مشكله دبل اليوكن مايشتغل

[ثورة الشك]

السلام عليكم ورحمه الله وبركاته

عند احد الجماعه مشكله بدبل اليوكن موديل سيارته 2004 استخدام امريكي قصير

المهم الرجال يقول الدبل اول مابه شي والسياره له حول 6شهور شاريها والحين الدبل مايشبك عنده رغم انه قليل استخدامه جدا

وداها كشف كمبيوتر ماعرفو المشكله يقولون له الكهربا ماهي واصله للدبل راح لاكثر من واحد اخرهم قاله خلها عندي يومين لي صديق بصيانه بالبيد يمرعلي ونحاول نعرف المشكله
والرجال خايف لايلعبون له بسيارته
وانا قلتله انزل موضوع بمشكلتك لاهل الفزعات والخبرات بمنتدى مكشات لعل تجد الحل بدل مايتعلمون بسيارتك

نرجو من لديه الخبره او من سارت له نفس المشكله او مشكله مشابهه يفزعلنا

[سوبر VTC]

عليكم السلام و رحمة الله

لاهنت
هل اذا شبك الدبل تاشر لمبة الدبل الخفيف ؟؟؟
خله يشبك الخفيف هل تاشر اللمبة ؟ ام تثبت ؟

و غالب المشكلة من حساس الدبل ب350ريال

لي عودة

[ظافرآل فراج]

شكلها حساس وخله يفصل البطاريه 10 دقائق ويشبكها اول ويشوف .

[ثورة الشك]

عليكم السلام و رحمة الله


لاهنت
هل اذا شبك الدبل تاشر لمبة الدبل الخفيف ؟؟؟
خله يشبك الخفيف هل تاشر اللمبة ؟ ام تثبت ؟


و غالب المشكلة من حساس الدبل ب350ريال




لي عودة









الدبل مايشبك نهائيا ياخوي

[ثورة الشك]

وش الحل يارجال

[بدوي جنوبي]

اولا يكشف على علبة الفيوزات

ثانيا يشوف ازار الدبل ممكن تكون عطلانه

ويكشف على الاسلاك اللى تركب فى الازرار بلمبة بيان

اذا الكهرب موجوده ،،، يفك الافياش اللى تركب فى الدبل ويشوف
يوصل كهرب ،،،

بالعربى لازم كهربائى يشيك عليها بالكامل

ومشكلته كهربائيه


بالتوفيق

[سوبر VTC]

رد في موضوع سابق
نفس مشكلتك

اذا لمبات الدبل طافية بالمرة
تاكد من فيوز الدبل عند باب السواق
يسار الدركسون
راح تطفى لمبات ازرار الدبل
سبق اني فصلت و شبكت فيوز الدبل و اشتغل الدبل
و ذلك عن تجربه شخصيه بالنفود :good:
او
المشكلة من فيش حساس الدبل تحت القير
فيش 6اسلاك حرك الاسلاك
على فكرة
لو كان الفيش مفصول تطفى جميع لمبات الدبل
احيانا يكون الفيش راخي + تاكد من الفيوز
هالحاجتين يخلن لمبات الدبل تطفى


http://www.mekshat.com/vb/../pix/upload02/images78/mk53291_dfbd33.jpg


غالب المشاكل من حساس دينمو الدبل حساس مدور به عيب مصنعي
قيمته ب350ريال


افتح السويتش لكن بدون تشغيل الموتر :no2:
اشبك الدبل الخفيف
راح تسمع اولا صوت اشتغال دينمو الدبل اللي تحت القير => يطلع صوت طقه منه لانه يعشق التروس
بعده
راح تسمع مباشرة صوت دينمو او حساس الكارونة الاماميه
حيث يشبك الكارونة مع العكوس


للفائده


هذه صورة الحساس اللي راكب عليه الفيش 6اسلاك

http://www.mekshat.com/vb/../pix/upload02/images80/mk53291_oijg.jpg

هذا مكان الدينمو بجنب عمود الدبل





http://www.mekshat.com/vb/../pix/upload02/images79/mk53291_ibdbpii44.jpg



http://www.mekshat.com/vb/../pix/upload02/images80/mk53291_jhdbh44.jpg





http://www.mekshat.com/vb/../pix/upload02/images78/mk53291_odjhobn22.jpg

http://www.mekshat.com/vb/../pix/upload02/images78/mk53291_nldb11.jpg





الحساس لوحده
و هذا به عيب مصنعي دايم يخرب
اخبر احد الربع غيره مرتين

http://www.mekshat.com/vb/../pix/upload02/images80/mk32037_4.jpg


فائده
اذا رفعت الموتر من الامام بعفريته
همن شبكت الدبل الخفيف مثلا
راح يوقف الكفر و ماراح يدور بيدك
لان دينمو الكارونة الامامي شابك العكوس و الكارونة

و لو دار الكفر بيدك و الدبل معشق و اللمبه تاشر
فذا دليل على ان فيش الدينمو به مشكله
او انه خربانه
اهم شي اسمع صوته اثناء تحريك الفيش



عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...
والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب
وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه
وفي عندك صناعية ام الحمام ورشة القحطاني رقم 11 سوداني فلته في الكهرباء


بارك الله فيكم وجزاكم الله خير...



اقتباس:


رحت أمس للصناعية القديمة وتم فحصه عند القرعاوي عن طريق الكميوتر.. وقال كل شيء سليم.

طبعاً أمس لم تطلع عندي الكتابة الي هي يجب تصليح الدفع 4 عجلات.

رحت لورشة الموسى لقيت فيها واحد سوري وقال لي المهندس المتخصص في إجازة يأتي بعد العيد ، يقول أسمه أحمد.

طلعت لورشة كبيرة قال: عندك الحساس يحتاج تغيير.


شغل يد400

والقطعة ب350 ريال.


سألته هل عليها ضرر إذا ماصلحتها الحين : قال ايه ممكن ماتقدر تعشق بعدين؟؟


والملاحظ الآن:


1- أنه إذا شغلت الدبل يشتغل معي.

2- لمبات الدبل سليمة ولم تتوقف واحدة منها.

3- أنه بعد ماجربت الدبل أمس ومشيت للصناعية لم تطلع عند الكتابة المذكورة .
وسلامتكم.



وقبل الختام هل في عدم إصلاح هذه إن ظهرت مرة أخرى فيها ضرر على السيارة والقير.



http://www.mekshat.com/vb/images/misc/progress.gif

اقتباس:
حساس الدبل خربان وهو موجود داخل دنمو الدبل مثل ما ذكر الأخ سوبرفتك جزاه الله خير

انا غيرته 3 مرات مرة في الوكاله على الضمان ومرتين في البيت بنفسي(في شوية خبرة الحمد لله) ولا يوجد خطر من التأخر في تغييره بس ما يشبك الدبل معك اذا التحذير موجود او اللمبه طافية
والحل اذا احتجت الديل اطفي الموتر واعد تشغيله وبيشتغل الدبل معك لكن هذه المشكلة تتكرر اكثر كلما تأخرت في تصليحه ولا ضرر
هذي تجربتي يا غالي في الجمس 2005

والحساس 360 ريال تقريبا والتركيب اللي يقولو 400 غالي لو في حدود 150-200 معقوله

موفق

http://www.mekshat.com/vb/images/misc/progress.gif

[سوبر VTC]

الحساس عندنا ببريده قيمته تقريبا ب400ريال
كرتون اصلي ازرق جي ام
حساس كارونة امامي يشبك الكارونة مع العكوس
مع العلم ان المواتر مثل م99 و تحت
اذا خرب الحساس يفكونه
و يحطون خشبة صغيرة طول الاصبع
و يركبون عليه الحساس
عشان تشبك الكارونة و العكوس
طبعا الحساس يخرج منه الضاغط على شكل حلزني مثل ريشة الدريل
شاهد الصورة الاولى التي وضعها ابو عادل

http://www.mekshat.com/vb/../pix/upload03/images128/mk53291_bndfo1.jpg


الحساس الابيض هذا شد البلد مع الجمس
الاسود يجي عند قطع الغيار
لونه اسود و الكرتون ازرق جي ام


http://www.mekshat.com/vb/../pix/upload03/images128/mk53291_bjfdojb3.jpg



هذا الدفرنس الامامي و الكارونة مع الحساس


http://www.mekshat.com/vb/../pix/upload03/images128/mk53291_dobj2.jpg




هذا حساس الكارونة الاماميه
اللي يشبك العكوس مع الكارونة
اذا رفعت الموتر من الامام بعفريته
همن شبكت الدبل الخفيف مثلا
راح يوقف الكفر و ماراح يدور بيدك
لان دينمو الكارونة الامامي شابك العكوس و الكارونة
و لو دار الكفر بيدك و الدبل معشق و اللمبه تاشر
فذا دليل على ان فيش الدينمو به مشكله
او انه خربان
سبق اني حركت الفيش و اشتغل الحساس :good:

فتح السويتش لكن بدون تشغيل الموتر :no2:
اشبك الدبل الخفيف
راح تسمع اولا صوت اشتغال دينمو الدبل اللي تحت القير => يطلع صوت طقه منه لانه يعشق التروس
بعده
راح تسمع مباشرة صوت دينمو او حساس الكارونة الاماميه
حيث يشبك الكارونة مع العكوس

مشكلتك باذن الله
ياحساس دينمو القير الصغير 6 اسلاك
او من حساس الكارونة الاماميه
حساس الكارونة الاماميه لو كان خربان
كان اذا شبكت الدبل الخفيف طبعا السويتش مفتوح
كان تاشر اللمبه لكن ما تثبت :no2:







اقتباس:
اقتباس:
أبشركم انحلت المشكلة بتغيير حساس الدبل

القطعة بـ 400 ريال وشغل اليد بـ 600 بعد الخصم !

http://img9.imageshack.us/img9/6425/bbabiedhsmall.jpg
http://www.mekshat.com/vb/images/misc/progress.gif http://www.mekshat.com/vb/images/buttons/edit.gif


اقتباس:

اقتباس:
السلام عليكم جميعااا...
بادخل في الموضوع على طول لاني عانيت مثل ما عانا الكثير منكم من مشاكل الدبل...
عندي يوكن 2005 دبل المشكله هي:-
لنبات الدبل تولع على كيفها مره خفبف ومره ثقيل ومره اوتوماتك..احيانا اشغل السياره القااه على الدبل الثقيل واحيان القاها ماتولع خير شر والكلام هذا من يمكن 7شهور وانا مجمد الوضع قلت الى ان يخرب مره وحده وافضاله.
المهم جيت الاسبوع اللي راح واشغل السياره الصباح والقااا طويل العمر(اليوكن) معلق على الدبل الثقيل ومو راضي يفك واللنبات كلهااا طافيه يعني مافيه تحكم..عدل بدل تكفاا ياطويل العمر وراي دوام ابد مو راضي يفك(الظاهر انه شافني مجمده ولا صيانه ولا هم يحزنون)) المهم دبرت عمري ورجعت للموتر العصر والف وادور واطيحلكم على ورشه كلهم فلبينين وكانو اساسا شغالين في الجميح بناء على شهايد شفتها معلقه بمكتبهم..
طبعا قبل ما اروحلهم مريت كذا ورشه كل تفلسف اللي يقول القير انعدم واللي يقول الدبل انتهى واللي يقول باخذ عليك 3 الاف ومن هالخرطي.
والله واجي عن طوال الاعمر ابو فلب....
طلعت المشكله قطعه صغيره بلاستيكيه فيها راسين نحاس وضيفتها توصل بين لوحة التحكم وبين الاجزاء الميكانيكيه فقط ((انكمرسنسر)قيمتها 300 ريال وشغلها ما اخذ نص ساعه غيرتها والحمد لله كل شي تمام.
وانصح اي واحد عنده موتر الجميح جديد وهو بالشرقيه لا تفوته هالورشه والله ماهي دعايه لكن ناس فلبينيين متخصصين بسيارات الجميح وعندهم قطع الغيار.
عموما اي شخص عنده مشكله بسيارته يشرحها هنا وباروح اس\اله لاني باسوي تشييك كامل على السياره .
تحياتي للجميع والورشه بالجبيل الصناعيه
انشاء الله باصور لكم القطعه وانزلها بالمنتدى







و الله كفو يابعدي انك مارحت للوكالة

عموما فيه قطعه تركب على دينمو الدبل

مقاومه الكترونيه او حساس تلقاه راكب على الدينمو اللي تحت القير راكب عليه فيش 6اسلاك

سعره ب300 الى 350ريال على كلام الفني ان به عيب مصنعي و عادي تغير هالحساس اكثر من مره

اذا طفت اللمبات عندك افتح غطاء الفيوزات اللي يسار الدركسون

تلقا فيوز(4WD)
افصله و اشبكه و تولع اللمبات

هذا الحساس به عيب مصنعي دايم يخرب
احد الربع معه يوكون 2005 غيره مرتين سعره ب350
هذا الحساس وظيفته يخبرك فقط ان الدبل على احد الاوضاع التالية
2H مفصول
الخفيف4H
الثقيل4LO
AUTO وضع الاستعداد او التلقائي
لكل علامه لمبة محدده
اذا طفت لمبات الدبل لا قدر الله
تحصل باب صغير حق الفيوزات يسار الدركسون مع الجنب يعني يسار مفتاح الانوار
تحصل فيوز مكتوب عليه (4WD)
هذا حق الدبل افصل الفيوز و اشبكه عدة مرات ستلاحظ ان اللمبات اشتغلت
و بالتالي تقدر تطفي الدبل
دينمو الدبل قليل جدا جدا يخرب
دينمو او حساس الكارونة الامامية اللي تشبك العكوس قليل تخرب
و سعره ب400ريال اصليه نوع جي ام
طبعا اذا شبكت الدبل الخفيف راح تسمع الدينمو يشبك يطلع صوت طبعا يشبك الدبل الخفيف
بعد ما ينتهي صوته
ستسمع مباشرة صوت حساس الكارونة الامامي اللي يشبك العكوس و الكارونة


على كلام الفني يقول حتى لو ولعت اللمبة تقدر تروح و وتجي
و ما فيه مضرة
اذا عاكس معك افصل الفيوز و اشبكه مره ثانية

واحد معه يوكن 2005 اذا حط الدبل على 2H مايمشي الموتر
و اذا حطه على AUTO يمشي
واحد ثاني اذا حط الدبل على AUTO مايمشي الموتر و اذا حطه على 2H
يعني عكس بعض

ادخل هاذين الرابطين
مناقشات حاده بيني و بين المشرف العزيز
طبعا يوجد صور للحساس
صور لدينمو الدبل
صور لحساس او ساعة الكارونة الامامية


http://www.mekshat.com/vb/showthread.php?p=1964564

الرابط الثاني


http://www.mekshat.com/vb/showthread...=155824&pag e=3 (http://www.mekshat.com/vb/showthread.php?t=155824&page=3)

عاد نبي طال عمرك الصور و نبي خبرتك منك نستفيد :good: :good:
و حياك في منتدانا :)

لو شبكت الدبل الخفيف او الثقيل
و ظلت اللمبه تاشر فهناك مشكلة بحساس الدبل او حساس الكارونة
لانه المفروض
ذا شبكت الدبل الخفيف او الثقيل تاشر اللمبه
ثانيتين ثم تثبت


http://www.mekshat.com/vb/../pix/upload02/images78/mk53291_ndlng77.jpg




http://www.mekshat.com/vb/../pix/upload02/images78/mk53291_bdfn8.jpg






موفق

[ثورة الشك]

شكرالك يا مشرفنا العزيز على للمعلومات القيمه

[ثورة الشك]

ياجماعه الخير يقول صاحبنا وداه وكشفو على السياره وقالوله الكهرباء غير واصله الى حساس الدبل حسب قراءه الكمبيوتر

[براق الحجاز]

يا أخي الفاضل أغلب مشاكل الدبل هي كهربائية وتحتاج تتبع كامل وأنصحك أنك لمتخصص في الدبل أوكهربائي محترف
وتقبل مروري

[اكستريما]

ربي يعينك اخوي

[humod]

http://img9.imageshack.us/img9/6425/bbabiedhsmall.jpg

بادخل في الموضوع على طول لاني عانيت مثل ما عانا الكثير منكم من مشاكل الدبل...
عندي يوكن 2005 دبل المشكله هي:-
لنبات الدبل تولع على كيفها مره خفبف ومره ثقيل ومره اوتوماتك..احيانا اشغل السياره القااه على الدبل الثقيل واحيان القاها ماتولع خير شر والكلام هذا من يمكن 7شهور وانا مجمد الوضع قلت الى ان يخرب مره وحده وافضاله.
المهم جيت الاسبوع اللي راح واشغل السياره الصباح والقااا طويل العمر(اليوكن) معلق على الدبل الثقيل ومو راضي يفك واللنبات كلهااا طافيه يعني مافيه تحكم..عدل بدل تكفاا ياطويل العمر وراي دوام ابد مو راضي يفك(الظاهر انه شافني مجمده ولا صيانه ولا هم يحزنون)) المهم دبرت عمري ورجعت للموتر العصر والف وادور واطيحلكم على ورشه كلهم فلبينين وكانو اساسا شغالين في الجميح بناء على شهايد شفتها معلقه بمكتبهم..
طبعا قبل ما اروحلهم مريت كذا ورشه كل تفلسف اللي يقول القير انعدم واللي يقول الدبل انتهى واللي يقول باخذ عليك 3 الاف ومن هالخرطي.
والله واجي عن طوال الاعمر ابو فلب....
طلعت المشكله قطعه صغيره بلاستيكيه فيها راسين نحاس وضيفتها توصل بين لوحة التحكم وبين الاجزاء الميكانيكيه فقط ((انكمرسنسر)قيمتها 300 ريال وشغلها ما اخذ نص ساعه غيرتها والحمد لله كل شي تمام.
وانصح اي واحد عنده موتر الجميح جديد وهو بالشرقيه لا تفوته هالورشه والله ماهي دعايه لكن ناس فلبينيين متخصصين بسيارات الجميح وعندهم قطع الغيار.
عموما اي شخص عنده مشكله بسيارته يشرحها هنا وباروح اس\اله لاني باسوي تشييك كامل على السياره .


السلام عليكم
أنا عندي يوكن 2005م
وغيرت حساس الدبل مرتين والآن خربان الدبل مرة يشتغل ومرة يطفى ومرة يشبك على الثقيل

وفصلت البطارية واشتغل بس بعدها يخرب

هل برايك المرة هذي أقوم بتغيير القطعة التي في الصورة
ولو تعرف موقعها في السيارة وين
وكذلك ورشة جيدة لتصليح الدبل عندها
أنا في الرياض
وشكرا

[مجاد]

هذه المشكلة كتبها الأخ مستعصم بالله
قمت بنسخها للفائدة

عطل حساس دبل اليوكون
(2004- 2007)و تفاصيل الاصلاح والقطع والورش والأسعار
السيارة : يوكون 2005
وصف العطل :
* البداية : حدث العطل من سنتين وذلك بعد أي سفر وبعد تطفية السيارة ( إيقاف التشغيل) وتشغيلها أجد لمبة الدبل مضاءة على وضع الدبل الرباعي لكن يقبل إعادتها لوضع الدفع الثنائي (والأساس أن لمبة الدبل تكون مضاءة بعد التشغيل على الدفع الثنائي باستمرار)
* تـطـور الوضع فيما بعد : تشغيل الدفع الرباعي غالبا لايستجيب ولمبة الدبل مستقرة على الوضع الثنائي .
* تطور جديد : لمبات الدبل كعادتها تومض في أول ثانية للتشغيل لكن تنطفئ جميعها بعد ذلك ، لكن من الواضح أن السيارة تسير بالدفع الثنائي لخفة الحركة (بخلاف الدفع الرباعي ثقل بالحركة خصوصا عند الانعطاف يمينا أو شمالا وصوت الدبل واضح)
* أحيانا أخرى قليلة عندما أشغل السيارة تستقر لمبة الدبل على وضع الأوتو ..
* في جميع الأحوال أعلاه كمبيوتر السيارة يفيد :
- أنه يجب إصلاح الدفع الرباعي .
- جهاز الثبات (مانع الانزلاق) لايعمل .
الاصلاح :
لايوجد اصلاح لحساس الدبل وإنما يلزم تغييره .
ورقم القطعة : 88962315
سعر القطعة :
عند بالبيد : 350 ريال
عند التقوى :300 ريال

أجــرة اليـد :
هناك تفاوت كبير بين الورش فأجرة اليد بين 150 - 800 ريال
فلك أن تتخيل أن مركز عبد الرحمن الجميح بالصناعية طلبوا مني 800 ريال وآخر سعر 700 ريال .
ومركز أحمد المشعل بمخرج 9 طلبوا 350 ريال
ومركز الجابري طلبوا 400 ريال
ومركز القرعاوي بالصناعية طلبوا 250 وانتهينا على 150 ريال
وورشة الموسى للصيانة والتشليح بالصناعية حسب كلام الزملاء في المنتدى 150 ريال .
وهذه أرقامهم ج0507163947 - ت4480103
التـقـيـيــم :
تم تغيير حساس دبل سيارتي اليوكون 2005 عند مركز القرعاوي بالصناعية
- وقت الاصلاح : نصف ساعة .
- التغيير سهل وغير معقد وللتقريب : مجهود تغيير زيت وفلتر القير أكثر مجهود من تغيير حساس الدبل .
ولك أن تعلم أن أجرة تغيير زيت القير عند القرعاوي 50 ريال .
تقييمي للأجرة المناسبة : 100 ريال .

نصيحة لأصحاب الورش ومن يبحث عن الرزق الحلال
يستبيح البعض الزيادة الفاحشة بتلبيس إبليس عليه أن هذا اتفاق بالتراضي ولكن الواقع الذي يقره كل من تجرد عن الهوى والطمع أن هذا استغلال لقلة معرفة العميل وجهله الأمر الذي حفظته له الشريعة بخيار الغبن .
وأي غبن أشد من هذه الزيادة البعيدة عن الحق والاستحقاق

كـــــلمة حـــــــــــــق
يميز مركز القرعاوي بالصناعية
كفاءة عدد من الفنيين الفلبينيين
و اعتدال أسعارهم لكن مع الحرص على التقييم قبل.
ويتميزون بتشخيص الأعطال الكهربائية والالكترونية وأعطال القيور الأمريكية
عنوانهم
الصناعية شارع الخليفة الأمين
هاتف 2957677
ملاحظة :فرع الصناعية أجود من الفروع الأخرى

[humod]

بارك الله فيك يا مجاد

بس يمكن القطعه هذي هي الي تضبط الكهرب وما تجعل حساس الدبل يخرب كل مرة

http://img9.imageshack.us/img9/6425/bbabiedhsmall.jpg



اقتباس من كلامه
( طلعت المشكله قطعه صغيره بلاستيكيه فيها راسين نحاس وضيفتها توصل بين لوحة التحكم وبين الاجزاء الميكانيكيه فقط ((انكمرسنسر)قيمتها 300 ريال وشغلها ما اخذ نص ساعه غيرتها والحمد لله كل شي تمام) .
وانا ما عرفت القطعة هذي وش اسمها ورقمها وموقعها في السيارة بالضبط

هل القطعة البلاستيكية هي التي بالصوره ، أم الصوره هذه لحساس الدبل
(

[مجاد]

بارك الله فيك يا مجاد

بس يمكن القطعه هذي هي الي تضبط الكهرب وما تجعل حساس الدبل يخرب كل مرة

http://img9.imageshack.us/img9/6425/bbabiedhsmall.jpg



اقتباس من كلامه
( طلعت المشكله قطعه صغيره بلاستيكيه فيها راسين نحاس وضيفتها توصل بين لوحة التحكم وبين الاجزاء الميكانيكيه فقط ((انكمرسنسر)قيمتها 300 ريال وشغلها ما اخذ نص ساعه غيرتها والحمد لله كل شي تمام) .
وانا ما عرفت القطعة هذي وش اسمها ورقمها وموقعها في السيارة بالضبط

هل القطعة البلاستيكية هي التي بالصوره ، أم الصوره هذه لحساس الدبل
(
هذه القطعة بالصورة هي حساس الدبل ورقمها 88962315

[humod]

طيب تعرف وش القطعة البلاستيكية المقصوده هنا إلي لها راسين نحاس ووضيفتها توصل بين لوحة التحكم وبين الأجزاء الميكانيية

[ثلج دايت]

السلام عليكم ورحمة الله وبركاته
معي سيارة يوكن دفع رباعي موديل 2000 وقبل يومين جاني واحد من الربع ولعب في ازرار الدبل وبنفس الوقت طفت الازرار حاولت لكن بدون فائده على العموم السيارة ماهي راضيه تمشي غيرت الازرار وغيرت الحساس وغيرت الدينمو ولكن بدون فائده المبات طافيه كشفت كمبيوتر قالي كهرباء ويش الحل تكفووووون الفزعه السياره متوقفه

[ابو معاذ 68]

اتوقع والله اعلم ان سبب كثرة اعطال حساس الدبل هو تهريب زيت من الدبل الى الحساس مما يسبب في خراب الحساس .. هذا حسب كلام اخصائي كهربائي واللي عنده مشكله في الحساس عليه قبل تغيير الحساس التشييك على الترس اللي يشبك في الدبل والدينمو هل فيه تهريب واذا فيه تهريب عليه اصالحه اولا ثم تغيير الحساس وشكرا

[التمسساح]

الاخوان كفوا و وفوا بردودهم

[almo3jl]

ماراح ازيد على كلام الشباب بس حبيت أأكد انه هو الحساس الي تكلمو عليه الشباب