شباب وش سالفه شاهي ابو جبل وراه صايرن تسذا ؟؟؟

[غافي]

سلام عليكم .


ماودنا بالحتسي الزايد . والقرق الواجد .

شباب انا من مدمنين شاهي ابو جبل استخدمته مرات عديده وايام مديده

طبعا اشتري الكرتون موب العلبه البلاستيكيه .

المهم شريت قبل فتره كرتون ونشرب منه وطعمه زين ماتغير

المهم صبيت لي بياله وشربت نصه وخليت النص الثاني نسيت :)

جلست ربع ساعه ولا واللون متغير لوون غريب


اللون بالظبط

تعرف اذا صبيت حليب قوطي ببياله ثم شربته وبقى به شي بسيط

وزودته شاهي يطلع لونه ادهم مادري كيف لونه .

او حطيت نقطتين من حليب قوطي بوسط بياله شاهي بالظبط تسذا

طلع لونـه ..


وجربت مره ومرتين وثلاث نفس الحكايه تغييير لوووونه بقوه

واذا صار بوسط بارد شاهي مقفل مايتغير لونه لكن اذا صبيته بالبياله يتغير

لونـه . واشتريت علبه ثانيه وبرضو تغير لونه ...


وش السالفه ؟

انا بكل امانه اول مره تصير لي تسذا ..



احد عنده علم ؟

[عجاج السناف]

وعليكم السلام ورحمة الله
اخوي توقع اي شي الحين
لا حماية مستهلك ولا امانه زي منول
وانت شاري شاري الله لا يعوق بشر

[غافي]

شكرا لتواجدك ..

يعني البلا من نفس الشاهي ؟؟


والمشكله اني صرت اشربه الى الحين مع انه يتغير لونه .


معقول لونه يصير تسذاا للدرجه ذي والمشكله من نفس الشاهي .

انا قلت يمكن المشكله من البرد ولا شي

بس شاهي الربيع جربته ماتغير لونه وجربت اكثر م شاهي مااتغير لونه


مافي الا بو جبل .

[عاشق الدهنا]

انا صارتلي نفس سالفك

[escape_man]

غالبا يكون الماء هو السبب

جرب تصلح بريق من موية غير موية البلدية وشف الفرق وعطنا علم

[شامخ ألهيلا]

اخوي خل عنك ابو جبل وربيع ولبتون
جرب شاهي كبوووس مهلوووس النفوووس
وخااصه الفرط الي كنه بودرة
حط في البراد بعد مايطبخ الماء ثم يطبخ السكر حط ملعقه منة في البراد وخله دقيقتين وحرك بالملعقه
والله لتنسى ابو جبل وغيره

اخوك مدمن شاهي
شامخ

[غافي]

غريبـه والله غريبـه ماحد عطانا علم .

ليش يصير كذا لونه ؟؟


اخوي اللي يقول غير الماء . يالغالي المويـه تحليـه . ماقد شربت بحياتي من ماء الشارع ولا غيره .

نعبي مويه القصيـم او عذب . ماناخذ من ماء البلديه ولا مياه الابار . هذولي للتغسيل بس .



اخوي الغالي اللي تقول كبوس .

والله اشوف كثير يمدحونـه لي . بس ماجربـته بكل امانه .

بجرب وبشوف .



بس ماقدرت اغير ابو جبل . والله حرام يصير كذا .

انا ودي ادري العله بنفس الشاهي وليش يصير لونه بالبياله كذا ولما تحطه في ( زم زميه )

مايتغير لونه ابدا . لو تخليه سنه . بس اذا صبيت منه وجلس فتره يتغير لونه .



غريب الأمر .

[MSAHMM]

سلام عليكم .


ماودنا بالحتسي الزايد . والقرق الواجد .

شباب انا من مدمنين شاهي ابو جبل استخدمته مرات عديده وايام مديده

طبعا اشتري الكرتون موب العلبه البلاستيكيه .

المهم شريت قبل فتره كرتون ونشرب منه وطعمه زين ماتغير

المهم صبيت لي بياله وشربت نصه وخليت النص الثاني نسيت :)

جلست ربع ساعه ولا واللون متغير لوون غريب


اللون بالظبط

تعرف اذا صبيت حليب قوطي ببياله ثم شربته وبقى به شي بسيط

وزودته شاهي يطلع لونه ادهم مادري كيف لونه .

او حطيت نقطتين من حليب قوطي بوسط بياله شاهي بالظبط تسذا

طلع لونـه ..


وجربت مره ومرتين وثلاث نفس الحكايه تغييير لوووونه بقوه

واذا صار بوسط بارد شاهي مقفل مايتغير لونه لكن اذا صبيته بالبياله يتغير

لونـه . واشتريت علبه ثانيه وبرضو تغير لونه ...


وش السالفه ؟

انا بكل امانه اول مره تصير لي تسذا ..



احد عنده علم ؟


اذا تقصد بيالة الشاهي يتغير لونها الى لون البيج بعد فترة هذا ناتج من وجود الكلور في الماء

[mkl]

هذي الحالة تسمى عسر الماء وعلشان تتأكد من كلامي جرب موية المنهل ونستله (اثق في جودتهم) ما راح يتغير شاهيك واذا كنت اباريق التفويح الكبيرة حقة الاولين ترا المادة اللي بقاع الابريق هذا نوع .
علىفكرة الشاي عشب والعشب مايغلى
:f

[بوسدن]

دايما الشاي أشوفه بالبياله مثل هذا اللون بعد ما يبرد وإحتمال إنه من الماء ،

[غافي]

طيب ليش شاهي ابو جبل يتغير والربيع مايتغير ؟

علما بأن الماء هو هو نفسه .


وبعدين ماقد غلينا شاهي . يالاخوان . نفوح الماء ونغلي السكر

ونحط عليه الورق لين يخدر من نفسه .



وواحد من الربع شرا ابو جبل بديرتهم . ونفس الحكايه تغير لون الشاهي

معقول نفس الماء بعد بالقصيم نفسه بالخرج ؟؟

[MSAHMM]

هذي الحالة تسمى عسر الماء وعلشان تتأكد من كلامي جرب موية المنهل ونستله (اثق في جودتهم) ما راح يتغير شاهيك واذا كنت اباريق التفويح الكبيرة حقة الاولين ترا المادة اللي بقاع الابريق هذا نوع .
علىفكرة الشاي عشب والعشب مايغلى
:f


بالضبط كم قال اخوي العزيز ومياة المنهل ونستلة شركة وحده لكن نستلة افضل واجود من ناحية التركيب والأملاح وهي اجود مياة موجودة تقريبآ

الكلور المستخدم من البلديه للتعقيم عشوائي وليس مقنن بقدر معين فيكون الوضع مختلف مره فوق الطبيعي ومره تحت الطبيعي

[حمود 1430]

الظاهان السبب الماء

[حمود 1430]

الظاهر ان السبب الماء

[غافي]

يـاخوان معقول الماء اللي عندنا نفس الماء اللي في الخرج ؟؟