عرض خااااص علبة زيت المحرك بـــ سبعة ريالات فقط

[عاشق القهوة]

السلام عليكم ورحمة الله وبركاته
صباح \مساء الخير للجميع
كما في العنوان
كعادتي عندما اغير زيت الموتر
لم افكر قط في سعر العلبة
14 لو تفكر فيها تكون غالية
لا تقول انا قدري من المية وفوق
فكر فيها الفرق 50%
ما أحد جرب يروح الوكيل
انا رحت الوكيل عندنا ببريدة القفاري على طريق المدينة
وأكتشفت ان سعر العلبة بدال ماتكون 14 ريال صار 7 ريال
طبعاً السعر بالكرتون ففكر فيها

موترك ياخذ 8 علب 8 في 14 السعر عند البنشر =112
8 في 7 =56
الفرق النصف
خذ راحتك تبي تروح البنشري او تاخذ بالجملة
انتظر الردود

[عاشق القهوة]

......................

[طربان على صوت]

مشكور وماقصرت..والله اني ناوي احط الموضوع لكن سبقتن..

انا ياجماعة الخير اشري بالكرتون من عام 2006 الى الحين ولا شفت الا الخير والتوفير ..وكذالك السيفونات بالكرتون..

وجزاك الله الف خير ياصاحب الموضوع ..لي رجعة.







..

[مرقاب الشرق]

خابر العلبه 9 ريال بالجمله . انت متأكد وش نوع الزيت؟

[ابو عود]

وش نوع الزيت

انا اشتري الكرتون ب235 ريال

[الكااااااااشف]

يعطيك العاااااافية

على اطراء الموضوع الجميل والذي يدل على غيرة ابناء الوطن لبعضهم البعض

وحب الخير للأخرين.....

بالفعل توفير راااائع بهذه الطريقة في هذا المجال او اي مجال اخر ...

( نعم لهذه الطرق )

&

( كفى اتكااااااااااليه )

[عاشق القهوة]

الزيت سوبر جي تي
حتى لوكان بـــ 9 الفرق شاسع

[الصمان 2]

كرتون سوبر شل بــ 240 ÷ 24 علبة = 10 ريال للعلبة الواحدة .



طبعاً على حسب المنطقة .





.

[the sad]

جزاك الله خير ع الخبريه

[كاشت...]

وعليكم السلااام
مرحبا أخوي عاشق . . .
أنا هذي الطريقة مستخدمها من تقريبا 3 سنوات ...
أشتري كرتون زيت
و أغيره عند المحلات بـ 5 ريال ...
وبعدها أغلب المحلات ترفض انك تجيب الزيت معك , وبعضهم صار ياخذ 10 ريال ...
الصراحة هذي الطريقة توفر عليك شي مهوب بسيط ..:good2:
أشتري زيت Gtx من شارع الريل اللي في الغرابي . . .
أول مره شريته 215 - اخر مره 230 ريال
نجي نسحبها ... 230 نقسمها ع 24
تطلع 9,60
والبنشري يحسبها بـ 15 ريال
يعني الفرق في العلبة 5 ريال وشي ...
ولا تلقى عامل البنشري ينفخ الكبوت ويعاير الكفرات < يقال لك متفضل عليك

لا وأزيدك من الشعر بيت
الفلاتر وما ادراك ما الفلاتر ( السيفون )
كنت آخذه من البنشري بـ 25 > ولا يقولك أصلي . . .
وهو لاهوب أصلي ولا غيره :(
صرت آخذ السيفون من نفس المحل اللي آخذ منه الزيت تقريبا سعره من 6 - 10 ريال
وهو نفسه اللي يبيعه البنشري
يعني لو حسبناها كلها ع بعضها
يصير ياخذ عليك تقريبا 37 ريال إذا صرت مغير 5 علب زيت + سيفون

ليــــــــــــــــــــــــه ؟؟؟ أنا أحق بها وألا ;)

[جيبي جايزلي]

نوع الزيت الله لا يهينك وشو
لان سوبر شل تطلع العلبه 9 ريال

[طربان على صوت]

السلام عليكم ..

انا سلمكم الله اشري كرتون الزيت (سوبر جي تي) على 240 ريال والسيفونات (للكراون فكتوريا) وطني كرتون فيه 12 سيفون على 65-66 ريال وقالي الي باع علي تمشي على السيفون 10000 كم وانا احتياطاً امشي 5000كم-7000كم على السيفون الواحد..

واي استفسار انا بالخدمة

[الهاوي..]

الله يجزاك خير وماقصرت..

[سوبر VTC]

جزيت خيرا

السويد اللي بالمنتزه يبيع الترا سفن ب9ريال
طبعا افضل الترا على سوبر جتي

[الجمــــــــــــــل]

أنا من سنتين الحمدلله اشتري بالكرتون سوبر جي تي لكن سعره مب ثابت مره أخذه ب220 ومره يزيد ويوصل الى 260 واخر مره أخذته ب240 ريال من محل الأندلس بصناعيه عنيزة

[راعي شوق]

اخواني انا سويتها وتوهقت حقون البناشر عيوا لايغيرون لي الزيت

[ذيب زلفاوي]

ابوي الله يطول بعمره عنده محل بيع زيوت وانا اخذ من الزيت الي يحتاجه موتري يعني يطلع العلبه تقريبا 5 ريال او اكثر مادري بس يعني حنا نشتري الكراتين بالجمله وعندنا حفرة زيت انا الي اغير الزيت بنفسي
وترا تغيير الزيت مايبي شي بس حنا شعب خكري مايحب يشتغل والله مايستاهل البنشر 10 ريال عشان يفك الصره حقت الزيت ويركبها بعد شوي ويصب الزيت الجديد

[كاشت...]

اخواني انا سويتها وتوهقت حقون البناشر عيوا لايغيرون لي الزيت
لا توهق ولا شي أقرب رفاعه وفك الصره
وشب ع البريق :)