
يالليل خبرني عن امر المعنات..........
عاد انا اقول
يامشرفين ورا ماعلمتونا عن امر المعنات..............هي من صميم المنتدي ولا ..............
اخوكم
خشم الحصان