خيالها
28/12/2004, 02:39 PM
السلام عليكم ورحمة الله وبركاته
ومساكم الله بالخير جميعاً
حبيت اني اشارككم بهالموضوع مع انه متأخر شوي
-------------
هذي سلمكم الله طلعه طلعناها بعد عيد الفطر وكانت وجهتنا للرمله (شمال الربع الخالي) وكان عددنا خمس اشخاص ومعنا سيارتين وحده جيب vx موديله 93 وهو الي مركبين تانكي البنزين عليه وكان 800 لتر والسياره الثانيه هي جيب ربع موديل 83 (ابو شنب ) وكان نظييييييييييييييييييييييييف لدرجة الثقه فيه مامشي الا 180 الف ماشالله عليه وهو الي معه تانكي الماء 300 لتر وجميع التوانك مفصلينها خصيصاً لهسيارتين وكان في الجيب الفي إكس سله فوقه وكانت محمله بالعزب وجميع مستلزمات الطلعه ماعدا الفرش كانت في الجيب الثاني وكذالك من مهمة الجيب الثاني ان السلق (كلاب الصيد ) معه وعددهم اثنين والثالث كان معي على الفي إكس ولعب في حسبته البنزين ههههههههه المهم الطلعه هذي اعتبرها أكبر مجازفه في حياتي لان كل الي معي كانت اعمارهم كالتالي :-
انا .. عمري 18 سنه .. عتيبي
اخوي .. عمره 17 سنه .. عتيبي
محمد .. عمره 18 سنه .. قحطاني
عمر .. عمره 17سنه .. قحطاني
تركي .. عمره 18 سنه .. من بني تميم
والحمدلله دخلنا لطويل خطام وكان يبعد عن محطة الحصان تقريباً 350 كيلو متر صحراء والحمدلله صدنا بالتعب والحاله الي ماهيب طيبه خمس لان سلقنا ماهيب القصي وكنا مجهزين انفسنا من كل شي من العده وسيور المكاين إلى الاجهزه من قارمنات وكان عددها 3 وجهاز ثريا وجهازين كنود ولا عوكس علينا شي بالمواتر وطحنا في ربضات الي تجيك في اول خمسين كيلو والحمدلله ولا موتر سحب الثاني كل موتر شاد عزمه والله يعين جيبي والله اول رباظه طحت فيها ان ضغط الكمبريسور يجي على 5.5 ويفصل وكان بالاول والدبل الثقيل بعد وطحنا بكذا رباظه والحمدلله الي اعاننا كثير هو نزول المطر لان الارض تشربت ماء وسلكت المواتر معنا وان شالله بوافيكم بالصور اول ماانزلها في الانترنت
وتقبلو تحياتي
اخوكم .. فيصل العتيبي
الدوادمي
ومساكم الله بالخير جميعاً
حبيت اني اشارككم بهالموضوع مع انه متأخر شوي
-------------
هذي سلمكم الله طلعه طلعناها بعد عيد الفطر وكانت وجهتنا للرمله (شمال الربع الخالي) وكان عددنا خمس اشخاص ومعنا سيارتين وحده جيب vx موديله 93 وهو الي مركبين تانكي البنزين عليه وكان 800 لتر والسياره الثانيه هي جيب ربع موديل 83 (ابو شنب ) وكان نظييييييييييييييييييييييييف لدرجة الثقه فيه مامشي الا 180 الف ماشالله عليه وهو الي معه تانكي الماء 300 لتر وجميع التوانك مفصلينها خصيصاً لهسيارتين وكان في الجيب الفي إكس سله فوقه وكانت محمله بالعزب وجميع مستلزمات الطلعه ماعدا الفرش كانت في الجيب الثاني وكذالك من مهمة الجيب الثاني ان السلق (كلاب الصيد ) معه وعددهم اثنين والثالث كان معي على الفي إكس ولعب في حسبته البنزين ههههههههه المهم الطلعه هذي اعتبرها أكبر مجازفه في حياتي لان كل الي معي كانت اعمارهم كالتالي :-
انا .. عمري 18 سنه .. عتيبي
اخوي .. عمره 17 سنه .. عتيبي
محمد .. عمره 18 سنه .. قحطاني
عمر .. عمره 17سنه .. قحطاني
تركي .. عمره 18 سنه .. من بني تميم
والحمدلله دخلنا لطويل خطام وكان يبعد عن محطة الحصان تقريباً 350 كيلو متر صحراء والحمدلله صدنا بالتعب والحاله الي ماهيب طيبه خمس لان سلقنا ماهيب القصي وكنا مجهزين انفسنا من كل شي من العده وسيور المكاين إلى الاجهزه من قارمنات وكان عددها 3 وجهاز ثريا وجهازين كنود ولا عوكس علينا شي بالمواتر وطحنا في ربضات الي تجيك في اول خمسين كيلو والحمدلله ولا موتر سحب الثاني كل موتر شاد عزمه والله يعين جيبي والله اول رباظه طحت فيها ان ضغط الكمبريسور يجي على 5.5 ويفصل وكان بالاول والدبل الثقيل بعد وطحنا بكذا رباظه والحمدلله الي اعاننا كثير هو نزول المطر لان الارض تشربت ماء وسلكت المواتر معنا وان شالله بوافيكم بالصور اول ماانزلها في الانترنت
وتقبلو تحياتي
اخوكم .. فيصل العتيبي
الدوادمي