ونش اللاندكروزر خربان عندي فزعتكم ..

[مشاريg]

السلام عليكم .. حياكم الله جميعا ..:)


يالربع انا عندي الونش اللاندكروزر 2007 منقطع ..وأوله موجود.. والمشكلة الثانية فيه الكلتش خربان بتاع الونش.. ويقول راعي الونشات انها قطعة ب 400 ريال ..ويضبط وهو يشتغل والمكينة شغالة لكن ذا الكلتش هو الي عايقه مايسحب ...

وين القا ورشة صاحية تشتغل مضبوط ؟؟
ووين القا واير اركبه بدال القديم وكم اسعارهن..؟؟
وذالعلة الكلتش بكم ووين احصله ؟؟؟

وبيض الله وجيهكم .... :d

[مشاريg]

وراه ماهنا احد ....فزعتكم يالربع

[سوبر VTC]

عليكم السلام

حياك اخوي

هذي ردود للاعضاء




اقتباس:

السلام عليكم يا الوهاج الي اعرفه عن صيانته من احد اقاربي ان فكة القلب في وكاله تويوتا اذا كان لاند كروزر بالف ريال وهم غالين لكن الصناعية القديمة فيها اصحاب ورش السطحات عندهم خبر اكيد لانهم كل يوم يتعاملون معها وانا شفت في ورشة اسمها الزايد يتعاملون مع الونشات من تصليح وتركيب على السطحات وهم على امتداد شارع الجمعية في اخرة من جهت البناشر الي قريبة من الشارع العام اما الواير بالطول والسماكة الي تبغى عند محل على امتداد شارع الريل اوعمر المختار اترك محلات الكفرات وراك ومحل الفانوس.... محل كبير..... على يمينك و سيد قدام وتعد اول اشارة بتجيك محطة بنزين بعد المحطة تلقاه يمينك اسمه جار الله او ضيف الله للوايرات والسلاسل والله يوفقك

http://www.mekshat.com/vb/images/misc/progress.gif



اقتباس:
شف اخوي عليك بورشة الراجحي بالرياض على الدائري الجنوبي ووصفهم :- أمسك طريق الدائري الجنوبي متجه غرب تعدى كوبري حراج بن قاسم ثم أدخل مع الخدمة مع مخرج كوبري أل فريان ( بعد كوبري بن قاسم على طول ) خذ يو تيرن من تحت الكوبري راجع مع الدائري متجه شرق يجيك حوش محطة الصرف الصحي على يدك اليمين وأنت بالخدمة بعدها يجيك شيب ماء الورشة بجانب الشيب .
وشغلهم مضمون أصلاح وتركيب وارخص في سعر الاصلاح وافضلك من الوكالة التي من عوايدهم قيمة الاجور العالية لشغل اليد من غير قطع الغيار.

مع تحيات اخوك ابو عاذر


اقتباس:
اول شيء اخوي تأكد ان الكهرباء واصل
هذا اولا
ثم تأكد ان السنن الي في الونش والي في سلك الريموت نظيفه
قد تكون احد هالحفر وصخه ولايوصل الكهرباء
واول ماتشبك الريموت ترا بتسمع مثل الطقه خفيفه في الونش
هذا معناه انه شغال
اذا سمعتها (شيك على الريموت الحاله فقط ) ترا منيب متأكد لكن مابيك تروح لفلان وعلان ويقولون خل الموتر عندنا ثم لين رجعت لهم قالوا صلحنا كذا وكذا وهو تسذب
اسمحلي عطيتك الحلول افحصها قبل لاتروح لاي ورشه
تقبل تحياتي ... والله اعلم



اقتباس:
السلام عليكم
اخوي سعد
الونش وارن ب 3200ريال
التركيب واحد من الشباب مركبه لي(بنظام القوه) ولالحين ماحاسبته (ناوي اجحده:d )
السليماني يركبه ب 1000 بس مادري وش الطريقه
المميز اتصلت عليه قالو مانركبه
تحياتي



اقتباس:
كل الي تشتكون منه هو احتراق الكلتشات وهذا شي طبيعي مع الاستعمال خصوصا اذا سحبت ثقيل وهو دائما يحدث معي
بوصف لكم ورشه بالرياض ودائما اصلح عندهم
الي يعرف صناعية العويضه بالرياض بحاول اوصف لكم
مع الدائري الشرقي مخرج 17باتجاه الغرب حتى تمر من تحت كوبري سكة القطار وتطلع فوق يجيك شارع علي ابن طالب لف يسار باتجاه الجنوب اول شارع سيدين يدخل يمين منور ومرصوف في الوسط ومليان تريلات قبل آلاخير يجيك سيدين يمين ادخل معه ثالث دكان صغير هو جزء من ورشه عباره عن فتحه وحده اسم صاحب المحل فيصل واذا ضعت سو زيي دور لك اقرب سطحه واتصل عليه على الجوال المكتوب على السطحه واسأله وين يصلح الونش وهو يدللك

http://www.mekshat.com/vb/images/misc/progress.gif



هذي رابطة الونشات

***^^^^&&&& رابطة ملاك الونشات *** &&&& ^^^^ - منتديات مكشات (http://www.mekshat.com/vb/showthread.php?t=235197)



مواضيع للفائدة + ورش التركيب :good:

الونش وطرق الإستفادة منه (http://www.mekshat.com/vb/showthread.php?t=10124)


لمكشاااات:: حصرياً ولأول مره تركيب ونش 3.6 طن على فورد اكسبديشن 4×4 Xltوشغل على كيفك (http://www.mekshat.com/vb/showthread.php?t=107240)


تركيب ونش على جيب لكزس 2003 ... بالصور (http://www.mekshat.com/vb/showthread.php?t=234901)


تركيب الونش على البرادو بالصور (نظام اللاند) (http://www.mekshat.com/vb/showthread.php?t=118418)


موفق

[مشاريg]

مشكور وما قصرت يامشرفنا الغااالي .... سلمك الله

[حبو 1]

حبيبي السليماني يصلحة لك ولا فية واحد سوداني بطل في الغرابي اول ماتدخل الغرابي من جهة شارع الريل خل محلات الشرع وراك واتجة شمال اول او ثاني عمارة محلة على الشارع الفرعي كل شغلة ونوش وهوكات