المساعد الشخصي الرقمي

مشاهدة النسخة كاملة : يالربع وين اودي موتري


ابو ريهام
24/01/2010, 12:04 PM
فورد 2001 سعودي صغيره ذبحني بالتفتفه ويقولون كويلات مدري وين الي يضبطه وهل كل الكويلات تغير ولا بس الخراب في واحد منها
لن أمل من العطاء
24/01/2010, 12:30 PM
شوف بما انهم قالوا كويلات
فلا تغير الكويلات

غير توصيلتها
اش هي التوصيله
هي الانبوب الموصل بين الكويل وبين البوجي
لانه يصير قصير مع الحرارة

واعتقد يباع لوحده

فحص الكمبيوتر 100
يظهر لك اذا كان الكويل يعمل ام لأ
بدل ما تغيرها بـ 500 ريال او اكثر او اقل
رفيع المقآم
24/01/2010, 01:51 PM
اخوي المشرف لن امل العطاء صادق الحين افحص كمبتوتر وتطلع لك النتيجه وتصلح وانت مرتاااااح وبدون وجع راس
_دربيل_999
24/01/2010, 02:00 PM
اخوي..
لن ازيد على كلام مشرفنا شيء..كلامه هو عين الصواب..
وفقك الله..

الروقي
frnas2010
24/01/2010, 06:35 PM
اخوي ابو ريهام مشكلة موترك مرت علي بنفس نوع السيارة والموديل وبعد سعودي كان فية تفتفة عند تغيير القير ورحت للصناعية القديمة وسويت كشق كميوتر وقالي الكويلات وغيرت ثلاث كويلات وضبط وانا راجع للبيت رجعت بس على خفيف ورجعت للورشة ونظف قطعة داخل فلتر الهواء(اللي راكب فية فيش واضح من برا) ولله الحمد صفا الموتر وبالتوفيق.
سوبر VTC
24/01/2010, 09:03 PM
جرب عب بنزين احمر 95
ايضا
اذا كان الموتر يشتغل
افصل اسلاك الكويلات بالتسلسل
افصل و اشبك على الدور

اذا فصلت سلك اول كويل
اذا اهتزت المكينة فالكويل تمام :good:
اذا ماهتزت المكينة
فالكويل خربان

احتمال العطل عندك من البواجي

هل عزم الموتر ضعيف ؟
تاكد من ضغط طرمبة البنزين

و يحتمل العطل
من منظم الهواء او منظم اللهاة

تاكد من عدم ارتخاء و توسع افياش الحساسات

موفق
ابو ريهام
25/01/2010, 10:22 AM
الله يعطيكم العافيه وماقصرتو كفيتو ووفيتو
abu_saleh
25/01/2010, 10:31 AM
فيه ورشة بالصناعية القديمة بالرياض قريبة من تريستار الورشة اسمها ورشة القرعاوي الفنيين حقينها فلبينين متخصصين بالفورد والجمس والشفر عندهم فحص بالكمبيوتر ببلاش ، يعني مجاناً إذا كنت تبي تصلحها عندهم وإلا دور غيرهم ، تحياتي لك إذا بغيت الوصف مضبوط راسلني على الخاص
ابو ريهام
27/01/2010, 11:59 AM
فيه ورشة بالصناعية القديمة بالرياض قريبة من تريستار الورشة اسمها ورشة القرعاوي الفنيين حقينها فلبينين متخصصين بالفورد والجمس والشفر عندهم فحص بالكمبيوتر ببلاش ، يعني مجاناً إذا كنت تبي تصلحها عندهم وإلا دور غيرهم ، تحياتي لك إذا بغيت الوصف مضبوط راسلني على الخاص



حياك الله اخوي ابو صالح لقلت مشاركاتي في المنتدى ممنوع من المراسله الخاصه فياليت تتكرم وتعطيني الوصف والله لا يهينك .