كيف تختار تجميع عزبتك....عطنا شورك

[حد السيف]

الاخوة الاعزاء
كشاتة مكشات وزوارة
اسعد الله اوقاتكم بكل خير
خف البرد ودفيت وزانت الطلاعات وفزت الربيع الدفاء يساعدها ان شاءالله
موضوعنا للشباب اليوم كيف تختار عزبتك هل تشتريها جاهزة او تشتري جميع محتوياتها حسب ماتعتقد انها تفي بالفرض او تشتري القطعة حسب احتياجك حتى تكتمل العزبة وهل انت من يجددها كل سنة
عطنا علومك وشورك لا عدمناك يالغالي

محبكم اخيكم حد السيف

[كشات]

الاخ الغالي حد السيف

هلابك ومرحبا

بالنسبه لي

العزبه اشري كل قطعه لحالها (لاني انا ابخص من راعي المحل بحاجتي)

وبصراحه من ناحية التجديد لا اجددها ابدا

كل اللي اسويه في نهاية موسم الرحلات اني انظفها واغسلها واصفها زين واشيل كل شي ممكن يفسد مع حر الصيف

واقولها لك صريحه
راعي العزبه هو الشخص الاولى بترتيب عزبته وترجيع محتوياتها بعد الانتهاء من الكشته
لانه هو اللي يبخص اغراضه واماكنها بالعزبه
مايخلط الاشياء الضاره مثل(الفحم الابيض-مواد التنظيف)مع السكاكين والملاعق والصحون مثلا
كل شي له مكان محدد بالعزبه


هذا مالدي والله اعلم

[فارس نجد]

جزاك الله خير على هل مواضيع الحلوة اخوي حد السيف

اعتقد افضل شي ان الواحد يقسم اغراضة شي لطلعة عقب عصر او للتوقف في اثناء السفر و تحتوي على دافور او قز صغير مع عدة الشهي و القهوة و الفناجيل و يفضل تكون دائما في السيارة.
و المجموعة الثانية للطلعات اللي يصير فيها طبخ و تحتوي عيى قز كبير شوي و القدور .. الخ
بهذي الطريقة ما يضطر الواحد يزقلب شنطة كبيرة علشان شاهي عقب العصر ؟

[الجيب الربع]

أخي حد السيف

شراء العزبة الجاهزة هذا للعجل أما راعي المزاج فيجمع كل حاجة من مكان بريق من هنا وقدر من هناك وسكين من الرياض والدافور من السنيدي وعلى هالمنوال.

أنا عزبتي تجميع وقديمه وهي عزبتين وحده للشاهي ووحدة للطبخ ودايما جاهزة صيفا وشتاءا

بارك الله فيك

[صنوقه]

موضوع جميل بارك الله فيك
العزبة من رأيي أنها تجمع من عدة أماكن بحيث إنك تختار اللي أنت تحتاجه
فمثلاً إذا كنت أنت وربعك فقط لايتجاوزون ال 4 أشخاص
تثبت عزبتك على حول هالعدد . . .. وكل شخص يدي وش هو يبي
بس فيه أمور الجميع متفق عليها مثل : القدر ( نوعه ) ، الذراية ، المتاكي ، الرواق ، . . .
وفيه أمور تعتمد على حسب المكاشيت . . . . فمثلاً المكاشيت الأكثر من 5 أشخاص ، يحتاجون خيمة كبيرة شوي 4×4 أقل شي ، حتى تسير هي مطبخ ومجلس و . . . ، طبعاً البعض يفضل أن يجعل المطبخ منعزل ، ونا من وجهت نظري المفروض أنه مايكون منعزل والسبب :
1. تكون هناك مشورة بالطبخ ( كل واحد يعلم الثاني )
2. مايضيق صدر الطباخ
3. يسهل معاونت الطباخ . . . ..

لكن في بعض الأمور يفضل أن يكون المطبخ خارجي . . . وذلك في حالة المخيم الكبير

بارك الله فيكم
وفي أمان الله

[الضاحي]

السلام عليكم يا وجيه الخير

العزبة ومحتوياتها تعبر عن ذوق راعيها وحبه للمكشات

انا اختار عزبتي قطعة قطعة وعلى مهل ولا أغيرها الا في حالة تلف القطعة لان لذة الأكل والنكهة الرائعة تزيد مع الإستخدام (تقول زل ايراني :p ) وانا مثل ما قالوا الإخوان عندي عزبتين وحدة للشاى والقهوة والحليب والثانية للطبخ والنفخ وهي الكبيرة.

وانصح كل من يرغب في شراء عزبة الآ يشتري الجاهزة لأن معظم محتوياتها تكون خرطي .

وسلامتكم . :heart:

[وهبى]

بسم الله الرحمن الرحيم

السلام عليكم ياعضاء مكشات --

من حيث العزب فأنا لانصح بشراء الجاهزه من المحلات --وذلك لعدم جوده اللاغراض التى فيها
فأنصح بأن تشترى عزبه فاضيه وانت التى تجهزها بنفسك
1- عزبه الصبح او العصر وتكون صغيره الحجم لتضعها فى السياره دائما وتحتوى على
الشاى -الفهوه -السكر -حليب- بهارات -صيخ شواء - 2بريق شاى -1دله -بريق لزل القهوه-
ليف للدله-مركى لبريق والدله -\ذره -ولعه لشبوب- فناجيل -بيالات للشاى -دافور صغير--الـــــــــخ

2- عزبه للطبخ لمده من يومين الى اربع ايام طبع يلزم ان يكون حجمها مناسب لتوضع الاغراض
وتتكون -عدد 2 قدر لطبخ - مشخال للرز-صحن متوسط للرز -ملاس -بوادى للمرق -صفيحه للتقطيع البصل والثوم -معالق كبار للمرق- بهارات - مسمار- دارسين -لومى -هيل- ملح -الخ --دافور متوسط -شوله ام عينين تصفط- الخ


3- عزبه من 10 الى اكثر فأنا عندى عربانه قلص يتواجد بها من كل شئ من اغراض الكشته

وشكرااا اخوانى على المتابعه
اخوكم -ابو بندر الحربى
الكويت

[( برى بحرى)]

انا شخصيا ابحث عن افضل وارقى شىء وتلقانى كل قطعه اشتريها من محل
لانى اذا جلست وجلسات البر معدوده على الاصابع احب تكون جلسه مميزه بكل شىء
وأحب كل شىء يكون من ارقى المحلات لانها طلعات جميله وما تنسى

وبعض الاصداء ينتقدون عزبتى ويقولون حرام هذه الشغلات جايبها البر بس كل واحد له وجهه نظر

وسلامتكم

[أبو فراس]

السلام عليكم ورحمة الله وبركاته

عزبتي ما شريت لها الا الاشياء القليلة اما الباقي

اول ما شريت الشنطة فاضية وجيت للبيت وقلت يا ام فراس وش عندتس بالمستودع ما تبينه من المواعين ولقيت عنده الفناجيل اشكال وانواع وبيالات كذلك وبرقان ومن مجاميعة يعني ما شريت الا ابريق فواح الكبير والذرا تقريباً وطلعت الشنطة علينا بأخو البلاش

[big boss]

السلام عليكم ورحمة الله وبركاته

عزبتي ما شريت لها الا الاشياء القليلة اما الباقي

اول ما شريت الشنطة فاضية وجيت للبيت وقلت يا ام فراس وش عندتس بالمستودع ما تبينه من المواعين ولقيت عنده الفناجيل اشكال وانواع وبيالات كذلك وبرقان ومن مجاميعة يعني ما شريت الا ابريق فواح الكبير والذرا تقريباً وطلعت الشنطة علينا بأخو البلاش

ذا الرد كأني سامعه في الصمان

[الحزين]

نشكرك اخوي على هذا الموضوع.
بالنسبة لي انا مجمع عزبة الشاهي والقهوة بمزاجي بدون مشاركة احد.
وابشرك انها ماتنزل من الموتر

[أبو فراس]

السلام عليكم ورحمة الله وبركاته

اخوي الغالي big boss

معليش راح نقبلها منك

[المطلق]

أخوي حد السيف

ادخل على هذى الرابط

http://www.mekshat.com/vb/showthread.php?t=27451

وانشاء الله تعجبك العزبة

[حد السيف]

الاخوة الاعزاء
حياكم الله
هذا نبية وهذا نحتاجة حتى اصبحت هذي هي عزبتي بعد الحذف والتعديل :p بعد مرور اكثر من سنتين
غير البسط والروقات وكرسي الضو وان شاء الله سوف نوافيكم بصورة جامعة لك العزبة في اقرب طلعة للبر بعد كل الخير من رب العالمين
اللهم لك الحمد

http://www.mekshat.com/pix/upload/images7/mk4544_Picture-1190.jpg

اخواني الكرام شكرا لتفاعلكم ومرحبا بكم

محبكم اخيكم حد السيف

[ابو سايل]

اشكررررك اخوي حد السيف على هذا الموضوع

ولكني حبيت اطررح رايي لكم
انا مثلا عندي 3 عزب
عزبه للشاهي وتحتوي على (4برقان-معاميل(شاهي قهوة-حليب-زنجبيل-سكر)مركاب-ملقاط-تمر-بيالاتوفناجيل-ليفه-كبريت-سحله-دافور صغير)
عزبه طبخ صغيره وتحتوي على (3قدور-صحوون-ملاعق سكاكين..الخ-رز-بهارات-ملح-ليمون اسود دارسين هيل..الخ-دافور وسط)
عزبه كبيرة للرحلات طويله المدى وقشاشينها واجده

وهذي يعني هي عزبي وانا افضل انه بعد كل طلعه تغسل كل مواعينك عشان لاجيتا تروح مره ثانيه تلقاها جاهزه مرتبه

وتقبلوا سلامي
اخووكم ابو سايل

[كشوتي]

السلام عليكم ورحمة الله وبركاته

حد السيف الله يحييك هذا محل مواعين متنقل <=== كني اشوفك باسط فية بالصمان :D :D
يامال الغنيمة شكل الراتب كله رايح في شارع السبالة

[الدردغان]

اخوي ابو فراس لقد اعجبني موووووووووووووضوعك وقد سبق ان اخبرتني عنه شفاهة وجها لوجه
عمومآ انت عضو فعال في المنتدى مكشاتي فعال جدا لجلب الاعضاء والزوار
واقرب دليل انا دخلت وسجلت عشانك بااااااااااااااااي

[تبراق]

حد السيف


؟؟؟؟؟؟؟؟؟؟؟؟؟؟

[تبراق]

حد السيف

ليت ابو عبدالله يشوفك انت وعزبتك تدري اني اول ماشفتها اعتقت انها باب محل اواني منزلية وش ذا الفدور والبرقان يساتر
كفو والله انك راعي حزابة اكيدانك تكشة بمدرسة

[هاوي نفود]

واااااااااااااااااااااااااااااااااااااااااااااااوك ...

وشذا يا حد السيف ...

الحين هذي عزبة ولا محل أواني منزلية ...

تكفى طااااااااااااااااااااااااااااااالبك لا تعزمني على كشته معك ... بصراحة أخاف توزيع الشغل يخلي غسيل الصحون من نصيبي

[حد السيف]

الاخوة الاعزاء
الغالي كشوتي
بعض الكشاتة يستعير ملح او كبريت اوزيت
بس قدور وهذا اللي خلى العزبة بهذا الشكل هو ان القطعة تزيد غلاها كل ما تقادم بها الزمن
هاوي نفود
انت ظيف ولك كل الكرامة ومستحيل يجي دورك وتغسل المواعين
الاخوة الكرام شكرا لمروركم وتفاعلكم

محبكم اخيكم حد السيف