رحلة الفستقي ؟؟؟؟ للدهناء!!!!!! [الأرشيف]

ريف النشاما

28/12/2004, 09:55 AM

السلام عليكم ورحمة الله

أحبابي الكرام
هذه الرحله لم يكن مخططا لها البته بل جاءت (فقعة مصتبح) ** ولاكنها كانت من أجمل الرحلات ومتعتها من سيارتها !!!!
وقد تم الأتفاق عليها مساء الجمعه الماضي وتحرك الركب صبيحة يوم يوم السبت
على مسمع من أبا تركي **
وقد أصر شيخ الرحله ( أبو فريال )** على أن تكون مطيتنا ( الفستتقي)

يااا... للهول !!!
يارجال ماهي بهي .... قال مره
مالكم إلا هـ.....يه ???
ياولد ..عدل بدل ..قال مره ... قلنا تدري قدام ؟؟
والله وتنطلق الرحله ضحى يوم السبت على الفستقي وعلى الدهناء ..
ونمر أهل الحلال ونشري هريفينا وعلى عروق جهام وجهيم
وصلنا المفرق ونزلنا ... ويالله البل 30 كيلوا
ودقه مع ذا النفود لين وصلنا حروتها والله
ونقوم ونشق عليهم وسط العروق مشاء الله كنا على شاص لين وصلنا بسلام
وهكالنهار نمسي عندهم ونصبح نهار الأحد
والله وننسف ؟؟ معودين لأهلنا تال النهار ... وألأرض طيبه ومقبله
عسى الله يتبع لها والباذر طالع والخضار تشوفه......
وسلامتكم يالربع

الفستقي يستعد لأختراق الضاحيه **
http://www.mekshat.com/pix/upload/images7/mk8178_xxcf4rfd5k1.jpg

البدايه مطره تطيب الخاطر

http://www.mekshat.com/pix/upload/images7/mk8178_ssddd4erer-041.jpg
همن الكروف أهي أتشا هي صغيرهي

http://www.mekshat.com/pix/upload/images7/mk8178_ssddd4erer-045.jpg

الأخ مرتز مسويلي فيها شاص
http://www.mekshat.com/pix/upload/images7/mk8178_ssddd4erer-022.jpg
****
http://www.mekshat.com/pix/upload/images7/mk8178_xxcf4rfd5k2.jpg

الموقع
http://www.mekshat.com/pix/upload/images7/mk8178_xxcf4rfd5k5.jpg

ترحيب حار بالضيوف ... متهول بأللي قدامه **
http://www.mekshat.com/pix/upload/images7/mk8178_s-003.jpg

أمير الرحله يزين القهوه
http://www.mekshat.com/pix/upload/images7/mk8178_fgdfsgfdgfg00.jpg
ذيبان مقبل علينا ... مشاء الله بس أشوى معدي الفستقي **
http://www.mekshat.com/pix/upload/images7/mk8178_s-012.jpg

ريف النشاما

28/12/2004, 09:56 AM

عصرية السبت
http://www.mekshat.com/pix/upload/images7/mk8178_xxcf4rfd5k9.jpg

أهااااااااا جاكم العلم .... الله يبارك بمن ذا دره
http://www.mekshat.com/pix/upload/images7/mk8178_dddddd-0ff41.jpg

توزيع المحصول
http://www.mekshat.com/pix/upload/images7/mk8178_dddddd 0488.jpg

سمره ليليه وكان الجو من أبدع مايكون
http://www.mekshat.com/pix/upload/images7/mk8178_xxcf4rfd5k6.jpg

صباح الأحد
http://www.mekshat.com/pix/upload/images7/mk8178_xxcf4rfd5k7.jpg

شروق الشمس بالدهناء
http://www.mekshat.com/pix/upload/images7/mk8178_gfghy66666.jpg

تطفل من الماره
http://www.mekshat.com/pix/upload/images7/mk8178_xxcf4rfd5k8.jpg

البل مدّت
http://www.mekshat.com/pix/upload/images7/mk8178_xxcf4rfd5kbb97.jpg

من طريق العوده
http://www.mekshat.com/pix/upload/images7/mk8178_xxcf4rfd5kvv992.jpg

هذه الصوره دخلت عرض وهي من رحلتي يوم الخميس مع الأهل

http://www.mekshat.com/pix/upload/images7/mk8178_xxcf4rfd5k901.jpg

"""""""""""""
""""""""
""""
تحيتي

""
""رحلة الفستقي == للخريم ؟؟؟؟!!! (http://www.mekshat.com/vb/showthread.php?p=200876#post200876)

عروان

28/12/2004, 10:59 AM

ما شاء الله على الفستقى

يتمشى على النفود كنه شاص.

لكن الموتر من سواقة. أكيد أن أبو فريال راع الهدبا ذيب بر.

ما شاء الله على الغبوق شوقتني للحليب

الليلة بروح للعم أشرب من حليب الخلفات.

أمتعني بهالصور يا ريف مشكور

بركان

28/12/2004, 11:21 AM

اخوي ريف النشاما

المتطفل من الماره مقرب لكم يدور الدفى
وشكلكم موقدين النار تبون تشوونه, عسى ما سويتوها وشويتوا الضعيف راعي السر اللي ما بعد نشف.!!
وضني انكم سويتوها ... في البرد كلش يجوز!!!

تحياتي وشكري على الصور الحلوه.

ريع الدياب

28/12/2004, 02:04 PM

بسم الله الرحمن الرحيم

أنا أشهد ان اللى يرقى عروق الدهناء بالفستقى انه فسقان وما عليه خوف

خاصة بعد ما شاهدنا على صفحات مكشات صور فى اكس آر وهمر مغرزين

والا ايش رأيك يأبو البراكين؟؟؟؟؟

نفل

28/12/2004, 02:05 PM

السلام عليكم ورحمة وبركاته

اخوي ريف النشاما
ماشاءالله تبارك الله هذه وهي لم يخطط لها البته اجل وشلون لو كانت مدروسة :D
لكن تبي الصدق غالبا ما تكون الرحلة المفاجئة رحلة لا تنسى .
وبصراحة استمتعت بكل ماكتبته خاصة وانك علقت على الصور وما شاءالله عليك
تصويرك في غاية الروعة والجمال وحتى اختيارك للزاوية والموضوع اكثر من رائع
والله يخليلكم الفستقي ما قصرت .
والله يوفقكم لطلعة ثانية ان شاءالله .

اخوك ابو محمد

رسلان

28/12/2004, 02:46 PM

أخوي : ريف النشاما ..
أضحك الله سنك :D ..ماشاء الله رحلة موفقة .. وربع نشامى ..
ولكن كل هالعفش وين مركبينه :rolleyes: ؟!!
سلملي والله على سواق الفستقي :good2: .. كذا الشغل والا بلا ..
راعي البر مهب صاحب الهمر :D والا الفكس آر .. راعي البر بفعايله ..
وماشاء الله الربيع كأنه ظاهر .. الله يتمم عليه ..
بارك الله فيك على إمتاعنا معك بهذه الرحلة الجميلة ..
وتقبل تحيات ....

ذو الرمه

28/12/2004, 02:57 PM

بسم الله الرحمن الرحيم

السلام عليكم ورحمة الله وبركاته

جزاك الله عنا كل خير لإمتاعنا بهذه الرحلة والصور الجميلة ، أما الفستقي فالأستطيع غير أن أقول ( الخيل من خيالها ) بارك الله لك في دينك ودنياك.

أبو عبد العزيز

خلف

28/12/2004, 03:27 PM

المشرف ريف:

هذي مغامره ومؤامره على اصحاب الدفع الرباعي

ياحيليل الفستقي واقفن على حد السيف ورافعن خشمه.

والصورة الي داخلتن عرض هذي قل لها: لاتحككين بالصمان يا مطاريس الثمامة :good2: :D

يعطك العافيه وماقصرة

ابو مساعد

28/12/2004, 04:49 PM

السلام عليكم ورحمة الله وبركاته

مرحبا يا راعي الفستقي والله انك شوقتنا لشراء فستقي مثله ((((( راح فيها الفستقي ))))))

مشاء الله عليها ورحله موفقه ...

تحياتي ...

ريف النشاما

29/12/2004, 01:04 AM

السلام عليكم ورحمة الله

أهلا وسهلا بكم إخواني

عروان

نعم الشيخ أبو فريال نعم الشيخ بس لو أنك معنا العام عزالله بتفطس ضحك :)
لقد قطع حوالي ثلاثين كيلوا مع النفود بكل سلاسه
يعني الرجال مهتوى الدهناء وتراها تعرفه بالحيل
حتى ولو أني دسيت عدة الغراس بالشنطه :D
من مسحاه ولي الهواء وما إلا ذلك
والفستقي ماهو سهل (مجدع الطعوس)
البلشه وشي يوم عايرنا الزيت مالقينا ولا نطفه ؟؟؟العيار يلق أبيض ونفك الأديتر إلا يجوي كنه عدّ :D

لاكن ماقصر مشى سبعين كيلوا بدون زيت :type:

ولاكن حقيقتا فعلا كان فاكهة الكشته
قابلنا راعي شاص مادري إلا حنا طابين عليه وأنخلع يحسبنا جن طلعوا عليه من الأرطى :)

وبشر
عساك لقيت الحليب :rolleyes:

أخي بركان
هذا مضير قبل يوم على أم جديده

والأخ لاعبته وأذاني كل ماشافني جاك مدحدر
أما الشوي فماهي بعيده والله يسلم الأمير :good:

ريف النشاما

29/12/2004, 01:16 AM

السلام عليكم ورحمة الله
أخي الغالي ريع الدياب

حياك الله وأستملح الموضوع بوجودك وطلتك البهيه
وفعلا
السواق هو الأساس
والباقي على السياره
قيادة+ تقدير الوضع+ صملة+حكمة+متى تسرع ومتى تهدي + هل تسير بالخط أو لوحدك=نتائج باهره
أما الفكس وغيره فهو عدم تقدير من السائق كن اللي معه طياره بتطير لاغرست
أتمنى لك وقتا ممتعا معنا

أخي نفل
حياك الله وإن كان هناك من إبداع فهو بفضل توجيهاتك وآرائك فلا تبخل علينا
وحقيقتا كما ذكرت العفسه دايم تجيك مضبوطه ومنقوطه
شاكر ومقدر لك على ثناءك ولاتنسى الملاحضات :director:

ريف النشاما

29/12/2004, 01:34 AM

السلام عليكم ورحمة الله
أخي رسلان
بارك الله فيك وجزاك الله خير وترا ياخيي البليتين دايم فاتح ماهناك سداده له
لاكن ياحيي تحملون :)
والعفش الله يسلمك
المسحاه مدسوسه وسك الكنبل ؟؟؟يعني الحنبل :D
والباقي ياحيي قدامنا المعزب ماقصر كلش محتسيه

والسواق تريه الأمير وفعلا الرجال شقردي كنه خنينه
والربيع ظاهر بس يبيله مطره وعسى الله يتبعله
وأشكرك على تعابيرك والله يحييك

أخي ذو الرمه

أبا عبد العزيز شرفت الكشته بطلتك العلمية والبهيه
وأشكرك على المرور وعلى رايك الثاقب فنحن تلاميذ عند أبو عبد العزيز :good:

وجزاك خير على الدعوات وغفر الله لك ذنبك في الدنيا والآخره ووالديك والمسلمين

تحيتي يالغالي

المترو

29/12/2004, 01:53 AM

السلام عليكم ورحمة الله وبركاته
ماشالله تبارك الله على الرحله واخص الفسقتقي الله يحرسه هو واهله
وسلم السواق اللى ساقه بالنفود

وماشالله يا ابو عبد العزيز تصوير متقن ولقطات جميله جداً جدا واخص هذه الصوره الجميله http://www.mekshat.com/pix/upload/images6/mk8178_xxcf4rfd5k95.jpg

وتسلم وزانت علومك
والسلام عليكم الرحال2003

ابو شكاع

29/12/2004, 02:19 AM

هههههههههههه

رهيب هالفستقي ياريف النشاما

بيني وبينك ان هالمكشات باين عليه رايق .... والفستقي آكل الجو على الجيوب كلهن

لكن هالفستقي بيني وبيك خطر على السيارات ....... تتقول وش لون اقول لك

هذا ياطويل العمر لابد انك تشغل النور فيه من بعد صلاة العصر اذا كنت ماسك طريق ........لأنه لوتأخرت شوي وبقى على غروب الشمس ربع ساعة وانت ما شغلت النور وبفعل تفاعلات كيميائية بسبب لون هالموتر ولون الجو راح يكون بلون مخفي وممكن يسبب حوادث

والله ياهو لون بالدماغ << هذا فنجال قهوة مهوب لون ....

خل عنك ....... عز الله ان المواتر سواقين همن عاد مواتر

اعجبنن الصور ...خصوصا الأرطا .... اذا شفت الأرطا ياخوي اتهيض وابدأ اقول النشيد الوطني :p

السؤال الحين اللي عليه جائزة مليونين ريال هو

س/ كم مرة وردت كلمة ( بيني وبينك ) في ردي هذا

للإجابة اتصل على 70099187

تسلم

ولاهنت

ريف النشاما

29/12/2004, 07:10 AM

السلام عليكم ورحمة الله وبركاته

شكرا لمرورك ياخلف

والفستقي مشكلته برفعت الخشم :redcar:

وترا الصوره ماهي في مطاريس الثمامه
الصوره صورة الذرى منعكس عليه ضوء النار في شعيب الخفس
بارك الله فيك وفر لك

أخي

ابو مساعد حياك الله وبارك فيك

ودويبك على الفستقي بس إن عنته وأن ماعنت هذا مبرمج ضد العيون :rolleyes:

وعسى الله يخليه
وياخوك سيارات منول كلها بركه ماهي مطاريس اليوم على قولة خلف
مطرس يمطرس أذا الرجل قام يحوس ويدوس :)

تحيتي وجزاك الله خير

بُرج السفرة

29/12/2004, 08:11 AM

السمح

29/12/2004, 10:35 AM

ليتي كنت معكم فأفوز فوزاً كبيراً :bounce:

لقد عشت معكم هذه الرحلة من خلال هذا السرد الحلو والصور الأحلى :good2:

شكراً أبوعبدالعزيز على مشاركتنا رحلتك

وشكلك قريت ما كتبه حفر لوجيا عن حليب النياق قبل ما تطلع للدهنا :)

تسلم وتعيش وتعطينا أكثر في قادم الأيام

ريف النشاما

29/12/2004, 04:10 PM

السلام عليكم ورحمة الله وبركاته

تسلم تسلم ياحبيبي الرحال وشاكر لك
والله يسلم سواقنا عزالله إنه شقردي ورجال
ولا يهون الشيخ أبو فريال :D
ولا أنسى رفيق دربي وشعري (دحيم)بو راشد
http://www.mekshat.com/pix/upload/images6/mk8178_ssmjksaldi5.gif
فهؤلا شرواكم أهل بر وصيد وكرم ومحدن يتحسف على الروحه معهم
http://www.mekshat.com/pix/upload/images6/mk8178_vcvcv457m9.jpg
تحيتي
""""""""""""
"""""

بركان

(جملة وتعليق).... اتصل حالا وأخسر قريشاتك وسوفى تفوز بمقعد على الفستقي بالرحلة القادمه
اتصل اتصل 70099999999 :no2:
هههههههههههه
رهيب هالفستقي ياريف النشاما
بيني وبينك ان هالمكشات باين عليه رايق .... والفستقي آكل الجو على الجيوب كلهن
http://www.mekshat.com/pix/upload/images6/mk8178_vcvcv457m8.jpg
ومسألة الأمان ماعليك ...هذا مصممله بوري يبخ عليك لاشافك غافل عبر الموجات المغنا طع سيه
والسبب في اختيار اللون يبدو إن الشيخ ابو فريال كان يوذي اهله يومه صغير
علشان يشرون له فستق
....والحب منه ماقتل يابو البراكينhttp://smilies.sofrayt.com/fsc/sobbing.gif

أما الأرطى ياهو شي بس ودك تمشي وتشب على نغمات القدر السبير بو حلق

ونصل معك إلى السؤال

الحل هو / خمس بعارين :no:

هاه تخبر تراني مذاكر هاليومين وعساني انجح بالريوس

ريف النشاما

29/12/2004, 04:24 PM

السلام عليكم ورحمة الله وبركاته

أخي برج السفره حياك الله وبياك وغفر ذنبك
ياهلا ويامسهلا فيك وفي شوفاتك
أشكر لك المشاركة وعقبال الرحله
بس فستقي ماكو :no2:

وفقك الله أخي الكريم
http://www.mekshat.com/pix/upload/images6/mk8178_ssmjksaldi2.gif

تحيتي
""""""""""""""
"""""""
سلام يابو تركي يالله حيه
ومما يسرني ركوبك بجانبي على الفستقي
وبيني وبينك المسحاه :D

وهذه البداية
http://www.mekshat.com/pix/upload/images6/mk8178_vcvcv457m6.jpg

وبعدها نهاية الغاية
http://www.mekshat.com/pix/upload/images6/mk8178_vcvcv457m4.jpg

!!!!! أشوى أني ماني خروف ولا كان هالحين مكانه على هالمجذوي

شوفو شوفو الضعيف إرما إرما بالصحين
http://www.mekshat.com/pix/upload/images6/mk8178_vcvcv457m5.jpg

أما الحليب
فقد قريت حليب حفر نوني بخيلي كل الشيبان بيصغروووو :D

:no2: :no2:
تراني أمزح لاتصدقون

تحيتي

خيال الغلبا

30/12/2004, 12:44 AM

يامحلى الدهنا بالشتاء بس

شكرا لك هذه الصور الرائعة

ملبد

30/12/2004, 01:02 AM

العزيز ريف النشاما :
حسبي الله على كثرة الصور في موضوعك ..
اخوك عنده الانترنت ( 6 فولت ) .. وكل مانقرت السلف عيت تجي الصور ..
وانا أسرح بالخيال .. وش هالفستقي .. مرة أقول أكيد هذي كشتة شوام ( نسبة للشام ) ومعهم فستق حلبي .. طيب وش علاقة الفستق بالدهناء ؟ :j

ومرة أقول هذا واحد من ( الغربية ) ;) يعلمونه على أكل الضبان ؟ لكن مربعانية ونفود .. وين الضبان ؟ :j

لكن أبشرك شفت الموضوع كامل ...

تبي الصراحة .. أغبطك في هذا الموضوع وموضوعاتك المماثلة السابقة .. على اسلوبك في دمج الصور مع الموضوع واضافة الشروحات الطريفة عليها .. لها نكهة خاصة تميزك عن الآخرين .. ماشاء الله..
----
بس اللي يقهرني اني لازم اروح أدور نت غير نتي .. لان اشتراكي يبنشر مع الصور الكثيرة.. :mad:

ريف النشاما

30/12/2004, 01:08 AM

السلام عليكم ورحمة الله

إعتذار

اعتذر لك أخي بو شكاع على هذه الزله في ردي عليك حيث وجهت
الخطاب للأخ بركان
الضاهر يبيلي أتمرخ بفكس خشم الحصان :o

:type:

ريف النشاما

30/12/2004, 01:41 AM

السلام عليكم ورحمة الله وبركاته

يالله حيهم

أخي خيال الغلبا

البدايه عليك والباقي هاكه :D

يامحلى الدهنا بالشتاء بس =بين الطعوس وبين سود المجاهيم
ولامن هبوب الصيف أقبل ونس نس=هج وتلطم وأرخها للمقاديم

:)

الحمد لله على السلامه يالملبد

ايييييييه يالطيب هذا يبغالك على وجه هالمربعانيه والخير
تغير البوري والبواجي
وتركب قصدير على شبك الموتر من قدم :rolleyes:
على شان ماتبرد الخشه بتاعت الكمبيوتر وسذا يصير حيله زوين وكريعاته سبوقه :)
أما الفستق فالله يسلمك وشو !!!!
وعلى طاري الضبان
وأمثال أبو فالح .... شوف الضب في الشتويه دليلك للغربيه :what:
عاد أبحلبه يالملبد :mad:
وأشكر لك صبرك وتجهمك للمصاعب لأجل أن تشاركني بهذا الموضوع
دمت بخير

ابو شكاع

30/12/2004, 01:46 AM

والله يابو نشاما << قياسا على اللقب

يعني بيني وبينك اني انتفشت (انتفخت وزيرت) ومعنى زيرت يعني قبعت وصرت منتفخ تقل قربة ماء ....يعني صرت تقل بس حاجرته سلقة تحت حطب ..والسبب يوم شفتك رادن علي وكاتبن راكان ... راكان عزيز وغالي والجميع بعد.... بس ياخوي قلت وراه ريف النشاما خبط الله يستر شكله جايه دوار البحر عقب رحلة الفستقي ... بس عاد يوم شفت الإعتذار وانا اللي ادور التيوب لس حقي وانا اللي ارعصه وانا اللي افششششششش ومير ترجع الإبتسامة الى محياي :) .... تسلم ولاهنت وتراها مزوح

ريف النشاما

30/12/2004, 07:58 PM

:D

slam alyk mstr bo shka

wallh ana felan knt moskn shwey bs
al hmdo lelah
fegs kshm al hosan aks mgrah

http://www.mekshat.com/pix/upload/images6/mk8178_ssmjksaldi1.gif

:D

صقر

01/01/2005, 05:02 AM

السلام عليكم

والله انا جذبني العنوان مثل اخوي الملبد قلت وشو هالفستقي اكيد انه همر آخر موديل

لكن يوم فتحت الموضوع وش لقيت؟؟؟

الحقيقة انها مغامرة وخصوصا ان ما معكم قارمن ولا جهاز اتصال...

أكيد مغامرة لن تنسى .... .

الحقيقة انك نقلت لنا الرحلة نقلا وكأننا معكم خلالها.

الصور المصاحبة أكثر من رائعة.... وتسلم الايادي على الاختيار.
( المايكرو) ;) ماله ذكر ؟؟؟

مشكور يا مشرفنا وبارك الله فيك.

ريف النشاما

02/01/2005, 01:21 AM

السلام عليكم ورحمة الله

أهلا وسهلا بك أخي صقر وتشرفت الرحله بحضورك
وهذا الله يسلمك مركب ماص يجذب العاشقين :mad:قصدي المشاهدين
وهي فعلا مغامره بقيادة الشيخ ابو فريال
وللمعلومه هذه المرة الثانيه الرجال قلبه جاسر
بس الله يكفينا شر الثالثه شكلها بتطلع كلها تغاريس :)
عاد متى الله العالم بس أنا سوفى آخذ الأحتياطات اللازمه من ديلوكيت :redcar:
وأشكرك على ثناءك والبركه فيك يابو أحمد
أما المايكرو فهذا أبو فريال مايواطنه بعيشة الله :mad: وايضا لايتوفر لدي :rolleyes:
دروت يمين وشمال وحلوسنا مالقينا شين يابعد حيي :redcar:
وأشكرك ومع السلامه :)

تركي الضرغام

02/01/2005, 08:31 AM

مشاء الله تبارك الله
الصراحة فن وذوق في التصوير

ابوفريال

02/01/2005, 08:44 AM

السلام عليكم ... معكم ابو فريال صاحب الفستقي ،،،
مرحبا لجميع الاخوان اللي شاركوا في الموضوع ..
والحقيقة انها رحلة لاتنسى .. وخاصة انها دخلت التاريخ من خلال هذا الموضوع .. والحقيقه ان الفستقي له صولات وجولات من 23 سنه .. وحتى الان .. ولكن للسن أحكام وهو معروض للبيع ... اللي يشتري له هديه عباره عن كفارات الفستقي الاصليه ... مع الاستبنه ....... ههههههه
اشكر ريف النشاما على تنزيله للموضع ... وريف النشاما هو شيخ الرحله .. ولايهون اميرها ابو ثامر والله أنه عن عشر رجال ... وابو راشد اذا اظلمت علينا نصيناه ........
والشكر للجميع .......... مع تحيات ابو فريال ،،،،

ريع الدياب

02/01/2005, 10:13 AM

بسم الله الرحمن الرحيم

حياك الله يا أبوفريال

عضو جديد فى مكشات ... ولكن ماخد الشهرة قبل التسجيل !!!

نحن من أشد المعجبين برحلتكم بالفستقى مع حبيب الكل ريف النشاما

وأصحابكم أبوثامر وأبوراشد ... الله يحيكم جميع وان شاء الله يسجل أبو ثامر وأبو راشد
ونستفيد من خبرتهم فى الرحلات والبران

تالي الاولين*

02/01/2005, 10:41 AM

.

لبي يالفستقي

عزالله الموتر من سواقة

والله يستر لا يطري عليك

رحلة بحرية على ددسن :looney:

ماشاء الله

.

ريف النشاما

02/01/2005, 06:11 PM

السلام عليكم ورحمة الله وبركاته
أخي البارود1997
http://www.mekshat.com/pix/upload/images6/mk8178_qqw23eccvb3.gif

أهلا وسهلا ومرحبا بك معنا في مكشات وفي هذا الموضوع
ونرحب بك أجمل ترحيب
وأشكرك على مرورك ومشاركة أخيك وثناءك عليه
والبركه في (نورا) عاد ذيه اسأل عنها نفل ويعلمك بالعلم :)
جزاك الله خير ولك مني أجمل تحيه
""""""""""
(((أبو فريال ))))
"""أسفرت و أنورت وأستهلت وأمطرت"""
http://www.mekshat.com/pix/upload/images6/mk8178_qqw23eccvb11.jpg

أهلا وسهلا بك معنا (أبوفريال) في سفينة مكشات العامرة بالرجال وأخبارهم ... مكشات لؤلؤة المواقع والقفار، مكشات الكاشتين
والغادين والرائحين والقادمين !!! صارت خطبه عصماء :mad:
ونرجوا لك المتعة والفائدة معنا وننتضر مشاركاتك وكشتاتك
والفستقي !!!! وقف عنه ؟؟؟!!! هذا أبو الجمايل ماتذكر العام :)
أما البيع فتراني مجيره ممنوع البيع إلا لأعضاء مكشات
هذا عزيز وغالي .... ولا لا يابو ثامر :p
وبعدين الله يجزاك خير هو وش فيه غير الكفرات ؟؟؟!!!

لاتقولي مكينته الي تمشي بدون زيت ؟؟؟؟
المشكله أنا مدري وين يودي الزيت
بس الضاهر يبيلك
تركب تانكي بنزيم ""وتانكي زيت
يعني الله يسلمك كان براسك بيعه ، قل الكفرات للبيع مع الفستقي مجانا

قلة الخاتمه!!؟؟

تحيتي يابو فريال

ريف النشاما

02/01/2005, 06:14 PM

السلام عليكم ورحمة الله وبركاته

حي الله شيخنا وحبيبنا الغالي
والعزيز على نفسي

(ريع الدياب) اللي له القلب يشتاق = في كل حزه يذكره ويتحلاه
وله بالمعزه عندنا اليوم ميثاق = ميثاق حق ن مادنته المراواه

أخي ريع الذياب أبشر بسعدك ياذيبان
ويسرني حقيقتا مشاهدتك ومرورك ,اشكرك جزيل الشكر وأدعوا الله أن يسدد
خطاك في الدنياء والآخره على ثناءك الدائم على أخيك الأصغر فمكشات
منبع الرجال ومانحن إلا عودن من حزمة

بارك الله فيك
""""""""
"""""
وأثني بالترحيب بالأخ ألغالي "" تالي الأولين ""
صحاب القيثارة الشعرية الساحرة والنغمة الفاتنة والقافية الحزينة

التي تجذب معاليق الضماير من أقصاه=شوقن لأهلها جعهلم بالجناني
"
"
أما البحر الله يسلمك فإننا عاقدون العزم على غزوتة !!! هاه منك فزعه ؟؟؟
والدسسن تعينها ....

أقرب شوي

بعد شوي

هها تعين

لااااااااااإله إلاالله

http://www.mekshat.com/pix/upload/images6/mk8178_qqw23eccvb22.jpg

ميراج

02/01/2005, 10:52 PM

السلام عليكم

امتعتنا يا ريف امتع الله ايامك برحلت الفستقى

واحد من الربع معه مثل الفستقى بس مهو مثل سواقكم جانا يمشى رجلى 5 كيلو متعلق موتره

تحياتى

المرقاب

03/01/2005, 08:05 AM

السلام الي من الخاطر هبوبه
للنشامى وريفهم نسوقه

الله يسعدكم سعادةً لاتشقون بعدها أبداً في الدنيا والآخرة.
في خاطر شيً واجد بس الوقت ماش ماهوب على كيفك.

المرقاب سابقاً

هاوي الصحاري

03/01/2005, 09:08 AM

حي والله الاواليد , وكشتتكم على الفستقي دليل على القول المعروف (الخيل من ركابها]

ريف النشاما

03/01/2005, 06:48 PM

السلام عليكم ورحمة الله وبركاته

حياك الله أبو طارق وبياك ويامرحبا بك يالغالي
أنورت فيك القصايد كلها والبل هي والبراري
وياهلابك

أقلط على السهره القمريه وعقبال ماتكرر في العرمه :D

http://www.mekshat.com/pix/upload/images6/mk8178_vvvf4rftt666.jpg

ريف النشاما

03/01/2005, 06:53 PM

******

أخي المرقاب
حياك الله وبياك وأهلا وسهلا فيك
شرفت المنتدى والموضوع
بعدين مازاد إلا التاريخ على أسمك :D
الله يحفضك أول وتالي يالغالي
وتقبل هذه الهديه ( شروق الشمس على الدهناء)
http://www.mekshat.com/pix/upload/images6/mk8178_vvvf4rftt66.jpg
********
****
أخي هاوي الصحراء

حياك الله وبياك وشرف الفستقي بقدومك وأرحب بك في مكشات أجمل ترحيب
فأنت بين إخوانك وأحبابك
وشكرا لك على عباراتك الجميله ويالله حيهم

وأتقدم لك بهذه الهديـــــــة

http://www.mekshat.com/pix/upload/images6/mk8178_555hjgjg5555.jpg

*****
**

ريف النشاما

08/01/2005, 07:08 AM

السلام عليكم ورحمة الله وبركاته
:no:
عودا حميدا على رحلات الفستقي ووداعاً أكيدا لهذا الأسد الأشم
"
حيث أن هذه الرحلة ماهي إلا(كشته) قصيرة المدى كان الهدف فيها روضة خريم ولاكن العشق الأول والأجواء جعلتنا نحيلها إلى شعيب الخفس
حيث الطعوس الجميله والرمث الوفير والجروم المتناثره فكان
الأختيار في مكانه فقد توسعنا بها عن الناس والزحمات
ونلنا به المراد بين المندي والدمعه زانت الجمعه
والتي ماهي إلا وداعية للفستقي ،،، ولاكنه الوداع إلا لقاء قريب في
(الفستقي والعشه .... الحنين والأمال )
والآن هذه وداعية وجبر خاطر لآخر رحلة
والأرض طيبه بالحيل والثرى قريب جدا بس يبيلها مطرها زوينه الله يجيب الخير
http://www.mekshat.com/pix/upload/images6/mk8178_oooooo-0011ss.jpg
"
http://www.mekshat.com/pix/upload/images6/mk8178_oooooo-0041111ss.jpg

تحيتي

كوكوهوتميل

25/01/2005, 05:50 AM

مرحبا ريف النشااماا

ومرحبااا با الفستــــــــــــــــقي العجيب مشاء الله لا يجيه عين

اقووووووووووووول يا بو فريال وش رايك اعطيك 20 من البــــــــل الي عندي وتتنازل عن ها الفستقي

مشاء الله من الدهنا الا خريم وين بيروووووووووح بعد يومين ههههههههههههههههه اذاهر بيطلع

للقمـــــــــــــــــــر هههههههههههه المهم فكر في الموضوع ورد لي خبر ترا البل الي عندي طيبه حيال

تحياااتي للجميع..

كوكوهوتميل

ريف النشاما

31/01/2005, 06:23 PM

السلام عليكم ورحمة الله وبركاته

"
"
أخي العزيز كوكو هوتميل ...

أولا - أرحب بك أجمل ترحيب في مكشات النشاما وقمر البراري والكشتات
وحياك الله بين إخوانك
ونتمنى لك وقتا ممتعا معنا وأنا تجد الفائده المرجوه وأن تفيد إخوانك

أخي ابو عبد العزيز تشرفت بحضورك وردك على موضوع الفستقي :D

أويلاه ليتني غطيت خشمه بوادي الرمه

كان يعرف منهو ومن يكون :bounce:

صراحتا ماناقص هالرحلات إلا أنت ذيب عتيقة :D

وبعديدن لاتوهق وتبيع البل ترى الفستقى نخطط له بعملية إنتحاريه :D

سوفى تكون القاضيه

تحياتي يالغالي

ابو عمر اللاحم

09/02/2005, 10:07 AM

السلام عليكم ورحمة الله

ما شاء الله متعه وتحدي والفستقي يعدي

باين رحلة ممتعه فعلاً ... الله يعطيكم العافيه يا ريف النشاما انت وربعك النشاما .

تقبل تحياتي ،،،،

ريف النشاما

12/02/2005, 01:58 PM

السلام عليكم ورحمة الله وبركاته

اهلا وسهلا بك أخي نهار معنا في هذه الرحله الممتعه

وأشكرك على المرور وجزاك الله خير

والرحلة زينه وزينه قرب البل ماله مثيل

والفستقي سيارة الرحلات لازم أغط خشمه بالبخراء بمشية الله بس أبو فريال

توفى عمه الله يرحمه ويسكنه فسيح جناته

فتركت الموضوع حتى الأيام القادمه

تحيتي يالغالي