هل تمشي على هذا الطريق

[ابوناصر426]

السلام عليكم ورحمه الله وبركاته
فيه دروب الواحد يخشى يمشي فيها، مثلا لو وجدت طريق بس مغطى بالماء، هل تمشي فيه، بالنسبة لي امشي فيه اذا هو طريق رملي وانا عارفه بس اذا الطريق وسط فيضه مثل اللي بالصوره

http://www.mekshat.com/pix/upload03/images144/mk31353_img_0021.jpg

فهذا الطريق اخشى المرور منه واحاول اتجنبه خصوصا في الصمان، لان ارض الصمان اغلبها تطين اذا جاء المطر.

وين اهل الخبرة يدلون بدلوهم

[راع العوجاء]

يا عزيزي المشكلة مهوب في الطين فقط المشكلة انك لا تعلم هل توجد حفر في الدرب ولا ما فيه يعني يمكن تمشي ماتدري الا موترك يدحج في حفرة ثم لا تسأل وش بيصير :(

[غيث المزن]

جنب مع الأرض الوسيعه والزينه
وش الله حادكم تتباهون بمواتركم واعماركم وتطبون فيها ؟؟
الا اذا انت في مطر ومجبور جدن تدخل فيها ,, شف الطريق اللي تحس ان العالم داكينه دك

[ابوناصر426]

يا عزيزي المشكلة مهوب في الطين فقط المشكلة انك لا تعلم هل توجد حفر في الدرب ولا ما فيه يعني يمكن تمشي ماتدري الا موترك يدحج في حفرة ثم لا تسأل وش بيصير :(



الحفر شغلتها شغلة، بس ترى بعض الدروب لاصار الماء صافي يبين معك هو فيه حفر والا لا، بس انا انشد عن هالطرق اللي تجيك في الفياض وهي مطينة، الواحد لاوده يمشي على الربيع ويعفسه ولا وده يتهور ويمشي بالطريق اللي به ماء ثم يخفش به الموتر في الطين.

[ابوناصر426]

جنب مع الأرض الوسيعه والزينه
وش الله حادكم تتباهون بمواتركم واعماركم وتطبون فيها ؟؟
الا اذا انت في مطر ومجبور جدن تدخل فيها ,, شف الطريق اللي تحس ان العالم داكينه دك



انا انشد عن اللي احتد، والدروب اللي العالم داكتها تكون مغموره بالماء وماتدري جاها سيل وقلبها مطينة والا هي على ماهي عليه.

[abojamsh]

الله يعطيك الف عافيه

[علي الكيماوي]

ماحد الله.

[راع الشماليه]

الله يعطيك العافيه
دور الارض السهله

[مروي الظامي]

يقولون كلن عقله براسه ويعرف خلاصه
لكن انا بسألك هو انت تمشي هالطريق والا لا ؟؟؟؟؟:good2:

[ابوناصر426]

مشكور على مشاركتكم

سؤالي عن اللي انحد وجاه هالدرب بوجهه، هاذي صارت معي العام، مشيت وجاني ماء في وسط الخط مثل اللي بالصورة وعلى مسافة اكثر من 150 متر، والمشكلة ان يمين الخط ويساره مطينه، اضطريت اني احادي الخط وبغى الموتر ينشب في الطين لكن ربك ستر، اسال عن تجاربكم، وعن ردة فعلكم في مثل هالموقف.

[WAHAM4EVER]

يا شباب الرجال يقصد ما يبي يمشي على الربيع وفي نفس الوقت اذا المسافة طويله

[صقرحايل]

ماشاءالله تبارك الله
ويقولون انحش عن الداب وشجرته

[القنـاص2008]

اخواني بسيطة ويشوف له درب غيرة وبس

[a1Ruwais]

اذا كان الطريق قديم تقدر تمشي معه
لأنه تكون الأرض صلبة من السيارات

[العارفه]

:l :l اخوي ابوناصر426 00 ويهون الجميع
اذا الخط مأثور(قديم ومدكوك) مثل اللي بالصوره أمش معه لأن ارضه صلبه ولا تتأثر بالماء وماحوله هش وقابل للغراز((من واقع تجارب))0000 لكن اذا فيه خط يبرى للروض خلك في السعه اسلم لك؛؛ وش اللي حادك؟؟؟؟؟؟

[333]

وش اللي حادك ونا اخوك ابعد عن الشر وغنيله
عود مع دربك ودور درب ثاني ازين
ونا عن نفسي منب ماشي فيه لو و يش
ننتظر جديدك تقبل مرروي اخوك:333

[راعي الطلعات]

والله الي زي هذي تخوف ومخاطره المروره معها على نفسك وعلى سيارتك

اذكر مره امرحنا في فيضة وكان جنبنا منقع ماء وقام خويي يبي يبعد سيارتي شوي عن جلستنا وطاحة في نقعة ماء نبيها تطلع يمين يسار دبل ثقيل دبل خفيف واستخدمنا الدفلوك مافيه فايده وياله طلعة مع السحب والدف والحمدلله

مووضع جميل ويستحق المشاركه الفعاله

بيض الله وجهك

[abodhem]

بالنسبة لي افضل امشي بالدروب وسط المطر:r ولو فيها ماء ولا عمري غطست الا اذا طلعت عن الدرب وبالنسبة للصمان ارضه افضل بكثير من الحجرة لأن الحجرة اذا جاك سيل لبق ونم احسلك حتى لو انك مضطر :l

[باثفندر]

قس على الصباخ ،،، لابغيت تقطع صبخة كبيرة دورلك الدرب المدكوك حتى لو كان ناقع هو أسلم ،،،