صوت طقطقة اول ماتشتغل السيارة

[ابونايف77]

السلام عليكم

يا اخوان عندي صوت طقطقة بالسيارة اول ما تشتغل
رحت للورشة وقالو لي انها طرمبة الزيت ولكن تمشي معاك وانا من الناس الموسوسة ما ابغى شئ يخرب بالسيارة ورحت لورشة اتوستار بالخبر وقالي اهم شئ ضغط الزيت وعلمني بالامبير حق الزيت فاتمنى منكم الفزعة هل فعلا المشكلة من طرمبة الزيت والا شئ ثاني

السيارة يوكن

[_دربيل_999]

اخوي
هل الطفطفة تستمر وكم مدتها..
ترى السلف والحذاف اذا صار في احدهم خلل يسوون طقطقة خاصة في الأمريكي..
أو الجنزير اذا ارتخى الشداد الداخلي..
وفقك الله..

الروقي

[اسدهم]

ياخي معروفة الجمس من مديل 2000 وفوق خراب طرمبة بنزين او طرمبة ازيت طبيعي اخوي

[بدوي الرياض]

سيارتي جي ام سي 2001حصلت معي نفس المشكله وانصحك بتغييرطرمبة الزيت باسرع وقت 00التكلفه راح تكون بحدود التسع ميه شامل سعر القطعه وقيمة الاصلاح ولك مني اطيب تحيه واذا ما انت مغيرها خل عينك على امبير الزيت الي بالطبلون

[ابونايف77]

الله يوفقكم جميعا

طبعا مدة الطقطقة تقريبا بعد ما تشتغل السيارة من 10 - 20 ثانية واذا صارة السيارة حامية او اخذت مشوار ماتطلع
وامبير الزيت بالطبلون اذا اشتغلت السيارة فوق 40 وكل ما دعست البنزين ترتفع لكن ما عمرها نزلت عن النص اللي هو 40
اخوي بدوي الرياض اليوكن موديل 2001 نفس سيارتك يعني تنصحني اغيرها واغيرها باي ورشة والا لازم ناس متمكنين ... انا اسافر بالسيارة بالعائلة خطوط طويلة يعني من الدمام الى الجنوب وشرايكم
طبعا انا بالدمام

والله يوفقكم

[_دربيل_999]

أبو نايف الغالي..
الموتر تسافر عليه..
غير طرمبة الزيت اذا ثبت ان الصوت لها..وريح قلبك..
وفقك الله..

الروقي

[حزم نجد]

طيب اخوي قبل تغيير طرنبة الزيت هل قمت بقياس ضغط الطرنبه في ورشة ؟؟


الي اعرفه ان طرنبة البانيزن والزيت يعمل لها قياس بالورشات ولها حد معين اذا كانت اقل من هذا الحد تعتبر ضعيفه وتحتاج تغيير ..



لكن تروح وتخسر 1000 ريال
علشان كلمة ((يمكن)) :D


الصوت هل هو قوي في بداية التشغيل او لا ؟؟ يمكن البساتم عندك


او جنزير او صوت الصبابات لازم تفحص عليه عند ميكانيكي مختص في الامريكي


نصيحه لا تغير شي بالمكينه وانت موب متأكد من العطل


وبالتوفيق

[ميكا مكشات]

يا خوي طرمبة الزيت ميكانبكية وقبل ماتخرب يصير فيها طقطقة مستمرة ويتزل أنبير الزيت نزول ملاحظ وإذا دست بنزين تروح الطقطقة ويرتفع أنبير الزيت على الوضع الطبيعي ..إذا وصلت إلى هذه المرحلة غيرها ووفر على نفسك وترى كل اليوكنات والجموس نفس العلة

ريح بالك

[رفيع المقآم]

الله يعينك اخوي توكل على الله وغيرها ترى ان ما غيرتها تخرب بوقت حرج اما ما فيه وقت او انت مسافر بالليل وانت معك عايله توكل على الله وغيرها ولا ترزل
تقبل مروووري

[سوبر VTC]

رد لموضوع سابق

و عليكم السلام و رحمة الله

طرمبة الزيت للجمس و الكابرس من م2000 الى م2006
نفس بعض
مشكلتك بصوفة ماصورة الطرمبة
غالبية الجمس دايم يلعب انبير الزيت تحت النص احيانا على الربع

طبعا لو خربت اللمبة راح تولع لمبة حمراء
((ضغط طرمبة الزيت منخفض))
+ الانبير يطيح على الصفر
و هذا دلالة على خراب الطرمبة
ايضا +
راح و انت واقف عند اشارة مثلا
صوت طقطقة للمكينة همن اذا دست بنزين راح الصوت
لان الزيت رقا للمكينة بسبب سرعه دوران طرمبة الزيت مع سرعه المكينة

طبعا غالب الامريكي عند اشتغال الموتر و هو بارد خصوصا في الصباح
يظهر صوت احتكاك و ططقطقة للتكايات و البلوف
لمدة 5 او 7ثواني همن اذا رقا الزيت اختفى الصوت :good2:
و سالت اصحاب ورش + الوكالة يقولون الصوت طبيعي جدا
بسبب نزول كل الزيت الى الكرتير

دلالة خراب الطرمبة => اللمبة الحمراء + طقطقة بالمكينة + انبير الزيت
على الصفر


عندك 4احتمالات
1
انبير الزيت خربان نفس الدينمو
2
اذا شغلت الموتر و هو بارد و كان الانبير ضارب فوق النص
همن اذا احتمى يطيح الانبير
فاحتمال الخراب من ساعة الزيت بالسلندر
3
صوفة ماصورة الشفاط تهرب زيت
4
بلف الطرمبة معلق دايم يكون فاتح ما يسكر

فيه ناس غيروا انبير العداد ب150 ريال و ضبط الموتر :good:
طبعا جمس
و فيه ناس اذا وقف الموتر تسمع صوت طقطقة
لتكايات البلوف الصبابات
اذا داس بنزين اختفى الصوت
بعضهم يغير سيلة او صوفة ماصورة الطرمبة
و البعض الاخر غير الطرمبه وزانت

دام موترك اذا وقفت مافيه صوت لا تحرك ساكن :no2:


عندي الجمس م2001
انبير الزيت له 3سنين يلعب اذا كان الموتر واقف
و اذا مشيت على سرعه 130 الانبير يضرب فوق النض :good:
لكن
قبل اسبوعين اذا وقفت عند اشارة مثلا
تجيه حاله باليوم 3مرات
و هي
ان انبير الزيت يطيح على الصفر :no:
و تولع رسالة بالطبلون ضغط الطرمبة منخفض لمبة حمراء
همن بعد 5ثواني تسمع المكينه تطقطق صوت التكايات و البلوف
طبعا في هذه الحالة ادوس بنزين مره وحده
فيرتفع الانبير الى النص و يروح الصوت :good:
اللي حصل
اني غيرت طرمبه الزيت + سيلة ماصورة الكرتير اللي تركب على الطرمبه
+ وجه كرتير + وجه صدر المكينه + صوفه الصدر
قطع الغيار كامله ب750ريال
شغل اليد ب500ريال
للعلم غالبيه الورش قالوا
ب1500 :mad: و الاخر قال ب1800 :mad:
و اخر قالي شغل يد ب800ريال
و رابع قالي شغل يد ب800ريال
الان الموتر ما شاء الله الانبير ثابت على النص اذا وقفت
سابقا
اذا شغلت الموتر و هو بارد ما يوصل الانبير الى النص او فوق النص
و انما بعد التشغيل يبدا يلعب و يكون تحت النص
طبعا قالوا الاخوان غير سيلة ماصورة الكرتير حقت الطرمبه
لكن انا قلت نغير كل شي مرة وحده و لا نتخسر بعدين
مره ثانيه
للعلم
سمعت ان بعض ورش الرياض يفكون بلف الطرمبه و سبرنق
و يمغطون السبرنق عشان يثبت الانبير على النص (حيلة)
و هذا غش :mad:
طبعا الانبير يثبت على النص
لكن المكينه ما تاخذ كفايته من الزيت :no2:

(اهم شي اذا طاح انبير الزيت)
(هل يطلع صوت للمكينه ام لا؟؟؟؟؟؟؟)

ان شاء الله في الايام القادمه اذا الله يسر
راح انزل موضوع عن الطرمبه بالصور

هذي ماصورة الطرمبة ماصور الشفاط و لاحظ السيلة او الوجه

http://www.mekshat.com/vb/../pix/upload03/images134/mk53291_vsvsv1.jpg

http://www.mekshat.com/vb/../pix/upload03/images134/mk53291_dbbf11.jpg

http://www.mekshat.com/vb/../pix/upload03/images134/mk53291_gnng2.jpg


لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/vb/../pix/upload03/images134/mk53291_dbdf3.jpg


هذي الطرمبة الجديدة الكابرس و الجمس نفس بعض

http://www.mekshat.com/vb/../pix/upload03/images134/mk53291_bdfb4.jpg



http://www.mekshat.com/vb/../pix/upload03/images134/mk53291_bffbf5.jpg


جزاك الله خير
اذا دست بنزين و الموتر واقف
همن طفت الرسالة + اختفاء الصوت
فالمشكلة باذن الله
صوفة او سيلة ماصورة الكرتير
او من بلف الطرمبة فاتح ما يسكر
او من صوفة صدر المكينة اللي راكبه على
الطرمبة
و هذا احتمال ضعيف

http://www.mekshat.com/vb/../pix/upload03/images134/mk53291_ssv111.jpg


http://www.mekshat.com/vb/../pix/upload03/images134/mk53291_gnbdb222.jpg

[ابونايف77]

جزاكم الله كل خير والله انا اسافر باستمرار ووالعائلة معي ...

لكن اليوكن اللي عندي امريكي وامبير الزيت فوق النص دايم ما ينزل سواء السيارة شغالة او لا لكن يرتفع اذا دست بنزين او مشت السيارة .... والامبيريبدا من الصفر - 40 - 80
هو دايم فوق 40 والصوت فقط بعد التشغيل شوي ويروح ومع الدعس للبنزين يختفي

تكفون الحين احترت واغير والا لا ... ووش اغير الطرمبة والا الصوفة والا الساعة
ابغى شئ محدد لان المادة ربك العالم بها

[ميكا مكشات]

سبحان الله
الله يهديك طرمبة الزيت ما تخرب الا بعد مقدمات تستمر لأكثر من شهر منها ضعف
في ضغط الزيت وهذا ملاحظ اذا شفتها بدت تخمبق غيرها

[aooa]

اذا الصوت يختفي بعد فتره فتراه عادي جدا خاصه في فصل الشتاء ... وعليك بالاهتمام بزيت سيارتك وترى كل فصل من فصول السنه لها زيت معين يعني بالشتاء خذ لك زيت خفيف مثل سوبر جتي او سوبر شل واحرص انه يكون من شركة معروفه واما بالصيف خذ زيت ثقيل ...

[سوبر VTC]

جزاكم الله كل خير والله انا اسافر باستمرار ووالعائلة معي ...

لكن اليوكن اللي عندي امريكي وامبير الزيت فوق النص دايم ما ينزل سواء السيارة شغالة او لا لكن يرتفع اذا دست بنزين او مشت السيارة .... والامبيريبدا من الصفر - 40 - 80
هو دايم فوق 40 والصوت فقط بعد التشغيل شوي ويروح ومع الدعس للبنزين يختفي

تكفون الحين احترت واغير والا لا ... ووش اغير الطرمبة والا الصوفة والا الساعة
ابغى شئ محدد لان المادة ربك العالم بها


عموما موترك مابه الا العافيه :good:
لاتوسوس
و اي امريكي عند التشغيل و هو بارد لازم تطقطق المكينة من الاعلى
احتكاك الصبابات و البلوف
لمدة 7ثواني
و انبير الزيت على كلامك مايحتاج مضبوط :good:
ما شاء الله

[ابونايف77]

ريحتني الله يريحك انت والشباب دنيا واخره

لاني كنت خايف وربك العالم العائلة لازم تحسب لهم الف حساب


الله يعطيكم العافية ويجزاكم كل خير

[سوبر VTC]

الله يجزاك خير

موتري جلس 4سنوات الانبير يلعب مره على الثلث و مره على الربع
و اذا كنت على سرعه 100 و طالع الانبير فوق النص :good:
لكن
في السنة الرابعه وقفت عند اشارة وولعت اللمبة الحمراء + الانبير على الصفر + طقطقة للمكينة
اللي حصل دست بنزين
فطفت اللمبة :good:+ الانبير تحرك على الثلث + راحت الطقطقة :good:
لان الزيت رقا
للمعلومية في هذه اللحظة اقدر امشي عليه و اسافر
يعني ماصلحه الا بعد شهور مثلا
لكن بما الموتر دايم يسوقونه الاهل و الاخوان
قلت اصلحه افضل :good:

[ابونايف77]

موفق يالغالي

والله يكتب لك الاجر

[أبومطر]

مشكلتك والله العالم انها من الحساسات الي في الشكمانات عددها أثنين تجي تحت مقاعد السواق والراكب 00000

[ابونايف77]

ابو مطر

الصوت بالكبوت

[bu hadi]

حبيبي عندي نفس الصوت اول مااشغل الجمس صوت صرقعة ماهي طقطقة

شوي ويروح وترى هاذي عادية ماعليك منة

والله يوفقنا وياك اخوي وجعلك ماتشوف شر انشاء الله

[ابونايف77]

الشر ما يجيك يالغالي

والله يوفقنا وياك ابو هادي

[أبومطر]

أبونايف أنا عارف انوالصوت في المكينة صرقعة وتروح في نفس الوقت بعد التشغيل بثواني لاكن الحساسات الي في الشكمانات لها تأثير في المكينة انتى فك الحساسات نضفها وسنفرها وشوف فكها بسيط 00والله يوفقنا وياك 000 ولك مني وافر التحية 0000

[أبومطر]

طقطقه موصرقعة 000

[أبوخآلد]

ابونايف لاتوسوس عندي 2يوكن ونفس الصوات ثواني ويختفي واحد الانبير يلعب وباذن الله مابه الا العافيه لاتغير شي وترى اغلب السيارات الامريكيه فيها هذا الصوت لكن احرص على الزيت الخفيف 10w30

[واد حنيفه]

من الواضح انك تستخدم بنزين 91. اذاسيارتك مصممه استخدام بنزين 95 وتستخدم 91 فان ذلك يسبب الطقطقة. اذا كانت الطقطقة تستمر بعد اطفاء محرك السيارة فان السبب يعود للبنزين 91.

الحل استخدم بنزين 95 مدة اسبوع وشف النتيجة.

تحياتي

وعلمني وش يصير معك.

[ابونايف77]

ابو مطر

اقدر افك الحساسات انا بدون ميكانيكي ... وكيف طريقتها ؟

ابو خالد
وفقك الله وربك يكتب اللي فيه الخير لنا ولك وللجميع

واد حنيقة
انا استخدم بنزين 95 من سنتين وزيادة يعني من اول ما اخذت السيارة بس اول ما كان فيها شئ وفحصت كمبيوتر في جدة وفي الرياض والدمام والكل اجمع على ان السيارة سليمة تماما بس مثل قال ابو خالد وسوسة زيادة لاني ما ابغى اي شئ بالسيارة

[نايف الكشات]

غير فلتر الزيت اصلي من الوكالة ويروح الصوت باذن الله
اقسم بالله كان عندي جمس اذا غيرت فلتر زيت من عند البنشري يطلع طقطقه واذا غيرت اصلي من الوكاله نفسها مااسمع اي صوت

[أبومطر]

عند صاحب الشكمانات قريب من الجربكس مواصير الشكمان يفكها لك ب 30 ريال مع الصنفره وتركبها وجرب 00أنشاء الله يروح الصوت 000وموفق 0000

[ملوسن]

أخي أبو نايف ..


قد صارت لي نفس مشكلتك مع لومينا 2007 ,,

إذا شغلت السيارة ، يطلع طقطقة وتروح بعد ما أمشي شوي ..


في الأخير ,,

شيكت على كرسي القير ، لقيته خربان ، يوم غيرته راح الصوت تماماً ,

كرسي القير قطعة استهلاكية ، ويمديك تتأكد من مدى صلاحيتها بدون ماتفك ولا شي ..

أنا ماكنت متخيل وش علاقة الصوت مع كرسي القير ، بس يوم غيرته ضبط ..

شيك على الكرسي وشوف ..

[ابونايف77]

مشكور اخوي نايف الله يعطيك العافية


ابو مطر الله يكتب اجرك ... والله يوفقك

[ابونايف77]

يعطيك العافية اخوي ملوسن