ماطور هوا السنيدي وش رايكم فيه؟وهل يسوى 300 ريال

[مدغدغ البيفر]

السلام عليكم,

لقيت ماطور هوا السنيدي ب300 ريال
وش رايكم فيه احد جربه؟
وهل يسوى 300 ريال

[لاتكب البيالة]

خذ ابو جمل ب 260 شي معروف ومشهود له اما حق السنيدي اول مرة اسمع عنه

[RôwâQâN]

ابو جمل بعتقادي تجربتي احلاااشي ابو راسين مؤ ابو راس بس بي 150
زادت شوي او نقصت شوي

[العرّاب]

انا لدي المقصود .
المنفاخ قوي وسريع.
بس عيبة يسخن

[azizovic]

توني شاري ماطور ابو جميل الكبير

سعره360

ما شاء الله سرييييع بس عيبه الحراره

[الصيهد.......]

لاتعدا ابو جمل ممتاز جداً
وعملي وتر الي معي بستم واحد وافي بالغرض

[أبو المقانيص]

لاتعدا ابو جمل ممتاز جداً

[علي النعمه]

جميل جدا ياخوي

[humaidi]

انا توني شاري ابو جمل وارد الشراع بـ 200 ريال رأس واحد

وأشوف انه يؤدي الغرض وزيادة

[باغويل]

اخي العزيز مدغدغ البيفر اني لك من الناصحين السنيدي يتميز بلاغلاء السعر وعدم جود الصناعة الذي يوجد لدى السنيدي غالي مقارنة بابي جمل من حيث السعر وجودة السعر والضمان نصحية لاتشتري من السنيدي ولو بريال خذ ماطور ابوجمل من برق الحيا بسعر 260 اللي لون اللي حقة اصفر وتاكد من وجود ختم الشركة على الماطور
تقبل مروري

[Avalanche]

من واقع تجربة : ابو جمل ممتاز جداً :good:

السعر : 250- 260 ريال (و أقل من كذا ... فهو غير أصلي)


http://www.mekshat.com/pix/upload03/images138/mk34212_25487.jpg

http://www.mekshat.com/pix/upload03/images138/mk34212_01a.jpg

http://www.mekshat.com/pix/upload03/images138/mk34212_02a.jpg

http://www.mekshat.com/pix/upload03/images138/mk34212_03a.jpg

http://www.mekshat.com/pix/upload03/images138/mk34212_04a.jpg


تحياتي لك ...

[هاوي نفود]

من واقع تجربة : ابو جمل ممتاز جداً :good:

السعر : 250- 260 ريال (و أقل من كذا ... فهو غير أصلي)


http://www.mekshat.com/pix/upload03/images138/mk34212_25487.jpg

http://www.mekshat.com/pix/upload03/images138/mk34212_01a.jpg

http://www.mekshat.com/pix/upload03/images138/mk34212_02a.jpg

http://www.mekshat.com/pix/upload03/images138/mk34212_03a.jpg

http://www.mekshat.com/pix/upload03/images138/mk34212_04a.jpg


تحياتي لك ...



نعم

هذا الأصلي

أما أبو جمل إللي ليه أصفر طويل

فهو جيد لكن ما يقارن بهذا

---

منتجات السنيدي

للأسف كلها من جرف لدحديره

راحت أيام المنتجات إللي عليها الكلام من جودة وسعر مناسب

الآن السنيدي مميز بالنسبة لي بالأفكار

أزوره آخذ الأفكار وأعيد تنفيذها بخامات ممتازة أفضل بمراحل من مواده

---

أتمنى من السنيدي يراجع حساباته

[ابوخالد]

انا بحثت كثير وتجولت اكثر والكل يمدح في ابوجمل شفها بالغرابي بالرياض عند وكيله ولا يهمك التجاري الى عند غيرها وموفق

[هلي93]

ابو خالد لو تعطينا الموقع كرما لا أمرا

[wewe150]

اشوف عند كارفور ابو جمل راسين

بسم ما اتوقع انه اصلي لانه ب 160 ريال وميزته لي الكيبل طويل

وش رايكم اشتري ولا ما اشتري

[حزوبر]

اشوف عند كارفور ابو جمل راسين

بسم ما اتوقع انه اصلي لانه ب 160 ريال وميزته لي الكيبل طويل

وش رايكم اشتري ولا ما اشتري
وعليكم السلام
زيد على هالمبلغ 90 ريال واشتره من الشراع الأصلي وريح راسك
على فكرة ترى حتى ماطور الشراع به عيوب ومنها حراااااااااارته

[no fear 78]

للعلم يا جماعه الحراره شي عادي الماطور لما يشتغل لا زم في حرارة بس السرعه في النفخ هذي المقياس ماطور و ابو جمل بو راسين في اصلي او في تجاري حتى اني شايف بو براسين ب 100 ريال في محلات الزين في الثقبه دور على ختم الشراع للضمان الله ايوفقك

[سليمان الصقر]

أنا جربت عدد من مواطير الهوى ولا لقيت مثل ماطور السنيدي ينفظ لك الكفر بثواني ، بعدها اشتريت أربع مواطير السنيدي وأهديتها لبعض أحبابي عز الله انه يجمل

[قناص مزاجي]

طلبت الرأي

اقول لك تجــــــــــــاري ولا ينفع

انصحك بمواطير الهـــــــــــــواء الاستراليه

لك ولزمن

[خط ليزر]

بالنسبه اللي يشتكون من حرارة الماطور فيه طريقه بسيطه لتبريده وهي وضع اسفنجه صغيره مبلله بالماء على الكمبرسر وستخف الحراره بفعل الماء،،،،،،، (هو اقتراح لاحد الشباب) ومن جربها يخبرنا ويكسب الاجر في اخوانه
ولاتنسونا من دعواتكم الطيبه تحياتي

[أبوصالح9]

السلام عليكم
من واقع تجربة معي ماطور ابو جمل راس واحد شاريه من زمان وش رايك اذا قلت لك اني معبي فيه ثلاث شيصان وبسم الله عليه مافصل يعني 12 كفر قدام عيني مهب احد قالي ولحد الحين معي زي الالف ماشاء الله-وعلى فكرة تراه ابو لي اصفر اللي علق عليه احد الشباب وقال انه مهب زين واذا انت من القصيم شف المرباع بعنيزة عنده كراتين توه جايبها وسعره 290-- حبيت اضيف شي واحد تراه يجي معه فيوز 40 امبير كل اللي عليك انك تشري فيوز 30 امبيراحتياط ولاتنقص عن 30 ولا تدور 40 امبير ماراح تلقى ابد يعني في حال انه احترق الفيوز تغيره وانتهينا
بالتوفيق يالغالي

[كوكب منير]

:s
السلام عليكم ورحمة الله وبركاته
أخي من واقع تجربة حيث أمتلك الماطور ممتاز جداً ولكن عيبه الكتاوت المرفق مع الأسلاك واستبعدته وظبط 100%.
اشتره ولا تحتار وهو أفضل من ماطور أبوجمل من حيث القوه حيث ينفخ بسرعة فائقه
ولكن الناس تعودوا على الدارج حتى ولو تغير دون معرفة البدائل.
وفقني الله وإياك لما يحب ويرضى.
يشرفني قبول التحية منك وممن شارك وسوف يشارك:):good2:

[معاند بحر]

توني شاري ماطور راسين من التويجري شارع الاربعين بريدة

سعره180

ما شاء الله سرييييع مرة يجي علي البطاريه وولعه جميع
ومعة لي اصفر طويل واذ ماتبي الي علي طول يركب بدون ترهيم حتى لا يوجد في السوق دورته في كل مكان ولا حصلتة

[عتيبي الدمام]

ابو جمل ممتاز جدا

[طير الولع]

ماطور السنيدي ممتاز جدا من واقع تجربه قرابة السنتين لكن انا شريته ب280-290

[ابو صالح الرس]

وعليكم السلام ورحمة الله وبركاته
يابن الحلال خلك على ابو جمل لا يجيك اجمل منه < وش رايك بالمثل

يابن الحلال السنيدي ما غير يمشي ويطلب من برى والدعوة استكر ويحط عليه اسم منتجه لكن المهم
هل هو فعال موب بكرى وانت مشغلة ما تدري الى وهو محتمي ومتقطمة عليك بساتمه

[هيتاشي]

وكيل ابو جمل محل الشراع في الرياض الغرررررررررررابي وهي ثلاثه احجام
الصغير 280 والوسط 300 والكبير 400 بس ينفخ الكفر وهو منسم مره يعني صفر بسرعه طبعا محلهم شارع الريل وانت نازل من شركه بوش خلها بظهرك وانت متجه جنوب تجيك الاشاره طبعا الغرابي كله طلوع يجيك محطه بانزين عند الاشاره تصير على يسارك لف يسار واستمر وجهك شرق 400 متر ويجي الشراع على يمينك ارجو اني اظفت معلومه
تلفونهم
0503820035

[rolze]

يااخوان كل المواطير تمشي
واسعاركم مبالغ فيهاحد الماطور200
اما300 و400 لاحول ولاقوة الابالله
انا شاري ماطووووور بــ200 له حوالي خمس سنين
واكره كره والحمدلله شغال زي الحلاوه

[hamido]

الله يجزاكم الي يبي ينتقد لا ينتقد الا من واقع تجربه...السنيدي عنده الردي و عنده اجهزه حلوه مثل ثلاجاته ( شارين وحده له سنتين ولا مثله استعمال شبه يومي ) ماطور الهوا كذالك كثير الي يمدحونه بل يعتبرونه افضل من ابو جمل طاحونة القهوه ... وغيره
بعدين السنيدي من ناحية الضمان قول وفعل
على طاري ماطور الهوى من جرب ماطور الرمايه ؟؟؟ السراحه من شكله وثقله وقوة نفخه تحس الكفر مايعوق بس مادري عن كدته .... اذا احد جربه ياليت يفيدنا بعد

[عالي الكيف]

حبيت ابين تجربتي .........

جربت ماطور هوا ( العوبثاني) راسين وسريع بالتعبئه ,,,, لكن انتهى هالنوع وجابوا جديد حجم كبير وراس واحد .

[web]

الله يجزاكم الي يبي ينتقد لا ينتقد الا من واقع تجربه...السنيدي عنده الردي و عنده اجهزه حلوه مثل ثلاجاته ( شارين وحده له سنتين ولا مثله استعمال شبه يومي ) ماطور الهوا كذالك كثير الي يمدحونه بل يعتبرونه افضل من ابو جمل طاحونة القهوه ... وغيره
بعدين السنيدي من ناحية الضمان قول وفعل
على طاري ماطور الهوى من جرب ماطور الرمايه ؟؟؟ السراحه من شكله وثقله وقوة نفخه تحس الكفر مايعوق بس مادري عن كدته .... اذا احد جربه ياليت يفيدنا بعد

ياخوي اغلب بضاعته مضروبه اول الكل يمدح فيه هل جاء من فراغ !! اكيد لا جاء عشان البضاعه الجيده والسعر المناسب ..
والان اغلب الناس تذم هل جات من فراغ اكيد لا ..

وبنسبه للسنيدي انا رايح من الرياض للقصيم عشانه واشتريته من اغراض كثيره والله مافيه منها شي عندي الان ..
خذيت ماطور طلعتين وخرب علي ..
وطاحونت القهوه على البطاريه والله طحنتين زي الحلاوه والثالثه ماشتغلت من حاله ..
النتافه ماستفدت منها مره ماتنفع وحسوفه يندفع فيها ريال ..
هذي تجربتي مع السنيدي

[مسير عليكم]

اخوي كلن مدح ابو جمل
وعلى ماقال كلن يغني على ليلاه :D
شفت كلن يمدح ويقول ابو جمل
اخوي انا شاري ماطور من حراج بن قاسم ب160 ريال من العوبثاني شريته من 3 او 4 سنين والى يومك يكد ومن جاني ونا عبي مارديته ودايم اعبي من موترين الى ثلاثه بس اخر شتويه خف ضغطه ماصار زي اول بس يعبي بس صراحه ماطور قوي وب160 ريال وشكله زي شكل ابوجمل :good2:

[ابو عمر النوح]

بالنسبة للحرارة أخي الغالي كل المواطير تحتر حسب معلوماتي و فكرة السفنجة المبللة دحلت مخي و مقنعة و لكن لا تكثر الماء عشان ما يتسرب لداخل الماطور
و إذا بتشتري إشتر اللي ليه قصير و سلك الكهرباء طويل لأن طول اللي يضعف دفع الهواء و الله أعلم
و بالنسبة لماطور السنيدي ما جربته و لكن أبو جمل مجرب بس عليك بالأصلي و اترك عنك الرخيص
يقول المثل
يا مشتري الدون بالدون تحسبك غابن و أنت مغبون

[سرهيد]

السلام عليكم

مرحبا بالجميع

وتقبل الله منا ومنكم صالح الاعمال

الماطور معي من مدة للتجربة برغم اني ماطور ابو جبال وما طور العليان

لكن الحقيقة اني لم اعد انزله من السيارة فلم الحظ عليه اي شيء بل وجدت فيه سرعة في التفخ لم اجدها في غيره ... ولحظت انه يسخن لكن التسخين امر طبيعي في اي ماطور تفخ ..

وانصح بشراءه وخاصة ان السنيدي يضمن مثل هذا الانتاج ..

موفقين يا اخوان

تقبلوا احترامي

[باشا]

لا تقربه ابد..
عليك بما طور ابو جمل الأصلي أو ما طور ساكا من واقع تجربه..

[كوفيا]

ماطور ابو جمل

[سمراني]

ياخوي اغلب بضاعته مضروبه اول الكل يمدح فيه هل جاء من فراغ !! اكيد لا جاء عشان البضاعه الجيده والسعر المناسب ..




والان اغلب الناس تذم هل جات من فراغ اكيد لا ..


وبنسبه للسنيدي انا رايح من الرياض للقصيم عشانه واشتريته من اغراض كثيره والله مافيه منها شي عندي الان ..
خذيت ماطور طلعتين وخرب علي ..
وطاحونت القهوه على البطاريه والله طحنتين زي الحلاوه والثالثه ماشتغلت من حاله ..
النتافه ماستفدت منها مره ماتنفع وحسوفه يندفع فيها ريال ..


هذي تجربتي مع السنيدي

يا اخوي عليك بالزين لو هو غالي.
المنتجات الرديئة مصيرها الزبالة ( أكرمكم الله ).
دعوه للسنيدي لمراجعة نفسة في إختيار البضائع الجيدة فالسوق لا يرحم والمنافسون كثر..
أكثر من قابلتهم يسبون بضائع السنيدي المقلده والرديئة وعندهم استعداد لدفع مبالغ عالية في سبيل الحصول على منتجات أصلية..