حكم وأمثال .. منكم وإليكم .

[أبو فالح]

بداية .. أود أن أعترف أن هذا الموضوع هو صنيعة أخي : ( أبو درع ) حين ولجت إلى موضوعه الجديد هذا المساء ( قالت العرب في الأمثال والحكم ... ونحنو بدورنا ) فأحببت طرق هذه الفكرة الجميلة ، ولكن بمنهج آخر ....... وحتى لا أتجنى على الجدّية في موضوع اخي أبو درع ... أفردت هذا الطرح بموضوع مستقل .
[line]
:heart: مكشاتي قلبي :heart:

يابعدهم يا غالي .. راح أولف كم حكمة ( أطيار )..لكن أنتبه :no2: ترى مهب ضروري يوافقن عليهن راشد الخلاوي .. يعني يكفي لا صار فيه ثلاثة في الصين يقولون: ( زينات)
أو يعني يقولون : مقبولة ..
ولاّ تدري .. على أقل تقدير يقولون : أحسن من لاشئ ..
أو تدري عاد .. أنا يكفين إذا ما قالوا: عين خير ولا عاد نسمعك اتخربط ...
عاد تبي أعطيك السالفة من آخره .. أنا يا بعدهم يكفين إذا قال عمي صاحب المشراق ( تسلم )

إذاً خذ كم حكمة .. وهي من مكشات وإلى مكشات.. يعني طازجة من الكيبورد إلى مائدة هذا الموضوع .
نبدا ... بسم الله :
- كثر الشور يولد البور ..
وهذا استفدته من موضوع ( ودنا إذا ودكم )
- خشم الحصان ذيب ثان ..
يعني ذيب ثاني .. غير المشنوق في خيمة الحياة الفطرية .
- حد السيف ماله كيف ...
وهذا استفدته من تأخر ( حد السيف ) في الرد على تساؤلات الأعضاء في موضوع( ودنا إذا ودكم )
- المشرف صقر دايم ظفر ..
وهذا استفدته من إدراكه لكل شاردة ووارة في مكشات.
- الطبيب يشرب حليب ...
وهاذي أبخلي تفسيره على خشم الحصان ( فزعة ) لكن أقترح يكون المعنى ( يحب العلوم الطيبة )
- شقردي صابه بردي ....
يعني ( صابه برد ) لكن عاد وش تبون أسوي ؟ هذي الحكمة ما تغير أبد .. وقد أدركت هذه الحكمة منذ دخول المربعانية .. لأنّ شقردي .. صراحة .... ( الله يعقله علينا سالم )
- أنظر إلى الجمل الكبير .. قد ماع في كاتم صغير
وهذا الحكمة استفدنها من موضوعين في خيمة الطبخات البرية .. الأول موضوع: عالم الكواتم للعضو ( الحصاة الرقطا ) والثاني موضوع : ياكاتم قلبي ها الكاتم .. للعضو ( أوس )
- سم .. أيمن يصير ولدك إيمن
يعني تحب ولدك يصير إيمن .. بمعنى( قرم ) ماعليك إلاّ تسميه ( أيمن ) .. وهذه استفدتها من شرح طريقة صنع ( خبزة الصاج ) للمشرف أيمن .. في خيمة الطبخات البرية .
- المسفهل علم( ن ) يهل
وهذه استفدتها من موضوع ثابت في خيمة الرحلات البرية بعنوان : ( رحلات المسفهل بين يديك )
السمح يداوي الجرح
وهذه اسفدتها سريعاً من إحدى مسابقات مكشات .
سنايبر عضو مجلس خايبر

وهذا استفدته من متابعتي لموضوع إنتخاب مجلس مكشات .. وخايبر بمعنى خابر السالفة .. لكن الظروف تحد على ها الكلمة .
- ريع الدياب هد التراب
وهذه استفدتها من متابعتي لرحلاته في الشرقية ثم الصمان
- نفل رده عسل
وهذه استفدتها من أحد الردود للمشرف صقر في موضوع ( ودنا إذا ودكم )
- الرحال ذيب مهوال
طبعاً هاذي واضحة ما تحتاج تفسير ( يعني .. أطلع أمنه )
- ودنا إذا ودكم .. يرحبكم مع أهلكم
وهذا استفدته من رنّة بيجر .. يعني كل عضو يتفضل على الرحب والسعة ، وليس حكراً على أعضاء دون غيرهم .. حتى لو بغيت تجيب أبوك وخوك .. نقول يا هل ومسهلا ..


( الجزء الثاني من هذه الحكم .. يجيكم بعد الصلاة )
مسجدنا أسمعه يقيم

[أبو فالح]

تابع ...

- عروان روح إنسان
وهذا استفدته من أخي عروان ومن قبله ريع الدياب حين سارعا إلى تهنئة من فازو في الترشيح ، بروح طيبة وعبارات جميلة وذكاءً متقد ..

- مكشات بقاءً وثبات .
هذي صراحة ( أهبال ) وعلشان ما حوسه ، ماراح أشرحه .

- فرد حمزه جزاه اله خير
اعتقد واضحة .. ( أذبحن شنقاً با الرصاص .. إذا كانت هذي حكمة)

- (رحلات برية ) فاكهة طرية .
فهذا جعلني أدرك أن خروج الطرح عن التقليدية .. يجعل من الكتاب قريباً من الكوشير .

- مكشات بوح الذات

يعني موقع مكشات ما يعطيك فرصة أتخفي شي ، كل أفكارك وتطلعاتك المكشاتية تراها متناثرة بين 23 خيمة .

[خلف]

ابو فالح = عشاه مالح

هذي معناها انك ملح المنتدى يابو فالح

حفرلوجيا + ابو فالح + خشم الحصان + الحصاة الرقطا + الملبد = ؟؟؟؟؟؟؟

واخيرا اقول لك يابو فالح """" الاثر يدل على البعير والبعرة تدل على المسير :burnout2: :(

تحياتي لقلمك الرائع واسلوبك الممتع.

ومشكور وماقصرة

[خشم الحصان]

الاخ الغالي
ابو فالح
السلام عليكم
اخي الحبيب خشم الحصان مر من هنا وعلي راسه مخرف ظاهر من السوز وله عوده الله يغفر لنا ولك
تدري ليش ائن كلامك يبيله .................. حكمه يعني مثل لي يمشي في روظه توها ممطوره ويخاف من زلقه
اخوك
خشم الحصان

[أبو فالح]

يتبع ..

لكن قبل ما يتبع .. عن أذنكم .. أبعلك خلف أشوي ..يا خلفوه .. أنا أقول منهو اللّي لاحسن عشاي أثره أنت .. قرب أشوي .. بعد قرب .. بعد أشوي ...... تدري ..أبمحطك في حكمة .

- راعي الكحيلة يذبح هيلة
قبل كل شي .. ضروري تعرفون أنّ معنى هيلة في اللغة العربية ( الشاة ) واللي ما صدق ينشد المسفهل .. عموماً هذا يعني أن راعي الكحيلة كريم جداً ، فهو ذبح كل الطليان اللّي عنده .. يوم ما بقي غير هيله عاد وش يسوي قطع هجرته
( عاد أجحده يا كحيلان )

- خلف أفندي مر من عندي ;)

هذا يعني أنه بلشه وزرار .. إذا جاك ما يروح حتى ياكل عشاك .. حتى لو كان مالح ما يوفره
عموماً .. الأثر يدل على الشخير وخلف يدل على النفير .. ( يعني الهجة )

- محب البر .. دايم في البر
.. أفا .. ما هقيته منكم يا مكشاتيين ... عاد هاذي تبي شرح ؟

كشات .. شايب مكشات
هذا يعني أن كشات لحيته خامطه الشيب .. ولا يهون خشم الحصان .


ملاحظات

أي واحد ما يحب حكمته .. مجرد إيعلمن ونا أغيره له

واللي يحب إيبدل مع شخص ثاني على راحته تماماً

لكن أشين حكمه يبي يجلد راعيه ( بلش خلف )

[خلف]

ههههههههههههههههههههههههههههههههه

كل هالجلد جاني وانا قلت ابو فالح عشاه مالح ، يعني ما قلت ابو فالح عشى ... مالح :good2:

وانا مدحتك ابيك تحل عني شوي ، لكن ماهنا فكة منك اسمنا اللي تورطنا والسلام . :(

لكن خذ هاذي:

ابو فالح ما يمالح
(وهذي اخذتهامن ردك علي) :mad:

وأخيرا الاثر يدل على ....... وابو فالح يدل على الطمير( يعني اطمر وهج) :j

[أبو تركي القطامي]

الله يجزاك خير ياأبو فالح
ويرحم والديك ووالدينا وجميع المسلمين على الوناسه المجانيه
والله مبطي عن أعلومك وسواليفك يامال الجنه والديك

[SilverSniper]

SilverSniper مر من هنا وخرازته على كتفه.. شاف أبو فالح يطرد ورا خلف وبيده قدر ملحوس وبيده الثانية عجرا.. وغبر على خشم الحصان بمشراقه وعثر بساق كشات وتكرفس.. وأبوهنا مر من هنا.. :D
سمع SilverSniper صوت الطبيب جاي من بعيد وخشته بيضاء عقب الحليب.. :) .. وشايل معه عمود خيمة.. ليه؟؟ لأن الطبيب ما يحب الحليب.. الطبيب ياكل رويب..
والمشكلة ان الحليب جا مالح.. مدري ليه؟؟؟ يمكن لأن أبو فالح عشاه مالح؟؟ :)
قام SilverSniper وعطى أبوفالح خرازته.. وقال.. خل عنك صفصفة الكلمات.. وخل ندور ورا الأكمات... عن صيد نصيده لمكشات.. ويتعشى به شايبنا كشات.. :)

[ملبد]

أدب واضح .. بهرج صالح .. والكاتب سارح .. في خيال جانح .. اجمل وألطف من روض فايح .. لكن ( عودنا ) طايح ..حبيبنا رد ولمشراقه رايح .. ليتك له شارح .. حتى لايجيب الفضايح .. ياابو فالح :good2:

هذي اخذتها من موضوعك :) .. ورد خشم الحصان :mad:
---
خلف : وش لك بالأثر والمسير .. وخل عنك البعير .. ( هذي أخذتها من 7 علامات استفهام بعد ماسردت اسماء شيبان مكشات وحطيتني معهم .. إلا إذا كنت تقصد ( المربد الملبد ) فـ هونت (حط مع السبعة 10 علامات استفهام.. ;) )

[SilverSniper]

أبوفالح لح؟؟؟؟؟؟؟؟

[ريع الدياب]

بسم الله الرحمن الرحيم

أخى الغالى أبوفالح

عندما بدأ خشم الحصان موضوعه ( ودنا.... اذا ودكم.......... يالمشرفين )

تابعته لفترة ثم ظننت أنه سيوأد ... فلم أرجع اليه

حتى ذكرنا به عروان فى كشتة الصمان

ورجعت أمس وقرأت حوالى 12 صفحة بشغف شديد رغم أن لى بعض الملاحظات على ما آل اليه

الخلاصة ... اكتشفت أن الطبيب الغالى وبعض الاخوان الآخرين (لا داعى لذكر أسمائهم)

قد تجنوا عليك أيما تجنى باتهامك بصفصفة الكلام ... الخ (ههههههههه)

أما أنا فلم أجد فيما تكتبه الا صفاء الذهن .... والصراحة .... واخلاص النية

هنيئا لك بهذه الهبه الربانية

وأقارن موهبتك هذه بموهبة ريف النشاما فى قرض الشعر ...

واعتزاز كلاكما بالانتماء لمكشات ... ومتابعتكما ومحبتكما لزملاء المنتدى

تحية وتقدير وتمنياتى بالاستمرار والتقدم

[خلف]

وهذي كم حكمة افتح مخباتك يابو فالح:

هواوي .. لايا كله الواوي

وهذي اخذتها من طلعاته للبر بلحاله.

راعي الحزم ... بعض المرات مايلزم

وهذي اخذتها من رده على ذالمشاركة:اضغط فيـــذا !!! (http://www.mekshat.com/vb/showthread.php?t=25666)

نقا هشال = فوق الراس يشال

وهذي ما عاد فيها قولة واضحة زي الشمس ( اللي ما فهم يقل لي)

سيلفر = ملك الكلايبر

والكلايبر ( تلقاه بجنب الفرامل) وهذي اخذتها من خلال موضوعه (المشروع السري)

الملبد = احسن لك تلبد

وهذي اخذتها من رد ابو فالح الثاني علي ( طلع علي مع الجهاز)

[ابو درع]

مشاء الله شعبيتك قويك ياابو فالح


انصحك ترشح نفسك في انتخابات البلديه :D


مكشات خذ وهات

[المربد]

:eek:
:eek:
:eek:
:eek:

:confused: :confused: :confused:

[المربد]

الله يستر عراك يا (الملبد)،
ليه تحشرني مع خمس المنشد،
هو ينشد عنكم ما يبرد،
لين يحصل جواب موكد !!


والمعذرة من ابو فالح الزعيم ا لاوحد،
في هذا الموضوع المسدد.
ولو خشم الحصان ماعوّد،
خايف من ابو فالح يقول يا جدّ !!

[ابو شكاع]

اثركم بذا

ابو فالح ياسلام عليك جبتها خطأ قصدي صح صح صح عليك

عاد مشكلة .... اسمع .... ابيك تحكر لي وحدة انما ايه تكون حكمة دفع رباعي يعني الواحد اذا غص بلقمة يدفع بماء

وهنا ابي الحكمة تكون دافع لي اذا غصيت بموضوع .......

عاد استلم هذي على الطاير

ابو فالح شفتك البارح على مركب خيال .وكنت مهدي وتمشي بشويش ومولع النور الصغير وانواع الرومانسية ومشغل المسجل على شريط فاضي وكل شوي تعيد مقطع والموتر مغسول عند احسن سباك قصدي احسن مغسلة همن ما دريت الا وانت خاطم من عندي تمشي مليون وعيونك صايراتن تقل كبس والشماغ شوي وياطاه الكفر الخلفي شكلك تلبس شماغ مقاس 1323 البسام بصمة ابهام 99 همن ما دريت الا والدورية موقفينك وقالوا لك انك مفحط مع اني شايفك قبل شوي وش ملحك وهادي لكن هم لزموا عاد العسكري قال لك انك مفحط وعليك غرامة ب 300 ريال عاد انت قلت للعسكري : انا ما معي الا 500 قال لك هو : رح فحط ب 200 وتعال .

وش رايك بهالحكمة مهيب مختصرة ومفيدة وتغذينا ولاتخلي احد ياخذ منك حليب السعودية ههههههه

ابرجع ان شاء الله

[أبو فالح]

السلام عليكم ورحمة الله وبركاته

قبل كل شي أبشركم .. تراي قضبت خلف قبل ما ياصل الحد .. يعني رحمة الله عليه ..
لكن ..أبعطيكم السالفة في اختصار

أنا يوم دست ورا خلف ، أكتشفت أن خلف سبوق .. يعني ما هو على ظاهره ;) إلى درجة أنّه دق الجرس عندي ، ونا يا الله أشوف أغباره .. لكن هين ما على الخرازة بعيد .. والبركة في أخوي سنايبر ، اللي عطان خرازته .. ونا يوم شفت الرجّال أمروح قلت في نفسي ما يلزم عضو اسمه خلف .. ومغط الخرازة عليه ، وحطه الزايد بين أكتوفه .. يعني حطيته مغيب أنجوم الشتاء ( سنافة ) :good: .. وظغط الريشة .. عاد ياساتر ياستّار .. وش أتوقعون صار على خلفوه .. لكن قبل ما تتوقعون شئ .. أحب أعلمكم شئ .. المجرم سنايبر حاط فشق متفجر .. ونا صراحة ما دريت ، يعني خلف صحيح أخطأ وكل عشاي ، لكن ما تاصل يمحط في متفجر ويغدي رماد .. المهم أنا يوم ظغطت الريشة .. مباشرة ثارت أغبره هايلة سدت الأفق .. يوم وصلت الغبرة ، ونا أشوف خلف أمتكرفع على نفسه ثم ساحب حوالي 5كم والفشقة داخلة مع رجله وطالعة مع عينه .. ثم أرجعت ثانية ونفجري في بطنه .. شئ عجيب .. ولو ماشفت هذا الوضع ما راح أصدق .

عموماً .. ترى خلف يطلبكم الحل .. وديته على سنايبر ..

نرجع للحكم .. يا أعضاء مكشات .

أبو شكاع للصبر مرياع

يعني أنت قائد ونيشان في الصبر وتجاوز أي غصة حلقية أو موضوعية .

أبو هنا القطامي .. مخلبه دامي .
وهذه استفدتها من متابعتي لموضوعاته الأسياحية .. فهو يقوم بتغطية دؤبة لتلك المنطقة الجميلة .. والصقر ما يكون مخلبه دامي إلا إذا كان يذبح ويجيب الخير كل ما شافه .. وهذا با الظبط سالفة أبو هنا القطامي .. دايم أصبعه دامي من أجل مكشات والنقر على الكيبورد .

نقا هشال .. عميل الإتصال
وهذا أكتشفته من تصاويره الرائعة والجميلة والمت**** .. اللّي اتخلي الواحد إتسمر قدام الصورة .. طبعاً الوقت يمشي عليك والفاتورة جاية جاية .. وهذا اللَي يجعلني اشك أنّه مدزوز من شركة الإتصالات من أجل هذا الهدف الربحي ... ولا يهون نفل وبحر .


الصياد المصري .. عا البط يقري .

يعني ورا النحم يركض .. ماهو مثل ربعنا يعلكون أبو لغبوب وهو با السماء ، وم أصبيح .. العوق من شوفته
( الله يذكر ما الورد با الخير ) :(

وهذا استفدته من موضوعه الثابت (سابقاً ) في خيمة الصيد البري ( أنواع البط ) .. فهو موضوع رائع بكل ما تحمل هذه الكلمة من معاني .. يعني با ختصار طرح شافي وكافي عن خصائص وأنواع وعادات وطريقة رمي طائر النحم






[/align]

[خلف]

ابو فالح ياحليلك. :bounce:

كنك تحكي على رضاعين اكبرهم ابو خمس سنين :eek:

وين ياعمي ، قاعد ومتصدر المجلس وتسولف على الشباب فيذا وهات يا تسذب :


حطيته مغيب أنجوم الشتاء

والله انك ما لقيت احد :mad: فيه ناس تفرق بين الحلبي و ( لاتحقر الحلبي)

لكن تدري انا مجمع لك مجموعة حكم وأمثال منك وإليك فقط :director: بس خلني انقحهن وانظفهن من الشوايب .

سلام ومع السلامة يا سنافي مكشات :D