ياخوان متى اخر حد لتجويع الطير ..؟

[عشيق الحر]

السلام عليكم

وش حالكم انشاء الله بخير


ياخوان عندي سؤال متى اخر حد لتجويع الطير

يعني كم يوم اجوعه الحد الاقصى

[علاوي الطرفاو]

3 ايام

وغالبا تكون 4

بس اذا جوعته لمدة 4 ايام يخف وزنة كثير

[333]

يا الطيب على حسب الطير
والتجويع من يوم إلى يومين بالكثير
اما اخوي اللي يقول 3 او4 لا يا الطيب الطير يهلك كذا
ارجو اني افتك تقبل مروري اخوك:333

[علاوي الطرفاو]

بس حنا كذا تجويعنا له

[بعيد الهقاوي1]

الطير لاصار صنيع مره وتبغا تجوعه

يتحمل 5 ايآم

فيه طيور تجي مزاجيه وصعببببه مايزينها الا الجوع

اتكلم لك عن الحر الوافي

والا الطيور الصغار يمكن رابع يوم يموت ..

[سحاب22]

افادوك الاخوان


تحياتي لك ...

[البراء آل عثمان]

العلف النسير مثل حد الأصبع يومياً تعطيه ولا تزيد عن 5 أيام

[صياد ليبيا]

اخي العزيز اولا ايش هو الطير اللي تبي اتجوعه وايش وزنه
طبعا المعروف عن الحر انه الاكثر احتمالا للجوع وصبور بالمقناص
لهذا يعتبر الافضل في الطلع لكن يجب الحذر في عملية تجويع الطير
لان الطير لو نزل عن معداله اللي يصيد فيه صعب انك ترفعله وزنه
بسرعة وخاصة الشاهين وانت في وقت مقناص مانك فاضي ترفع وزن
الطير لكن اذا كان الطير صدره عامر ساهل جدا انك تنزل وزنه للحد المطلوب
ولكن ليس بالجوع بل بتقليل العلف في العشاء يعني الطير يبات بلحم في جوفه
تجويعه عدة ايام من اول مسببات الشص او القلاع لان الطير في ميكروبات
بالفرسة وبالمعدة هي اللي تهضم اللحم و اذا جاع الطير ايام عديدة
تصيبه بالامراض انا اعتقد في راي ان مسألة التجويع تعتمد علي الصقار نفسه
وما يقدر حد يعطيك شي اكيد لانه لازم يكون شايل الطير وعارف طبعه
وبالتالي يقدر يقرر كيف يتم تجويعه أو انقاص وزنه
تقبل مروري

[راعي شوق]

انا اشوف التنسير افضل من انك تجوعة يعني تعطية لحم صافي بمقدر بسيط جدا

[عشيق الحر]

بيض الله وجيهكم جميع

ماقصرتوا

[طير الزلفي]

خمس ايام وييييين يمكن طيرك مايتحمل؟؟؟

[قرناس شماالي]

اخوي وش نوع طيرك علشان نعطيك العلم
لان الطيور فيه تستحمل 5وفيه ميستحمل4
فاء الله لايهينك وش نوعه؟؟

[7or 100]

على حد علمي الحر يتحمل الجوع لمدة 5 ايام اما الشاهين ما تصبر وما تتحمل الا 3-4 ايام..
تحياتي...

[معدي المرقاب]

وش ذا الاجرام 5 ايام

[عشيق الحر]

طيري شاهين و وكري

[a1Ruwais]

حول3-4ايام

[نواف بن ناصر]

أفادوك الأخوان
لكن اللي يقول 5 أيام أقوله اتق الله في نفسك
ما أحنا في مسابقة قوة تحمل الجوع
الطير سوف يكون هزيل وقد يموت
والجو بارد وتراها شيهانه لا تكسب ذنبها
تقبل مروري

[رأعي الخرشه]

اخي العزيز اولا ايش هو الطير اللي تبي اتجوعه وايش وزنه



طبعا المعروف عن الحر انه الاكثر احتمالا للجوع وصبور بالمقناص
لهذا يعتبر الافضل في الطلع لكن يجب الحذر في عملية تجويع الطير
لان الطير لو نزل عن معداله اللي يصيد فيه صعب انك ترفعله وزنه
بسرعة وخاصة الشاهين وانت في وقت مقناص مانك فاضي ترفع وزن
الطير لكن اذا كان الطير صدره عامر ساهل جدا انك تنزل وزنه للحد المطلوب
ولكن ليس بالجوع بل بتقليل العلف في العشاء يعني الطير يبات بلحم في جوفه
تجويعه عدة ايام من اول مسببات الشص او القلاع لان الطير في ميكروبات
بالفرسة وبالمعدة هي اللي تهضم اللحم و اذا جاع الطير ايام عديدة
تصيبه بالامراض انا اعتقد في راي ان مسألة التجويع تعتمد علي الصقار نفسه
وما يقدر حد يعطيك شي اكيد لانه لازم يكون شايل الطير وعارف طبعه
وبالتالي يقدر يقرر كيف يتم تجويعه أو انقاص وزنه




نعم هذاا الكلام الصحيح والله يعطيك العافيه ياصياد ليبيا
ياخوي هذا طير مااهو أسد على شان تموته من الجوع
حرام والله هذاا تعذيب وليس تدريب لمدة 5 ايام
تقبل مروري

[راعي ملموم]

كم ناوي يعني انت تجوعه !!! الطيور ماهي وحده ولازم يكون خالي من الامراض لان اذا فيه مرض يتضاعف عليه ويمكن ماعاد تلحق عليه يموت لكن نصيحه بعد ثالث يوم خل في يديه مغذي ههههه لان احتمال يجيه ضغط وسكر من القهر والضيم الل يشوف ;)

[عشيق الحر]

يارجال انا طيري فيه اطباع شينه الشاهين والوكري ماشاء الله عليه

[yasser1389]

شوف يالحبيب اولا على حسب نوع الطير طبعا الحر يتحمل نوعا ما ولكن امراضه كثيره والشيهانه ماتتحمل جوع ممكن تمرض وتموت اذا جوعتها لكن اللي يتحمل بالطيور فعلا بعد قنايتي لجميع انواع الطيور هو الوكري يتحمل الجوع الى4،5 ايام ؟؟ولكن تجويع الطير عند التدريب مو بالجوع الشديد افضل شي تنسر الطير كل يوم قطعة لحم بحجم الاصبع يعني تنقزه ينزل من وزن الطير 20جرام تقريبا كل يوم الين تلاحظ الطير وزنه خف وبدا يتجاوب معك بالتدريب وصا ر شره على العلف وانا لا افظل انك تصرم الطير اربع وخمس ايام ... تقبلوا مروري

[ابـــًًو تركـــًي]

انا طيري اجوعه بالكثير 2يوم وبعدين حاجه دسمه هههه

[القناص j]

يومين تكفيه