الفكسار ضعف عزمة مايتعدى 130

[ابوهاجوس1]

يااخوان عندي جيب فكسار 99 عزم كويس بس اذا مسكت خط مايتعدي 130 ـــ 140 غيرت الكويلات وغيرت طرمبة البنزين ومدري وش السبب ارجوكم ساعدوني ولكم الدعاء في ظهر الغيب

[abo-lma]

سؤال هل بلف الحرارة موجود


أذا كان البلف غير موجود رجع البلف وراح تشوف الفرق

موفق خير

[أبو لينا]

جرب غير فلتر البنزين

[ابورغودة]

ممكن الدسك

[ابوهاجوس1]

بلف الحرارة كان غير موجود وركبته ولاتغير شي ......... وشو الدسك

[ميكا مكشات]

مؤشر ضغط المكينه rpm على كم إذا كنت تمشي 130

هل هو بخاخ ولا كاربريتر (تراني أجهل الموديلات )

تحياتي

[بدر بن عبدالله]

ذكرتني بواحد عانى من نفس المشكلة

جرب كل شي

وفي الآخر حصل الحل بسيط جدا

دواسة البننزين ماتوصل للآخر إذا اندعس عليها ( يبي لها تعديل )

يقول سحبها الرجال بإيده على برا شوي وزان الموتر


لعل هذا أحد الحلول وسهل ممكن أنت تسويها وتتأكد منها

[ابوهاجوس1]

مااعتقد اخوي دواسة البنزين لها دخل الدواسة عند كويسة .......... يمكن يكون كهرب

[القاموس]

ابو هاجوس
السالم عليكم
بعد الفحص السريري على سيارتك غيابيا وحسب الأعراض تبين الآتي :
1/ شيك وافحص على فلتر الهواء او غيره بجديد فقد يكون متسخ ولا يسمح بدخول الهواء الى المكبينه
2/ افحص جهاز منظم الهواء الموجودعلى القربه يمكن يكون خربان .
3/ صفاية البنزين فممكن تغيرها جديدة وفي نفس اللحظة لا تعمل بالشكل المطلوب لوجود شوائب في التانكي .
تقبل تحياتي
د/ القاموس

[ابوهاجوس1]

يااخوان نسيت اقولكم حاجة اول مااشغل السيارة في الصباح يطلع صوت طقطقة بسيطة ثم تروح هل هذي لها دخل في ضعف العزم والسرعة ...................... ولكن صفاية البنزين لسا ماغيرتها

[ابوهاجوس1]

مشكور اخوي د/ القاموس

[طياوي]

أخي أتوقع أنه أحد أمرين:1- الكنداسة والمشكلة فيها ما يسمى بالصفيرة تسد مجرا خروج الهواء وتصليحها يكون إما بتبديلها أو تقص دبة الكنداسة وتخرج الصفيرة وترجع تلحم الدبة.2- التوقع الثاني هو يمكن أن يكون الجنزير أو السير اللي بوسط المكينة.

[خبوت الشمال]

مرحبا اخوي حول البنزين الى التانكي الثاني جرب

والأمر الثاني صيخ الرديتر ضروري

[_دربيل_999]

أخوي الغالي..
افحص سيارتك فحص كمبيوتر..وبإذن الله بيعطيك الكمبيوتر المتسبب الحقيقي في ضعف العزم..
أرى أن بعض الشباب يجاوب على غير دراية ويتكلم عن أشياء لاتتعلق بعزم السيارة البته..

أخي العزيز مشكلة سيارتك متعلقة إما بالدارة الكهربائية للسيارة..أو بننظام الوقود..فقط..
اما الطقطقة فهذا شيء طبيعي عند التشغيل يكون رأس الماكينة او البلوف والتكايات خالية من الزيت فقط دقائق حتى يرتفع الزيت بعد التشغيل وتهدأ الطقطقة.,.

وفقك الله..

الروقي

[حمود 1430]

أخي تاكد من الخرطوش الواصل بين البخاخ والفلتر

[سوبر VTC]

حياك

غالب مشاكل الجيب و ضعف العزم
من حساس القير تي بي اس راكب على نفس اللهاة
قيمته تقريبا ب170ريال
او من منظم الهواء خربان
تاكد من افياش الحساسات اذا كان الفيش راخي من الداخل متوسع الفيش من الداخل
فانه ما يعطي معلومة صحيحة الى الكمبيوتر

هل انت متاكد من ضغط الطرمبة ؟؟؟ هل هي تمام ؟

تاكد من البواجي

وين موقعك ؟؟؟

موفق

[ن م ر]

انا اتوقع الخلل من المسجل ؛؛ جرب وانت تمشي ارفع الصوت وقصر < :d هههههههههههههه

امزح لكن استغرب من بعض الردود اللي مدري وش تبي ومالها داعي اذكرها ياخي اذا ما تعرف شي لا تقعد تفتي على كيفك وتخسر الرجال دراهم زود
مثل ما قال ابن جدلان : زودن على فقر الدراهم فقر دم

المهم




انا اتفق مع اخي دربيل_999

الخلل اما في الكهرباء أو في نظام الوقود واللي يحدد الخلل هو فحص الكمبيوتر والتجربة على أرض الواقع

[شامخ ألهيلا]

اخوي خذ كلام دربيل 999
افحص كمبيوتر
لان ضعف العزم له اكثر من نقطة ولايمكن معرفتها بالكلام
لاكن خذ في بالك التصفيه للمحرك
مثل فلتر هواء + فلتر بنزبن صفاية + بواجي واسلاك بواجي + انسداد في البخاخات
تلك الامور دورية

[عاشق الغضا]

اتوقع 80 بالمية انه من المنظم الكبيوتر صارت مع واحد من الربع موديله 2002 فكس ار وكان مايتعدى 140وماخلى شي الى وغيره وآخر شي صار من الكبيوتر

[الرسام]

اخوي الغالي مشكلتك ليست بالبواجي واسلاك و بخاخ مشكلتك بالحساسات تاكد انها راكبه و نظيفة والله اعلم

[ميكا مكشات]

اخوي خذ كلام دربيل 999



حتى فالميكانيكا حميا....هههههههههههه

[سوبر VTC]

حتى فالميكانيكا حميا....هههههههههههه



جاك الموت :)
هههه

[ابو علي 99]

شيك علي دينمو الكهرب اتوقع عندك بويبينة ضاربة
تبي تقولي ماولعت لنبة البطارية اقولك يشحن بس ضعيف
افحصه عند الكهربائي او انت افحصه
شغل المكيف علي اخر شي وشغل النور وكبس العالي ودعس بنزين اذا ال rpm تعدي الخمسة ووصل الين اخر شي الدينمو سليم وذا بدى يقطع الموتر تراه خربان

[ابوهاجوس1]

هل طرمبة الزيت لها دخل في العزم ونقص الزيت

[ميكا مكشات]

هل طرمبة الزيت لها دخل في العزم ونقص الزيت


لا..........

[شامخ ألهيلا]

حتى فالميكانيكا حميا....هههههههههههه

:D :D
ياخوك والله موب حميا
بس الرجال داخ من كثر الاقتراحاات وصار يهوجس في طرمبة الزيت :D
الي يقول كنداسه
وصيخ الاديتر وووو الخ ...
واعجبني نمر يقول المسجل هههههههه
مابقي غير يقولون شيك على المراتب ههههههههههههه

بس المثل يقول لاتقول صاع اليت تكيلة = توزنه
وضعف العزم اسباابة كثيرة

وفحص الكمبيوتر الان في بعض المراكز بـ 50 ريال

خالو سوبر فتك :D الله يرجك

[ابوعراده]

افحص تماتيك المروحه وانت واقف يمكن يكون مجيم معاك