ابن هادي502
25/01/2010, 02:17 PM
السلام عليكم يا اخوان انا حبيت اشاركم القصايد بما اني انضميت اليكم من جديد
وكتبت قصيده في الباثفندر مع انه مهبليبي اشوي
(( .... جهز الباث .... ))
جهز الباث الذي يطربك زوله =وسج به يا عيد بفجوج الصحاري
باث فندر يا حلو عرضه وطوله = صوت ماطوره كما صوت الضواري
وارد اليابان يعجبك بفعوله=زين مشيه يا فهد لا جيت ساري
مثل حر لا شمخ وأعلن نزوله=وسل مخلابه على خرب الحباري
لا امطر الوسمي وداعبتك فصوله =وسال سيله وانتشر فى الارض جاري
شد به للبتر وخذ بالعرق جوله=وللبريكه وانص به كل الخباري
ولا بلغت المنطقه نزل حموله =واركز البيرق وحطالها ذواري
وجهز الدله وشب النار حوله=واضبط الشاهي وسط صفر الغواري
مع ربوع ترتكي لاجل الحموله=كالبليهي لا طرى فيها طواري
اهل فعل واهل نخوه واهل صوله=في محياهم لفعل الخير طاري
شاصكم يا خال ما كل ينوله=ميرا بمدح موتراّ حسب اختياري
كلماتي انا / سعد بن عبدالهادي الدوسري
تقبلوا تحياتي
وكتبت قصيده في الباثفندر مع انه مهبليبي اشوي
(( .... جهز الباث .... ))
جهز الباث الذي يطربك زوله =وسج به يا عيد بفجوج الصحاري
باث فندر يا حلو عرضه وطوله = صوت ماطوره كما صوت الضواري
وارد اليابان يعجبك بفعوله=زين مشيه يا فهد لا جيت ساري
مثل حر لا شمخ وأعلن نزوله=وسل مخلابه على خرب الحباري
لا امطر الوسمي وداعبتك فصوله =وسال سيله وانتشر فى الارض جاري
شد به للبتر وخذ بالعرق جوله=وللبريكه وانص به كل الخباري
ولا بلغت المنطقه نزل حموله =واركز البيرق وحطالها ذواري
وجهز الدله وشب النار حوله=واضبط الشاهي وسط صفر الغواري
مع ربوع ترتكي لاجل الحموله=كالبليهي لا طرى فيها طواري
اهل فعل واهل نخوه واهل صوله=في محياهم لفعل الخير طاري
شاصكم يا خال ما كل ينوله=ميرا بمدح موتراّ حسب اختياري
كلماتي انا / سعد بن عبدالهادي الدوسري
تقبلوا تحياتي