فرصة للبيع لمحبي أجهزة icom اليدوية

[استيشن الرياض]

http://www.mekshat.com/vb/C:\Documents and Settings\bbc\Desktop\1.jpgمساء الخير جميعا يوجد لدي جهازيين يدويين للبيع من نوع icom ارغب في بيعها لكوني مسافر ومبتعث خارج المملكة ولا عاد احتاجها الاول جهاز الايكوم اليدوي المشهور والنادر من نوع icom 2gxat اصلي وهو اقوى جهاز يدوي انتجته الشركة وتعبت بالبحث عنه قبل شرائه حتى وجدته وهذا الجهاز شبه شديد استخدام بسيط وشخصي بكرتونه وكافة اغراضه الاصلية كما هو موضح بالصورة الجهاز طبعا من اقوى الاجهزى اليدوية التي انتجتها الشركة قوته 7 واط مما يعطيه قوة في الارسال وقوة في المدى والمسافة وتردداته اكثر مدى من ترددات اجهزة الايكوم اليدوية الاخرى امثال icom v8 و icom v82 و icom v85 لكون تردداته تبدا من 50 ميغاهيرتز الى 230 ميغا هيرتز بينما الاجهزة الاخرى مدى التردد من 136 ميغا هيرتز الى 173 ميغا هيرتز ايضا الجهاز يتميز بأن له شاحن سياره مما يجعلك في اتصال مستمر في البر بدون ان تحتاج للبطارية وكذلك شحن بطارياته عن طريق وصلة السيارة مباشرة وكذلك يوجد مع الجهاز بطارية كبيرة اضافية وكذلك بطارية تعمل بالبطاريات العادية لااستخدام الطواري وايضا بطاريته الاصليه التي تجي معه ويوجد معه شاحن مكتبي وشاحن اخر مباشرة للجهاز والبطارية ويوجد معه اضافة الى انتله الاصلي انتل سحاب امريكي اصلي من نوع super يعطيه مسافة اكبر وكذلك انتل دايموند للسيارة مع القاعدة ويوجد معه وصله لتركيبه على الجهاز مباشرة والجهاز شبه جديد ومضمون ولا عمره فك ( انظر للصورة المرفقه )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
الجهاز الآخر جهاز غني عن التعريف هو جهاز ايكوم icom v8 جهاز عملي قدرته 5 واط وتردداته تبدا من 136ميغاهيرتز الى 173 ميغا هيرتز وهو نضيف واصلي ومعه شاحن مكتبي اصلي وبطارية اصليه وايضاً انتل سحاب لااعطائه مسافة اكثر بالارسال والاستقبال والجهاز نضيف ولا عمره فك واستخدام شخصي ( انظر الصورة المرفقة ) أمل منكم السومه الطيبه وتوضيح السومه لكل جهاز او سومة الجهازين معاً والاجهزة نظيفة وعلى الشرط وانا موجود بالرياض هذا والله الموفق لما يحبه ويرضاه

[خلاوي 111]

اخوي ياليت الصور

وكم حدك بكل واحد فيهم

[استيشن الرياض]

والله يالغالي ماحديتها نشوف سوم الاخوان بالنسبة للصوره حاولت ارفعها من جهازي للموقع ماستطعت علما مع ان حجم الصورة 50 كيلو بايت فقط والمسموح به الى 100 كيلو بايت فياليت مشرف الموقع او احد الاخوان يدلنا على كيفية رفع الصوره او موقع ندرج به الصوره وللجميع تحياتي وتقديري

[اميرالصمت]

على بـ400اذا بعت رساله على الخاص

[d7oom911]

500 وجاااد وانا والله ادور على icom 2gxat من زمان اذا لك نيه اتصل على وانا بجده 0557031055 واذا ما تخارجك عطني حدك على الخااص ولا اتصل ..... وشكرا

[متابع]

600 ريال للجهاز icom 2gxat و انا اتحمل قيمة الشحن لمكة

[استيشن الرياض]

سومه طيبه من وجيه اطيب لاكن والله الجهاز اخو الجديد وبكراتينه وكامل ملحقاته وثلاث اناتن ومعه جميع شواحنه الثلاث الاصلية وثلاث بطاريات اصليه وراح انتظر سوماتكم وكلكم اخوان اعزاء ولكم شكري وتقديري جميعا وتجدون رابط الصوره http://up.arb-up.com/i/00115/z3k2hjhaycwg.jpghttp://up.arb-up.com/i/00115/z3k2hjhaycwg.jpg

[ابوناصر426]

تبيعني الايكوم v8
ب 350
تراني صامل وابيه لاني بطلع للبر، اذا وافقت تقابلنا الليلة
بشرط يكون الايكوم اصلي

[d7oom911]

750 ل icom 2gxat

[استيشن الرياض]

مساء الخير جميعا انا والله احاول الرد على الاخوان عشان اكون متواصل معكم جميعا ولا احد يزعل اني مارد عليه بالنسبه للاخ ابو ناصر ناصر سومة طيبه من وجه اطيب والايكوم v8 الجهاز نضيف واصلي على الشرط ومعه شاحن اصلي وبطارية ايكوم الاصلية ومعه انتل سحاب لزيادة المدى وانت تعرف سعر الانتل السوبر يتراوح من 70 الى 100 يعني عطني قيمة زينه وابشر بسعدك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
بالنسبة للاخ دحومي سومه طيبه من وجه اطيب والله يالغالي ودي لك كل خير لاكن الجهاز شبه جديد ومع نضافته وملحقاته مو هذا سعره وشوف السوق وشاور واطلع واتمنى لك كل توفيق يالغالي

[d7oom911]

الله يسلمك اخوي استيشن الرياض طيب عطني حدك وانشالله مانختلف.

[ابوناصر426]

مرحبا بستيشن الرياض
خلك رجال سمح، تبيعنيه بسومتي، تراني صامل، وموقعي بالرياض، كانك بتبيعني عطني رقمك واتصل عليك الان.

[ابوناصر426]

يا خوي، انا صامل كانك بتبيعني الايكوم اليدوي ب 400 ريال
عطني رقمك
وان مابعتني الله يرزقك بالشراي الصامل

[استيشن الرياض]

الاخ ابو ناصر اكتب لى جوالك الان برساله على الخاص وانا بتصل عليك لاانه لايمكنني الرد مشاركاتي بالموقع لم توصل الحد المطلوب للرد والى هي 50 مشاركة
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
بالنسبة للاخ دحومي وين موقعك وكم سومتك النهائية لااني بطلع الان من النت

[ابوناصر426]

الاخ ابو ناصر اكتب لى جوالك الان برساله على الخاص وانا بتصل عليك لاانه لايمكنني الرد مشاركاتي بالموقع لم توصل الحد المطلوب للرد والى هي 50 مشاركة


ارسلت لك الرقم على الخاص

[d7oom911]

800 وموقعي جده وش قلت؟

[d7oom911]

والله انه حدي 800 وموقعي جده اذا انها ما تخارجك الله يرزقك البيعه الطيبه

[استيشن الرياض]

ابو ناصر رقمك ناقص رقم بالنسبة للاخ دحومي والله كان بودي انت وجه طيب وتستاهل لاكن انا بعيد شوي عن سومتك واتمنى لك التوفيق

[SKY CRUISER]

السلام عليكم

أخوي ستيشن أناأرسلت لك رقمي على الخاص وأنافي الرياض وجاد بالشراء

تحياتي لك ،،

[ربيتر]

استيشن الرياض كم وصلت الاغراض كلها مجموعها كم السومه

ابي اسوووووووم انا باالرياض

[متابع]

استيشن انا ارفع سومتي بالنسبة الجهاز الاول 850 ريال و اتحمل مصاريف الشحن لمكة

[البتار2011]

اخوي استيشن الرياض .... كم سعر الجهاز الاول جديد ؟؟ وانا اسوم .. اول مرة اشوفه .. هل فيه فرق من خلال تجربتك بين الاول والثاني ؟؟ وهل هي تسوى ؟؟

[حائلي20]

اليدوي كم حدك فيه تراني صامل ممكن علي الخاص وانا من حائل وانت من وين ؟ وهل هو اصلي ام صيني وهل تم فكه ام لا

[استيشن الرياض]

الاخوان الاعزاء بالنسبة للجهاز icom v8 تم بيعه والله يرزق صاحبه ويعطيه خيره ويكفيه شره بالنسبة للجهاز الثاني 2gxat لازال تحت السوووم والله يوفق الجميع

[استيشن الرياض]

تحية واحترام وتقدير لكل الى بالموقع احيطكم علما بأن جميع الجهازين المعروضه للبيع تم بيعها والله يرزق اصحابها والمعذره من الاخوان واتمنى للجميع التوفيق - اخوكم استيشن الرياض

[maaaan]

السلام عليكم كم حدك في الجهاز الله يحفظك