المساعدة والنصيحه يا اهل الجير

[falcon 1]

السلام عليكم ... صبحكم الله بالخير ..كيف حالكم يالنشاما

انا من الكويت وودي اجرب الجير ...لانه واجد من الربع انصحوني اخذ جير شاهين او جير...فحبيت اسال اذا بطلب جير من وين اقدر اطلبه او اشتريه (وحش ) ؟؟ وين اقرب مكان..هل هو بالامارات؟ .. لانه ودي اشتري من المزرعه على طول ومو من واحد..الطير الي ببالي جير شاهين...فيا ليت تساعدوني يالنشاما مع معلوماتكم وتفيدوني.

تقبلو تحياتي الطيبة الاخ فالكون 1

[مشبر البران]

الأخوان ما يقصرون

[بعيد الهقاوي1]

والله ياخوي الجير مشكلته مشكله

اذا تبغا طير سبوق سبوق سبوق هو الجير

والجير الشاهين صاروخ لكن من المزرعه على طول بعضهن يفشل

مثلا بعضهن ياطويل العمر مايرتفع فوق وبعضهن مايعرف يعلّق بالهوا

انا عندي جير للحين مايعرف يعلق أي شي طاير

بس مادامك بتشتري جير وبتجازف اشتره من المزرعه لكن انصحك انك تشتري جير مشروط

اما فرخ ومعروف هدده وتشوفه بعينك والا بكر مشروط

ترا الجير مشكلته مشكله يتعبك ..

ومادامك صامل وانا اخوك الله يوفقك وفيه بالرياض محل اسمه الصقور النادره لنيكولاس عنده جير شاهين بالهبل

ذاك اليوم يمكن 100 جير شاهين عنده وحوش اعجبتني وحده فيهن وقلت بكم قال بستين الف الكلام هذا قبل شهر واذا بتسأل عن شي بعد آمر ياخوك انا تحت امرك

[هماش]

يا هلا وغلابك ياغالي

ان كانك من اهل الكويت عندكم شخص يقاله بدر محارب

انا ماعرفه لكن الي سمعته من اهل الكويت انهم يثنون عليه ويشكرونه

اسئل عنه وان شاء الله يفيدونك

[falcon 1]

يجزااكم الله خير يالنشاما على ردودكم ..اي بدر محارب بو عبدالمحسن هذا رجال انا اعزه واعرفه زين وانا اشكره على الي يسويه ..ماشاءالله عليه...تقبلو مروري يالنشاما

[ربع خالي]

السلام عليكم ... صبحكم الله بالخير ..كيف حالكم يالنشاما

انا من الكويت وودي اجرب الجير ...لانه واجد من الربع انصحوني اخذ جير شاهين او جير...فحبيت اسال اذا بطلب جير من وين اقدر اطلبه او اشتريه (وحش ) ؟؟ وين اقرب مكان..هل هو بالامارات؟ .. لانه ودي اشتري من المزرعه على طول ومو من واحد..الطير الي ببالي جير شاهين...فيا ليت تساعدوني يالنشاما مع معلوماتكم وتفيدوني.

تقبلو تحياتي الطيبة الاخ فالكون 1


والنعم والله فيك ياخوي ,, وربعك ماكذبوا عليك والشاهين (الجير) الحكي عنده واقف ,,, والطيور المهجنه تلقاهن في أغلب مكاتب الطيور ,, ومشتراك للطير من مزرعته فيه مخاطر كثيره ياخوي واكثرهم يغشون في المقاس والوزن ,, ونصيحتي لك تشتري من المكاتب التي في الخليج وعلى شروط الفحص من الامراض , ومنها تشوف بعينك الطير على الطبيعه ,, وترا اسعار جير الشاهين غاليه شوي , الا اذا تنتظر نصف الموسم بتلقى الرخيص ,,,

تقبل مروري
تحياتي

[333]

ماقصرو معاك الأخوان
تقبل مروري اخوك:333

[قرناس شماالي]

فادوك الاخوان وماقصرو

[falcon 1]

اشكركم يالنشاما على معلوماتكم ..وانشاءالله الله يرزقني ويرزق الجميع بالي يبيه ..تقبلو تحياتي الاخ فالكون 1

[ALAMIR]

حياك الله يا فالكون

انا من اهل الكويت

وعندي جير حر من طيور بدر محارب
وما شاء الله عليه
ولكن الموسم خلص
أنتظر المعرض اللى يصير بـ ابو ظبي
وجيب لك واحد والأمور سهالات
والله يوفقك وانصحك بمزرعه ندآ الشبا
فيها طيور طيبه
والمزراع واجد ولكن فيها الزين وفيها الشين

[برقى الجناح]

شوف اخوي اول شي الجير على حسب خلطته واحسن خلطه حق الشواهين هي 25%تبع و 75% وتحصلها عند مزرعة فالكون سنتر والخلطه انا مجربها والطير حاشر كراوين السنه كراوين اول الوقت وصايد 4 حباري ورايح لها فصيل

[falcon 1]

ماشااءلله بس يا اخواني على كم هالطيور .. اخوي الامير انا خابر بدر محارب يجيب طيور وطيور زينه لكن على كم يبيعهم عشان نعرف ..اخوي برقى ..لو اقدر كان اخذت جير شاهين معلم على الطياره والملواح والحمام والكراوين والحباري يعني جاهز عرفت ..بس ما لقينه واحد فقلت اشوف المزارع ..مثل ما قالوالاخوان.. تخوف هالحركة انك تشتري من المزرعه لانه الطير ما تعرف عنه شي يمكن ما يرتفع..على الاقل لو راعيه موجود يقولك ويشرط ان كان صايد..ويشرحلك الموضوع كله وتشوف الطير يهد وكل شي لكن لو من مزرعه حدك انك نشوف الطير وهو فالهاكر او قدامك على الوكر.

تقبلو مروري

[ALAMIR]

ماشااءلله بس يا اخواني على كم هالطيور .. اخوي الامير انا خابر بدر محارب يجيب طيور وطيور زينه لكن على كم يبيعهم عشان نعرف ..اخوي برقى ..لو اقدر كان اخذت جير شاهين معلم على الطياره والملواح والحمام والكراوين والحباري يعني جاهز عرفت ..بس ما لقينه واحد فقلت اشوف المزارع ..مثل ما قالوالاخوان.. تخوف هالحركة انك تشتري من المزرعه لانه الطير ما تعرف عنه شي يمكن ما يرتفع..على الاقل لو راعيه موجود يقولك ويشرط ان كان صايد..ويشرحلك الموضوع كله وتشوف الطير يهد وكل شي لكن لو من مزرعه حدك انك نشوف الطير وهو فالهاكر او قدامك على الوكر.
تقبلو مروري


اخوي فالكون
طيور بدر المحارب أسعارها متفاوته
ويقوولك ما ادري عنه يرتفع ما يرتفع في الرخيص وفي الغالي وعلى حسب الخلطه وعلى حسب المرزعه


وسالفه الأرتفاااع سهالات عليها
طياااره ولمده اسبوع وبعدها شف الطير :)
وأي سؤال انا حاضر