الجركل طلع الطلح براسي

[راعي المقانيص]

أحبتي وأخواني في الله أعضاء مكشات

السلام عليكم ورحمة الله وبركاته

أشتريت عدد 2 جراكل الكبيره الزرقاء سعة 220 لتر وكانت حقت صابون سائل سابقًا

وغسلتها بكلوركس وفيري وتايد وكبيت فيها أكياس ملح القصب ونقعتها بالماء قرابة أربع ايام وفوق هذا كله وديتها لحقين غسيل البستم وضربها باللي ضغط عالي وركبتها في السيارة وخضخت ابوها بكل المقاييس والمعايير

وحطيتها في الشمس خمس أيام قبل الغسيل وبعد الغسيل

وكل الي سويته ماخلا رائحة وطعم الصابون يروح نهائيا

الي يعرف لي طريقه تزيل رائحه وطعم الصابون من الجراكل الله يجزاه خير يدلني عليها وأكون له من الشاكرين أحبابي الكرام

[قاصد الصمان]

أحبتي وأخواني في الله أعضاء مكشات

السلام عليكم ورحمة الله وبركاته

أشتريت عدد 2 جراكل الكبيره الزرقاء سعة 220 لتر وكانت حقت صابون سائل سابقًا

وغسلتها بكلوركس وفيري وتايد وكبيت فيها أكياس ملح القصب ونقعتها بالماء قرابة أربع ايام وفوق هذا كله وديتها لحقين غسيل البستم وضربها باللي ضغط عالي وركبتها في السيارة وخضخت ابوها بكل المقاييس والمعايير

وحطيتها في الشمس خمس أيام قبل الغسيل وبعد الغسيل

وكل الي سويته ماخلا رائحة وطعم الصابون يروح نهائيا

الي يعرف لي طريقه تزيل رائحه وطعم الصابون من الجراكل الله يجزاه خير يدلني عليها وأكون له من الشاكرين أحبابي الكرام




جرب حمض الليمون مفعوله قوي في ازالة الروائح والطعم من تانكي السيارة
وينفع في الجراكل بس كثر من شوي وخله عدة ايام في ظهر الموتر
بإذن الله ينفع

[kaaaatm]

يبغاله فترة من الوقت بس

ولا اللي انت سويته كافي


بس خذها قاعدة قبل ما تشتري أي جركل قله حق شرب ...

[العارفه]

حط فيه شوي ماء واتركه بدون غطيان في الشمس0 لأن الشمس اذا بخرت الماء اللي فيه تخرج الروائح مع الأبخره000

[العاااازف]

ابوي الريحة والطعم مااتروح على طول
استعمله فترة للغسيل
فيه بخور ((مستكة)) بخر فيه وإن شاء الله تخف الريحة والطعم
((كلامي من واقع تجربة شخصية))

[رحال الرياض.]

اخوي حط بحص وكنكري مع ماء ورجه يقوم البحص بجلى البرميل انا مجرب
خل الاولاد يدورونه ولا تملاه

[الشنه]

يا رجال بتتعب معه
خذ جركل ثالث وخله للأكل والشرب
وهالمصوبنه حولها على المطبخ
للغسيل والوضو للصلاه
وحتى بترتاح اذا نست الصابون
هههههههههه
المويه صابونها منها وفيها
بتطول معك لكن الطعم والريحه بتخف شوش شوش

[المعرقب]

مشكلتك بسيطه جدا جدا والحل مايتعدا خمسه ريال
اشترلك بودره حقت الكيك كمبودر وكبها في الجركل وحكم اغلاقه وصبلك مويه ربع الجركل
وقم بدحرجته
وبعدين كب المويه وغسله وشف نتيجه

[سعيد بن سعد]

لو تلاحظ في تعليمات تخزين مياه الشرب يقولك ابعدها عن المواد ذات الرائحة النفاذة مثل الكلوركس والصوابين لإنها تتغلغل في عمق البلاستيك نفسه فمهما غسلت الجركل ينغسل من الطبقة الملامسة للمويه لكن الريحة اصلاً متغلغلة في الطبقة الداخلية للبلاستيك .
وأظن ان الحل تركها في الهواء الطلق والشمس لمدة طويلة وتشييكها من فترة لآخرى .

[سالم11]

ببسي وسفن وخله يوم كامل وتشوف يروح الصابون

[ذيب ساقان]

صنفره بالرمل يالغالي

[هويدي]

سبق وكان لي تجربه نفس تجربتك

جركل كبير وجركل صغير كلهن زرق حقات صابون

ماسويت فيهن شي غير الماء الحلو فقط عب وكب وكنت اخليبهن ماء يومين ثلاثه بعدين اكبه مع الوقت ضبط واصلح منهن شاهي ولا اروع ( يعني مثل ماتفضلو الاخوان خلها فتره للغسيل )

[سرهيد]

السلام عليكم

انا مثلك وغثني

ما نفع معه الا طول الاستخدام

يعني خله مدة كم شهر فقط للغسيل وبعده بيضبط معك

تقبل احترامي

[راعي المقانيص]

اسئل الله تعالى بان يجعل مثواكم جناته العلا وان يرحم والدينا ووالديكم وأن يحرم هالوجيه عن النار

يعجز اللسان عن تقديم الشكر والتقدير لكم احبتي في الله على تقديم نصائحكم الثريه

جزاكم الله كل خير

[باثفندر]

الكلام الأكيد اللي يسونه البنغالية في المحرقة يحطون أسيد ويخلطونه بماء ويجلس يوم وبعدها لاريحة ولاطعم !!!

[مسك الحجاز]

أخي الغالي أقترح عليك أن : تعمل شوية ليمون طازج وتقصعة مع القشر وحاول أن تطحن منه شوي مع القشر و مع شوية مره بس وخلها فترة في البرميل ،،، وعسى الله أن ينفع بها ،، مجرد أقتراح لك أخي الغالي ،،،

[معهم]

خذلك فحم اسود وخله كم يوم لأن الفحم الاسود يمتص الروائح جرب منت بخسران

[راعي المقانيص]

اسئل الله تعالى بان يجعل مثواكم جناته العلا وان يرحم والدينا ووالديكم وأن يحرم هالوجيه عن النار

يعجز اللسان عن تقديم الشكر والتقدير لكم احبتي في الله على تقديم نصائحكم الثريه

جزاكم الله كل خير

ونبي نجرب تجاربكم وحده ورا الثانيه ونشوف وش الي تشيل الريحه ونعطيكم النتائج

ولايمنع ان نسمع باقي اخواني المكشاتيين لعلنا نلقا حلول ثانيه

[((ابوملاك))]

الفحم الله يسلمك حط اهم شئ على الحواف يعني الوسط مو مهم

وعلى فكرة الفحم الله يكرمك اللي يربون قطاوه يحطونه مع الرمل ويمتص الريحه وجرب منت بخسران وبعدين طلعه واستخدم الفحم ولا ياثر عليه

[رفيع المقام]

أخي الكريم


جرب وضع ماء ساخن من السخان ((بس لا يكون الماء ساخن جداً مما قد يؤثر على البلاستك))وخل الجركل يبيت ليلة كامله أو أكثر وعقبها كب الماء..
بعدها اقلب الجركل عشان يفضى من الماء،
وان شاء الله تروح الريحة

[ابو سيـف]

((يا راعي المقانيص)) اول شيئ مبروك على الجراكل الجدد
وثانياً // نصيحتي لك بأن تتركهم (للزمن) هو إلي يقدر يتفاهم معهم ولا تتعب نفسك لأن تعبت قبلك بجركل طلع نخله براسي آخر شي حولته جركل خاص للكاز ..

[راعي المقانيص]

اخواني الاعزاء

مجهول

رفيع المقام

لكم كل شكري وتقديري وبيض الله وجيهكم على اضافة اقتراحاتكم وربي يجزاكم كل خير

اخوي هروووش

الله يبارك فيك ياغالي واذا تامر عليهن تراهن فدوه علشان تكمل الناقص وتعبيها قاز وديزل

ههههههههههههههههههههههههههههههه

لك كل شكري وتقدرير اخوي هرووش على تشريفك وتعليقك وجزاك الله كل خير

[ALRAGY]

جرب حط فيه ليمون كم يوم


وبعدها

حط فيه فحم يوم او يومين

[رحيل العمر]

انا الصراحة ما عندي علم
وقرأت الموضوع قلت لازم أرد

ماشاءالله الأعضاء ماقصروا إن شاءالله تستفيد من تجاربهم

الله يعطيك العافية

[أبو عمار الخالدي]

جب كيلو ليمون مع 3 ترنج

وقطعهن صغار ودخلهن فيه وعبه مويه وخله 3 ايام

لهن مفعول كويس مرررررررره

[عشانا]

اخاف ان الجركل مصنوع من مادة الصابون ولهذا لن تذهب الرائحة منه؟؟؟؟؟؟؟؟؟؟؟؟؟؟؟؟

[ابورايف]

انا اقول اتركة في الشمس او على ماقال سرهيد وهو الانسب
وتقبل مروري