مشاهدة النسخة كاملة : الصوف &القماشات &البكره
عبقري زمانوه
26/01/2010, 02:36 AM
السلام عليكم
انا توي فاحص الموتر (سفاري 2003)عند ورشه قالو يبيلك :
صوفه صدر +بكره !
صوفه دبل داخليه !
قماشات جلنط !
وتصفيه مكينه
واذا ماعليكم امر تكفون من وين ازين محل اشتريهن منه وتكون اصليه او يابانيه
وابي الورش الزينه لان الي يبي يفك ما ودي يلعب بوه ؟
وهل العضيب يعرفون لوه ؟
تكفون افيدوني جزاكم الله خير
_دربيل_999
26/01/2010, 02:42 AM
اخوي
ورشة التركي ورشة متخصصة في الباترول..
الشباب بيعطونك بعون الله رقم تتصل لتصل للورشة المذكورة..
وفقك الله..
الروقي
سوبر VTC
26/01/2010, 03:10 AM
حياك
توجد ورشة التركي بالصناعيه القديمة تخصص باترول
و توجد في بريدة ورشة متخصصة
حدد اللي تبي و ان بغيت الارقام علمن
موفق
عبقري زمانوه
26/01/2010, 03:18 PM
يعطيكم العافيه يا اخوان
بس ممكن وصف اورقم ورشه التركي الي بالصناعيه
وانا حاليا بالرياض
عبقري زمانوه
26/01/2010, 07:00 PM
اخوي انا رحت لعده ورش يقولون ان صوفه الصدر والبكره مافيها شي .والفحص الي فحصته يقوول انه بوه شئ
وهل صوفه الدبل الداخلي في احد واجد يزبطها ؟
والبواجي في بواجي بـــ90وبواجي بـــ250ريال ؟وش الفرق وايهن احسن
سوبر VTC
26/01/2010, 08:50 PM
بخصوص الوصف و الرقم
لك رسالة على الخاص
البواجي اللي ب250 افضل
الشمعه قوية و افضل من العادية
و تعيش معك حتى 150الف كيلو :good:
لاتنسى ايضا تغيير صفاي البنزين و فلتر الهواء
يفرق معك بالعزم و الصرفية
بالنسبة لتهريب صوفة الصدر
كل ورشة تعطيك راي و بعضهم حرامية نصب و احتيال
افضل تمر على 5ورش اقل شي
فيهم الصدوق و الكاذب
مر على التركي و ان شاء الله امورك زينة
موفق
برق بن رعد
27/01/2010, 12:48 AM
افضل من يبيع قطع الغيار محل بجانب وكالة نيسان في الصناعية القديمة ملاصق للوكالة من جهة الجنوب
عبقري زمانوه
27/01/2010, 01:18 AM
جزاك الله الف خير اخوي
بس عندي سوال وادري اني طولتها بالنسبه الى صوفه الدبل الداخلي هل فك الدبل راح ياثر عليه ؟
واني رحت سعرتها اليوم عند الورش تتراوح اسعار فك الدبل ما بين 300الى 450؟
هل هذه اسعارها الحقيقه ؟؟
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir