اسيله؟؟

[123123]

السلام عليكم
ليه بعض الناس تقص اذان السلوقي
وكيف اقص الاذنين
الفضل طعام لسلوقي

كم كيلو امش السلاق في اليوم

[الهوووى]

مراحب اخوي اول شي من الي منجحك في الاملاءهههههههههههههههههههههههههه
وبخصوص قطع الاذن اغلب الي يقصون اذنين السلق هم اخوانا اهل سورياااء وسبب قصهم للئذن سمعت كثير ناس تقول عشان اذا تاهوشت السلق مع بعضها مايجي الاذاني شي وسمعت عشان اذا شافت البلديه سلق مقطعه اذنينه تدري انها مملوكه ماتسمه ولا تسويله شي
وافضل طعاام باقي الكبسه او حليب او خبز او تمر
واذا السلق جراوه لا تتعبهن لين تتم سنه من عمرهااا وذا كبار مسهن لين تمل وانصحك في نفود

[صقر القصيم 16]

طبعا غالب اللي يقطعون اذان السلق من سوريا ويقلون اذا قطعت الاذان ان السلقه تكون مطيعه وشرسه على صيده وهذا شي مهوب صحيح كل شي يعتمد على التدريب والسلق ياكل بقايا البيت من غدا وعشا
اتمنا اني افدتك تقبل مروري...

[333]

يا الطيب اللي يقطعون اذاني السلق هم أخوانا السوريين واللي سمعته ان اللي مايقطع اذاني السلق مهب صياد
وتقطيع اذاني السلق غلط وتعذيب لهن
اما الأكل طال عمرك حليب وفيه عند البيطري حليب بقر مجفف كبر كيس الشعير الظاهر ان سعره 130 وحط معه تمر حويل وحط معه حلبى وبتلاحظ كرمتوا امساك مع السلق اول الوقت لاكن بيتعود عليهن وترا زين بلحيل ينشط السلق تنشيط ويقوي عظامهن خاصه الجراوه
اما المس إذا هن جراوه من3 إلى 7 شهور لاجيت المخيم طلعهن من الشبك وخلهن يلعبن لين يأذن المغرب ثم صك عليهن ومن 8 شهور ابد مسهن تدريجي كيلوين ومن بكره ثلاثه ونت ماشي ونتبه اذا خلصت من تطليقهن لا تعطيهن مويه على طول ترا تذبحهن خلهن نص ساعه ساعه إلى ربع بعدين عطهن مويه
والتركيض مره في النفود ومره وعر عشان تصير جاهزه لي منطقه تقنص فيها
ونصيحه لا تجربع في الليل عشان ماينصرقن السلق خل الجربعه في النهار تقويم ازين لهن في المس
ولا تحرص على الجربوع واجد تراه يملع السلق
داري اني طولت عليك بس عشان تستفيد
وأي سئال انا جاهز وموجود
تقل مروري اخوك:333

[قرناس شماالي]

اخوي السلق ياكل عضم ورز والباقي فادوك الاخوان