ابي رايكم في الطير

[فارس11]

السلام عليكم ورحمة الله وبركاته


فيه طير مثلوث معروض على الطير بكر15في15صيد العام في الحماد فرخ

يشرط طرح كرويين
طلع وراكد بسياره ولحوق
ويلحق حمام سلم
كم يسوا
وش رايكم
بس ماعندي له صوره
الله لايهينكم

[333]

هلابك اخوي والله ونا اخوك من6000إلى 15000
وعلى وسره الطير وصملته
وكل صقار ونظرته ارجو اني افتك
تقبل مروري اخوك:333

[الهواوي 502]

السلام عليكم ورحمة الله وبركاته:

اخوي فارس11

اذا هو يطرح السلم ,,, يوصل 5000 وفوق

ولاتشتريه الا وانت شايف جناحه على السلم,,,

والله يرزقك

[فارس11]

الله لايهينك اخوي 333
على المعلومه

[فارس11]

الله لايهينك اخوي الهواوي
على المعلومه

[منبع السحاب]

اذا طارح السلم يسوا فوق 5000 ريال ..

وشف جناحه على السلم .. والله يوفقك

[ابوضاري]

السوق زمانه هذا طايح
نصيحتي لاتدفع بمثلوث اكثر من 5 الاف

[عاشق الفتك 20]

ماايتعدى 15000

[حاتم البدراني]

يفيدونك اهل الخبره

[الصبيحي22]

الله يبارك فيكم تسلمو

[بو غازي]

السلام عليكم ورحمة الله وبركاته




فيه طير مثلوث معروض على الطير بكر15في15صيد العام في الحماد فرخ


يشرط طرح كرويين
طلع وراكد بسياره ولحوق
ويلحق حمام سلم
كم يسوا
وش رايكم
بس ماعندي له صوره

الله لايهينكم


وعليكم السلام ورحمه الله وبركاته
الجناي ياخذه من 6000 ريال ويزوده الى 8000 ريال على حسب شكله وقطعته وجهه ولونه ومثايله بس يكون انشاءالله صدق يلحق الحمام السلم
والعلم عند الله
تقبل مروري
:)

[النـادر]

مايتعدى 5000 ريال باي حال من الاحوال

هذا صيده كروان فقط

[فيصل الذيب]

5000ريال وان طار 8000 ريال بس اذا كان على علم يمكن فوق بس الحين وقت ربطه والطيرماتدري هو يلحق الحمام السلم ولافيه حمام سلم بس الكلام هل يلحق الحمام القوي السوادي او الدحل والزاجل وانت لاتحسب انه يصيدها احسب كم يبيله يلحقها اذا لحقهابسرعه الطير سبوق مافيه كلام لكن اللياقه لهادور كبير بس انا قلتلك 5الى8 الطير المجهول وماهو مضمون كلامه اما كانه على فعل معروف ومشهود يمكن يزيد قيمته

[خلان الأشده]

الله يوفقك والله إن كانه في خاطرك أخذه ...
وإن كان تبي النصيحه ..

أخذلك وافي وصايد حباره وكروان وجناحه حلو ..


والخيره في ماختار الله ..

الله يوفقك ...

[جو الشيخ]

ياربع وش ذالكلام مثلوث وماهو صايد غير الكراوين
تقولون 15000ريال الف يومه مصيود وحش ماوصل 15000
اذا طار وذبح نفسه وجاب زود على قيمته 6000 الف ريال
يطرحن وحوش عندنا بالحماد ماقد سمعت مثلوث وتعددت قيمته
9000 ريال لاتوهقون الرجال الطير مثلوث مهما سوى وفعل(مثلوث)
تقبلوا رايي
واسف على الاطاله

[elsayad]

الله يبارك لك

[راعي غضبان]

ماقصروا الشباب افادوك

[ابوناصر السهلي]

إذا وسرته طيبه وعلومه طيبه اشتر ولا تردك الدراهم

[دعاس]

مسيت بالخير انا اوافق اخوي/جو الشيخ بالراي لاتوهقون الرجال بالقيمه عندنا بالحماد ترى يطرح كل ريشه من اللون وماتدري لو المثلوث (خضر) قبل العام طرح مثلوث خضر15ونص ب15 ونص بيع ب4000 وانا شاري من الحماد اول العام مثلوث اطرح بالحماد اشقر وراسه عازل ووجهه صافي وذبح 9 حمامات وهدو له زاجله ولحقها اخذناه ب8000 والعام مانطرح بالحماد الا مثلوث واحدحمر عادي به دقتين وبيع اخرها ب4000 واقول توقع يارجال بالسعر اذا على صيد الحماد والحمام الوكاره تصيده رايي انا مايتعدى4000مع مقيضه تراه صغير حيل واسف على الاطاله وتقبل مروري

[ممدوح 2010]

ياربع وش ذالكلام مثلوث وماهو صايد غير الكراوين
تقولون 15000ريال الف يومه مصيود وحش ماوصل 15000
اذا طار وذبح نفسه وجاب زود على قيمته 6000 الف ريال
يطرحن وحوش عندنا بالحماد ماقد سمعت مثلوث وتعددت قيمته
9000 ريال لاتوهقون الرجال الطير مثلوث مهما سوى وفعل(مثلوث)
تقبلوا رايي
واسف على الاطاله

كلامك 100% :good2:

[راع طلاع]

كلي استغراب من بعض اخواننا الصقاقير عند إطلاعي على ردودهم قد يكون تنقصهم الخبرة في البيع والشراء.
بعض الآراء تقول قد يصل إلى 15000 فهذا يستحقة الطير المثلوث عندما يكون صايد حبارى صافي ومزيون وراكد( طلاع ) وجناحه فاااااااااااارط بالسبق.
ملاحظة: رأيت بعض الطيور المعروضة بالمنتدى إن الطير( صايد ووافي وطلاع ومشروط) لم تتعدى سوماته ((8000 ريال )) غريب بعض الصقاقير أو يبخسون السلعة المستحقة لقيمة المثلوث الغير صايد وهي 15000 ريال.
جو الشيخ كلامك واقعي دمت بود :good2:

[يدوي الشرق]

مايتعدا 8000ريال وهو فارط بسبق