هل من مؤيد على عزبة الخشب

[ابورايف]

بصراحة ودي اصلح عزبة بر من خشب هل من يؤيدني على هذا العمل وما الاشياء المطلوبة لذلك لان ناوي اصلحها في البيت وعلى رواقة
ولكم وافر تحياتي

[أبو عمار الخالدي]

1_ الخشب يتلف بسرعه
2- ثقييييييييييييييييييل
3_ ياخذ حيز كبيررر
4- بيشغلك اما يخزك شوكه منه ولا شي
لازم تفصل عليه جرابات علشان الادوات الصغيره

(( خذ لك الي عند السنيدي ب50 ريال وممتاز))

[سرهيد]

السلام عليكم

ما انصح بالخشب لانه مثل ما قال اخوي اللي قبلي ويكفي الثقل فيه

انصح بالشنط الموجود الجاهزة التنزانية ، فيها ميز من اماكن لوضع بعض الاغراض في الجيبوب وغيرها

والسؤال المطروح : ما السر في اختيار الخشب ؟

يعني نادر تشوف عزبة واحد من الخشب

نعرف القديمات من الشنط الحديد وغيرها لكن خشب نادر جدا

تقبل احترامي

[icom1969]

انا عندى عمى ديما يحط العزبة مالته من خشب والله الظهار انه ميزة الخشب انه قوى وانه يشفط الرطوبة ولكن الخب الى اكتب عنه هو من النوعيات الممتازة هذا لى الظاهر وراى الشخصى انه الخشب ممتاز ولكن اذا نوعية ممتازة

[وادي الصحراء]

لا اويد ذلك

[ابورايف]

اشكر الجميع على الرد وعلى راسهم خبيرادوات الرحلات ابوعبداللة ولكن اناعندي عزبة خشب قديمة وفيها جميع المميزات وواسعة لحمل جميع الاغراض وتقبلووافر تحياتي

[عزبة بر]

اشكر الجميع على الرد وعلى راسهم خبيرادوات الرحلات ابوعبداللة ولكن اناعندي عزبة خشب قديمة وفيها جميع المميزات وواسعة لحمل جميع الاغراض وتقبلووافر تحياتي

يا ليت تنزل لنا صورة
علشان نستفيد يالغالي

وانا ما انصح بالخشب لانها ثقيله

الا اذا كان بتكون ثابته في السيارة ممكن تكون افضل

[غربي هواوي]

اذا وانيت وتبي تفصلها وتثبتها بالحوض يمكن اقولك خشب ينفع

لكن شيل وحط ما تنفع

[محمد----]

لا اويد ذلك
1- ثقيل بئبة مناسبة لتكون الفطريات والحشرات الصغيرة
2- صعوبة تنظيفها
3- اكشتات في هذا الزمان تعتمد على الخفة وسرعة الحركة
والأخوان ما قصروقبلنا
أخوك أبو عبد الله

[شمالات نجد]

ما أنصح بها

وتراودني نفس الفكرة ولكن بالألمنيوم حيث أنه خفيف وقوي وأطمح لأن تكون عزبه فيها كل شي يعني ما يحتاج تشيل معها شي ثاني غير الخيمه أو الرواق وجركل الما.

لكن يبقى وزن الأغراض التي بداخلها والله مشكله :)

خلك على قردك والموت مع الجماعة رحمه إلا إذا كنت بتخليها ثابته في السيارة وتكون على شكل رفوف ودروج.

سلام

[ابورايف]

اشكر جميع اخواني اعضاء مكشات على الرد
ولكم وافر تحياتي

[ابورايف]

ابي اقتراحاتكم ولكم وافر تحياتي

[معهم]

ما انصح فيها شغله ثقيلة وتخرب من الماء

[معارك]

الخشب زين لكن فيه افضل منه

[بنت الريح]

المطر بيأثر عليها .. والشمس ..
انا ما انصحك فيها ...

[هاي لكزز]

تجربتي مع عزبة المركا -المتكى -

مصنوعة من الخشب عليها قماش و من برا تنزاني - يمكن درجة 2 -
شاريها من السنيدي - بالرياض - مبلغ 160 ريال - تقريباً -

-- بالعربي ثقيله وكل ما شلتها طقت في ركبتي --

غير التزاني لا تتعب عمرك

وفيه شي افضل من التنزاني يجي بلاستك لي 4 سنسن ونا استخدمه بوسطة شبك - اخضر زي شبك الي يبوعون فيها الدجاج المبرد -

----تجربه شخصيه ----

[ابورايف]

اللة يعطيكم العافية على الردود

[كنتروووول]

لا اويد ذلك

[جداوي صميم]

ماعندي خلفية عن الموضوع

[سسته]

شف وانا اخوك .... اللي في راسك سوه يمكن انت ماسكه معك خشب وتبي عزبة خشب سوها وش المانع انت جرب اول شي ويمكن تجوزلك وتسلك معك ... وفية بعض الخشب ضد الماء ... وحتى لو كان مهوب ضد الماء مهوب خارب عليك على طول يبيلها كم سنه ... وشف العزب اللي مع الناس تلقاه يشتريها غالية ليه لانها ضد الماء واذا امطرت طمر يدخلها على شان مايجيها مويه ... طيب هي ضد المويه مهوب ضارها ... ليه يدخلها ... شي في النفس وانا اخوك ... واذا انت ملزم على الخشب خذلك الخشب السخيف مهوب العريض لانك منتب مسوي دولاب به ... واذا ماضبطت معك اقلبها عشة للصيصان الملونة ذيك... تراها غرضهم ..

ابو رايف رووووووووووووووووح والقلب داعيلك

[العاذر]

ممكن اذا صارت عزبة صغير للقهوة والشاهي وتلبسها اذا بغيت
لكن كلما كبرت تثقل عليك خاصة الخشب العريض ولا انصح بها
ممكن اذا كان خشب نوع صخيف(رقاق) بس عيبه ما يتحمل وضعيف وسهل ينكسر
الا اذا كان قوي
طيب ممكن تجرب الواح المنيوم حق المطابخ وتبرشمه بعد وضع الزوايا وتباع وتقصها على كيفك
واظنها افضل

[ع و ن]

والله مثل ما قالوا الربع .. ما أنصحك بالخشب .

لو تحسب تكاليف الخشب و تعبك فيه ما يسوى .. يعني مثل ما يقولون >> بتطلع عليك أغلى من بيعة السوق .

هذا رأيي الشخصي .. و أنت شيخ روحك .

تقبل تحياتي .