يا اهل الجير وينكم ؟ ؟

[بعيد الهقاوي1]

السلام عليكم ورحمة الله وبركاته

شلونكم كلكم عساكم طيبين

انا كنت قانص الاسبوع الماضي وابشرررركم صدنا لنا حبارى وونستنا الحمدلله

وكان وقتها مميز الساعه 4 ونص العصر وقت دعو الطيور والجو كان بارد

وجابها الله لنا ..

والسالفه يالربع عندنا جير وكري سبوق سبوق سبوق مرررره

لكن فيه عذروب الطير يردد الحمامه لكن مايعرف يعلّق مرات يلحق الحمامه ويسبقها

ويرجع عليها وكل مابغاها مايقدر يعلقها سوينا له كل الطرق حمام مغطا عيونه ولا نفع

وحمام طياره خفيف ولا نفع الطير فرخ توّه وفيه طبع انه مايصيد الطاير يبغاها توقع

والله ان الحمامه لما يضربها بالارض ان ريشها يملي القاع .. والحين ابتلشنا بالطير

سبوق وجناحه خيالي لكن مايعلق والحين قام يترك الحمام اللي يصمل يبغا شي بالارض

هل فيه حل ياجماعه ؟ ؟ ؟ ؟

[رأعي الخرشه]

السلام عليكم ورحمة الله وبركاته
هذي مشكله بس اكيد لها حل والله يبارك لك في الطير
حاول انك تدعي الطير دعو على حمامه ( لو تكون مذبوحه افضل على شان ماتتعذب ) واذا جاك الطير قريب منك حاول ترمي الحمامه فوق بحيث الطير يجي ويعلق الحمامه وبتكون الحمامه ثابته في الهواء ماراح تروح لا يمين ولا يسار حاول معه اكثر من مره على شان يتعلم كيف يمسك في الهواء واذا تعلم يعلق في الهواء ,,, هد حمامه مقطبه عيونه اول ماتهده وراحة ترتفع على ظهرها هد عليه يعني في ارتفاع عمودي قبل ماتدور هد عليها وان شاء الله بيتعلم .. والشباب راح يفيدونك بعد ماراح يقصرون ان شاء الله


تقبل مروري

[عصام البلادي]

سلام عليكم يااخوي عندنا جير مثله لاكن تدري كيف علمناه

اول شي تاخذ من الحمامه

مثلا اول يوم تخلي فيها 6ريش يعني بس تتطير يمكسكها على طول بعد يومين خلها سبع ريش وانت ماشي

والله طريقه حلوه لتعلوم الجير

ارجوا اني قد افتدك

اخوكم\عصام البلادي

[ربع خالي]

السلام عليكم ورحمة الله وبركاته

هذي مشكله بس اكيد لها حل والله يبارك لك في الطير
حاول انك تدعي الطير دعو على حمامه ( لو تكون مذبوحه افضل على شان ماتتعذب ) واذا جاك الطير قريب منك حاول ترمي الحمامه فوق بحيث الطير يجي ويعلق الحمامه وبتكون الحمامه ثابته في الهواء ماراح تروح لا يمين ولا يسار حاول معه اكثر من مره على شان يتعلم كيف يمسك في الهواء واذا تعلم يعلق في الهواء ,,, هد حمامه مقطبه عيونه اول ماتهده وراحة ترتفع على ظهرها هد عليه يعني في ارتفاع عمودي قبل ماتدور هد عليها وان شاء الله بيتعلم .. والشباب راح يفيدونك بعد ماراح يقصرون ان شاء الله



تقبل مروري




بيض الله وجهك يا راعي الخرشه كفيت ووفيت ,, والله انك جبت اللي كنت بقوله بالتفصيل,, مابعد العلوم علوم بالنسبه لي ,,,

وانت ياراعي الجير ماعليك الا ان تقصر على الطير شوي ولا هب واجد حتى يكون همه يصيد بعجله وياكل,,,

تقبل مروري
تحياتي

[بعيد الهقاوي1]

مشكووورين ماقصرتو

وكل الطرق سويتها يالربع مانفعت والله

نرمي له الحمامه بالهوا ويطقها مايعلق والحمامه نهده عليها ويطقها لين توقع

ماسكه معه مايصيد الا شي بالارض الطير فااااااتن وحااااااااار وطقته قويه قويه قويه

لكن بجرّب طريقه اني اسكر عيون الحمامه واخليها فاتحه من قدااام عشان ماتشوف اللي وراها واهدها

اخليها تروح قدام وبيطقها لين يعلق هذي آخر محاوله له عندي اذا فيه محاوله جديده يفيدوننا الاخوان ان شاء الله..

[صقار مبتدئ]

طريقتك اللي تقول فكرتها حلوه جربها و افنا بالنتايج عشان نستفيد

[النـادر]

مالك الا الطياره وبدل الملواح تربط حمامه حيه ويعلقها وينزل بها واذا صار يعلق من الطياره بسرعه فك له حمام متيب عيونه بعدها درج له فالطيار منتف 5 و6 و7 و...... حتى يعلم زين

والله يطعمك من صيده

[ssnnss]

يمكن الطير صنيع

[صاحب نوماس]

افادوك الاخوان عز الله ماقصرو

[بن حويرب]

السلام عليكم
الطير كم وزنه يا خوي ضروري

عندك الطائره الورقيه او البالون تعلمه اول شي عليهم كمن يوم لين يعرف يعلق فالجو بعدين تغطي عيون الحمام وتخلي فيها ست ريشات عشان ما ترتفع كثير لمدة اسبوع ونته ازيد كل يوم ريشه
وباذان الله يعلق فالسحاب