ذيب البر
27/12/2004, 10:09 PM
السلام عليكم ورحمة الله وبركاته
ارحب بالجميع واعتذر عن الانقطاع للفترة الماضيه لظروف العمل ولكن كان لهذا الموقع حنين
وشوق في النفس
نعود لصلب الموضوع والذي آمل من الجميع ابداء الرأي فيه
قبل ايام طرق الباب شخصان فخرجت ورحبت بهما بعد السلام وقلت تفضلوا قالوا لا مستعجلين
نبي نمشي ورانا شغل فاستغربت هذه الكلمه وكأنه يقول نحن في عمل رسمي مع ان الوقت كان
العصر المهم قال احدهم هذا البيت بيتك قلت نعم قال هل انت مستأجر ام مالك قلت وما الفرق
اولاًَ وثانياً من انت حتى تسأل مثل هذا السؤال فقال معك المباحث او البحث لا اذكر الكلمه بالضبط
المهم قلت عطني مايثبت فأخرج بطاقته العسكريه وبطاقة زميله قلت خير وش الموضوع
قال اعطنا جهاز الكنود الذي لديك !! قلت ليش وبعدين وش دراك ان عندي جهاز كنود ؟ هذا اولاً
بعدين كل الناس عندهم كنود شف الارايل على البيوت وحارتنا ماشاء الله كلها ارايل كنود
سبحان الله وانا اصغر واحد اريل كان وصلتين ونازل ياله تشوفه المهم قال لا تخاف جايهم
الدور !!!! أما كيف عرفنا فهذا شغلنا فيه اجهزه وسيارات تدور وترصد الارسال وانت تدخل
قنوات حكوميه قلت شف يابو الشباب أنا ما ادخل قنوات حكوميه لسببين مهمين اولاً لجهلي
بطريقه الدخول عليهم ثانياً لاني اخاف الله فهذا ايذاء للمسلمين قال مهوب لازم تدخل يعني
تقطع عليهم المهم مجرد تصنت (( مطفي النور)) قلت صدقني حتى التصنت يمكن امر احياناً
وأقف دقيقه دقيقتين بالمكتب لكن ما اجلس بالمكتب لاني ما استفيد شي واكثر استخدامي للجهاز
لمراسله الشباب بالبر القريب من الرياض وانا اراسل اخواني اذا طلعت برا
وبعدين لو كنت اتصنت بقولك لك اني اتصنت والحمد لله مافيها قطعة راس
قال طيب عطنا الجهاز ورانا شغل وبيوت ثانيه !!!! رحت وجبت الجهاز وعطاني سند
استلام للجهاز ووقعني على تعهد بإنزال الاريل باقرب وقت ممكن
وسلامتكم واترك لكم التعليق !!!!!
ملاحظه مهمه // شغلهم مرتب ماشاء الله عليهم لاني شفت كروكي للحي بالكامل وبيتي وبعض
البيوت الي فيها ارايل عليها اشاره وبعدين كل بيت مسجل رقم عداد الكهرباء الخاص بالبيت
والرجل ماقصر اطلعني على تعاميم من امارة الرياض بالتشديد على الاجهزه ومصادرتها من
المنازل !!
ارحب بالجميع واعتذر عن الانقطاع للفترة الماضيه لظروف العمل ولكن كان لهذا الموقع حنين
وشوق في النفس
نعود لصلب الموضوع والذي آمل من الجميع ابداء الرأي فيه
قبل ايام طرق الباب شخصان فخرجت ورحبت بهما بعد السلام وقلت تفضلوا قالوا لا مستعجلين
نبي نمشي ورانا شغل فاستغربت هذه الكلمه وكأنه يقول نحن في عمل رسمي مع ان الوقت كان
العصر المهم قال احدهم هذا البيت بيتك قلت نعم قال هل انت مستأجر ام مالك قلت وما الفرق
اولاًَ وثانياً من انت حتى تسأل مثل هذا السؤال فقال معك المباحث او البحث لا اذكر الكلمه بالضبط
المهم قلت عطني مايثبت فأخرج بطاقته العسكريه وبطاقة زميله قلت خير وش الموضوع
قال اعطنا جهاز الكنود الذي لديك !! قلت ليش وبعدين وش دراك ان عندي جهاز كنود ؟ هذا اولاً
بعدين كل الناس عندهم كنود شف الارايل على البيوت وحارتنا ماشاء الله كلها ارايل كنود
سبحان الله وانا اصغر واحد اريل كان وصلتين ونازل ياله تشوفه المهم قال لا تخاف جايهم
الدور !!!! أما كيف عرفنا فهذا شغلنا فيه اجهزه وسيارات تدور وترصد الارسال وانت تدخل
قنوات حكوميه قلت شف يابو الشباب أنا ما ادخل قنوات حكوميه لسببين مهمين اولاً لجهلي
بطريقه الدخول عليهم ثانياً لاني اخاف الله فهذا ايذاء للمسلمين قال مهوب لازم تدخل يعني
تقطع عليهم المهم مجرد تصنت (( مطفي النور)) قلت صدقني حتى التصنت يمكن امر احياناً
وأقف دقيقه دقيقتين بالمكتب لكن ما اجلس بالمكتب لاني ما استفيد شي واكثر استخدامي للجهاز
لمراسله الشباب بالبر القريب من الرياض وانا اراسل اخواني اذا طلعت برا
وبعدين لو كنت اتصنت بقولك لك اني اتصنت والحمد لله مافيها قطعة راس
قال طيب عطنا الجهاز ورانا شغل وبيوت ثانيه !!!! رحت وجبت الجهاز وعطاني سند
استلام للجهاز ووقعني على تعهد بإنزال الاريل باقرب وقت ممكن
وسلامتكم واترك لكم التعليق !!!!!
ملاحظه مهمه // شغلهم مرتب ماشاء الله عليهم لاني شفت كروكي للحي بالكامل وبيتي وبعض
البيوت الي فيها ارايل عليها اشاره وبعدين كل بيت مسجل رقم عداد الكهرباء الخاص بالبيت
والرجل ماقصر اطلعني على تعاميم من امارة الرياض بالتشديد على الاجهزه ومصادرتها من
المنازل !!