ابغى اعرف وش المشكله

[بارود22]

السلام عليكم
يالربع انا عندي نيسان 97 بخاخ والموتر فوق الزين
بس جنني ارتفاع حرارته وكل يوم يشورون علي شي وانا اروح على طول واغيره
قالوا لي كلتش مروحه وبدلته وقالوا صيخ وغسل الرديتر وقالوا بدل الكور حق المروحه وسويت
لكن للحين المشكله موجوده
وترتفع الحرارة زود اذا وقفت او مشيت بسرعه .
اللي عنده خبره او مرت عليه لا يخليني لاني بتلشت وطفشت وخاصه اني كل الوقت بالبر والدبل شغال
ودمتم سالمين واشكر تعاونكم
والسلام ختام

[ALRAGY]

والله من واقع تجربة

انك تسوي غسيل كامل للأديتر مع تصييخ


وتشيك على الشك فلف ممكن يكون متسكر او حاشر فالأفضل اتنك تغيره

وانتبه لها النقطة

ممكن تكون ريش الراديتر متسكره عندك من العج والحشراات فهاذا يرفع الحرارة عندك



هذا اللي عندي وان شاء الله يفيدونك الشباب

[abo-lma]

السلام عليكم ورحمة الله


أولآ فك الاديتر وأعملوه تنظيف وتصييخ وتأكد بأنه سليم ميه الميه وراح يكلفك 100 ريال

ثانيآ تأكد من غطأ الاديتر ولو حبذا لو تأخذ واحد جديد وأصلي وقيمته 20 ريال

تأكد من بلف الحراره ودامك بتفك وتركب خذلك بلف حراره وقيمته 50 ريال

جركل ماء أخضر واربع علب ماء مقطر

و أن شالله تروح هلعلل من موترك

موفق خير

[بارود22]

ALRAGY
abo-lma
الله يعطيكم الف الف الف عافيه وتسلمون على الرد والمساعده
وشكرا لكم

[جساس5]

الظاهر الموتر يبي وزن ديلكو

[ALRAGY]

بارك الله فيك يا جساس

صح عليك جبتها الصراحة نسيت اذكر ها النقطة


ممكن الموتر يحتاج وزن ديلكو ممكن الديلكو مو موزون عدل فيسخن الموتر بسرعة

جرب اوزن الديلكو

[ولد الشمال ..]

ياخوي بارود

انا مكانيكي في حرس الحدود......... حسب تجربتي مع سيارات السلاح الحدود بالنسبة للنيسان اذا تم التشييك علي كل الي قالوه الاخوان فوق صحيح .

بس اذا لم يفد ذالك

مالك الا تتاكد هو موظب قبل اولا وهل تم فك راس الماكينة

واذا تم قبل ذلك فك راس الماكينة

فيجب عليك ان تفك راس الماكينة وتدبل وجة الراس بمعني ان تضع وجهين لراس الماكينة ورايح تنام الحراره نووووووووم

معك اخوك مكانيكي حرس الحدود

[سوبر VTC]

ياخوي بارود

انا مكانيكي في حرس الحدود......... حسب تجربتي مع سيارات السلاح الحدود بالنسبة للنيسان اذا تم التشييك علي كل الي قالوه الاخوان فوق صحيح .

بس اذا لم يفد ذالك

مالك الا تتاكد هو موظب قبل اولا وهل تم فك راس الماكينة

واذا تم قبل ذلك فك راس الماكينة

فيجب عليك ان تفك راس الماكينة وتدبل وجة الراس بمعني ان تضع وجهين لراس الماكينة ورايح تنام الحراره نووووووووم

معك اخوك مكانيكي حرس الحدود



دبل وجه الراس عيبه
ان يبرد عزم الموتر

[سوبر VTC]

اهم شي تاكد من البلف غالب المشاكل من البلف و غطاء القير
اذا كان البلف مايفتح او كان معلق ثقيل
فان الموتر يحتمي
لان الماء مايدور بالسرعه الكافية من الاديتر الى المكينة
اخبر راعي هايلوكس على سرعه 120 الحرارة توصل الاتش
قام وسيخ الاديتر + تغيير الغطاء + غير انبير الحرارة
ولاستفاد
صارت المشكله من البلف ب20ريال غيره
و الموتر ماشاء الله على سرعه 160 الحرارة على الثلث :good:
تاكد من وزن الديلكو

اذا كان الموتر معك سابقا تمام :good:
فاعرف ان المشكلة من البلف او غطاء الاديتر او من الطرمبة او من الكلتش
و انا ارجح المشكلة من الكلتش
او من الطرمبة مبوشة ماتدفع الماء
افتح غطاء الاديتر و دس بنزين
اذا دار الماء فالطرمبة تمام
اذا مادار فالمشكلة من الطرمبة و بعدها البلف
طبعا لودست تلاحظ الماء ينزل شوي و يتحرك
و هذا يدل على ان الطرمبة تمام
لو حدث العكس فعندك مشكلة بالطرمبة او البلف

اخبر باترول راعيه غطاء اصلي عليه استكر برتقالي حق الوكالة
اذا وصل سرعه الحرارة 120 الحرارة تعدا الخطين
راح للوكيل و غير الغطاء و وحط غطاء لكن بدون استكر
و نامت الحرارة :good:

اذا كان الماء ينقص فالمشكلة من غطاء الاديتر او من وجه راس المكينة ضعيف مايحجب الزيت عن الماء و العكس او
من طرمبة الماء تهرب من عند التامين
اذا بغيت تفحص الراس اذا احتمى الموتر
افتح غطاء الزيت اذا حصلت على نفس الغطاء من الداخل
حليب ابيض تقل بخار
فهذا ماء داخل على الراس
يا شعر بالراس او ضعف بوجه الراس

احد الربع معه فتك م2005 قبل شهرين
ضربت الحرارة على الاتش :no:
بالدائري حق الرياض
عبا القربتين حقات الاديتر و راح الماء :no:
طفى الموتر يوم برد الموتر عقب ساعه
حصل المشكله ان ليات الثلاجه حقات الغمارة عند الراكب
واحد منهن مقطع :no:
لي دخول و لي خروج الحار و البارد

نقطة اخرى

افتش الفرشة الارضية حقت الراكب
احتمال تحصل اثر ماء
لانه حصلت بالباترول و الباثفندر
انشعرت ماصورة ثلاجه المكيف من الداخل و هرب الماء
ان حصلت ماء بالارضية تلحم الثلاجه و تضبطهنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:


1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر



وين موقعك ؟؟؟


موفق

[بارود22]

جساس 5 الله يعطيك العافيه وتسلم يالذيب
ابو لما تسلم لي يالغالي والله يحفظ لما
ولد الشمال تسلم ولا عدمناك والله يسعدك
سوبر فتك تسلم والله يا مشرفنا الغالي والله لا يهينك ولا يصغرك
بيض الله وجيهكم كلكم ماقصرتوا وقدمتوا النصيحه الطيبه
نورتي الصفحة بمروركم العطر وارائكم الرائعه
بس تدرون وش المشكله اني فاك البلف وحذفته على طول يدي :D
وللحين الحراره موجوده
بس انا بتبع كلامكم والله يكتب اللي فيه خير لنا ولكم

[رفيع المقآم]

السلام عليكم
يالربع انا مثل مشكلت باروود22 انا معي فوورد 97 الحرااره ترتفع تاصل قبل الاتش بشوي المهم فكيت البلف وما فادت رحت للورش قالولي ان الثلاجه عندي منفقعه المهم سالت قالولي انها ب1000 ريال والتركيب ب200 والله انا ما ودي اتهور واصلح الا انا متاكد هل الثلاجه تسبب ارتفاع حراره مع العلم اني اعبيها مااااء كل يومين او يوم بالله يالربع اللي عنده خبره يفرجلي تكفوون نخيتكم والله ان ضغطي مرتفع منها ابي ابيعها من هالسبب